ವಿಕ್ರಾಂತ್ ರೋಣ ಮೂವಿ ಟೀಸರ್ಗೆ ವಿರೇಂದ್ರ ಸೆಹ್ವಾಗ್ ಕ್ಲೀನ್ಬೋಲ್ಡ್..!
* ತೆರೆಕಾಣಲು ಸಜ್ಜಾಗಿದೆ ಕಿಚ್ಚ ಸುದೀಪ್ ಅಭಿನಯದ ವಿಕ್ರಾಂತ್ ರೋಣ ಸಿನೆಮಾ
* ವಿಕ್ರಾಂತ್ ರೋಣ ಟೀಸರ್ ಬಿಡುಗಡೆ ಮಾಡಿ ಶುಭ ಹಾರೈಸಿದ ವಿರೇಂದ್ರ ಸೆಹ್ವಾಗ್
* ಅಷ್ಟಕ್ಕೂ ವೀರೂ-ಕಿಚ್ಚ ದೋಸ್ತಿಗಳಾಗಿದ್ದು ಹೇಗೆ..?
ಬೆಂಗಳೂರು(ಏ.05): ಕ್ರಿಕೆಟರ್ಸ್ಗೂ ಸಿನಿಮಾ ಲೋಕಕ್ಕೆ ಒಂದು ಬಿಡಿಸಲಾರದ ನಂಟಿದೆ. ಕೆಲ ಸ್ಟಾರ್ ಕ್ರಿಕೆಟರ್ಸ್ ಸ್ಟಾರ್ ನಟಿಯರನ್ನ ವರಿಸಿದ್ದಾರೆ. ಇನ್ನು ಕೆಲವರು ಡೇಟಿಂಗ್ಸ್ ನಡೆಸ್ತಿದ್ದಾರೆ. ಇನ್ನು ಕೆಲ ಮಾಜಿ ಕ್ರಿಕೆಟರ್ಸ್ ನಿವೃತ್ತಿ ಬಳಿಕ ಬಣ್ಣ ಹಚ್ಚಿ ಘರ್ಜಿಸಿದ್ದು ಇದೆ. ಇನ್ನು ಮತ್ತೆ ಹಲವರು ನೆಚ್ಚಿನ ಸ್ನೇಹಿತರ ಮೂವಿಗಳಿಗೆ ಶುಭ ಕೋರುವುದು ಉಂಟು. ಸದ್ಯ ಸ್ಯಾಂಡಲ್ವುಡ್ನ ಬಾದ್ಶಾ, ಅಭಿನಯ ಚಕ್ರವರ್ತಿ ಅಂತ ಕರೆಸಿಕೊಳ್ಳೋ ಸುದೀಪ್ರನ್ನ ಟೀಂ ಇಂಡಿಯಾ ದಿಗ್ಗಜ, ಸಿಡಿಲ ಮರಿ ಖ್ಯಾತಿಯ ವೀರೇಂದ್ರ ಸೆಹ್ವಾಗ್ ಸಿನಿಮಾ ವಿಚಾರವಾಗಿ ಹಾಡಿ ಹೊಗಳಿದ್ದಾರೆ.
ವಿಕ್ರಾಂತ್ ರೋಣ ಮೂವಿ ಟೀಸರ್ಗೆ ವೀರೂ ಕ್ಲೀನ್ಬೋಲ್ಡ್:
ಕಿಚ್ಚ ಸುದೀಪ್ ಮತ್ತು ವಿರೇಂದ್ರ ಸೆಹ್ವಾಗ್ರನ್ನ ಬೆಸ್ಟ್ ಫ್ರೆಂಡ್ಸ್. ಇಬ್ಬರದ್ದು ಪ್ರೊಪೆಷನ್ಸ್ ಬದಲಾದ್ರು ಇಬ್ಬರ ಗೆಳೆತನ ಗಟ್ಟಿ. 3 ವರ್ಷಗಳ ಹಿಂದೆ ಸ್ಯಾಂಡಲ್ವುಡ್ ಬಾದ್ಶಾ ಮತ್ತು ಕ್ರಿಕೆಟ್ ಬಾದ್ಶಾ ನಡುವೆ ಫ್ರೆಂಡ್ಸ್ಶಿಪ್ ಚಿಗುರೊಡೆದಿತ್ತು. ಸದ್ಯ ಇಬ್ಬರ ಸ್ನೇಹ ಎಷ್ಟೊಂದು ಸ್ಟ್ರಾಂಗ್ ಅನ್ನೋದು ಗೊತ್ತಾಗಿದೆ. ಕಿಚ್ಚ ನಟನೆಯ ಬಹುನಿರೀಕ್ಷಿತ ಚಿತ್ರ ವಿಕ್ರಾಂತ್ ರೋಣ ಟೀಸರ್ ರಿಲೀಸ್ ಆಗಿ ಹವಾ ಎಬ್ಬಿಸಿದೆ.
