ನಾನು ಯಾರ ಕೈಗೆ ಉಗುಳ್ತೇನೋ ಅವರೆಲ್ಲಾ ನಂಬರ್ 1 ನಟಿ ಆಗ್ತಾರೆ! ಆಮೀರ್ ಖಾನ್ ಹೇಳಿದ್ದೇನು ಕೇಳಿ
ನಾನು ಯಾರ ಕೈಗೆ ಉಗುಳ್ತೇನೋ ಅವರೆಲ್ಲಾ ನಂಬರ್ 1 ನಟಿ ಆಗ್ತಾರೆ ಎಂದಿದ್ದಾರೆ ಆಮೀರ್ ಖಾನ್. ಆರು ವರ್ಷ ಮಾತು ಬಿಟ್ಟಿದ್ರಂತೆ ಜೂಹಿ ಚಾವ್ಲಾ, ನಟನ ಬಾಯಲ್ಲೇ ವಿಷಯ ಕೇಳಿ...
 )
Followಸದ್ಯ ನಟ ಆಮೀರ್ ಖಾನ್, ಲಾ ಪತಾ ಲೇಡೀಸ್ ದಾಖಲೆಯ ಖುಷಿಯಲ್ಲಿದ್ದಾರೆ. ಇವರು ಬಂಡವಾಳ ಹೂಡಿರೋ, ಇವರ ಮಾಜಿ ಪತ್ನಿ ಕಿರಣ್ ರಾವ್ ನಿರ್ದೇಶಿಸಿರುವ ಈ ಚಿತ್ರ ಅಧಿಕೃತವಾಗಿ ಆಸ್ಕರ್ ಪ್ರಶಸ್ತಿಗೆ ಕಳುಹಿಸಲಾಗಿದೆ. ಕಳೆದು ಹೋಗುವ ಇಬ್ಬರು ವಧುಗಳ ಬಗೆಗಿನ ಕಥಾ ಹಂದರವನ್ನು ಈ ಚಿತ್ರ ಹೊಂದಿದೆ. ವಧು ಕಳೆದುಹೋಗಿರುವ ಕತೆಯಲ್ಲಿ ಸ್ತ್ರೀ ಸ್ವಾತಂತ್ರ್ಯ ಸೇರಿದಂತೆ ಹಲವು ಸೂಕ್ಷ್ಮ ವಿಷಯಗಳನ್ನು ಈ ಚಿತ್ರದಲ್ಲಿ ತೋರಿಸಲಾಗಿದೆ. ಇದಕ್ಕೂ ಮುನ್ನವೇ ಈ ಚಿತ್ರ ಭರ್ಜರಿ ದಾಖಲೆಗಳನ್ನೂ ಬರೆದಿದೆ. ಇದರ ನಡುವೆಯೇ, ಆಮೀರ್ ಖಾನ್ ಅವರ ಹಳೆಯ ವಿಡಿಯೋ ಒಂದು ವೈರಲ್ ಆಗಿದ್ದು, ಇದು ತೀವ್ರ ಚರ್ಚೆಗೆ ಗ್ರಾಸವಾಗಿದೆ. ವಿವಾದಿತ ಟಾಕ್ ಷೋ ಎಂದೇ ಪ್ರಸಿದ್ಧಿ ಪಡೆದಿರುವ ಕರಣ್ ಜೋಹರ್ ಅವರ ಷೋನಲ್ಲಿ ಈ ವಿಷಯವನ್ನು ಆಮೀರ್ ಖಾನ್ ಹೇಳಿದ್ದಾರೆ. ಇದರ ಬಗ್ಗೆ ಸಾಕಷ್ಟು ಮಂದಿ ವಿಭಿನ್ನ ರೀತಿಯಲ್ಲಿ ಕಮೆಂಟ್ ಮಾಡಿದ್ದಾರೆ.
