ಬಿಗ್ ಬಾಸ್ ಸ್ಪರ್ಧಿಯನ್ನು ಕಾಲಿನ ಚಪ್ಪಲಿಗೆ ಹೋಲಿಸಿ ಅವಮಾನಿಸಿದ ಬಾಲಿವುಡ್ ಸೂಪರ್ ಸ್ಟಾರ್!
ಅರ್ಚನಾ ಗೌತಮ್ ಅವರು ತಮ್ಮ ಮಗಳಂತೆ ಯಶಸ್ವಿಯಾಗಬೇಕೆಂಬ ಆಸೆ ವ್ಯಕ್ತಪಡಿಸಿದಾಗ ಒಬ್ಬ ದೊಡ್ಡ ಸ್ಟಾರ್ ತಮ್ಮನ್ನು ಅಪಹಾಸ್ಯ ಮಾಡಿದ್ದಾರೆ ಎಂದು ಬಹಿರಂಗಪಡಿಸಿದ್ದಾರೆ. ಆ ಘಟನೆಯನ್ನು ತಾವು ಎಂದಿಗೂ ಮರೆಯಲು ಸಾಧ್ಯವಿಲ್ಲ ಎಂದು ಅರ್ಚನಾ ಹೇಳಿದ್ದಾರೆ ಮತ್ತು ಆ ಸ್ಟಾರ್ ನ ಯಶಸ್ಸನ್ನು ನೋಡಲು ಇನ್ನೂ ಜೀವಂತವಾಗಿರುವಂತೆ ದೇವರಲ್ಲಿ ಪ್ರಾರ್ಥಿಸುತ್ತೇನೆ ಎಂದಿದ್ದಾರೆ.
 )
Followಬಿಗ್ ಬಾಸ್ 16 ಖ್ಯಾತಿಯ ಅರ್ಚನಾ ಗೌತಮ್ ಅವರಿಗೆ ಬಾಲಿವುಡ್ ನ ಸೂಪರ್ ಸ್ಟಾರ್ ಒಬ್ಬರು ಅವಮಾನ ಮಾಡಿ ತುಂಬಾ ಕೆಟ್ಟದಾಗಿ ನಡೆಸಿಕೊಂಡಿದ್ದರಂತೆ. ಅರ್ಚನಾ ಅವರಿಗೆ ಈಗ ಅಪಾರ ಅಭಿಮಾನಿ ಬಳಗವಿದೆ. ಅರ್ಚನಾ ಅವರು ಸೆಪ್ಟೆಂಬರ್ 1, 1995 ರಂದು ಮೀರತ್‌ನಲ್ಲಿ ಜನಿಸಿದರು. ನಂತರ ಅರ್ಚನಾ ಗೌತಮ್ ಐಐಐಎಂಟಿಯಿಂದ ಪತ್ರಿಕೋದ್ಯಮ ಪದವಿ ಪಡೆದರು. ಈ ಸಮಯದಲ್ಲಿ, ಅವರು ಮಾಡೆಲಿಂಗ್ ಮತ್ತು ನಟನೆಯನ್ನು ಪ್ರಾರಂಭಿಸಿದರು. ಆದರೆ ಈ ಸಮಯದಲ್ಲಿ ಅರ್ಚನಾ ಬಹಳಷ್ಟು ಕಷ್ಟಪಟ್ಟರು. ಆ ದಿನಗಳಲ್ಲಿ ಬಾಲಿವುಡ್‌ನ ಒಬ್ಬ ದೊಡ್ಡ ನಟ ಅರ್ಚನಾ ಅವರನ್ನು ಬಹಳಷ್ಟು ಅವಮಾನಿಸಿದ್ದರು.
