ವಿಶ್ವ ಕ್ರಿಕೆಟ್‌ನಲ್ಲಿ ಧೋನಿ ದಿ ಬೆಸ್ಟ್ ಫಿನೀಶರ್ ಕೊನೆ 6 ಓವರ್‌ಗಳಲ್ಲಿ ಧೋನಿ ರನ್ ಸುರಿಮಳೆ ದಿಗ್ಗಜ ಕ್ರಿಕೆಟಿಗರನ್ನು ಹಿಂದಿಕ್ಕಿದ್ದಾರೆ ಧೋನಿ  

ಬೆಂಗಳೂರು(ಮಾ.25): ಮಹೇಂದ್ರ ಸಿಂಗ್ ಧೋನಿ. ಟೀಂ ಇಂಡಿಯಾಗೆ ಪದಾರ್ಪಣೆ ಮಾಡಿ 18 ವರ್ಷವಾಗಿದೆ. ಹಾಗೆ ಇಂಟರ್​ ನ್ಯಾಷನಲ್ ಕ್ರಿಕೆಟ್‌ಗೆ ಗುಡ್ ಬೈ ಹೇಳಿ ಎರಡು ವರ್ಷವೇ ಉರುಳಿದೆ. ವಯಸ್ಸು ಬರೋಬ್ಬರಿ 40. ಆದರೂ ಅವರ ಖದರ್ ಕಡಿಮೆಯಾಗಿಲ್ಲ. ಕೇವಲ ಟೀಂ ಇಂಡಿಯಾ ಪರ ಮಾತ್ರವಲ್ಲ, ಐಪಿಎಎಲ್ ಟೂರ್ನಿಯ ಡೆತ್ ಓವರ್​​ಗಳಲ್ಲಿ ಧೋನಿಯೇ ಕಿಂಗ್. ಕಾರಣ ಡೆತ್ ಓವರ್‌ಗಳಲ್ಲಿ ಬೌಲರ್‌ಗಳ ಮಾರಣ ಹೋಮ ಮಾಡಿದ್ದಾರೆ. 

ಐಪಿಎಲ್‌ನಲ್ಲಿ 15ರಿಂದ 20 ಅಂದರೆ ಕೊನೆ 6 ಓವರ್‌ಗಳಲ್ಲಿ ಅತಿಹೆಚ್ಚು ರನ್ ಹೊಡೆದಿರೋದು ಧೋನಿ. ಒಟ್ಟಾರೆ ಅಲ್ಲ, ಪ್ರತಿ ಓವರ್‌ನಲ್ಲೂ ಮಹಿ ಡಾಮಿನೆಂಟ್ ಮಾಡಿದ್ದಾರೆ. ಡೆತ್ ಓವರ್‌ಗಳಲ್ಲಿ ಸ್ಫೋಟಕ ಮಾಡೋ ಮೂಲಕ ರನ್ ಹೊಳೆಯನ್ನೇ ಹರಿಸಿದ್ದಾರೆ. ಮಹಿ ಮುಂದೆ ಡಿವಿಲಿಯರ್ಸ್, ಪೊಲ್ಲಾರ್ಡ್​, ಬ್ರಾವೋ, ಪಾಂಡ್ಯ, ಕೊಹ್ಲಿ, ರೈನಾ ಹೀಗೆ ಘಟಾನುಘಟಿ ಬ್ಯಾಟ್ಸ್‌ಮನ್‌ಗಳೆಲ್ಲಾ ಸೈಡ್ ಲೈನ್​ ಆಗಿದ್ದಾರೆ. ಆ ಮಟ್ಟಿಗೆ ಡೆತ್ ಓವರ್ಸ್‌ನಲಲ್ಲಿ ಹವಾ ಎಬ್ಬಿಸಿದ್ದಾರೆ ಧೋನಿ.

MS Dhoni ಬಳಿಕ ಮತ್ತೋರ್ವ ಸ್ಟಾರ್ ಕ್ರಿಕೆಟಿಗ ನಾಯಕತ್ವಕ್ಕೆ ಗುಡ್‌ ಬೈ..?

