ಕೊಹ್ಲಿ, ಸಿರಾಜ್ ರಿಟೇನ್‌, ಕೆಎಲ್‌ ರಾಹುಲ್ ಆರ್‌ಸಿಬಿ ಕ್ಯಾಪ್ಟನ್‌?
ಆರ್‌ಸಿಬಿ ಐಪಿಎಲ್ ರಿಟೆನ್ಶನ್‌ ವಿಚಾರದಲ್ಲಿ ಬಿಗ್‌ ಅಪ್‌ಡೇಟ್‌ ಬಂದಿದೆ. ಮೂಲಗಳ ಪ್ರಕಾರ ಆರ್‌ಸಿಬಿ ತನ್ನ ಮಾಜಿ ಆಟಗಾರ ಕೆಎಲ್‌ ರಾಹುಲ್‌ರನ್ನು ಹರಾಜಿನಲ್ಲಿ ಟಾರ್ಗೆಟ್‌ ಮಾಡುವುದು ಮಾತ್ರವಲ್ಲದೆ, ಅವರಿಗೆ ಕ್ಯಾಪ್ಟನ್‌ ಸ್ಥಾನ ನೀಡೋದಕ್ಕೂ ಉತ್ಸುಕವಾಗಿದೆ.
 )
Followಬೆಂಗಳೂರು (ಅ.28): ಮುಂಬರುವ ಐಪಿಎಲ್ ಹರಾಜಿನಲ್ಲಿ ಕೆಎಲ್‌ ರಾಹುಲ್ ಅವರನ್ನು ಆರ್‌ಸಿಬಿ ತನ್ನ ನಂಬರ್‌ ಒನ್‌ ಟಾರ್ಗೆಟ್‌ ಆಗಿ ಮಾಡಿಕೊಂಡಿದ್ದು, ಅವರನ್ನು ಎಷ್ಟು ದೊಡ್ಡ ಕೊಟ್ಟಾದರೂ ತಂಡಕ್ಕೆ ಸೇರಿಸಿಕೊಳ್ಳುವ ಇರಾದೆಯಲ್ಲಿದೆ. ಇನ್ನೊಂದೆಡೆ ಲಕ್ನೋ ಸೂಪರ್‌ ಜೈಂಟ್ಸ್ ತಂಡ ಕೆಎಲ್‌ ರಾಹುಲ್ ಅವರನ್ನು ತಂಡದಿಂದ ರಿಲೀಸ್‌ ಮಾಡೋದು ಕೂಡ ಖಚಿತವಾಗಿದೆ. ಕೆಎಲ್‌ ರಾಹುಲ್ ಅವರ ಸ್ಟ್ರೈಕ್ ರೇಟ್‌ ಬಹಳ ಕಡಿಮೆ ಎನ್ನುವ ಕಾರಣಕ್ಕೆ ಮುಖ್ಯ ಕೋಚ್‌ ಜಸ್ಟೀನ್‌ ಲ್ಯಾಂಗರ್‌ ಹಾಗೂ ಮೆಂಟರ್‌ ಜಹೀರ್‌ ಖಾನ್ ಅವರನ್ನು ತಂಡದಲ್ಲಿ ಉಳಿಸಿಕೊಳ್ಳುವ ಯಾವುದೇ ಆಸಕ್ತಿ ತೋರಿಲ್ಲ. ವಿರಾಟ್ ಕೊಹ್ಲಿ ಮತ್ತು ಮೊಹಮ್ಮದ್ ಸಿರಾಜ್ ಅವರನ್ನು RCB ತನ್ನ ಅಗ್ರ ಎರಡು ರಿಟೇನ್‌ ಆಗಿ ಉಳಿಸಿಕೊಳ್ಳಲಿದೆ. 18ನೇ ಋತುವಿನಲ್ಲಿ ಯಶ್ ದಯಾಳ್ ಕೂಡ ಫ್ರಾಂಚೈಸಿಗಾಗಿ ಆಡುವ ನಿರೀಕ್ಷೆಯಿದೆ.
