* ಐಪಿಎಲ್ನ ಲೀಗ್ ಹಂತದ ಪಂದ್ಯಗಳಿಗೆ ಮಹಾರಾಷ್ಟ್ರದ 4 ಸ್ಟೇಡಿಯಂಗಳು ಆತಿಥ್ಯ* ಐಪಿಎಲ್ ಲೀಗ್ ಹಂತದ 70 ಪಂದ್ಯಗಳು ಮಹಾರಾಷ್ಟ್ರದ 4 ಸ್ಟೇಡಿಯಂನಲ್ಲಿ ಜರುಗಲಿದೆ* ಕೆಂಪು ಹಾಗೂ ಕಪ್ಪು ಮಣ್ಣಿನ ಪಿಚ್ ಹೇಗೆ ವರ್ತಿಸಲಿದೆ ಎನ್ನುವುದರ ಬಗ್ಗೆ ಇಲ್ಲಿದೆ ಕಂಪ್ಲೀಟ್ ಡೀಟೈಲ್ಸ್
ಬೆಂಗಳೂರು(ಮಾ.26): ಕಲರ್ ಫುಲ್ ಟೂರ್ನಿ ಐಪಿಎಲ್ (IPL) ಇಂದಿನಿಂದ ಕಿಕ್ ಆಫ್ ಆಗಲಿದೆ. ಮಹಾರಾಷ್ಟ್ರದ ನಾಲ್ಕು ಸ್ಟೇಡಿಯಂಗಳಲ್ಲಿ 10 ತಂಡಗಳು ಪ್ರಶಸ್ತಿಗಾಗಿ ಕಾದಾಡಲಿವೆ. ಮರಾಠರ ನಾಡಿನಲ್ಲಿ ಎಲ್ಲಾ 70 ಲೀಗ್ ಮ್ಯಾಚ್ಗಳು ನಡೆಯಲಿವೆ. ಈ ಸಲದ ಐಪಿಎಲ್ ಲೀಗ್ ಪಂದ್ಯಗಳು (IPL League) ನಡೆಯೋ ಸ್ಟೇಡಿಯಂಗಳತ್ತ ಒಮ್ಮೆ ಕಣ್ಣಾಡಿಸಿದ್ರೆ, ಈ ಸಲವೂ ಬೌಲರ್ಗಳ ಮಾರಣ ಹೋಮ ನಡೆಯೋದು ಗ್ಯಾರಂಟಿ.
ವಾಂಖೆಡೆ ಸ್ಟೇಡಿಯಂ: 20 ಪಂದ್ಯಗಳು
ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ (Wankhede Stadium) ಈ ಸಲದ ಐಪಿಎಲ್ನ 20 ಮ್ಯಾಚ್ಗಳು ನಡೆಯಲಿವೆ. ಕೆಂಪು ಮಣ್ಣಿನಿಂದ ಮಾಡಿರುವ ಪಿಚ್ ಸ್ಪರ್ಧಾತ್ಮಕವಾಗಿದೆ. ಬಾಲ್ ಬೌನ್ಸ್ ಸಹ ಆಗುತ್ತೆ. ಬ್ಯಾಟ್ಗೆ ಈಸಿಯಾಗಿ ಸಿಗುತ್ತೆ ಕೂಡ. ಈ ಪಿಚ್ ಸ್ಪಿನ್ನರ್ಗೆ ಹೆಚ್ಚು ಸಹಾಯವಾಗುತ್ತೆ. ಆದರೆ ಬೌಂಡ್ರಿ ಸೈಜ್ ಚಿಕ್ಕದಾಗಿದೆ. ಹಾಗಾಗಿ ಬಿಗ್ ಹಿಟ್ಟರ್ಸ್ ಭರ್ಜರಿ ಶಾಟ್ಗಳನ್ನ ಹೊಡೆದ್ರೆ, ಬಾಲ್ ಸ್ಟೇಡಿಯಂ ದಾಟಿ ಹೋಗಲಿದೆ. ಅಲ್ಲಿಗೆ ವಾಂಖೆಡೆ ಸ್ಟೇಡಿಯಂನಲ್ಲಿ ಈ ಸಲ ಬೌಂಡರಿ-ಸಿಕ್ಸರ್ಗಳ ಸುರಿಮಳೆಯಾಗೋದಂತೂ ಗ್ಯಾರಂಟಿ. ಆದರೆ ಹೊಡೆಯೋ ತಂಡ ಯಾವುದು ಅನ್ನೋದೇ ಕುತೂಹಲ.