IPL 2022: ಮ್ಯಾಕ್ಸ್‌ವೆಲ್‌ RCB ಪರ ಕಣಕ್ಕಿಳಿಯೋದು ಯಾವಾಗ? ಮೈಕ್ ಹೆಸನ್ ಹೇಳಿದ್ದೇನು..?
ಚಿತ್ರತಂಡ ಕನ್ನಡ ಸೇರಿದಂತೆ ಹಲವು ಭಾಷೆಯಲ್ಲಿ ಟೀಸರ್ ಬಿಡುಗಡೆಯಾಗಿತ್ತು. ನೆಚ್ಚಿನ ಸ್ನೇಹಿತನ ಮೂವಿಯ ಟೀಸರ್ ರಿಲೀಸ್ ಆಗ್ತಿದ್ದಂತೆ ವೀರೂ ವೀಕ್ಷಿಸಿದ್ದಾರೆ. ವಿಕ್ರಾಂತ್ ರೋಣ ಮೂವಿಗೆ ಮನಸೋತಿರೋ ನಜಾಫಗಡದ ನವಾಬ ಟ್ವೀಟರ್ನಲ್ಲಿ ಸುದೀಪ್ರನ್ನ ಹಾಡಿ ಹೊಗಳಿದ್ದಾರೆ. ಇಂಗ್ಲಿಷ್ ಟೀಸರ್ ನೋಡಿರೋ ಸೆಹ್ವಾಗ್ ಬ್ಲಾಕ್‌ಬಸ್ಟರ್ ಬರ್ತಾ ಇದೆ, ವಾಹ್ ವಿಕ್ರಾಂತ್ ರೋಣ ವಾಹ್, ನನ್ನ ಗೆಳೆಯ ಕಿಚ್ಚ ಸುದೀಪ್ ಅವರನ್ನು ಬೆಳ್ಳಿತೆರೆಯ ಮೇಲೆ ಕಾಣಲು ಸಿದ್ಧರಾಗಿ, ಚಿತ್ರ ಜುಲೈ 28ರಂದು ವಿಶ್ವದಾದ್ಯಂತ 3ಡಿಯಲ್ಲಿ ಬಿಡುಗಡೆಯಾಗುತ್ತಿದೆ ಎಂದು ಟ್ವೀಟರ್ನಲ್ಲಿ ಬರೆದುಕೊಂಡಿದ್ದಾರೆ.
KCC ನಲ್ಲಿ ಚಿಗುರೊಡೆದ ಸುದೀಪ್-ವೀರೂ ಸ್ನೇಹ:
ಈ ಪ್ರಶ್ನೆ ನಿಮ್ಮನ್ನ ಖಂಡಿತ ಕಾಡಿರುತ್ತೆ. ಎಲ್ಲಿಯ ಸುದೀಪ್, ಎಲ್ಲಿಯ ವೀರೂ ಎಲ್ಲಿಂದೆಲ್ಲಿಗೆ ಸಂಬಂಧವಯ್ಯ ಅನ್ನಿಸಿರುತ್ತೆ. ಇಬ್ಬರ ಸ್ನೇಹ ಚಿಗುರೊಡೆದಿದ್ದು ಕರ್ನಾಟಕ ಚಲನಚಿತ್ರ ಕಪ್ನಿಂದ. ಹೌದು, 2019ರಲ್ಲಿ ನಡೆದ ಕೆಸಿಸಿ ಕ್ರಿಕೆಟ್ ಟೂರ್ನಿಯಿಂದ ಇಬ್ಬರಿಗೆ ಪರಿಚಯವಾಗಿತ್ತು. ಒಂದೇ ತಂಡದ ಪರ ಸುದೀಪ್ ಮತ್ತು ವೀರೂ ಆರಂಭಿಕರಾಗಿ ಆಡಿದ್ರು. ಕೆಸಿಸಿ ಯಿಂದ ಶುರುವಾದ ಇಬ್ಬರ ಫ್ರೆಂಡ್ಸ್ಶಿಪ್ ಇಲ್ಲಿಗೆ ಬಂತು ನಿಂತಿದೆ. ಮುಂದೆಯೂ ಸುದೀಪ್ ಮತ್ತು ವೀರೂ ಗೆಳೆತನ ಹೀಗೆ ಗಟ್ಟಿಯಾಗಿರ್ಲಿ ಎಂದು ನಾವು ಹಾರೈಸ್ತೀವಿ.