15ನೇ ಓವರ್.. 442 ರನ್​!
IPL​ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಪುಣೆ ಪರ ಆಡಿರುವ ಧೋನಿ, ನಂಬರ್ 5 ಸ್ಲಾಟಲ್ಲಿ ಬ್ಯಾಟಿಂಗ್ ಮಾಡ್ತಾರೆ. ಹಾಗಾಗಿ ಮಹಿ ಕ್ರೀಸಿಗಿಳಿಯೋದೇ 10 ಓವರ್‌ಗಳ ನಂತರವೇ. ಅವರು ಕ್ರೀಸಿನಲ್ಲಿ ಸೆಟಲ್ ಆಗೋಕೆ ಒಂದೆರಡು ಓವರ್​ ಆದ್ರೂ ಬೇಕಲ್ವಾ..? 15ನೇ ಓವರ್‌ನಿಂದ ಗೇರ್ ಬದಲಿಸೋ ಧೋನಿ, ಆ ಓವರ್‌ನಲಲ್ಲಿ ಬರೋಬ್ಬರಿ 442 ರನ್ ಬಾರಿಸಿದ್ದಾರೆ. IPL ಇತಿಹಾಸದಲ್ಲಿಯೇ 15ನೇ ಓವರ್​ನಲ್ಲಿ ಮಹಿ ಬಿಟ್ಟು ಬೇರೆ ಯಾರೂ ಅಷ್ಟು ರನ್ ಹೊಡೆದಿಲ್ಲ.

16ನೇ ಓವರ್​.. 476 ರನ್​
ಒಮ್ಮೆ ಗೇರ್ ಬದಲಿಸಿದ್ರೆ ಧೋನಿಯನ್ನ ಕಂಟ್ರೋಲ್ ಮಾಡೋಕೆ ಸಾಧ್ಯವಿಲ್ಲ ಬಿಡಿ. 15ನೇ ಓವರ್​ನಲ್ಲಿ ಆರ್ಭಟಿಸಲು ಸ್ಟಾರ್ಟ್​ ಮಾಡಿದ್ರೆ ಅದು ಹಾಗೆ ಕಂಟ್ಯುನ್ಯೂ ಆಗುತ್ತೆ. ಹಾಗಾಗಿ 16ನೇ ಓವರ್ ಒಂದರಲ್ಲೇ ಮಹಿ 476 ರನ್ ಸಿಡಿಸಿದ್ದಾರೆ. ಈ ಓವರ್​ನಲ್ಲಿ ಸ್ಪಿನ್ನರ್ಸ್​ ಜೊತೆ ಫಾಸ್ಟ್ ಬೌಲರ್ಸ್ ವಿರುದ್ಧವೂ ಡಾಮಿನೆಂಟ್​ ಸಾಧಿಸಿ, ರನ್ ಹೊಳೆಯನ್ನೇ ಹರಿಸಿದ್ದಾರೆ.

ನಾಯಕತ್ವದಿಂದ ಕೆಳಗಿಳಿದ ಧೋನಿಗೆ ಭಾವನಾತ್ಮಕ ಸಂದೇಶ ರವಾನಿಸಿದ ಕೊಹ್ಲಿ..!

17ನೇ ಓವರ್​.. 572 ರನ್​
17ನೇ ಓವರ್ ಅಂದ್ರೆ ಮ್ಯಾಚ್ ಮುಗಿಯೋಕೆ ಇನ್ನೂ 4 ಓವರ್ ಬಾಕಿ ಇರುತ್ತವೆ. ಆ ಓವರ್​ನಲ್ಲಿ ಅದ್ಭುತ ವೇಗದ ಬೌಲರ್ಸ್​ ದಾಳಿ ಮಾಡೋದು ಸಹಜ. ಆದ್ರೆ ಅಂತಹ ಬೌಲರ್​ಗಳ ಮಾರಣ ಹೋಮ ಮಾಡಿದ್ದಾರೆ ಧೋನಿ. 17ನೇ ಓವರ್​ನಲ್ಲಿ ಬರೋಬ್ಬರಿ 572 ರನ್ ಬಾರಿಸಿದ್ದಾರೆ.

