T20 World cup 2021; ನ್ಯೂಜಿಲೆಂಡ್ ಮಣಿಸಿದ ಆಸ್ಟ್ರೇಲಿಯಾ ಟಿ20 ಚಾಂಪಿಯನ್!
- ಫೈನಲ್ ಪಂದ್ಯದಲ್ಲಿ ನ್ಯೂಜಿಲೆಂಡ್ ತಂಡಕ್ಕೆ ಆಘಾತ
- ಕಿವಿಸ್ ಮಣಿಸಿ ಚೊಚ್ಚಲ ಟಿ20 ಟ್ರೋಫಿ ಗೆದ್ದ ಆಸ್ಟ್ರೇಲಿಯಾ
- ಆಸ್ಟ್ರೇಲಿಯಾಗೆ 8 ವಿಕೆಟ್ ಭರ್ಜರಿ ಗೆಲುವು
ದುಬೈ(ನ.14): T20 World cup 2021 ವಿಶ್ವಕಪ್ ಟೂರ್ನಿ ಚಾಂಪಿಯನ್ ಕಿರೀಟ ಆಸ್ಟ್ರೇಲಿಯಾ ಪಾಲಾಗಿದೆ. ಈ ಮೂಲಕ ಚೊಚ್ಚಲ ಟಿ20 ವಿಶ್ವಕಪ್ ಟ್ರೋಫಿ ಗೆದ್ದುಕೊಂಡಿದೆ. ಫೈನಲ್ ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ 8 ವಿಕೆಟ್ ಗೆಲುವು ದಾಖಲಿಸಿದೆ ಆಸ್ಟ್ರೇಲಿಯಾ, ಹೊಸ ಇತಿಹಾಸ ರಚಿಸಿದೆ.
ಟಿ20 ವಿಶ್ವಕಪ್ ಚಾಂಪಿಯನ್ಸ್:
2007, ಭಾರತ
2009, ಪಾಕಿಸ್ತಾನ
2010, ಇಂಗ್ಲೆಂಡ್
2012, ವೆಸ್ಟ್ ಇಂಡೀಸ್
20214, ಶ್ರೀಲಂಕಾ
2016,ವೆಸ್ಟ್ ಇಂಡೀಸ್
2021, ಆಸ್ಟ್ರೇಲಿಯಾ
ಮೊದಲು ಬ್ಯಾಟಿಂಗ್ ಮಾಡಿದ ನ್ಯೂಜಿಲೆಂಡ್ ತಂಡಕ್ಕೆ ನಾಯಕ ಕೇನ್ ವಿಲಿಯಮ್ಸ್ ದಿಟ್ಟ ಬ್ಯಾಟಿಂಗ್ ಪ್ರದರ್ಶನ ನೀಡಿದರು. ವಿಲಿಯಮ್ಸನ್ 85 ರನ್ ಸಿಡಿಸಿದರು. ಈ ಮೂಲಕ ನ್ಯೂಜಿಲೆಂಡ್ 4 ವಿಕೆಟ್ ನಷ್ಟಕ್ಕೆ 172 ರನ್ ಸಿಡಿಸಿತು.
173 ರನ್ ಟಾರ್ಗೆಟ್ ಪಡೆದ ಆಸ್ಟ್ರೇಲಿಯಾ ಆರಂಭದಲ್ಲೇ ನಾಯಕ ಆ್ಯರೋನ್ ಫಿಂಚ್ ವಿಕೆಟ್ ಕಳೆದುಕೊಂಡು ಆತಂಕ ಎದುರಿಸಿತು. ಫಿಂಚ್ ಕೇವಲ 5 ರನ್ ಸಿಡಿಸಿ ನಿರ್ಗಮಿಸಿದರು. ಆದರೆ ಡೇವಿಡ್ ವಾರ್ನರ್ ಹಾಗೂ ಮೆಚೆಲ್ ಮಾರ್ಶ್ ಹೋರಾಟದಿಂದ ಆಸ್ಟ್ರೇಲಿಯಾ ಮತ್ತೆ ಪಂದ್ಯದ ಮೇಲೆ ಹಿಡಿತ ಸಾಧಿಸಿತು.