ಬ್ರಾಬೋರ್ನ್ ಮೈದಾನ: 15 ಮ್ಯಾಚ್ಗಳು
ಮುಂಬೈನ ಬ್ರಾಬೋರ್ನ್ ಸ್ಟೇಡಿಯಂ ಪಿಚ್ ಸಹ ಕೆಂಪು ಮಣ್ಣಿನಿಂದಲೇ ತಯಾರಿಸಲಾಗಿದೆ. ಹೆಚ್ಚೂಕಮ್ಮಿ ವಾಂಖೆಡೆ ಸ್ಟೇಡಿಯಂ ತರವೇ ಇದೆ. ಸ್ಪರ್ಧಾತ್ಮಕ ಪಿಚ್. ಸ್ಪಿನ್ನರ್ಸ್ಗೆ ಹೆಲ್ಪ್ ಆಗಲಿದೆ. ಬಾಲ್ ಬೌನ್ಸ್ ಸಹ ಆಗಲಿದೆ. ಬ್ಯಾಟರ್ಗಳಿಗೆ ಎಷ್ಟು ನೆರವಾಗುತ್ತೋ ಅಷ್ಟೇ ಬೌಲರ್ಗಳಿಗೂ ನೆರವಾಗಲಿದೆ. ಹಾಗಾಗಿ ಸ್ಪರ್ಧಾತ್ಮಕ ಪಿಚ್ನಲ್ಲಿ ಯಾರು ಮೊದಲು ಬ್ಯಾಟಿಂಗ್ ಮಾಡ್ತಾರೆ ಅನ್ನೋದು ಇಂಪಾರ್ಟೆಂಟ್ ಆಗಲ್ಲ. ಯಾರು ಕ್ರೀಸಿನಲ್ಲಿ ನಿಂತು ಮ್ಯಾಚ್ ವಿನ್ ಮಾಡ್ತಾರೆ ಅನ್ನೋದೇ ಮುಖ್ಯ.
ಡಿವೈ ಪಾಟೀಲ್ ಸ್ಟೇಡಿಯಂ: 20 ಪಂದ್ಯಗಳು
ಡಿವೈ ಪಾಟೀಲ್ ಸ್ಟೇಡಿಯಂ ಪಿಚ್ ಸಹ ಕೆಂಪು ಮಣ್ಣಿನಿಂದಲೇ ಮಾಡಿರೋದು. ಸ್ಪರ್ಧಾತ್ಮಕ ಪಿಚ್ ಆಗಿದ್ದು, ಬಾಲ್ ಹೆಚ್ಚು ಬೌನ್ಸ್ ಆಗಲಿದೆ. ಸ್ಪರ್ಧಾತ್ಮಕ ಪಿಚ್ಗಳಲ್ಲಿ ಈ ಪಿಚ್ ಸಹ ಒಂದು. ಬಿಸಿಸಿಐ ಚೀಫ್ ಪಿಚ್ ಕ್ಯೂರೇಟರ್ ತಪೋಸ್ ಚಟರ್ಜಿ ರೆಡಿ ಮಾಡಿರೋ ಪಿಚ್ ಆಗಿರೋದ್ರಿಂದ ತೀವ್ರ ಕುತೂಹಲ ಕೆರಳಿಸಿದೆ. ಪಿಚ್ ಹೇಗೆ ವರ್ತಿಸುತ್ತೆ ಅನ್ನೋದು ಮಾತ್ರ ನಿಗೂಢ.
IPL ಟೂರ್ನಿಯಿಂದಲೇ 100 ಕೋಟಿ ಜೇಬಿಗಿಳಿಸಿದ ಟಾಪ್ 5 ಕ್ರಿಕೆಟಿಗರಿವರು..!
