ಅತಿಯಾದ ಜಾಹೀರಾತು, ಸಮಯ ವ್ಯರ್ಥಗೊಳಿಸಿದ PVR-INOX ವಿರುದ್ಧ ಕೇಸ್ ಹಾಕಿ ಗೆದ್ದ ಬೆಂಗಳೂರಿನ ವ್ಯಕ್ತಿಗೆ ಸಿಕ್ಕ ಹಣವೆಷ್ಟು?
ಬೆಂಗಳೂರಿನ ವ್ಯಕ್ತಿಯೊಬ್ಬರು ಸಿನಿಮಾ ಪ್ರಾರಂಭಕ್ಕೂ ಮುನ್ನ ದೀರ್ಘ ಜಾಹೀರಾತುಗಳಿಂದ ಸಮಯ ವ್ಯರ್ಥವಾಯಿತು ಎಂದು ದೂರಿ ಪಿವಿಆರ್ ಮತ್ತು ಐನಾಕ್ಸ್ ವಿರುದ್ಧ ಮೊಕದ್ದಮೆ ಹೂಡಿ ₹65,000 ಪರಿಹಾರ ಗೆದ್ದಿದ್ದಾರೆ. ನ್ಯಾಯಾಲಯವು ಜಾಹೀರಾತುಗಳ ಸಮಯವನ್ನು ನಿಯಂತ್ರಿಸಲು ಸೂಚಿಸಿದೆ.
Followಬೆಂಗಳೂರು (ಫೆ.19) ಬೆಂಗಳೂರಿನ 30 ವರ್ಷದ ಸಿನಿ ಪ್ರೇಕ್ಷಕನೊಬ್ಬ, ದೀರ್ಘಕಾಲ ಜಾಹೀರಾತು ತೋರಿಸಿ ಮಾನಸಿಕ ಯಾತನೆ ಮತ್ತು 25 ನಿಮಿಷ ಸಮಯ ವ್ಯರ್ಥಗೊಳಿಸಿದ್ದಾರೆಂದು ಆರೋಪಿಸಿ ಪಿವಿಆರ್ ಸಿನಿಮಾಸ್, ಐನಾಕ್ಸ್ ಮತ್ತು ಬುಕ್‌ಮೈಶೋ ವಿರುದ್ಧ ಮೊಕದ್ದಮೆ ಹೂಡಿ ನಂತರ ಪರಿಹಾರದ ರೂಪದಲ್ಲಿ 65,000 ರೂ.ಗಳನ್ನು ಗೆದ್ದಿದ್ದಾನೆ!
ಹೌದು, ಸಿನಿಮಾ ನೋಡಲು ಹೋದಾಗ ಪ್ರಾರಂಭಕ್ಕೆ ಮುನ್ನ ಜಾಹೀರಾತು ಪ್ರದರ್ಶನ ನೀವು ನೋಡಿಯೇ ಇರುತ್ತೀರಿ. ಕೆಲವು ವೇಳೆ ಮೈಪರಚಿಕೊಳ್ಳುವಂತಾಗುತ್ತದೆ ಪದೇಪದೆ ಅದದೇ ಜಾಹೀರಾತು ಬರುತ್ತಿರುತ್ತದೆ.. ಅಭಿಷೇಕ್ ಎಂಆರ್ ಹೆಸರಿನ ಈ ವ್ಯಕ್ತಿ 2023 ರಲ್ಲಿ 'ಸ್ಯಾಮ್ ಬಹದ್ದೂರ್' ಚಿತ್ರಕ್ಕಾಗಿ ಸಂಜೆ 4.05 ರ ಪ್ರದರ್ಶನಕ್ಕಾಗಿ ಮೂರು ಟಿಕೆಟ್‌ಗಳನ್ನು ಬುಕ್ ಮಾಡಿದ್ದ. ಸಿನಿಮಾ ಸಂಜೆ 6.30 ಕ್ಕೆ ಮುಗಿಯುತ್ತೆ ನಂತರ ತನ್ನ ಕೆಲಸಕ್ಕೆ ಮರಳಲು ಯೋಜಿಸಿದ್ದ. ಆದರೆ ಅವರ ಲೆಕ್ಕಾಚಾರ ತಲೆಕೆಳಗಾಗಿತ್ತು. ಸಿನಿಮಾಗಳ ಜಾಹೀರಾತುಗಳು ಮತ್ತು ಟ್ರೇಲರ್‌ಗಳನ್ನು ಸ್ಟ್ರೀಮ್ ಮಾಡಿದ ನಂತರ ಸಂಜೆ 4.30 ಕ್ಕೆ ಸಿನಿಮಾ ಪ್ರಾರಂಭವಾಯಿತು, ಅದು 'ಸುಮಾರು 30 ನಿಮಿಷಗಳ ಸಮಯವನ್ನು ವ್ಯರ್ಥ ಮಾಡಿತು. ಹೀಗಾಗಿ ಸಮಯದ ಲೆಕ್ಕಾಚಾರ ಮಾಡಿಕೊಂಡು ಸಿನಿಮಾಕ್ಕೆ ಬಂದಿದ್ದ ಅಭಿಷೇಕ್, ಸರಿಯಾದ ಸಮಯಕ್ಕೆ ಆಫೀಸ್‌ಗೆ ಹೋಗಲಾಗದೆ ಗೊಂದರೆ ಅನುಭವಿಸುವಂತಾಯ್ತು.
