ಭಾರತ ಎದುರು ಆಕರ್ಷಕ 150+ ರನ್ ಬಾರಿಸಿದ ಉಸ್ಮಾನ್ ಖವಾಜ21 ಶತಮಾನದಲ್ಲಿ ಆಸ್ಟ್ರೇಲಿಯಾ ಪರ ಅಪರೂಪದ ಸಾಧನೆ ಮಾಡಿದ ಎರಡನೇ ಓಪನ್ನರ್ಬೃಹತ್ ಮೊತ್ತದತ್ತ ದಾಪುಗಾಲಿಡುತ್ತಿದೆ ಆಸ್ಟ್ರೇಲಿಯಾ
ಅಹಮದಾಬಾದ್(ಮಾ.10): ಅವಕಾಶ ಸಿಕ್ಕಿದರೆ ಭಾರತದ ಎದುರು ತಾವೇನು ಮಾಡಬಲ್ಲೆ ಎನ್ನುವುದನ್ನು ಆಸ್ಟ್ರೇಲಿಯಾ ಆರಂಭಿಕ ಬ್ಯಾಟರ್ ಉಸ್ಮಾನ್ ಖವಾಜ, ಅಹಮದಾಬಾದ್ ಟೆಸ್ಟ್ನಲ್ಲಿ ಮಾಡಿ ತೋರಿಸಿದ್ದಾರೆ. ಕಳೆದೆರಡು ಬಾರಿ ಆಸ್ಟ್ರೇಲಿಯಾ ತಂಡವು ಭಾರತ ಪ್ರವಾಸ ಕೈಗೊಂಡಿದ್ದಾಗ ನೀರಿನ ಬಾಟಲ್ ಹಿಡಿದುಕೊಂಡು ಓಡಾಡಿದ್ದ, ಖವಾಜ, ಇದೀಗ ಬಾರ್ಡರ್-ಗವಾಸ್ಕರ್ ಟೆಸ್ಟ್ ಸರಣಿಯ ಕೊನೆಯ ಟೆಸ್ಟ್ ಪಂದ್ಯದಲ್ಲಿ 150+ ರನ್ ಬಾರಿಸಿ ತಂಡಕ್ಕೆ ಆಸರೆಯಾಗಿದ್ದಾರೆ.
ಇಲ್ಲಿನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಭಾರತ ಎದುರಿನ ನಾಲ್ಕನೇ ಟೆಸ್ಟ್ ಪಂದ್ಯದಲ್ಲಿ ಉಸ್ಮಾನ್ ಖವಾಜ ಆಕರ್ಷಕ ಬ್ಯಾಟಿಂಗ್ ಮೂಲಕ ಮಿಂಚಿದ್ದಾರೆ. ಭಾರತದ ವಿಶ್ವ ದರ್ಜೆಯ ಬೌಲರ್ಗಳೆದುರು ತಮ್ಮ ಕಲಾತ್ಮಕ ಆಟದ ಮೂಲಕ ಗಮನ ಸೆಳೆದಿರುವ ಖವಾಜ, ಇದೀಗ 346 ಎಸೆತಗಳನ್ನು ಎದುರಿಸಿ 150 ರನ್ ಬಾರಿಸಿ ಮಿಂಚಿದ್ದಾರೆ. ಈ ಮೂಲಕ ಬಾರ್ಡರ್-ಗವಾಸ್ಕರ್ ಟೆಸ್ಟ್ ಸರಣಿಯಲ್ಲಿ ಶತಕ ಸಿಡಿಸಿದ ಆಸ್ಟ್ರೇಲಿಯಾದ ಮೊದಲ ಬ್ಯಾಟರ್ ಎನ್ನುವ ಹಿರಿಮೆಗೂ ಖವಾಜ ಭಾಜನರಾಗಿದ್ದಾರೆ.
ಇನ್ನು ಉಸ್ಮಾನ್ ಖವಾಜ, ಅಹಮದಾಬಾದ್ ಟೆಸ್ಟ್ನಲ್ಲಿ 150 ರನ್ ಬಾರಿಸುವ ಮೂಲಕ, 2001ರ ಬಳಿಕ ಭಾರತದಲ್ಲಿ 150+ ರನ್ ಬಾರಿಸಿದ ಎರಡನೇ ಬ್ಯಾಟರ್ ಎನ್ನುವ ಕೀರ್ತಿಗೆ ಪಾತ್ರರಾಗಿದ್ದಾರೆ. 2001ರಲ್ಲಿ ಆಸ್ಟ್ರೇಲಿಯಾದ ಆರಂಭಿಕ ಬ್ಯಾಟರ್ ಮ್ಯಾಥ್ಯೂ ಹೇಡನ್ ಚೆನ್ನೈನಲ್ಲಿ ನಡೆದ ಟೆಸ್ಟ್ ಪಂದ್ಯದಲ್ಲಿ 203 ರನ್ ಬಾರಿಸಿದ್ದರು.
ಭಾರತದಲ್ಲಿ 150+ ರನ್ ಬಾರಿಸಿದ ಆಸ್ಟ್ರೇಲಿಯಾದ ಆರಂಭಿಕರಿವರು:
1. ಜಿಮ್ ಬುರ್ಕ್ -161 ರನ್- ಮುಂಬೈ -1956
2. ಗ್ರಾಹಂ ಎಲ್ಲೋಪ್ - 167 ರನ್ - ಈಡನ್ ಗಾರ್ಡನ್ಸ್ -1979
3. ಮ್ಯಾಥ್ಯೂ ಹೇಡನ್ - 203 - ಚೆನ್ನೈ - 2001
4. ಉಸ್ಮಾನ್ ಖವಾಜ - 150* - ಅಹಮದಾಬಾದ್ -2023
Ahmedabad Test: ಗ್ರೀನ್-ಖವಾಜ ದಿಟ್ಟ ಬ್ಯಾಟಿಂಗ್; ಬೃಹತ್ ಮೊತ್ತದತ್ತ ಆಸ್ಟ್ರೇಲಿಯಾ..!
ಇನ್ನು ಇದಷ್ಟೇ ಅಲ್ಲದೇ 2019ರ ಬಳಿಕ ಭಾರತ ನೆಲದಲ್ಲಿ 150 ರನ್ ಬಾರಿಸಿದ ಎರಡನೇ ಆರಂಭಿಕ ಬ್ಯಾಟರ್ ಎನ್ನುವ ಕೀರ್ತಿಗೂ ಖವಾಜ ಪಾತ್ರರಾಗಿದ್ದಾರೆ. ಈ ಮೊದಲು 2019ರ ಅಕ್ಟೋಬರ್ನಲ್ಲಿ ದಕ್ಷಿಣ ಆಫ್ರಿಕಾದ ಆರಂಭಿಕ ಬ್ಯಾಟರ್ ಡೀನ್ ಎಲ್ಗಾರ್, ಭಾರತ ಎದುರು 150+ ರನ್ ಬಾರಿಸಿದ ಸಾಧನೆ ಮಾಡಿದ್ದರು
