ಚೆಂಡಿಗೆ ಎಂಜಲು: ಅಂಪೈರ್ನಿಂದ ಸ್ಯಾನಿಟೈಸರ್ ಹಚ್ಚಿ ಸ್ವಚ್ಛತೆ
ಕ್ರಿಕೆಟ್ ಇತಿಹಾಸದಲ್ಲಿ ಮೊದಲ ಬಾರಿಗೆ ಇಂಗ್ಲೆಂಡ್ ಆಟಗಾರನೊಬ್ಬ ಆಕಸ್ಮಿಕವಾಗಿ ಚಂಡಿಗೆ ಎಂಜಲು ಹೆಚ್ಚಿದಾಗ ಅಂಪೈರ್ ಮಧ್ಯ ಪ್ರವೇಶಿಸಿ ಚೆಂಡಿಗೆ ಸ್ಯಾನಿಟೈಸರ್ ಹಚ್ಚಿ ಸ್ವಚ್ಛ ಮಾಡಿದ ಪ್ರಸಂಗ ಮ್ಯಾಂಚೆಸ್ಟರ್ ಟೆಸ್ಟ್ನಲ್ಲಿ ನಡೆದಿದೆ. ಈ ಕುರಿತಾದ ಒಂದು ರಿಪೋರ್ಟ್ ಇಲ್ಲಿದೆ ನೋಡಿ
ಮ್ಯಾಂಚೆಸ್ಟರ್(ಜು.20): ಕೊರೋನಾ ಸೋಂಕು ಹರಡಬಹುದು ಎನ್ನುವ ಭೀತಿಯಿಂದ ಚೆಂಡಿಗೆ ಎಂಜಲು ಹಾಕಿ ಉಜ್ಜಬಾರದು ಎನ್ನುವ ನಿಯಮವನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್ ಸಮಿತಿ (ಐಸಿಸಿ) ಜಾರಿ ಮಾಡಿದೆ.
ಆದರೆ ಇಲ್ಲಿ ವಿಂಡೀಸ್ ವಿರುದ್ಧ ನಡೆಯುತ್ತಿರುವ 2ನೇ ಟೆಸ್ಟ್ನಲ್ಲಿ ಇಂಗ್ಲೆಂಡ್ ಆಟಗಾರ ಡೊಮಿನಿಕ್ ಸಿಬ್ಲಿ ಆಕಸ್ಮಿಕವಾಗಿ ಚೆಂಡಿಗೆ ಎಂಜಲು ಹಾಕಿದರು. ತಕ್ಷಣ ಅಂಪೈರ್ ಸ್ಯಾನಿಟೈಸರ್ ಬಳಸಿ ಚೆಂಡನ್ನು ಸ್ವಚ್ಛಗೊಳಿಸಿದ ಪ್ರಸಂಗ ನಡೆಯಿತು. ಎಂಜಲು ಬಳಕೆ ಮಾಡಿದರೆ 2 ಬಾರಿ ಅಂಪೈರ್ಗಳು ಎಚ್ಚರಿಕೆ ನೀಡಲಿದ್ದು, 3ನೇ ಬಾರಿ ತಪ್ಪಾದರೆ ಪೆನಾಲ್ಟಿ ರೂಪದಲ್ಲಿ ಎದುರಾಳಿ ತಂಡಕ್ಕೆ 5 ರನ್ ಸೇರ್ಪಡೆಗೊಳ್ಳಲಿದೆ.
ಬಾಂಗ್ಲಾ ಕ್ರಿಕೆಟಿಗರ ಅಭ್ಯಾಸ: ಒಮ್ಮೆಗೆ ಒಬ್ಬರಿಗೆ ಪ್ರವೇಶ!
ಢಾಕಾ: ಕೊರೋನಾ ಸೋಂಕಿನ ಭೀತಿಯಿಂದಾಗಿ ಕ್ರಿಕೆಟ್ ಅಭ್ಯಾಸ ನಿಲ್ಲಿಸಿದ್ದ ಬಾಂಗ್ಲಾದೇಶ ಕ್ರಿಕೆಟಿಗರು ಭಾನುವಾರದಿಂದ ಅಭ್ಯಾಸ ಪುನರಾಂಭಿಸಿದ್ದಾರೆ. 9 ಆಟಗಾರರು ಅಭ್ಯಾಸಕ್ಕೆ ಮರಳಿದ್ದು, ಕೋವಿಡ್-19 ಮಾರ್ಗಸೂಚಿ ಪ್ರಕಾರ, ಒಮ್ಮೆಗೆ ಒಬ್ಬ ಕ್ರಿಕೆಟಿಗ ಮಾತ್ರ ಕ್ರೀಡಾಂಗಣಕ್ಕೆ ಪ್ರವೇಶಿಸಬೇಕು ಎಂದು ಬಾಂಗ್ಲಾದೇಶ ಕ್ರಿಕೆಟ್ ಮಂಡಳಿ (ಬಿಸಿಬಿ) ಸೂಚಿಸಿದೆ.
2ನೇ ಟೆಸ್ಟ್: ರೋಚಕ ಘಟ್ಟದತ್ತ ಆಂಗ್ಲೋ-ವಿಂಡೀಸ್ ಟೆಸ್ಟ್
ಒಬ್ಬ ಕ್ರಿಕೆಟಿಗನ ಜೊತೆ ಒಬ್ಬ ಟ್ರೈನರ್ಗೆ ಮಾತ್ರ ಕ್ರೀಡಾಂಗಣ ಪ್ರವೇಶಿಸಲು ಅವಕಾಶ ಸಿಗಲಿದೆ. ಕೆಲ ಆಟಗಾರರು ಢಾಕಾದಲ್ಲಿ ಅಭ್ಯಾಸ ನಡೆಸಿದರೆ, ಇನ್ನೂ ಕೆಲವರು ಸೈಲ್ಹೆಟ್ನಲ್ಲಿ ನೆಟ್ಸ್ ಅಭ್ಯಾಸ ನಡೆಸಿದರು. ಆಟಗಾರ ಹಾಗೂ ಟ್ರೈನರ್ ಪ್ರತ್ಯೇಕ ನೀರಿನ ಬಾಟಲ್, ಆಸನ, ಟಾಯ್ಲೆಟ್ಗಳನ್ನು ಬಳಕೆ ಮಾಡುವಂತೆ ಸೂಚಿಸಲಾಗಿದೆ.