ವೆಟ್ರಿಮಾರನ್ ನಿರ್ದೇಶನದ 'ವಿಡುತಲೈ' ಚಿತ್ರದ ಎರಡೂ ಭಾಗಗಳು ಓಟಿಟಿಯಲ್ಲಿ ಬಿಡುಗಡೆಯಾಗಿವೆ. ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಆವೃತ್ತಿಗಿಂತ 21 ನಿಮಿಷಗಳ ಹೆಚ್ಚುವರಿ ದೃಶ್ಯಗಳನ್ನು ಓಟಿಟಿ ಆವೃತ್ತಿಯಲ್ಲಿ ಸೇರಿಸಲಾಗಿದೆ.
ವೆಟ್ರಿಮಾರನ್ ನಿರ್ದೇಶನದಲ್ಲಿ ಸೂರಿ ಮತ್ತು ವಿಜಯ್ ಸೇತುಪತಿ ಅಭಿನಯದ 'ವಿಡುತಲೈ' ( viduthalai part 2 ) ಕಳೆದ ವರ್ಷ ಬಿಡುಗಡೆಯಾಗಿ ಭಾರಿ ಯಶಸ್ಸು ಗಳಿಸಿತ್ತು. ಒಂದು ಗಿರಿಜನ ಹಳ್ಳಿಗೆ ಪೊಲೀಸ್ ಅಧಿಕಾರಿಯಾಗಿ ಹೋಗುವ ಸೂರಿ, ಅಲ್ಲಿ ಅಪರಾಧಿ ಪೆರುಮಾಳ್ ಅವರನ್ನು ಬಂಧಿಸುತ್ತಾನೆ. ಪೆರುಮಾಳ್ ಯಾರು? ಅವನಿಗಾಗಿ ಯಾಕೆ ವಿಶೇಷ ತಂಡ ರಚಿಸಿ ಹುಡುಕಾಟ ನಡೆಸಲಾಗುತ್ತಿದೆ? ಎಂಬ ಸಸ್ಪೆನ್ಸ್ನೊಂದಿಗೆ ಮೊದಲ ಭಾಗ ಮುಕ್ತಾಯವಾಗಿತ್ತು. ಗೌತಮ್ ವಾಸುದೇವ್ ಮೆನನ್, ಚೇತನ್, ಇಳವರಸು, ಭವಾನಿ ಶ್ರೀ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು. ನಂತರ ವೆಟ್ರಿಮಾರನ್ ಈ ಕಥೆಯ ಎರಡನೇ ಭಾಗವನ್ನು ನಿರ್ದೇಶಿಸಿದರು.
ವಿಡುತಲೈ ಎರಡನೇ ಭಾಗ
ಎರಡನೇ ಭಾಗದಲ್ಲಿ ಪೆರುಮಾಳ್ ಯಾರು? ಅವರ ಹಿನ್ನೆಲೆ ಏನು? ಅವರನ್ನು ಏಕೆ ಬಂಧಿಸಲಾಯಿತು? ಎಂಬುದರ ಸಂಪೂರ್ಣ ಹಿನ್ನೆಲೆಯನ್ನು ವಿವರಿಸುವಂತಹ ಚಿತ್ರವಾಗಿತ್ತು. ಈ ಚಿತ್ರದಲ್ಲಿ ಸೂರಿ, ವಿಜಯ್ ಸೇತುಪತಿ ಮತ್ತು ಮಂಜು ವಾರಿಯರ್ ನಟಿಸಿದ್ದಾರೆ. ಕೆಲವು ತಿಂಗಳ ಹಿಂದೆ ಬಿಡುಗಡೆಯಾದ ಈ ಚಿತ್ರ ಜನರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿತ್ತು. ಸಾಮಾಜಿಕ ಜಾಲತಾಣಗಳಲ್ಲಿ ಚಿತ್ರಕ್ಕೆ ಮೆಚ್ಚುಗೆ ವ್ಯಕ್ತವಾಗುತ್ತಿದ್ದಂತೆ, ಚಿತ್ರದ ಎರಡೂ ಭಾಗಗಳು ಅಮೆಜಾನ್ ಪ್ರೈಮ್ ಓಟಿಟಿ ವೇದಿಕೆಯಲ್ಲಿ ಬಿಡುಗಡೆಯಾದವು. ಓಟಿಟಿಯಲ್ಲಿ ಬಿಡುಗಡೆಯಾದ ನಂತರವೂ ಅನೇಕರು 'ವಿಡುತಲೈ' ಚಿತ್ರದ ಎರಡೂ ಭಾಗಗಳನ್ನು ನೋಡಿ ಆನಂದಿಸುತ್ತಿದ್ದಾರೆ.
