Artificial Coronavirus: ಐಐಎಸ್‌ಸಿಯಲ್ಲಿ ಕೃತಕ ಕೊರೋನಾ ವೈರಸ್‌ ಸೃಷ್ಟಿ..!
ನಾವೆಲ್‌ ವೈರಸ್‌ನಂತಹ ಕಣ (ವಿಎಲ್‌ಪಿ) ಎಂಬ ಸೋಂಕು ರಹಿತವಾದ ನ್ಯಾನೋ ಅಣುವನ್ನು ಅಭಿವೃದ್ಧಿ ಪಡಿಸಲಾಗಿದ್ದು, ಇದರ ವರ್ತನೆ ಮತ್ತು ಆಕಾರ ನೈಜ ಕೊರೋನಾ ವೈರಾಣುವಿನಂತೆಯೇ ಇದೆ.
Followಬೆಂಗಳೂರು(ಸೆ.02): ಜೀವಂತ ಕೊರೋನಾ ವೈರಾಣುವಿನ ಅಧ್ಯಯನ ನಡೆಸುವ ಸಂದರ್ಭದಲ್ಲಿನ ಅಪಾಯದಿಂದ ಪಾರಾಗಲು ಕೃತಕ ಕೊರೋನಾ ವೈರಾಣುವನ್ನು ಸೃಷ್ಟಿಸಿ ಆವುಗಳ ಮೇಲೆ ಪ್ರಯೋಗ ನಡೆಸುವ ಪ್ರಯತ್ನವನ್ನು ಭಾರತೀಯ ವಿಜ್ಞಾನ ಸಂಸ್ಥೆ (ಐಐಎಸ್‌ಸಿ)ಯ ವಿಜ್ಞಾನಿಗಳು ಮಾಡಿದ್ದಾರೆ.
ಐಐಎಸ್‌ಸಿಯ ಜೈವಿಕ ತಂತ್ರಜ್ಞಾನ ವಿಭಾಗದ ಸೌಮಿತ್ರ ದಾಸ್‌ ಮತ್ತವರ ಸಹೋದ್ಯೋಗಿಗಳು ಮೈಕ್ರೊಬಯೋಲಜಿ ಸ್ಪೆಕ್ಟ್ರಂನಲ್ಲಿ ಪ್ರಕಟಗೊಂಡಿದೆ. ನಾವೆಲ್‌ ವೈರಸ್‌ನಂತಹ ಕಣ (ವಿಎಲ್‌ಪಿ) ಎಂಬ ಸೋಂಕು ರಹಿತವಾದ ನ್ಯಾನೋ ಅಣುವನ್ನು ಅಭಿವೃದ್ಧಿ ಪಡಿಸಲಾಗಿದ್ದು, ಇದರ ವರ್ತನೆ ಮತ್ತು ಆಕಾರ ನೈಜ ಕೊರೋನಾ ವೈರಾಣುವಿನಂತೆಯೇ ಇದೆ. ಆದರೆ ಕೊರೋನಾ ವೈರಾಣುವಿನ ಅನುವಂಶಿಕ ಅಂಶಗಳು ಇರುವುದಿಲ್ಲ.
ಮೀನಿನ ಒಳಕಿವಿಯ ಮೂಳೆಯಲ್ಲಿ ಭೂಮಿಯ ‘ಜನ್ಮ ರಹಸ್ಯ’ ಅಡಕ..!
ನೈಜ ಕೊರೋನಾ ವೈರಾಣುವಿನ ಅಧ್ಯಯನ ಅಪಾಯಕಾರಿ. ಸ್ಯಾಂಪಲ್‌ಗಳಲ್ಲಿನ ವೈರಾಣುಗಳನ್ನು ಬೇರ್ಪಡಿಸುವುದು, ವೈರಾಣುವಿನ ಹಲವು ಪ್ರತಿಗಳನ್ನು ಸೃಷ್ಟಿಸುವುದು, ಅವುಗಳ ಪ್ರಸರಣತೆ ಮತ್ತು ಜೀವಂತ ಕೋಶಗಳೊಳಗೆ ಪ್ರವೇಶಿಸುವ ಸಾಮರ್ಥ್ಯಗಳನ್ನು ಅಧ್ಯಯನ ಮಾಡುವುದು ಅತ್ಯಂತ ನಾಜೂಕಿನ ಮತ್ತು ಅಪಾಯದ ಕೆಲಸ. ಇದಕ್ಕಾಗಿ ಅತ್ಯುಚ್ಛ ಸುರಕ್ಷತೆ ಇರುವ ಬಯೋ ಸೇಫ್ಟಿಹಂತ -3 ಪ್ರಯೋಗಾಲಯಗಳ ಅಗತ್ಯವಿದೆ. ಇಂತಹ ಪ್ರಯೋಗಾಲಯಗಳು ದೇಶದಲ್ಲಿ ಇರುವುದು ಕೆಲವು ಮಾತ್ರ.
