Asianet Suvarna News Asianet Suvarna News
breaking news image

T20 World Cup 2024: ಅಮೆರಿಕ ಎದುರು ದಕ್ಷಿಣ ಆಫ್ರಿಕಾವನ್ನು ಕಾಪಾಡಿದ ರಬಾಡ..!

ಮೊದಲು ಬ್ಯಾಟ್ ಮಾಡಿದ ದಕ್ಷಿಣ ಆಫ್ರಿಕಾ 20 ಓವರಲ್ಲಿ 4 ವಿಕೆಟ್‌ಗೆ 194 ರನ್ ಕಲೆಹಾಕಿತು. ಡಿ ಕಾಕ್‌ರ ಸ್ಫೋಟಕ ಆಟ (40 ಎಸೆತದಲ್ಲಿ 74 ರನ್)ದ ನೆರವಿನಿಂದ ಮೊದಲ 10 ಓವರಲ್ಲಿ 1 ವಿಕೆಟ್ ನಷ್ಟಕ್ಕೆ 101 ರನ್ ಚಚ್ಚಿದರೂ, ಆ ಬಳಿಕ ರನ್ ಗಳಿಕೆಯಲ್ಲಿ ವೇಗ ಕಳೆದು ಕೊಂಡಿತು. ಆದರೂ ಕೊನೆಯಲ್ಲಿ ಕ್ಲಾಸೆನ್‌ನ ಹೋರಾಟ ತಂಡವನ್ನು ಸ್ಪರ್ಧಾತ್ಮಕ ಮೊತ್ತ ತಲುಪಿಸಿತು.

T20 World Cup 2024 Quinton de Kock Kagiso Rabada help tame fighting USA in Super 8 kvn
Author
First Published Jun 20, 2024, 9:42 AM IST

ನಾರ್ಥ್‌ಸೌಂಡ್: ಗುಂಪು ಹಂತದಲ್ಲಿ ಪಾಕಿಸ್ತಾನಕ್ಕೆ ಆಘಾತ ನೀಡಿದ್ದ ಅಮೆರಿಕ, ಸೂಪರ್ -8 ಹಂತದ ಮೊದಲ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾವನ್ನು ಬಗ್ಗುಬಡಿಯುವ ನಿರೀಕ್ಷೆ ಮೂಡಿಸಿತ್ತು. ಕಗಿಸೋ ರಬಾಡ ಸಾಹಸ ತೋರದೆ ಹೋಗಿದ್ದರೆ, ದ.ಆಫ್ರಿಕಾಕ್ಕೆ ಟೂರ್ನಿಯಲ್ಲಿ ಮೊದಲ ಸೋಲು ಎದುರಾಗುತ್ತಿತ್ತೇನೋ. 18 ರನ್‌ಗಳ ಗೆಲುವಿನ ಅಂತರ ದೊಡ್ಡದಾಗಿ ಕಂಡರೂ, ಹರಿಣ ಪಡೆಗೆ ಈ ಗೆಲುವು ನಿರೀಕ್ಷಿತ ಸಮಾಧಾನ ತಂದಂತೆ ಕಾಣುತ್ತಿಲ್ಲ.

ಮೊದಲು ಬ್ಯಾಟ್ ಮಾಡಿದ ದಕ್ಷಿಣ ಆಫ್ರಿಕಾ 20 ಓವರಲ್ಲಿ 4 ವಿಕೆಟ್‌ಗೆ 194 ರನ್ ಕಲೆಹಾಕಿತು. ಡಿ ಕಾಕ್‌ರ ಸ್ಫೋಟಕ ಆಟ (40 ಎಸೆತದಲ್ಲಿ 74 ರನ್)ದ ನೆರವಿನಿಂದ ಮೊದಲ 10 ಓವರಲ್ಲಿ 1 ವಿಕೆಟ್ ನಷ್ಟಕ್ಕೆ 101 ರನ್ ಚಚ್ಚಿದರೂ, ಆ ಬಳಿಕ ರನ್ ಗಳಿಕೆಯಲ್ಲಿ ವೇಗ ಕಳೆದು ಕೊಂಡಿತು. ಆದರೂ ಕೊನೆಯಲ್ಲಿ ಕ್ಲಾಸೆನ್‌ನ ಹೋರಾಟ ತಂಡವನ್ನು ಸ್ಪರ್ಧಾತ್ಮಕ ಮೊತ್ತ ತಲುಪಿಸಿತು.