21 ನಿಮಿಷಗಳ ಕತ್ತರಿಸಿದ ದೃಶ್ಯಗಳ ಸೇರ್ಪಡೆ
ಚಿತ್ರಮಂದಿರಗಳಲ್ಲಿ ಈ ಚಿತ್ರ ಬಿಡುಗಡೆಯಾದಾಗ 2 ಗಂಟೆ 46 ನಿಮಿಷಗಳಷ್ಟು ರನ್ನಿಂಗ್ ಟೈಮ್ ಇತ್ತು. ಆದರೆ ಈಗ ಕತ್ತರಿಸಿದ್ದ ಕೆಲವು ದೃಶ್ಯಗಳನ್ನು ಸೇರಿಸಿ 3 ಗಂಟೆ 7 ನಿಮಿಷಗಳ ಚಿತ್ರವನ್ನು ಓಟಿಟಿ ವೇದಿಕೆಯಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ಚಿತ್ರವು ಬರಹಗಾರ ಜಯಮೋಹನ್ ಅವರ 'ತುಣೈವನ್' ಕಥೆಯನ್ನು ಆಧರಿಸಿದೆ. ಇಳಯರಾಜ ಸಂಗೀತ ನೀಡಿದ್ದಾರೆ. ಚಿತ್ರದಲ್ಲಿ ಕಮ್ಯುನಿಸ್ಟ್ ಸಿದ್ಧಾಂತಗಳ ಬಗ್ಗೆ ಹೆಚ್ಚು ಮಾತನಾಡಲಾಗಿದೆ ಎಂಬ ಟೀಕೆಗಳು ಕೇಳಿಬಂದಿದ್ದವು. ಈಗ ಕತ್ತರಿಸಿದ್ದ ದೃಶ್ಯಗಳನ್ನು ಸೇರಿಸಿರುವುದರಿಂದ ಚಿತ್ರದ ಬಗ್ಗೆ ನಿರೀಕ್ಷೆ ಹೆಚ್ಚಾಗಿದೆ.
ವಿಜಯ್ ಸೇತುಪತಿ ಯಾವಾಗಲೂ ವಿಭಿನ್ನವಾದ ಕಥೆ, ಪಾತ್ರಗಳನ್ನು ಆಯ್ಕೆ ಮಾಡಿಕೊಂಡು ಅಚ್ಚರಿ ಮೂಡಿಸ್ತಾರೆ. ಈ ಬಾರಿ ಕೂಡ ಅದೇ ಪ್ರಯತ್ನ ಮಾಡಿದ್ದರು. ಇಳಯರಾಜ ಅವರು ಈ ಸಿನಿಮಾಕ್ಕೆ ಸಂಗೀತ ನೀಡಿದ್ದರು. ಈ ಸಿನಿಮಾಕ್ಕೆ ಹೂಡಿದ ಬಜೆಟ್ ಮರಳಿ ಬರುವಷ್ಟು ಯಶಸ್ಸು ಪಡೆದಿದೆ ಎನ್ನಲಾಗುತ್ತದೆ.