ಇದಕ್ಕಾಗಿ ವಿಎಲ್‌ಪಿಗಳನ್ನು ಅಭಿವೃದ್ಧಿ ಪಡಿಸಿದ್ದು ಸೇಫ್ಟಿಹಂತ - 3ರನ್ನು ಹೊರತು ಪಡಿಸಿದ ಪ್ರಯೋಗಾಲಯದಲ್ಲಿಯೂ ಕೊರೋನಾ ವೈರಾಣುವಿನ ಮೇಲೆ ಅಧ್ಯಯನ ನಡೆಸಬಹುದಾಗಿದೆ. ವಿಎಲ್‌ಪಿಯಿಂದ ರೂಪಾಂತರಿಗಳ ಪರಿಣಾಮದ ಮೇಲೆ ಅಧ್ಯಯನ ನಡೆಸುವ ಜೊತೆ ಜೊತೆಗೆ ಪ್ರತಿಕಾಯಗಳ ಮೇಲೂ ಸಂಶೋಧನೆ ನಡೆಸಲು ಸೂಕ್ತವಾಗಿದೆ. ವಿಎಲ್‌ಪಿಗೆ ದೇಹದಲ್ಲಿ ಪ್ರತಿಕಾಯ ಸೃಷ್ಟಿಆಗುತ್ತಿರುವುದು ಸಂಶೋಧನೆಯಿಂದ ತಿಳಿದು ಬಂದಿದೆ.
ಮಾತನಾಡುವವನಿಗಿಂತ ಮೌನಿಗೆ ಕೋವಿಡ್ ಸಾಧ್ಯತೆ..!
ನೈಜ ವೈರಾಣುವಿನಲ್ಲಿರುವ ನಾಲ್ಕು ಪ್ರೊಟೀನ್‌ ಅಂಶಗಳಾದ ಕೊಂಬು, ಮೆಂಬ್ರೆನ್‌, ಎನ್ವೆಲಪ್‌, ನ್ಯೂಕ್ಲಿಯೋಕ್ಯಾಪ್ಸಿಡ್‌ ಅನ್ನು ಕೃತಕವಾಗಿ ಹೊಂದಿರುವ ವಿಎಲ್‌ಪಿಯನ್ನು ಸೃಷ್ಟಿಸಿ ಅದನ್ನು ಇಲಿಗಳ ಮೇಲೆ ಪ್ರಯೋಗ ಮಾಡಲಾಯಿತು. ಇದು ಶ್ವಾಸಕೋಶ, ಕಿಡ್ನಿ, ಲಿವರ್‌ ಮೇಲೆ ದುಷ್ಪರಿಣಾಮ ಬೀರಲಿಲ್ಲ ಎಂದು ಸಂಶೋಧಕ ಹರ್ಷ ರಹೇಜಾ ಹೇಳಿದ್ದಾರೆ.
ಇದೇ ವೇಳೆ ಪ್ರತಿಕಾಯದ ಸ್ಪಂದನೆಯನ್ನು ಪರೀಕ್ಷಿಸಲು ಒಂದು ಪ್ರಾಥಮಿಕ ಮತ್ತು ಎರಡು ಬೂಸ್ಟರ್‌ ಡೋಸ್‌ ಅನ್ನು 15 ದಿನಗಳ ಅಂತರದಲ್ಲಿ ನೀಡಲಾಯಿತು. ಆ ಬಳಿಕ ಇಲಿಯಲ್ಲಿ ಪ್ರತಿಕಾಯಗಳು ಭಾರಿ ಸಂಖ್ಯೆಯಲ್ಲಿ ಸೃಷ್ಟಿಆಗಿರುವುದು ತಿಳಿದುಬಂತು ಇನ್ನಿತರ ಪ್ರಾಣಿಗಳ ಮೇಲೆ ಸಂಶೋಧನೆ ನಡೆಸಿ ಆ ಬಳಿಕ ಮಾನವನ ಮೇಲೂ ಪ್ರಯೋಗ ನಡೆಸುವ ಚಿಂತನೆಯಲ್ಲಿ ಸಂಶೋಧಕರಿದ್ದಾರೆ. ಈ ವಿಎಲ್‌ಪಿಯ ಪೇಟೆಂಟ್‌ಗಾಗಿ ಅರ್ಜಿ ಸಲ್ಲಿಸಲಾಗಿದೆ.
