ಬಾಲಕನ ಪುಸಲಾಯಿಸಿ ದೈಹಿಕವಾಗಿ ಬಳಕೆ : 13 ವರ್ಷದ ಬಾಲಕನಿಂದ ಗರ್ಭಿಣಿಯಾದ ಕಾಮುಕಿ

 31 ವರ್ಷ ಪ್ರಾಯದ ಮಹಿಳೆಯೊಬ್ಬಳು ತನ್ನ ಮನೆಗೆ ಆಗಾಗ ಬರುತ್ತಿದ್ದ 13 ವರ್ಷದ ಬಾಲಕನ ಪುಸಲಾಯಿಸಿ ದೈಹಿಕ ಸಂಬಂಧ ಬೆಳೆಸಿದ ಹಿನ್ನೆಲೆಯಲ್ಲಿ ಗರ್ಭಿಣಿಯಾಗಿದ್ದಾಳೆ.

sexual assault on children

ಕೊಲೆರಾಡೋ: 31 ವರ್ಷ ಪ್ರಾಯದ ಮಹಿಳೆಯೊಬ್ಬಳು ತನ್ನ ಮನೆಗೆ ಆಗಾಗ ಬರುತ್ತಿದ್ದ 13 ವರ್ಷದ ಬಾಲಕನ ಪುಸಲಾಯಿಸಿ ದೈಹಿಕ ಸಂಬಂಧ ಬೆಳೆಸಿದ ಹಿನ್ನೆಲೆಯಲ್ಲಿ ಗರ್ಭಿಣಿಯಾಗಿದ್ದಾಳೆ. ಅಮೆರಿಕಾದ ಕೊಲೆರಾಡೋದಲ್ಲಿ (Colorado) ಈ ಅಸಹ್ಯಕಾರಿ ಘಟನೆ ನಡೆದಿದೆ. 13 ವರ್ಷದ ಬಾಲಕನ ಮೇಲೆ ಮೋಹ ಹೊಂದಿದ್ದ ಮಹಿಳೆಯೊಬ್ಬರು ದೈನಂದಿನ ಕೆಲಸಗಳಿಗೆ ಸಹಾಯ ಮಾಡಲು ಆತನನ್ನು ಆಗಾಗ ತನ್ನ ಮನೆಗೆ ಕರೆಯುತ್ತಿದ್ದಳು. ಎಲ್ಲವೂ ಚೆನ್ನಾಗಿತ್ತು. ಆದರೆ ಒಂದು ದಿನ ಮಹಿಳೆ ಹುಡುಗನೊಂದಿಗೆ ದೈಹಿಕ ಸಂಬಂಧವನ್ನು ಬೆಳೆಸಿದಳು. ಪರಿಣಾಮ ಅವಳು ಗರ್ಭಿಣಿಯಾಗಿದ್ದಾಳೆ. 

ಅಮೆರಿಕದ ಕೊಲೊರಾಡೊ ನಗರದಲ್ಲಿ ಈ ಘಟನೆ ನಡೆದಿದೆ. 31 ವರ್ಷದ ಆಂಡ್ರಿಯಾ ಸೆರಾನೊ 13 ವರ್ಷದ ಬಾಲಕನ ಮೇಲೆ ಮೋಹ ಹೊಂದಿದ್ದಳು. ಹೀಗೆ ಬಾಲಕನ ಮೇಲೆ ಮೋಹಿತಳಾಗಿದ್ದ ಮಹಿಳೆ ಆತನನ್ನು ಮನೆ ಕೆಲಸಕ್ಕೆ ನೆರವಾಗುವ ನೆಪದಲ್ಲಿ ಮನೆಗೆ ಕರೆಸಿದ್ದಳು. ಇದಾದ ಬಳಿಕ ಇಬ್ಬರೂ ತಿಂಗಳುಗಟ್ಟಲೆ ಒಟ್ಟಿಗೇ ಇದ್ದರು. ಮನೆಯ ಸುತ್ತಮುತ್ತಲಿನ ಜನ ಕೂಡ ಆಂಡ್ರಿಯಾಳನ್ನು ಹುಡುಗನಿಗೆ ತಾಯಿ ಸಮಾನಳು ಎಂದೇ ಪರಿಗಣಿಸಿದ್ದರು. ಆದರೆ ಒಂದು ದಿನ ಇದ್ದಕ್ಕಿದ್ದಂತೆ ಆಂಡ್ರಿಯಾ ಹುಡುಗನೊಂದಿಗೆ ದೈಹಿಕ ಸಂಬಂಧವನ್ನು ಬೆಳೆಸಿದ್ದಳು ಬಳಿಕ ಈ ವಿಚಾರವನ್ನು ಯಾರಿಗೂ ಬಹಿರಂಗಪಡಿಸದಂತೆ ಕೇಳಿಕೊಂಡಿದ್ದಾಳೆ. 