ಅಷ್ಟಕ್ಕೂ ಮಿಸ್ಟರ್ ಪರ್ಫೆಕ್ಷನಿಸ್ಟ್ ಎಂದೇ ಫೇಮಸ್ ಆಗಿರೋ ಆಮೀರ್ ಖಾನ್ಗೆ ನಟಿಯರ ಕೈಗೆ ಉಗುಳುವ ಚಟ ಇತ್ತಂತೆ! ಇವರಿಂದ ಕೈ ಮೇಲೆ ಉಗುಳಿಸಿಕೊಂಡಿರುವ ನಟಿಯರ ಪೈಕಿ ಮಾಧುರಿ ದೀಕ್ಷಿತ್, ಜೂಹಿ ಚಾವ್ಲಾದಂಥ ಖ್ಯಾತ ನಟಿಯರೂ ಸೇರಿದ್ದಾರೆ. ಇವರನ್ನು ತಮಾಷೆಗಾಗಿ ಮಾಡುತ್ತಿದ್ದುದಾಗಿ ಆಮೀರ್ ಹೇಳಿಕೊಂಡಿದ್ದಾರೆ. ಇದರ ವಿಡಿಯೋ ವೈರಲ್ ಆಗಿದ್ದು, ಇದರಲ್ಲಿ ಮಾಧುರಿ ದೀಕ್ಷಿತ್ ಅವರು ಆಮೀರ್ ಖಾನ್ ತಮ್ಮ ಕೈಮೇಲೆ ಉಗುಳಿದ ಘಟನೆಯನ್ನು ನೆನಪಿಸಿಕೊಂಡಿದ್ದಾರೆ. ತಮಗೆ ಹಸ್ತ ನೋಡಿ ಜಾತಕ ಹೇಳುವುದು ಬರುತ್ತದೆ ಎಂದು ಹೇಳಿದ್ದ ಆಮೀರ್ ಖಾನ್, ಹಸ್ತ ತೋರಿಸುವಂತೆ ನಟಿಯರಿಗೆ ಹೇಳುತ್ತಾರಂತೆ. ಅದೇ ರೀತಿ ಮಾಧುರಿ ದೀಕ್ಷಿತ್ಗೂ ಹೇಳಿದ್ದರು. ಇದನ್ನು ನಿಜ ಎಂದು ನಂಬಿದ್ದ ನಟಿ ಕೈ ತೋರಿಸಿದಾಗ, ಆಮೀರ್ ಖಾನ್ ಉಗುಳಿ ಹೋದಾಗ ಮಾಧುರಿ ಶಾಕ್ ಆದರಂತೆ. ಇದು 1990 ರ ದಿಲ್ ಚಿತ್ರದ ಸೆಟ್‌ನಲ್ಲಿ ಸಂಭವಿಸಿದ ಘಟನೆ. ಆಗ ನನಗೆ ತುಂಬಾ ಕೋಪ ಬಂದಿತ್ತು ಎಂದು ನಟಿ ಈ ಸಂದರ್ಶನದಲ್ಲಿ ನಗುತ್ತಲೇ ಹೇಳಿದ್ದಾರೆ.
ನಿನ್ನ ಜೊತೆ ಮಲಗಬೇಕು ಎಂದು ಆ ಹುಡುಗಿ ನೇರವಾಗೇ ಕೇಳಿದ್ಲು, ಆಮೇಲೆ... ಆಮೀರ್ ಮಾತಿಗೆ ಪತ್ನಿ ಶಾಕ್!
