Asianet Suvarna News Asianet Suvarna News

ಪ್ರತಿ ಬಾರಿ ಕ್ರೀಸ್‌ಗಿಳಿ​ದಾಗ ಮೊದಲ 10 ಎಸೆ​ತ​ಗಳನ್ನು ಎದು​ರಿ​ಸುವಾಗ ಒತ್ತಡವಿರು​ತ್ತೆ: ಧೋನಿ

ನಾನು ಕೂಡಾ ಎಲ್ಲರಂತೆ ಮೊದಲ 5-10 ಎಸೆತಗಳನ್ನು ಎದುರಿಸುವಾಗ ಒತ್ತಡವನ್ನು ಅನುಭವಿಸುತ್ತೇನೆ ಎಂದು ಕ್ಯಾಪ್ಟನ್ ಕೂಲ್ ಖ್ಯಾತಿಯ ಮಹೇಂದ್ರ ಸಿಂಗ್ ಧೋನಿ ಹೇಳಿದ್ದಾರೆ. ಈ ಕುರಿತಾದ ರಿಪೋರ್ಟ್ ಇಲ್ಲಿದೆ ನೋಡಿ.

I feel pressure too like everyone else Says Former Captain MS Dhoni
Author
Chennai, First Published May 8, 2020, 11:02 AM IST
  • Facebook
  • Twitter
  • Whatsapp

ಚೆನ್ನೈ(ಮೇ.08): ಕೂಲ್‌ ಕ್ಯಾಪ್ಟನ್‌ ಎಂದೇ ಖ್ಯಾತಿ ಪಡೆ​ದಿ​ರುವ ಎಂ.ಎಸ್‌.ಧೋನಿ, ಕ್ರಿಕೆ​ಟಿ​ಗ​ರು ಎದು​ರಿ​ಸು​ವ ಮಾನ​ಸಿ​ಕ ಸಮಸ್ಯೆಗಳ ಬಗ್ಗೆ ಮಾತ​ನಾ​ಡಿದ್ದು, ತಾವು ಸಹ ಒತ್ತ​ಡಕ್ಕೆ ಒಳ​ಗಾ​ಗು​ವುದಾಗಿ ಹೇಳಿ​ಕೊಂಡಿ​ದ್ದಾರೆ. 

‘ಪ್ರತಿ ಬಾರಿ ಬ್ಯಾಟ್‌ ಮಾಡಲು ಕ್ರೀಸ್‌ಗಿಳಿ​ದಾಗ ಮೊದಲ 5-10 ಎಸೆ​ತ​ಗಳನ್ನು ಎದು​ರಿ​ಸು​ವ ವೇಳೆ ಒತ್ತಡದಲ್ಲಿ​ರು​ತ್ತೇನೆ. ಔಟಾ​ಗು​ತ್ತೇನೋ ಎನ್ನುವ ಆತಂಕವೂ ಇರ​ಲಿದೆ’ ಎಂದು ಧೋನಿ ಹೇಳಿ​ದ್ದಾರೆ. ಇದೇ ವೇಳೆ ಭಾರತ ತಂಡಕ್ಕೆ ಪೂರ್ಣಾ​ವ​ಧಿ ಮೆಂಟಲ್‌ ಕಂಡೀ​ಷ​ನಿಂಗ್‌ ಕೋಚ್‌ನ ಅಗ​ತ್ಯ​ವಿದೆ ಎಂದು ಸಹ ಧೋನಿ ಹೇಳಿ​ದ್ದಾರೆ.‘ಸದ್ಯ 15 ದಿನ​ಕ್ಕೊಮ್ಮೆ ಮೆಂಟಲ್‌ ಕಂಡೀ​ಷ​ನಿಂಗ್‌ ಕೋಚ್‌ ಆಟ​ಗಾ​ರ​ರನ್ನು ಭೇಟಿ ಮಾಡುತ್ತಾರೆ. ಆ​ದರೆ ಇದ​ರಿಂದ ತಂಡಕ್ಕೆ ಲಾಭ​ವಾ​ಗು​ವು​ದಿಲ್ಲ’ ಎಂದು ತಿಳಿ​ಸಿ​ದ್ದಾರೆ.

ಸಣ್ಣ ಸಮಸ್ಯೆಯಿದ್ದರೂ ಅದನ್ನು ಕೋಚ್‌ ಬಳಿ ಹೇಳಿಕೊಳ್ಳಲು ನಾವೆಲ್ಲ ಹಿಂಜರಿಯುತ್ತೇವೆ. ಅದು ಯಾವುದೇ ಕ್ರೀಡೆಯಾದರೂ ಸರಿ ಆಟಗಾರರ ಹಾಗೂ ಕೋಚ್ ನಡುವೆ ಉತ್ತಮ ಸಂಬಂಧವಿರಬೇಕು ಎಂದು ಧೋನಿ ಅಭಿಪ್ರಾಯಪಟ್ಟಿದ್ದಾರೆ.

ಟಿ20 ವಿಶ್ವ​ಕಪ್‌: ಇಂದು ಐಸಿ​ಸಿ ಜತೆ ಆಸೀಸ್‌ ಸಂಸ್ಥೆ ಮಹತ್ವದ ಸಭೆ

2019ರ ಏಕದಿನ ವಿಶ್ವಕಪ್ ಸೆಮಿಫೈನಲ್ ಸೋಲಿನ ಬಳಿಕ ಮಹೇಂದ್ರ ಸಿಂಗ್ ಧೋನಿ ಕ್ರಿಕೆಟ್ ಜಗತ್ತಿನಿಂದ ದೂರವೇ ಉಳಿದಿದ್ದಾರೆ. ಐಪಿಎಲ್‌ಗಾಗಿ ಚೆನ್ನೈಗೆ ಬಂದಿಳಿದು ಕೆಲಕಾಲ ನೆಟ್ ಪ್ರಾಕ್ಟೀಸ್ ಆರಂಭಿಸಿದರಾದರೂ ಕೊರೋನಾ ಭೀತಿಯಿಂದಾಗಿ ಟೂರ್ನಿ ಅನಿರ್ಧಿಷ್ಟಾವಧಿಗೆ ಮುಂದೂಡಲ್ಪಟ್ಟಿದೆ. ಹೀಗಾಗಿ ಕ್ರಿಕೆಟ್ ಭವಿಷ್ಯ ಮುಂದೇನು ಎನ್ನುವ ಪ್ರಶ್ನೆಗೆ ಸ್ಪಷ್ಟ ಉತ್ತರ ಸಿಕ್ಕಿಲ್ಲ. 
 

Follow Us:
Download App:
  • android
  • ios