ಬಿಗ್‌ಬಾಸ್‌ ಖ್ಯಾತಿಯ ಮಂಜು ಪಾವಗಡ ಸದ್ದಿಲ್ಲದೆ ನಿಶ್ಚಿತಾರ್ಥ, ಹುಡುಗಿ ಇವರೇ ನೋಡಿ
ಅರ್ಚನಾರನ್ನು ಅಪಹಾಸ್ಯ ಮಾಡಿದ್ದ ನಟ: ಅರ್ಚನಾ ಬಹಿರಂಗಪಡಿಸುತ್ತಾ, 'ನಾನು ನಟಿಯಾಗಲು ಮುಂಬೈಗೆ ಬಂದಾಗ, ಒಬ್ಬ ದೊಡ್ಡ ಸ್ಟಾರ್ ನನ್ನು ಭೇಟಿಯಾದೆ, ಅವರ ಮಗಳು ಕೂಡ ಬಹಳ ಜನಪ್ರಿಯ ನಟಿ. ನಾನು ಅವರನ್ನು ಭೇಟಿಯಾದಾಗ, ನಾನು ಅವರ ಮತ್ತು ಅವರ ಮಗಳ ದೊಡ್ಡ ಅಭಿಮಾನಿ ಎಂದು ಹೇಳಿದೆ ಮತ್ತು ಭವಿಷ್ಯದಲ್ಲಿ ತಮ್ಮ ಮಗಳಂತೆ ಆಗಬೇಕೆಂದು ಬಯಸುತ್ತೇನೆ ಎಂದೆ. ನಾನು ಹೀಗೆ ಹೇಳಿದ ತಕ್ಷಣ ಆ ವ್ಯಕ್ತಿ ನನ್ನನ್ನು ಅಪಹಾಸ್ಯ ಮಾಡಲು ಪ್ರಾರಂಭಿಸಿದರು ಮತ್ತು ನೀವು ನನ್ನ ಮಗಳ ಬೂಟುಗಳಿಗೆ ಸಮನಾಗಿರಲು ಸಾಧ್ಯವಿಲ್ಲ ಎಂದು ಹೇಳಿದರು. ಅವರ ಮಾತು ಕೇಳಿ ನನಗೆ ಆಶ್ಚರ್ಯವಾಯಿತು. ಜೊತಗೆ ತುಂಬಾ ಬೇಸರವಾಯ್ತು ಮತ್ತು ಇಂದಿಗೂ ಆ ಅವಮಾನವನ್ನು ಮರೆಯಲು ಸಾಧ್ಯವಾಗಿಲ್ಲ. ನಾನು ನನ್ನ ಕಷ್ಟದ ದಿನಗಳಲ್ಲಿ ದೇವರನ್ನು ಪ್ರಾರ್ಥಿಸುತ್ತಿದ್ದೆ, ನಾನು ಯಶಸ್ವಿಯಾದಾಗ, ಆ ನಟ ನನ್ನ ಯಶಸ್ಸನ್ನು ನೋಡಲು ಜೀವಂತವಾಗಿರಬೇಕು ಎಂದು ಬೇಡಿಕೊಳ್ಳುತ್ತಿದ್ದೆ. ನನ್ನ ಪ್ರಾರ್ಥನೆ ಕೂಡ ಈಡೇರಿತು ಎಂದಿದ್ದಾರೆ. ಆದರೆ ಅರ್ಚನಾರನ್ನು ಅವಮಾನಿಸಿದ ಆ ನಟ ಯಾರೆಂದು ಹೆಸರು ಬಹಿರಂಗಪಡಿಸಲಿಲ್ಲ.
ಇವರು ನೆನಪಿದ್ದರಾ? ಬಿಬಿಕೆ ಮಿನಿ ಸೀಸನ್‌ನಲ್ಲಿ ಭಾಗವಹಿಸಿ ಈಗ ಕನ್ನಡ & ತೆಲುಗು ಬಿಗ್‌ಬಾಸ್‌ ನಲ್ಲಿ ಸ್ಪರ್ಧಿಗಳು!
ಅರ್ಚನಾ ಗೌತಮ್ ಯಾರು: ಅರ್ಚನಾ ಗೌತಮ್ 2015 ರಲ್ಲಿ 'ಗ್ರೇಟ್ ಗ್ರ್ಯಾಂಡ್ ಮಸ್ತಿ' ಚಿತ್ರದ ಮೂಲಕ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ಇದಾದ ಬಳಿಕ ಅರ್ಚನಾ ಗೌತಮ್ 'ಹಸೀನಾ ಪಾರ್ಕರ್' ಮತ್ತು 'ಬಾರಾತ್ ಕಂಪನಿ' ನಟಿಸಿ ಸಂಚಲನ ಮೂಡಿಸಿದ್ದಾರೆ. ಅವರು 'ಜಂಕ್ಷನ್ ವಾರಣಾಸಿ' ಗಾಗಿ ಐಟಂ ಹಾಡನ್ನು ಮಾಡಿದರು. ಇದಲ್ಲದೆ ಅರ್ಚನಾ ಗೌತಮ್ ಅವರು 'ಬುದ್ಧ', 'ಖುಬೂಲ್ ಹೈ', 'ಅಕ್ಬರ್ ಬೀರ್ಬಲ್', 'ಸಾಥ್ ನಿಭಾನಾ ಸಾಥಿಯಾ', 'ಯೇ ಹೈ ಆಶಿಕಿ' ಮುಂತಾದ ಹಲವು ಟಿವಿ ಕಾರ್ಯಕ್ರಮಗಳಲ್ಲಿ ಕೆಲಸ ಮಾಡಿದ್ದಾರೆ. ಅರ್ಚನಾ ಗೌತಮ್ ನಟಿ ಮಾತ್ರವಲ್ಲ ರಾಜಕಾರಣಿಯೂ ಹೌದು. ಅವರು 2021 ರಲ್ಲಿ ಕಾಂಗ್ರೆಸ್ ಸೇರಿದರು. ಆದಾಗ್ಯೂ, ಅರ್ಚನಾ ಅವರಿಗೆ ಬಿಗ್ ಬಾಸ್ ನಿಂದಾಗಿ ಬಹಳ ಜನಪ್ರಿಯತೆ ಸಿಕ್ಕಿತು.