ಎಂಸಿಎ ಮೈದಾನ: 15 ಮ್ಯಾಚ್ಗಳು
ಮುಂಬೈನ ಮೂರು ಸ್ಟೇಡಿಯಂನಲ್ಲಿ 55 ಐಪಿಎಲ್ ಪಂದ್ಯಗಳಿಗೆ ಆತಿಥ್ಯ ವಹಿಸಿದ್ರೆ, ಪುಣೆಯ ಎಂಸಿಎ ಮೈದಾನ 15 ಮ್ಯಾಚ್ಗಳಿಗೆ ಆತಿಥ್ಯ ವಹಿಸಲಿದೆ. ಮುಂಬೈನ ಮೂರು ಮೈದಾನದ ಪಿಚ್ಗಳು ಕೆಂಪು ಮಣ್ಣಿನಿಂದ ತಯಾರಿಸಿದ್ದು. ಆದರೆ ಪುಣೆ ಸ್ಟೇಡಿಯಂ ಮಾತ್ರ ಕಪ್ಪು ಮಣ್ಣಿನಿಂದ ತಯಾರಿಸಲಾಗಿದೆ. ಬೌಂಡ್ರಿ ಲೈನ್ ಸಹ ಚಿಕ್ಕದಾಗಿದೆ. ಹಾಗಾಗಿ ಇಲ್ಲಿ ಬೌಂಡ್ರಿ-ಸಿಕ್ಸರ್ಗಳು ಧಾರಾಳವಾಗಿ ಬರಲಿವೆ. ಸ್ಫೋಟಕ ದಾಂಡಿಗರು ಈ ಮೈದಾನ ರನ್ ಹೊಳೆಯನ್ನೇ ಹರಿಸಬಹುದು.
ಒಂದು ಸ್ಟೇಡಿಯಂನಲ್ಲಿ ಐದು ಪಿಚ್ಗಳು..!
ಎಲ್ಲಾ ನಾಲ್ಕು ಸ್ಟೇಡಿಯಂನಲ್ಲಿ ತಲಾ ಐದೈದು ಪಿಚ್ಗಳನ್ನ ಸಿದ್ದಪಡಿಸಲಾಗಿದೆ. ಒಂದೊಂದು ಪಂದ್ಯವನ್ನ ಒಂದೊಂದು ಪಿಚ್ನಲ್ಲಿ ಆಡಿಸಲಾಗುತ್ತೆ. ಪಿಚ್ಗಳನ್ನೂ ರೊಟೆಟ್ ಮಾಡಲಾಗುತ್ತೆ. ಕೆಂಪು ಮಣ್ಣಿನಿಂದ ತಯಾರಿಸಲಾಗಿರುವ ಪಿಚ್ನಲ್ಲಿ ಬಾಲ್ ಹೆಚ್ಚು ಸ್ವಿಂಗ್ ಆಗಲಿದೆ. ಆದರೆ ಕಪ್ಪು ಮಣ್ಣಿನಿಂದ ತಯಾರಿಸಲಾಗಿರುವ ಪುಣೆ ಪಿಚ್ ವೇಗದ ಬೌಲರ್ಸ್ಗೆ ಸಹಾಯವಾಗುತ್ತೆ. ಬೆಂಗಳೂರು, ಕೋಲ್ಕತಾ ಮತ್ತು ಡೆಲ್ಲಿ ಪಿಚ್ಗಳನ್ನೂ ಕಪ್ಪು ಮಣ್ಣಿನಿಂದಲೇ ತಯಾರಿಸಿರೋದು. ಇನ್ನು ಪಂದ್ಯ ವೀಕ್ಷಿಸಲು ಸ್ಟೇಡಿಯಂಗೆ ಪ್ರೇಕ್ಷಕರನ್ನ ಬಿಡಲಾಗುವುದು. ಹಾಗಾಗಿ ನಾಲ್ಕು ಸ್ಟೇಡಿಯಂಗಳಲ್ಲೂ ಆಡಿಯನ್ಸ್, ಬೌಂಡ್ರಿ-ಸಿಕ್ಸರ್ಗಳ ರಸದೌತಣ ವೀಕ್ಷಿಸಬಹುದು. ಈ ಸಲವೂ ಐಪಿಎಲ್ನಲ್ಲಿ ಬೌಲರ್ಗಳ ಮಾರಣ ಹೋಮ, ರನ್ ಹೊಳೆ ಹರಿಯೋದು ಗ್ಯಾರಂಟಿ.