ಆ ದಿನ ನಿಗದಿಯಾಗಿದ್ದ ಕೆಲಸಗಳು ಮತ್ತು ಅಪಾಯಿಂಟ್‌ಮೆಂಟ್‌ಗಳಿಗೆ ಹೋಗಲು ಸಾಧ್ಯವಾಗಲಿಲ್ಲ, ಪರಿಹಾರವಾಗಿ ಹಣದ ದೃಷ್ಟಿಯಿಂದ ಲೆಕ್ಕಹಾಕಲಾಗದ ನಷ್ಟವನ್ನು ಅನುಭವಿಸಬೇಕಾಯಿತು ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾನೆ. ಸಮಯ ವ್ಯರ್ಥವಾಯ್ತು. ಹೀಗಾಗಿ ಈ ಅನ್ಯಾಯದ ವ್ಯಾಪಾರ ಪದ್ಧತಿಯ ಅರ್ಥವಾಗಿ ದೂರು ನೀಡಲು ಮುಂದಾದರು. ಸಿನಿಮಾ ಪ್ರಾರಂಭಕ್ಕೆ ಮುನ್ನ ಅನಗತ್ಯ ಜಾಹೀರಾತುಗಳನ್ನು ಪ್ರದರ್ಶಿಸುವ ಮೂಲಕ ಹೆಚ್ಚಿನ ಲಾಭ ಪಡೆಯಲು ನಮ್ಮ ಸಮಯ ಹಾಳುಮಾಡಿದ್ದಾರೆ ಎಂದು ಆರೋಪಿಸಿದರು.
ಇದನ್ನೂ ಓದಿ: ಥಿಯೇಟರ್‌ಗಳಲ್ಲಿ ಸೀಟ್‌ ಖಾಲಿ ಇದ್ರೆ ಕಾಲು ಹಾಕೋದು, ಉಗಿಯೋದು ಎಷ್ಟು ಸರಿ?; ಮಾಸ್ಟರ್ ಆನಂದ್ ಗರಂ
ವಿಚಾರಣೆ ವೇಳೆ ಸಮಯವನ್ನು ಹಣವೆಂದು ಪರಿಗಣಿಸಲಾಗುತ್ತದೆ ಎಂದು ಪ್ರತಿಪಾದಿಸಿದ ಗ್ರಾಹಕ ನ್ಯಾಯಾಲಯ ದೂರುದಾರ(ಅಭಿಷೇಕ ಎಂಆರ್)ರಿಗೆ ಉಂಟಾದ ನಷ್ಟ ಸರಿದೂಗಿಸಲು ಪಿವಿಆರ್ ಸಿನಿಮಾಸ್ ಮತ್ತು ಐನಾಕ್ಸ್‌ಗೆ ನಿರ್ದೇಶನ ನೀಡಿದೆ. ಪಿವಿಆರ್ ಮತ್ತು ಐನಾಕ್ಸ್ ದೂರುದಾರರ ಸಮಯ ವ್ಯರ್ಥ ಮತ್ತು ಅನ್ಯಾಯದ ವ್ಯಾಪಾರಕ್ಕಾಗಿ 50,000 ರೂ., ಮಾನಸಿಕ ಯಾತನೆಗಾಗಿ 5,000 ರೂ. ಮತ್ತು ದೂರು ದಾಖಲಿಸಿದ್ದಕ್ಕಾಗಿ ಮತ್ತು ಇತರ ಪರಿಹಾರಗಳಿಗಾಗಿ 10,000 ರೂ. ದಂಡವನ್ನು ವಿಧಿಸಿದೆ. ಅಲ್ಲದೇ ಪಿವಿಆರ್ ಸಿನಿಮಾಸ್ ಮತ್ತು ಐನಾಕ್ಸ್‌ಗೆ ನ್ಯಾಯಾಲಯವು ಒಂದು ಲಕ್ಷ ರೂ. ದಂಡವನ್ನು ವಿಧಿಸಿತು.
