* ಕಳಪೆ ಪಾರ್ಮ್ನಿಂದ ಬಳಲುತ್ತಿರುವ ಟೀಂ ಇಂಡಿಯಾ ಆರಂಭಿಕ ಬ್ಯಾಟರ್ ಮಯಾಂಕ್ ಅಗರ್ವಾಲ್* ರೋಹಿತ್ ಶರ್ಮಾಗೆ ಕೋವಿಡ್ ದೃಢಪಟ್ಟ ಬೆನ್ನಲ್ಲೇ ಅಗರ್ವಾಲ್ಗೆ ಬುಲಾವ್* ಭಾರತ-ಇಂಗ್ಲೆಂಡ್ ಎದುರಿನ ಏಕೈಕ ಟೆಸ್ಟ್ ಜುಲೈ 01ರಿಂದ ಆರಂಭ
ಲಂಡನ್(ಜೂ.28): ಮಯಾಂಕ್ ಅಗರ್ವಾಲ್ ಕರ್ನಾಟಕದ ಓಪನಿಂಗ್ ಬ್ಯಾಟರ್. ಇಂಟರ್ ನ್ಯಾಷನಲ್ ಕ್ರಿಕೆಟ್ ಕೆರಿಯರ್, ಕವಲು ದಾರಿ ಹಿಡಿದಿದೆ ಅನ್ನುವಾಗ್ಲೇ ಅದೃಷ್ಟ ಕೈ ಹಿಡಿದಿದೆ. ಭಾರತ ಟೆಸ್ಟ್ ತಂಡದಿಂದ ಡ್ರಾಪ್ ಆಗಿದ್ದ ಮಯಾಂಕ್ ಅಗರ್ವಾಲ್, ಕಳಪೆ ಫಾರ್ಮ್ನಿಂದ ಬಳಲುತ್ತಿದ್ದಾರೆ. ಆದ್ರೂ ಇಂಗ್ಲೆಂಡ್ ವಿರುದ್ಧದ ಏಕೈಕ ಟೆಸ್ಟ್ ಪಂದ್ಯಕ್ಕೆ ಕನ್ನಡಿಗನಿಗೆ ಬುಲಾವ್ ನೀಡಲಾಗಿದೆ. ಈಗಾಗ್ಲೇ ಇಂಗ್ಲೆಂಡ್ನಲ್ಲಿ ಟೀಂ ಇಂಡಿಯಾ ಸೇರಿಕೊಂಡಿದ್ದಾರೆ. 5ನೇ ಹಾಗೂ ಕೊನೆ ಟೆಸ್ಟ್ನಲ್ಲಿ ಮಯಾಂಕ್ ಅಗರ್ವಾಲ್ ಆಡಿದ್ರೂ ಆಶ್ಚರ್ಯವಿಲ್ಲ ಬಿಡಿ.