ಸ್ಮೃತಿ ಮಂಧನಾ ಸತತ ಎರಡನೇ ಶತಕ; ದಕ್ಷಿಣ ಆಫ್ರಿಕಾ ವಿರುದ್ಧ ಭಾರತಕ್ಕೆ ಸರಣಿ ಜಯ

ಅಮೆರಿಕಕ್ಕೆ ಸ್ಟೀವನ್ ಟೇಲರ್ ಉತ್ತಮ ಆರಂಭ ಒದಗಿಸಿದರು. 14 ಎಸೆತದಲ್ಲಿ 24 ರನ್ ಸಿಡಿಸಿದರು. ಆ್ಯಂಡ್ರಿಯಸ್‌ ಗೌಸ್‌ರಿಂದಲೂ ಉತ್ತಮ ಬೆಂಬಲ ದೊರೆಯಿತು. ಮೊದಲ  5 ಓವರಲ್ಲಿ 1 ವಿಕೆಟ್‌ಗೆ 51 ರನ್ ಗಳಿಸಿದ ಅಮೆರಿಕ, ಮುಂದಿನ 5 ಓವರಲ್ಲಿ ಕೇವಲ 22 ರನ್ ಗಳಿಸಿ 3 ವಿಕೆಟ್ ಕಳೆದುಕೊಂಡಿತು.

ಏಕಾಂಗಿ ಹೋರಾಟ ಮುಂದುವರಿಸಿದ್ದ ಗೌಸ್‌ಗೆ ಹರ್ಮೀತ್ ಸಿಂಗ್ ಜೊತೆಯಾದರು. ಇವರಿಬ್ಬರ ಸ್ಫೋಟಕ ಆಟ ಅಮೆರಿಕದ ಪಾಳಯದಲ್ಲಿ ಜಯದ ಆಸೆ ಚಿಗುರಿಸಿತು. ಕೊನೆಯ 3 ಓವರಲ್ಲಿ ಗೆಲ್ಲಲು 50 ರನ್ ಬೇಕಿದ್ದಾಗ, 18ನೇ ಓವರಲ್ಲಿ ಶಮ್ಸಿ 22 ರನ್ ಚಚ್ಚಿಸಿಕೊಂಡರು. ಅಮೆರಿಕಕ್ಕೆ 12 ಎಸೆತದಲ್ಲಿ 28 ರನ್ ಬೇಕಿತ್ತು. ಆದರೆ, ರಬಾಡ 19ನೇ ಓವರಲ್ಲಿ ಕೇವಲ 2 ರನ್ ನೀಡಿ, ಅಮೆರಿಕದ ಆಸೆಗೆ ತಣ್ಣೀರೆರೆಚಿದರು. 

T20 World Cup 2024: ಬೆವರು ಸುರಿಸದೇ ಟೀಂ ಇಂಡಿಯಾ ಸೆಮೀಸ್‌ಗೇರುತ್ತೆ..! ಇಲ್ಲಿದೆ ಸಿಂಪಲ್ ಲೆಕ್ಕಾಚಾರ

ಕೊನೆಯ ಓವರಲ್ಲಿ 26 ರನ್ ಬೇಕಿದ್ದಾಗ ಸಹಜವಾಗಿಯೇ ಅಮೆರಿಕ ಒತ್ತಡಕ್ಕೆ ಸಿಲುಕಿ ಸೋಲಿಗೆ ಶರಣಾಯಿತು. ಗೌಸ್ 47 ಎಸೆತದಲ್ಲಿ ತಲಾ 5 ಬೌಂಡರಿ, ಸಿಕರ್‌ನೊಂದಿಗೆ ಔಟಾಗದೆ 80 ರನ್ ಸಿಡಿಸಿ ಗಮನ ಸೆಳೆದರು. 

ಸ್ಕೋರ್: 
ದ.ಆಫ್ರಿಕಾ 20 ಓವರಲ್ಲಿ 194/4 (ಡಿ ಕಾಕ್ ಈ ಹಂತದಲ್ಲಿ ತಂಡ ಒತ್ತಡಕ್ಕೆ 74, ಮಾರ್ಕ್‌ಮ್ 46, ಕ್ಲಾಸೆನ್ 36, ಸೌರಭ್ 2-21, ಹರ್ಮೀತ್ 2-24), 
ಅಮೆರಿಕ 20 ಓವರಲ್ಲಿ 176/6 (ಗೌಸ್ 80*, ಹರ್ಮೀತ್ 38, ರಬಾಡ 3-18) 
ಪಂದ್ಯಶ್ರೇಷ್ಠ: ಡಿ ಕಾಕ್

Latest Videos
Follow Us:
Download App:
  • android
  • ios