RevSportz ವರದಿಯ ಪ್ರಕಾರ, ಆರ್‌ಸಿಬಿ ಕೆಎಲ್‌ ರಾಹುಲ್‌ಗೆ ಬಿಡ್ ಮಾಡೋದು ಖಚಿತ. ಫ್ರಾಂಚೈಸಿ ತನ್ನ ನಿರೀಕ್ಷೆಯ ಬೆಲೆಗೆ ಕೆಎಲ್‌ ರಾಹುಲ್ ಅವರನ್ನು ಖರೀದಿ ಮಾಡಿದಲ್ಲಿ, ಅವರು ಬೆಂಗಳೂರು ಮೂಲದ ತಂಡದ ಹೊಸ ನಾಯಕರೂ ಆಗಲಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹರಾಜಿನಲ್ಲಿ ರಿಷಬ್ ಪಂತ್ ಅಥವಾ ಇಶಾನ್ ಕಿಶನ್ ಅವರನ್ನು ಬಿಡ್ ಮಾಡಲಿದೆ. ಕೆಲವು ವರದಿಗಳ ಪ್ರಕಾರ, ಡೆಲ್ಲಿ ಕ್ಯಾಪಿಟಲ್ಸ್ ತಮ್ಮ ನಾಯಕನನ್ನು ಉಳಿಸಿಕೊಳ್ಳಲು ಬಯಸಿಲ್ಲ. ಇನ್ನು ಇಶಾನ್ ಕಿಶನ್ ಕೂಡ ಮುಂಬೈ ಇಂಡಿಯನ್ಸ್‌ ತಂಡ ತೊರೆಯುವುದು ಖಚಿತವಾಗಿದೆ.
ಹಾಲ್ ಆಫ್ ಫೇಮ್‌ ಗೌರವ ಪಡೆದ ಎಬಿಡಿ: ಮತ್ತೊಮ್ಮೆ ಕನ್ನಡಿಗರ ಹೃದಯಗೆದ್ದ ಮಿಸ್ಟರ್ 360!
ಫಾಫ್ ಡು ಪ್ಲೆಸಿಸ್‌ಗೆ 40 ವರ್ಷ ವಯಸ್ಸಾಗಿರುವುದರಿಂದ ಆರ್‌ಸಿಬಿ ನಾಯಕನನ್ನು ಹುಡುಕುತ್ತಿದೆ ಮತ್ತು ದೀರ್ಘಕಾಲದವರೆಗೆ ಮುಂದುವರಿಯುವ ನಾಯಕನನ್ನು ಮ್ಯಾನೇಜ್‌ಮೆಂಟ್ ಬಯಸಿದೆ. ರಾಹುಲ್ ಈಗಾಗಲೇ 2013-2016ರಲ್ಲಿ ತಂಡಕ್ಕಾಗಿ ಆಡಿದ್ದು, 19 ಪಂದ್ಯಗಳಲ್ಲಿ 37.90 ಸರಾಸರಿ ಮತ್ತು 145.29 ಸ್ಟ್ರೈಕ್ ರೇಟ್‌ನಲ್ಲಿ 417 ರನ್ ಗಳಿಸಿದ್ದಾರೆ. 2022 ರಲ್ಲಿ LSG ಅವರನ್ನು ಅವರ ನಾಯಕನಾಗಿ ನೇಮಿಸುವ ಮೊದಲು ರಾಹುಲ್ ಸನ್‌ರೈಸರ್ಸ್ ಹೈದರಾಬಾದ್ ಮತ್ತು ಪಂಜಾಬ್ ಕಿಂಗ್ಸ್ ಅನ್ನು ಪ್ರತಿನಿಧಿಸಿದ್ದರು. ಲಕ್ನೋ 2022 ಮತ್ತು 2023 ರಲ್ಲಿ ಪ್ಲೇಆಫ್‌ಗೆ ಪ್ರವೇಶಿಸಿತು ಆದರೆ ಹಿಂದಿನ ಋತುವಿನಲ್ಲಿ ಉತ್ತಮವಾಗಿ ಆಡಿರಲಿಲ್ಲ.
ಐಪಿಎಲ್ ಮೆಗಾ ಹರಾಜಿಗೆ ಬರಲು ರಿಷಭ್ ಪಂತ್ ಒಲವು; ಆರ್‌ಸಿಬಿಗೆ ಕರೆತರಲು ಬೆಂಗಳೂರು ಫ್ರಾಂಚೈಸಿ ರಣತಂತ್ರ?