18ನೇ ಓವರ್​.. 596 ರನ್​
ಧೋನಿ ಕೊನೆಯಲ್ಲಿ ಬ್ಯಾಟಿಂಗ್ ಮಾಡೋಕೆ ಬರೋದ್ರಿಂದ ಅವರು ನಾಟೌಟ್ ಆಗಿ ಉಳಿಯೋದೇ ಹೆಚ್ಚು. ಹಾಗಾಗಿ ಅವರು ಡೆತ್ ಓವರ್ ಪೂರ್ತಿ ಬ್ಯಾಟಿಂಗ್ ಮಾಡ್ತಾರೆ. 14 ಓವರ್​ನಲ್ಲಿ ಸ್ಟಾರ್ಟ್​ ಆಗೋ ಮಹಿ ಆರ್ಭಟ, ಪ್ರತಿ ಓವರ್​​​ಗೆ ಹೆಚ್ಚುತ್ತಲೇ ಹೋಗುತ್ತೆ. 18ನೇ ಓವರ್​ನಲ್ಲಿ ಧೋನಿ 596 ರನ್​​ ಹೊಡೆದಿದ್ದಾರೆ.

19ನೇ ಓವರ್​.. 599 ರನ್​..
ಇನ್ನಿಂಗ್ಸ್ ಮುಗಿಯೋಕೆ ಕೇವಲ ಎರಡು ಓವರ್ ಬಾಕಿ ಇರುತ್ತವೆ. ಮ್ಯಾಚ್ ಫಿನಿಶ್ ಮಾಡಬೇಕು. ಹಾಗಾಗಿ ಯಾವ್ದೇ ಫಿನಿಶರ್ ಆದ್ರೂ ಕೊನೆ ಎರಡು ಓವರ್​​ ಆರ್ಭಟಿಸೋದು ಸಹಜ. ಧೋನಿಯೂ ಅಷ್ಟೆ 19ನೇ ಓವರ್​ನಲ್ಲಿ ಮತ್ತೊಮ್ಮೆ ಗೇರ್ ಬದಲಿಸಿ, ಬೌಂಡ್ರಿ-ಸಿಕ್ಸರ್​​ಗಳ ಸುರಿಮಳೆಗೈಯ್ದು 599 ರನ್ ಬಾರಿಸಿದ್ದಾರೆ. 600ರಕ್ಕೆ ಜಸ್ಟ್ ಒಂದು ರನ್ ಕಮ್ಮಿ.

20ನೇ ಓವರ್​.. 610 ರನ್​..
ಇದು ಮ್ಯಾಚ್ ಫಿನಿಶ್ ಮಾಡೋ ಓವರ್​. ಕೊನೆಯ ಓವರ್​ ಕೂಡ. ಯಾವ ಓವರ್​ನಲ್ಲೂ ಹೊಡೆದಿರದಷ್ಟು ರನ್​ಗಳನ್ನ ಈ ಒಂದು ಓವರ್​ನಲ್ಲಿ ಧೋನಿ ಹೊಡೆದಿದ್ದಾರೆ. 20ನೇ ಓವರ್​ನಲ್ಲಿ ಬರೋಬ್ಬರಿ 610 ರನ್ ಬಾರಿಸಿದ್ದಾರೆ. ಮೊದಲ 14 ಓವರ್​ನಲ್ಲೂ ಯಾರೂ ಇಷ್ಟು ರನ್ ಹೊಡೆದಿಲ್ಲ. ಕೊನೆ ಓವರ್​ನಲ್ಲಿ ಮಹಿಯನ್ನ ಕಂಟ್ರೋಲ್ ಮಾಡೋಕೆ ಯಾವ ಬೌಲರ್​ಗಳಿಂದಲೂ ಸಾಧ್ಯವಾಗಿಲ್ಲ. ಹಾಗಾಗಿ ಇಷ್ಟು ರನ್​ಗಳು ಹರಿದು ಬಂದಿವೆ. 

ಮೊದಲ 14 ಓವರ್‌ಗಳಲ್ಲಿ ಐವರು ಬ್ಯಾಟ್ಸ್‌ಮನ್ ಪ್ರಾಬಲ್ಯ ಸಾಧಿಸಿದ್ದಾರೆ. ಆದರೆ ಕೊನೆ 6 ಓವರ್‌ನಲ್ಲಿ ಧೋನಿಯೇ ಕಿಂಗ್. ಅವರ ಮುಂದೆ ಉಳಿದವರೆಲ್ಲಾ ಶೂನ್ಯ. ಅದಕ್ಕೆ ಧೋನಿಯನ್ನ ದಿ ಬೆಸ್ಟ್ ಫಿನಿಶರ್ ಅನ್ನೋದು.