ಅಬ್ಬರಿಸಿದ ಡೇವಿಡ್ ವಾರ್ನರ್ 38 ಎಸೆತದಲ್ಲಿ 4 ಬೌಂಡರಿ ಹಾಗೂ 6 ಸಿಕ್ಸರ್ ಮೂಲಕ 53 ರನ್ ಸಿಡಿಸಿ ಔಟಾದರು. ವಾರ್ನರ್ ಬಳಿಕ ಮಿಚೆಲ್ ಮಾರ್ಶ್ ಹಾಗೂ ಗ್ಲೆನ್ ಮ್ಯಾಕ್ಸ್ವೆಲ್ ಅಬ್ಬರ ಆರಂಭಗೊಂಡಿತು. ಕೇವಲ 31 ಎಸೆತದಲ್ಲಿ ಮಾರ್ಶ್ ಹಾಫ್ ಸೆಂಚುರಿ ಪೂರೈಸಿದರು. ಈ ಮೂಲಕ ಟಿ20 ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಅತೀ ಕಡಿಮೆ ಎಸೆತದಲ್ಲಿ ಹಾಫ್ ಸೆಂಚುರಿ ಸಿಡಿಸಿದ ಹೆಗ್ಗಳಿಕೆಗೆ ಪಾತ್ರರಾದರು.
ಟಿ20 ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಅತೀ ಕಡಿಮೆ ಎಸೆತದಲ್ಲಿ ಅರ್ಧಶತಕ;
31 ಎಸೆತ, ಮಿಚೆಲ್ ಮಾರ್ಶ್, v ನ್ಯೂಜಿಲೆಂಡ್, 2021
32 ಎಸೆತ, ಕೇನ್ ವಿಲಿಯಮ್ಸನ್ v ಆಸ್ಟ್ರೇಲಿಯಾ, 2021
33 ಎಸೆತ, ಕುಮಾರ ಸಂಗಕ್ಕಾರ v ಭಾರತ 2014
33 ಎಸೆತ, ಜೋ ರೂಟ್ v ವೆಸ್ಟ್ ಇಂಡೀಸ್, 2016
34 ಎಸೆತ, ಡೇವಿಡ್ ವಾರ್ನರ್ v ನ್ಯೂಜಿಲೆಂಡ್ 2021
ಮಾರ್ಶ್ ಅಜೇಯ ರನ್ ಸಿಡಿಸಿದರೆ, ಮ್ಯಾಕ್ಸ್ವೆಲ್ ಅಜೇಯ 22 ರನ್ ಸಿಡಿಸಿದರು. ಈ ಮೂಲಕ ಆಸ್ಟ್ರೇಲಿಯಾ 2 ವಿಕೆಟ್ ಕಳೆದುಕೊಂಡು ಓವರ್ಗಳಲ್ಲಿ ಗುರಿ ತಲುಪಿತು. 8 ವಿಕೆಟ್ ಭರ್ಜರಿ ಗೆಲುವು ಕಂಡ ಆಸ್ಟ್ರೇಲಿಯಾ ಚೊಚ್ಚಲ ಟಿ20 ಟ್ರೋಫಿಗೆ ಮುತ್ತಿಕ್ಕಿತು.
ICC ಟೂರ್ನಿಯಲ್ಲಿ ಆಸ್ಟ್ರೇಲಿಯಾ ಸಾಧನೆ
ಏಕದಿನ ವಿಶ್ವಕಪ್ ಚಾಂಪಿಯನ್; 1987, 1999, 2003, 2007, 2015
ಚಾಂಪಿಯನ್ಸ್ ಟ್ರೋಫಿ; 2006, 2009,
ಟಿ20 ವಿಶ್ವಕಪ್: 2021
ಟಿ20 ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಮ್ಯಾನ್ ಆಫ್ ದಿ ಮ್ಯಾಚ್ ಪ್ರಶಸ್ತಿ ವಿಜೇತರು
(2007)ಇರ್ಫಾನ್ ಪಠಾಣ್ (3/16)
(2009)ಶಾಹೀದಿ ಆಫ್ರಿದಿ (54* & 1/20)
(2010)ಕ್ರೈಗ್ ಕೀಸ್ವೆಟರ್ (63)
(2012)ಮರ್ಲಾನ್ ಸಾಮ್ಯುಯೆಲ್ಸ್ (78 & 1/15)
(2014)ಕುಮಾರ ಸಂಗಕ್ಕಾರ (52*)
(2016)ಮರ್ಲಾನ್ ಸಾಮ್ಯುಯೆಲ್ಸ್ (85*)
(2021)ಮಿಚೆಲ್ ಮಾರ್ಶ್ (77*)
ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಪ್ಲೇಯರ್ ಆಫ್ ದಿ ಟೂರ್ನಮೆಂಟ್ ಪ್ರಶಸ್ತಿ ವಿಜೇತರು
ಶಾಹಿದ್ ಆಫ್ರಿದಿ (2007)
ತಿಲಕರತ್ನೆ ದಿಲ್ಶಾನ್ (2009)
ಕೇವಿನ್ ಪೀಟರ್ಸನ್ (2010)
ಶೇನ್ ವ್ಯಾಟ್ಸನ್ (2012)
ವಿರಾಟ್ ಕೊಹ್ಲಿ (2014)
ವಿರಾಟ್ ಕೊಹ್ಲಿ (2016)
ಡೇವಿಡ್ ವಾರ್ನರ್ (2021