ಟಾಟಾ ಟಿಗೋರ್‌ ಇವಿಗೆ ಭಾರಿ ಬೇಡಿಕೆ: ಮೊದಲ ದಿನವೇ 10 ಸಾವಿರ ವಾಹನ ಬುಕ್
ಟಾಟಾ ಟಿಯಾಗೊ ಇವಿ ಮಾದರಿಯ ಬುಕಿಂಗ್ಗಳು ಸೋಮವಾರದಿಂದ ಪ್ರಾರಂಭವಾಗಿದ್ದು, ಮುಂದಿನ ವರ್ಷ ಜನವರಿಯಿಂದ ವಿತರಣೆಗಳು ಪ್ರಾರಂಭವಾಗುವ ನಿರೀಕ್ಷೆಯಿದೆ. ಮೊದಲ ದಿನವೇ 10 ಸಾವಿರ ಕಾರುಗಳು ಬುಕ್ ಆಗಿವೆ.
 )
Followಟಾಟಾ ಮೋಟಾರ್ಸ್ (Tata motors) ಇತ್ತೀಚೆಗೆ ಪರಿಚಯಿಸಿದ ಎಲೆಕ್ಟ್ರಿಕ್ ಹ್ಯಾಚ್ಬ್ಯಾಕ್ ಟಿಯಾಗೋ ಇವಿ (Tiago.Ev) ಗೆ ಬಾರಿ ಬೇಡಿಕೆ ವ್ಯಕ್ತವಾಗಿದೆ. ಇತ್ತೀಚೆಗಷ್ಟೇ ಕಂಪನಿ ಅದರ ಬುಕಿಂಗ್ ಅನ್ನು ಆರಂಭಿಸಿದ್ದು, ಮೊದಲ ದಿನವೇ ಅತಿ ಹೆಚ್ಚಿನ ಜನರು ಬುಕ್ ಮಾಡಲು ಪ್ರಯತ್ನಿಸಿದ್ದರಿಂದ ಅದರ ವೆಬ್ಸೈಟ್ ತಾತ್ಕಾಲಿಕ ತೊಂದರೆಗಳನ್ನು ಎದುರಿಸಿದೆ. ಈ ವಿಷಯವನ್ನು ಟಾಟಾ ಮೋಟಾರ್ಸ್ ದೃಢಪಡಿಸಿದ್ದು, ಶೀಘ್ರದಲ್ಲೇ ಎಲ್ಲರಿಗೂ ಬುಕಿಂಗ್ ಅವಕಾಶ ಕಲ್ಪಿಸುವುದಾಗಿ ಭರವಸೆ ನೀಡಿದೆ. ಟಾಟಾ ಟಿಯಾಗೊ ಇವಿ ಮಾದರಿಯ ಬುಕಿಂಗ್ಗಳು ಸೋಮವಾರದಿಂದ ಪ್ರಾರಂಭವಾಗಿದ್ದು, ಮುಂದಿನ ವರ್ಷ ಜನವರಿಯಿಂದ ವಿತರಣೆಗಳು ಪ್ರಾರಂಭವಾಗುವ ನಿರೀಕ್ಷೆಯಿದೆ. ಮೊದಲ ದಿನವೇ 10 ಸಾವಿರ ಕಾರುಗಳು ಬುಕ್ ಆಗಿವೆ.