ರಾಹುಲ್ಗೆ ಇಂಜುರಿ. ರೋಹಿತ್ಗೆ ಕೋವಿಡ್:
ಕಳೆದ ವರ್ಷ ಇಂಗ್ಲೆಂಡ್ಗೆ ಹೋಗಿದ್ದ ಟೀಂ ಇಂಡಿಯಾ (Team India) ನಾಲ್ಕು ಟೆಸ್ಟ್ಗಳನ್ನಾಡಿ 2-1ರಿಂದ ಸರಣಿಯಲ್ಲಿ ಮುನ್ನಡೆ ಸಾಧಿಸಿತ್ತು. ಆದರೆ ಕೊನೆ ಟೆಸ್ಟ್ ಆರಂಭಕ್ಕೂ ಮುನ್ನ ಕೋವಿಡ್-19 (COVID 19) ಕಾಣಿಸಿಕೊಂಡಿದ್ದರಿಂದ 5ನೇ ಟೆಸ್ಟ್ ಅನ್ನ ಮುಂದೂಡಲಾಗಿತ್ತು. ಈಗ ಆ ಟೆಸ್ಟ್ ಆಡಲು ಇಂಗ್ಲೆಂಡ್ಗೆ ಹೋಗಿರೋ ಟೀಂ ಇಂಡಿಯಾಗೆ ಗಾಯ ಮತ್ತು ಕೋವಿಡ್-19 ಸಮಸ್ಯೆ ಕಾಡುತ್ತಿದೆ. ಇಂಗ್ಲೆಂಡ್ಗೆ ಫ್ಲೈಟ್ ಹತ್ತೋಕು ಮುಂಚೆ ವೈಸ್ ಕ್ಯಾಪ್ಟನ್ ಕೆ ಎಲ್ ರಾಹುಲ್ (KL Rahul) ಇಂಜುರಿ ಲಿಸ್ಟ್ಗೆ ಸೇರಿದ್ದರು. ಅವರ ಬದಲಿಗೆ ಯಾರನ್ನೂ ಆಯ್ಕೆ ಮಾಡಿರಲಿಲ್ಲ. ಈಗ ಕ್ಯಾಪ್ಟನ್ ರೋಹಿತ್ ಶರ್ಮಾ (Rohit Sharma) ಕೋವಿಡ್ನಿಂದ ಬಳಲುತ್ತಿದ್ದಾರೆ.
ಕಳೆದ ವರ್ಷ ಇಂಗ್ಲೆಂಡ್ ಟೂರ್ಗೆ ಹೋಗಿದ್ದ ಟೀಂ ಇಂಡಿಯಾದಲ್ಲಿ ಮಯಾಂಕ್ ಸ್ಥಾನ ಪಡೆದಿದ್ದರೂ ಟೆಸ್ಟ್ ಮಾತ್ರ ಆಡಿರಲಿಲ್ಲ. ಈ ವರ್ಷ ಸೌತ್ ಆಫ್ರಿಕಾ ಮತ್ತು ಶ್ರೀಲಂಕಾ ಟೆಸ್ಟ್ ಸರಣಿಯಲ್ಲಿ ಮಯಾಂಕ್ ವಿಫಲರಾಗಿದ್ದರಿಂದ ಇಂಗ್ಲೆಂಡ್ ಟೆಸ್ಟ್ ಪಂದ್ಯದಿಂದ ಡ್ರಾಪ್ ಆಗಿದ್ದರು. ಆದರೆ ಈಗ ಇಬ್ಬರು ಖಾಯಂ ಓಪನರ್ಸ್ ಅಲಭ್ಯರಾಗಿರೋದ್ರಿಂದ ಮಯಾಂಕ್ಗೆ ಬುಲಾವ್ ನೀಡಲಾಗಿದೆ. ಕೊರೋನಾ ಟೆಸ್ಟ್ನಲ್ಲಿ ನೆಗಟಿವ್ ಬಂದಿದ್ದು, ಈಗ ಅವರು ಏಕೈಕ ಟೆಸ್ಟ್ ಆಡಲು ಲಭ್ಯರಿದ್ದಾರೆ. ಇಂಗ್ಲೆಂಡ್ನ ಕೋವಿಡ್ ಪ್ರೋಟೋಕಾಲ್ಗಳು ಆರ್ಟಿ-ಪಿಸಿಆರ್ ಪರೀಕ್ಷೆಯು ನೆಗೆಟಿವ್ ಆಗಿದ್ದರೆ, ಕ್ವಾರಂಟೈನ್ ಅವಧಿಯ ಅಗತ್ಯವಿಲ್ಲ.
Ind vs Eng: ಭಾರತ ಎದುರಿನ ಬರ್ಮಿಂಗ್ಹ್ಯಾಮ್ ಟೆಸ್ಟ್ಗೆ ಬಲಿಷ್ಠ ಇಂಗ್ಲೆಂಡ್ ತಂಡ ಪ್ರಕಟ..!