ಅದಕ್ಕೆ ಆಮೀರ್ ಖಾನ್ ನಾನು ಯಾವ ಯಾವ ನಟಿಯರ ಕೈಮೇಲೆ ಉಗುಳುತ್ತೇನೋ ಅವರೆಲ್ಲರೂ ನಂಬರ್ 1 ನಟಿಯರಾಗುತ್ತಾರೆ ಎಂದಿದ್ದಾರೆ. ಈ ಹಿಂದೆ ಜೂಹಿ ಚಾವ್ಲಾ ಅವರಿಗೂ ಹೀಗೆ ಉಗುಳಿದ್ದರಂತೆ. ಇದೇ ಕಾರಣಕ್ಕೆ ನಟಿ ಆರು ವರ್ಷ ಆಮೀರ್ ಖಾನ್ ಜೊತೆ ಮಾತು ಬಿಟ್ಟಿದ್ದರು! ಮಾತ್ರವಲ್ಲದೇ, 2016 ರಲ್ಲಿ, Jio MAMI ಮುಂಬೈ ಫಿಲ್ಮ್ ಫೆಸ್ಟಿವಲ್‌ನಲ್ಲಿ 1992 ರ ಚಲನಚಿತ್ರ ಜೋ ಜೀತಾ ವೋಹಿ ಸಿಕಂದರ್‌ಗಾಗಿ ಪುನರ್ಮಿಲನದ ಪ್ಯಾನೆಲ್‌ನಲ್ಲಿ, ನಿರ್ದೇಶಕಿ ಫರಾ ಖಾನ್ ಕೈಗೂ ಉಗುಳಿ ವಿವಾದ ಸೃಷ್ಟಿಸಿದ್ದರು ಎಂದು ಫರಾ ಅವರೇ ಹೇಳಿದ್ದರು.
ಆದರೆ ಆಮೀರ್ ಕೈಗೆ ಉಗುಳಿದರೆ ಅವರು ನಂಬರ್ 1 ನಟಿಯರಾಗುತ್ತಾರೆ ಎಂದು ಹೇಳಿದ್ದರಿಂದ ನಟಿ ಪೂಜಾ ಬೇಡಿ, ನಾನು ನನ್ನ ಮಗಳು ಆಲಿಯಾಳನ್ನು ನಿಮ್ಮ ಬಳಿ ಕಳಿಸುತ್ತೇನೆ. ಅವಳ ಕೈಗೂ ಉಗುಳಿ ಎಂದಿದ್ದರಂತೆ. ಇದನ್ನು ತಾವು ತಮಾಷೆಯಾಗಿ ಮಾಡುತ್ತಿರುವುದಾಗಿ ಹೇಳಿದ ಆಮೀರ್ ಖಾನ್, ಕರಣ್ ಜೋಹರ್ ಷೋನಲ್ಲಿಯೂ ಅದನ್ನು ತಮಾಷೆಯ ರೀತಿಯಲ್ಲಿಯೇ ಹೇಳಿದ್ದಾರೆ. ಹಲವು ನಟಿಯರು ಇದರಿಂದ ತುಂಬಾ ಕೋಪಗೊಂಡಿದ್ದರು ಎಂಬ ವಿಷಯವನ್ನೂ ಹೇಳಿದ್ದಾರೆ. 1997 ರ ಚಲನಚಿತ್ರ ಇಷ್ಕ್‌ನ ಸೆಟ್‌ಗಳಲ್ಲಿ, ಅಮೀರ್ ಖಾನ್ ಅನೇಕ ಸಿಬ್ಬಂದಿ ಮುಂದೆ ಜೂಹಿ ಚಾವ್ಲಾ ಕೈಗೆ ಉಗುಳಿ ಓಡಿಹೋದಾಗ, ಜೂಹಿ ಚಾವ್ಲಾ ಆ ಚಿತ್ರದ ಶೂಟಿಂಗ್ಗೇ ಹಾಜರು ಆಗದೇ ಆರು ವರ್ಷ ಆಮೀರ್ ಜೊತೆ ಮಾತನ್ನೇ ಬಿಟ್ಟ ಬಗ್ಗೆಯೂ ನಟ ಹೇಳಿದ್ದಾರೆ.
28 ಸಿನಿಮಾ ಹಿಂದಿಕ್ಕಿ ಆಸ್ಕರ್ ಅಂಗಳಕ್ಕೆ 'ಲಾಪತಾ ಲೇಡೀಸ್': ಚೊಚ್ಚಲ ಚಿತ್ರದಲ್ಲಿ ಮೂವರು ತಾರೆಯರಿಗೆ ಧಮಾಕಾ!