ಮೊದಲ ದಿನವೇ ಗ್ರಾಹಕರಿಂದ ವ್ಯಕ್ತವಾದ ಅತ್ಯತ್ತಮ ಪ್ರತಿಕ್ರಿಯೆಗೆ ಸಂತಸ ವ್ಯಕ್ತಪಡಿಸಿರುವ ಟಾಟಾ ಮೋಟಾರ್ಸ್ ಪ್ಯಾಸೆಂಜರ್ ವೆಹಿಕಲ್ಸ್ (PV) ವ್ಯವಸ್ಥಾಪಕ ನಿರ್ದೇಶಕ ಶೈಲೇಶ್ ಚಂದ್ರ, "ನಮ್ಮ ಡೀಲರ್ಶಿಪ್ಗಳು ಮತ್ತು ನಮ್ಮ ವೆಬ್ಸೈಟ್ನಲ್ಲಿ Tiago.Ev ಗೆ ದೊರೆತ ಉತ್ತಮ ಪ್ರತಿಕ್ರಿಯೆಯಿಂದ ನಮಗೆ ಸಂತಸವಾಗಿದೆ. ಸಾವಿರಾರು ಗ್ರಾಹಕರು ಒಂದೇ ಸಮಯದಲ್ಲಿ ಆನ್ಲೈನ್ನಲ್ಲಿ ಬುಕ್ ಮಾಡಲು ಪ್ರಯತ್ನಿಸಿದ್ದರಿಂದ, ವೆಬ್ಸೈಟ್ ಸ್ವಲ್ಪಮಟ್ಟಿಗೆ ನಿಧಾನವಾಯಿತು ಮತ್ತು ಈಗ ಅದನ್ನು ಸರಿಪಡಿಸಲಾಗಿದೆ. ಅನಾನುಕೂಲತೆಗಾಗಿ ನಾವು ವಿಷಾದಿಸುತ್ತೇವೆ “ಎಂದು ಹೇಳಿಕೆ ನೀಡಿದ್ದಾರೆ.
ಇವಿ ವಲಯದಲ್ಲಿ ಅತಿ ಹೆಚ್ಚು ಮಾಸಿಕ ಮಾರಾಟ ದಾಖಲಿಸಿದ ಟಾಟಾ ಮೋಟರ್ಸ್
ಎಲ್ಲಾ ಗ್ರಾಹಕರ ವಿಚಾರಣೆಗಳು ಮತ್ತು ಬುಕಿಂಗ್-ಸಂಬಂಧಿತ ಕಾಳಜಿಗಳನ್ನು ಸೂಕ್ತವಾಗಿ ಪರಿಹರಿಸಲಾಗುತ್ತಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ. ಟೋ ಮೇಜರ್ ಟಾಟಾ ಮೋಟಾರ್ಸ್, ಸೆಪ್ಟೆಂಬರ್ 28 ರಂದು ಟಾಟಾ ಟಿಯಾಗೊನ ಎಲೆಕ್ಟ್ರಿಕ್ ಮಾದರಿಯನ್ನು ಬಿಡುಗಡೆ ಮಾಡಿದ್ದು, ಮೊದಲ 10,000 ಗ್ರಾಹಕರಿಗೆ ರೂ 8.49 ಲಕ್ಷದಿಂದ ರೂ 11.79 ಲಕ್ಷದವರೆಗೆ (ಎಕ್ಸ್ ಶೋ ರೂಂ) ದರ ನಿಗದಿಪಡಿಸಿತ್ತು. ಈ ಹಿನ್ನೆಲೆಯಲ್ಲಿ ಜನರು ಮುಗಿಬಿದ್ದು ಕಾರನ್ನು ಬುಕ್ ಮಾಡಲು ಮುಂದಾಗಿದ್ದಾರೆ.
Tiago EV ಈಗ ದೇಶದಲ್ಲಿ ಹೆಚ್ಚು ಬೇಡಿಕೆಯ ಎಲೆಕ್ಟ್ರಿಕ್ ಪ್ರಯಾಣಿಕ ವಾಹನ ಬ್ರಾಂಡ್ ಆಗಿದೆ ಮತ್ತು ಕಂಪನಿಯ ಎಲೆಕ್ಟ್ರಿಕ್ ವಾಹನ ಶ್ರೇಣಿಯಲ್ಲಿ ಅತ್ಯಂತ ಕೈಗೆಟುಕುವ ಬೆಲೆಯಾಗಿದೆ.