ಆದಾಗ್ಯೂ, ಬುಕ್‌ಮೈಶೋ ಟಿಕೆಟ್ ಬುಕಿಂಗ್ ವೇದಿಕೆಯಾಗಿರುವುದರಿಂದ ಮತ್ತು ಜಾಹೀರಾತುಗಳ ಸ್ಟ್ರೀಮಿಂಗ್ ಸಮಯದ ಮೇಲೆ ಯಾವುದೇ ನಿಯಂತ್ರಣವನ್ನು ಹೊಂದಿರದ ಕಾರಣ ಯಾವುದೇ ಕ್ಲೈಮ್‌ಗಳನ್ನು ಪಾವತಿಸಲು ಅದು ಬಾಧ್ಯಸ್ಥವಲ್ಲ ಎಂದು ನ್ಯಾಯಾಲಯ ಹೇಳಿದೆ.
ಗ್ರಾಹಕ ನ್ಯಾಯಾಲಯ ಹೇಳಿದ್ದೇನು?
'ಇತರರ ಸಮಯ ಮತ್ತು ಹಣದಿಂದ ಲಾಭ ಪಡೆಯುವ ಹಕ್ಕು ಯಾರಿಗೂ ಇಲ್ಲ' ಎಂದು ಫೆಬ್ರವರಿ 15 ರ ಆದೇಶದಲ್ಲಿ ನ್ಯಾಯಾಲಯ ಹೇಳಿದ್ದು, 25-30 ಗಂಟೆಗಳು ಥಿಯೇಟರ್‌ನಲ್ಲಿ ಸುಮ್ಮನೆ ಕುಳಿತು ಪ್ರಸಾರವಾಗುವ ಎಲ್ಲವನ್ನೂ ನೋಡುವುದು ಕಡಿಮೆಯಲ್ಲ ಎಂದು ಒತ್ತಿ ಹೇಳಿದೆ. ಕಟ್ಟುನಿಟ್ಟಾದ ವೇಳಪಟ್ಟಿ ಹೊಂದಿರುವ ಕಾರ್ಯನಿರತ ಜನರು ಅಥವಾ ಬ್ಯುಸಿನೆಸ್‌ಮೆನ್‌ಗಳು ಅನಗತ್ಯ ಜಾಹೀರಾತುಗಳನ್ನು ವೀಕ್ಷಿಸುವುದು ತುಂಬಾ ಕಷ್ಟ ಎಂದು ಅದು ಹೇಳಿದೆ.
PVR-INOX ಹೇಳಿದ್ದೇನು?
ತಮ್ಮ ಪ್ರತಿವಾದದಲ್ಲಿ, ಪಿವಿಆರ್ ಸಿನಿಮಾಸ್ ಮತ್ತು ಐಎನ್‌ಒಎಕ್ಸ್, ಕಾನೂನಿನ ಅಡಿಯಲ್ಲಿ ಜಾಗೃತಿ ಮೂಡಿಸಲು ಕೆಲವು ಸಾರ್ವಜನಿಕ ಸೇವಾ ಪ್ರಕಟಣೆಗಳನ್ನು (ಪಿಎಸ್‌ಎ) ಪ್ರದರ್ಶಿಸಲು ಬದ್ಧವಾಗಿವೆ ಎಂದು ಹೇಳಿಕೊಂಡವು. ಆದಾಗ್ಯೂ, ಚಲನಚಿತ್ರ ಪ್ರಾರಂಭವಾಗುವ 10 ನಿಮಿಷಗಳ ಮೊದಲು ಮತ್ತು ಚಲನಚಿತ್ರ ಪ್ಯಾಕೇಜ್‌ನ ದ್ವಿತೀಯಾರ್ಧದ ಆರಂಭದ ಮೊದಲು ಮಧ್ಯಂತರ ಅವಧಿಯಲ್ಲಿ PSA ಗಳನ್ನು ಪ್ರದರ್ಶಿಸಬೇಕು ಎಂದು ನ್ಯಾಯಾಲಯ ತಿಳಿಸಿತು.
ಪಿವಿಆರ್ ಸಿನಿಮಾಸ್ ಮತ್ತು ಐನಾಕ್ಸ್ ಕಂಪನಿಗಳು ಗ್ರಾಹಕ ಕಲ್ಯಾಣ ನಿಧಿಗೆ ಒಂದು ಲಕ್ಷ ರೂಪಾಯಿ ಠೇವಣಿ ಇಡುವಂತೆಯೂ ನ್ಯಾಯಾಲಯ ನಿರ್ದೇಶಿಸಿದೆ. ಆದೇಶ ನೀಡಿದ ದಿನಾಂಕದಿಂದ 30 ದಿನಗಳಲ್ಲಿ ಮೊತ್ತವನ್ನು ಪಾವತಿಸುವಂತೆಯೂ ಸೂಚಿಸಲಾಗಿದೆ.