ಟೆಸ್ಟ್ ಆರಂಭಕ್ಕೂ ಮುನ್ನ ರೋಹಿತ್ ಚೇತರಿಸಿಕೊಳ್ಳದಿದ್ದರೆ ಎಡ್ಜ್ಬಾಸ್ಟನ್ ಟೆಸ್ಟ್ನಲ್ಲಿ ಮಯಾಂಕ್ ಅಗರ್ವಾಲ್ (Mayank Agarwal) ಮತ್ತು ಶುಭ್ಮನ್ ಗಿಲ್ ಇನ್ನಿಂಗ್ಸ್ ಆರಂಭಿಸಲಿದ್ದಾರೆ. ಕಳೆದ ವರ್ಷ ನಾಲ್ಕೂ ಟೆಸ್ಟ್ನಲ್ಲೂ ಬೆಂಚ್ ಕಾಯ್ಸಿದ್ದ ಮಯಾಂಕ್, ಇಂಗ್ಲೆಂಡ್ನಲ್ಲಿ ಟೆಸ್ಟ್ ಆಡೋ ಆಸೆಯನ್ನ ಕೈಬಿಟ್ಟಿದ್ದರು. ಆದ್ರೆ ಕಳೆದ ವರ್ಷ ನನಸಾಗದ ಕನಸು, ಈ ವರ್ಷ ನನಸಾಗೋ ಸಾಧ್ಯತೆ ಇದೆ. ಯಾಕಂದರೆ ಟೀಂ ಇಂಡಿಯಾದಲ್ಲಿ ಶುಭ್ಮನ್ ಗಿಲ್ ಬಿಟ್ಟರೆ ಮಯಾಂಕ್ ಒಬ್ಬರೇ ಖಾಯಂ ಓಪನರ್ ಇರೋದು.
Ind vs Eng ರೋಹಿತ್ ಶರ್ಮಾಗೆ ಕೋವಿಡ್ ದೃಢ, ಇಂಗ್ಲೆಂಡ್ನತ್ತ ಮುಖಮಾಡಿದ ಮಯಾಂಕ್ ಅಗರ್ವಾಲ್..!
ಮಯಾಂಕ್ ಅಗರ್ವಾಲ್ ಡು ಆರ್ ಡೈ ಟೆಸ್ಟ್ :
ರೋಹಿತ್ ಶರ್ಮಾ, ಕೆ ಎಲ್ ರಾಹುಲ್, ಶುಭ್ಮನ್ ಗಿಲ್ (Shubman Gill) ಹೀಗೆ ಮೂವರು ಓಪನರ್ಸ್ ಇರೋದ್ರಿಂದ ಮಯಾಂಕ್ಗೆ ಟೆಸ್ಟ್ ಟೀಮ್ನಲ್ಲಿ ಸ್ಥಾನ ಇಲ್ಲದಂತಾಗಿದೆ. ಆದ್ರೆ ಕ್ಯಾಪ್ಟನ್-ವೈಸ್ ಕ್ಯಾಪ್ಟನ್ ಅನುಪಸ್ಥಿತಿಯಲ್ಲಿ ಈಗ ಆಡಲು ಚಾನ್ಸ್ ಸಿಗುತ್ತಿದೆ. ಸಿಕ್ಕ ಅವಕಾಶದಲ್ಲಿ ಉತ್ತಮ ಪ್ರದರ್ಶನ ನೀಡಿದ್ರೆ ಮಯಾಂಕ್ಗೆ ಉಳಿಗಾಲ. ಆಕಸ್ಮಾತ್ ವಿಫಲರಾದ್ರೆ ಮತ್ಯಾವತ್ತೂ ಅವರು ಟೀಂ ಇಂಡಿಯಾದಲ್ಲಿ ಕಾಣಿಸಿಕೊಳ್ಳುವುದು ಅನುಮಾನ.