ಆದರೆ ಅದ್ಹೇಗೋ ವಿಚಾರ ಬಯಲಾಗಿದ್ದು, ಬಾಲಕನ ಮೇಲೆ ಲೈಂಗಿಕ ದೌರ್ಜನ್ಯದ ಆರೋಪದ ಮೇಲೆ ಪೊಲೀಸರು ಆಂಡ್ರಿಯಾ ಸೆರಾನೊಳನ್ನು (Andrea Serrano) ಬಂಧಿಸಿದ್ದಾರೆ. ನಂತರ ಪ್ರಕರಣ ಕೋರ್ಟ್ ಮೆಟ್ಟಿಲೇರಿದಾಗ ಇಬ್ಬರ ನಡುವೆ ದೈಹಿಕ ಸಂಬಂಧವಿತ್ತು (physical relationship) ಎಂಬುದನ್ನು ಆಂಡ್ರಿಯಾ ಸೆರಾನೊ ಒಪ್ಪಿಕೊಂಡಿದ್ದಾಳೆ. ಅಲ್ಲದೇ ತಾನು ಗರ್ಭಿಣಿಯಾಗಿದ್ದು, ಬಾಲಕನ ಮಗುವಿನ ತಾಯಿಯಾಗಲಿರುವುದಾಗಿ ಹೇಳಿದ್ದಾಳೆ. ಮಹಿಳೆಯ ಸ್ಥಿತಿಯನ್ನು ಗಮನಿಸಿದ ನ್ಯಾಯಾಧೀಶರು (judge) 70,000 ಡಾಲರ್ (ಸುಮಾರು 56,62,000 ರೂ.) ಬಾಂಡ್ ಪಡೆದು ಆಕೆಯನ್ನು ಬಿಡುಗಡೆ ಮಾಡಿದ್ದಾರೆ. ಅಲ್ಲದೇ ಇಬ್ಬರ ನಡುವೆ ಒಪ್ಪಂದವನ್ನು ನಡೆಸಿದ ನ್ಯಾಯಾಲಯ 13 ವರ್ಷದ ಹುಡುಗನನ್ನು ಮಗುವಿನ ತಂದೆ ಎಂದು ಕರೆಯಲಾಗುವುದು ಎಂದು ಘೋಷಿಸಿತು.

ಅಲ್ಲದೇ ಪ್ರಕರಣವನ್ನು ಕೊನೆಗೊಳಿಸಲು ನ್ಯಾಯಾಲಯ ನಿರ್ಧರಿಸಿದೆ. ಆದರೆ ಇತ್ತ ಬಾಲಕನ ಕುಟುಂಬದವರು ನ್ಯಾಯಾಲಯದ ಈ ತೀರ್ಪಿಗೆ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ನನ್ನ ಮಗು ಯಾವಾಗಲೂ ಆ 31 ವರ್ಷದ ಮಹಿಳೆಯನ್ನು ತನ್ನ ತಾಯಿ ಎಂದು ಕರೆಯುತ್ತಿತ್ತು. ಆದರೆ ಈ ಮಹಿಳೆ ನನ್ನ ಮಗನ ಬಾಲ್ಯವನ್ನು ಕಿತ್ತುಕೊಂಡಿದ್ದಾಳೆ. ಇಷ್ಟು ಚಿಕ್ಕ ವಯಸ್ಸಿನಲ್ಲಿ ಈಗ ಆತ ತಂದೆಯಂತೆ ಬದುಕಬೇಕು. ಆಂಡ್ರಿಯಾ ನನ್ನ ಮಗನ ಸ್ಥಾನದಲ್ಲಿದ್ದರೆ ಮತ್ತು ನನ್ನ ಮಗ ಅವಳ ಸ್ಥಾನದಲ್ಲಿದ್ದರೆ, ಅದೇ ಕಾನೂನು ಅನ್ವಯಿಸುತ್ತದೆಯೇ? ಎಂದು ಬಾಲಕನ ತಾಯಿ ಪ್ರಶ್ನಿಸಿದ್ದಾರೆ. 

ಒಂದು ವೇಳೆ ಆಕೆ ಪುರುಷಳಾಗಿದ್ದರೆ ಹಾಗೂ ನನ್ನ ಮಗ ಹುಡುಗಿಯಾಗಿದ್ದರೆ ಈ ಪ್ರಕರಣ ವಿಭಿನ್ನವಾಗಿರುತ್ತಿತ್ತು. ಅವರು ಹೆಚ್ಚಿನ ವಿಚಾರಣೆ ನಡೆಸುತ್ತಿದ್ದರು. ಆದರೆ ಆಕೆ ಸ್ತೀ ಆದ ಕಾರಣ ನ್ಯಾಯಾಲಯ ಆಕೆಗೆ ಸಹಾನೂಭೂತಿ ವ್ಯಕ್ತಪಡಿಸಿದೆ ಎಂದು ಬಾಲಕನ ತಾಯಿ ಆರೋಪಿಸಿದ್ದಾರೆ.