Tiago.Ev ಎರಡು ವಿಭಿನ್ನ ಬ್ಯಾಟರಿ ಸೆಟ್ಅಪ್ಗಳು, ಡ್ರೈವಿಂಗ್ ಮೋಡ್ಗಳು ಮತ್ತು ಟ್ರಿಮ್ಗಳಾದ್ಯಂತ ಸಂಪರ್ಕಿತ ಕಾರ್ ಟೆಲಿಮ್ಯಾಟಿಕ್ಸ್ನೊಂದಿಗೆ ಬರುತ್ತದೆ. 25 KW ಬ್ಯಾಟರಿ ಪ್ಯಾಕ್ನೊಂದಿಗಿನ ಟ್ರಿಮ್ಗಳು 315 ಕಿಲೋಮೀಟರ್ಗಳ ಡ್ರೈವಿಂಗ್ ರೇಂಜ್ನೊಂದಿಗೆ ಬರುತ್ತವೆ ಆದರೆ 19.2 ಕಿಲೋಗ್ರಾಂ ಬ್ಯಾಟರಿ ಪ್ಯಾಕ್ನೊಂದಿಗೆ ವೇರಿಯಂಟ್‌ಗಳು ಅಂದಾಜು 250 ಕಿಮೀ ವ್ಯಾಪ್ತಿ ಒದಗಿಸುತ್ತವೆ. ಆರಂಭಿಕ ಕೊಡುಗೆಯಲ್ಲಿ, ಮೊದಲ 10,000 ವಾಹನಗಳ ಪೈಕಿ 2,000 ವಾಹನಗಳನ್ನು ನೆಕ್ಸಾನ್ EV ಮತ್ತು Tigor EV ಯ ಪ್ರಸ್ತುತ ಮಾಲೀಕರಿಗೆ ಕಾಯ್ದಿರಿಸಲಾಗುವುದು ಎಂದು ಟಾಟಾ ಹೇಳಿತ್ತು. ಎಲೆಕ್ಟ್ರಿಕ್ ವಾಹನಗಳು ಪ್ರಸ್ತುತ ಟಾಟಾ ಮೋಟಾರ್ಸ್ನ ಒಟ್ಟು ಪ್ರಯಾಣಿಕ ವಾಹನ ಪ್ರಮಾಣದ ಶೇ.8ರಷ್ಟು ಪಾಲನ್ನು ಹೊಂದಿವೆ. ಸೆಪ್ಟೆಂಬರ್ನಲ್ಲಿ, ಟಾಟಾ ಮೋಟಾರ್ಸ್ EV ಮಾರಾಟ ಶೇ. 217 ರಷ್ಟು ಏರಿಕೆಯಾಗಿದ್ದು, 2,831 ವಾಹನಗಳಿಗೆ ತಲುಪಿದೆ.
EV sales ಎಲೆಕ್ಟ್ರಿಕ್ ಕಾರು ಮಾರಾಟದಲ್ಲಿ ಶೇ.352 ರಷ್ಟು ಏರಿಕೆ, ಹೊಸ ದಾಖಲೆ ಬರೆದ ಟಾಟಾ!
ಯಾವುದೇ ಅಧಿಕೃತ ಟಾಟಾ ಮೋಟಾರ್ಸ್ ಡೀಲರ್ಶಿಪ್ನಲ್ಲಿ ಅಥವಾ ಅಧಿಕೃತ ಆನ್ಲೈನ್ ಬುಕಿಂಗ್ ಪೋರ್ಟಲ್ನಲ್ಲಿ ರೂ 21,000 ಬುಕಿಂಗ್ ಮೊತ್ತವನ್ನು ಪಾವತಿಸಿದ ನಂತರ ಗ್ರಾಹಕರು Tiago EV ಅನ್ನು ಬುಕ್ ಮಾಡಬಹುದು. Tiago EV 2022ರ ಅಕ್ಟೋಬರ್ ನಲ್ಲಿ ಪ್ರಮುಖ ನಗರಗಳಾದ್ಯಂತ ಪ್ರಮುಖ ಮಾಲ್ಗಳಲ್ಲಿ ಪ್ರದರ್ಶನಗೊಳ್ಳಲಿದೆ ಎಂದು ಟಾಟಾ ಹೇಳಿದೆ ಮತ್ತು ಗ್ರಾಹಕರ ಟೆಸ್ಟ್ ಡ್ರೈವ್ಗಳು ಡಿಸೆಂಬರ್ 2022 ರ ಅಂತ್ಯದಲ್ಲಿ ಪ್ರಾರಂಭವಾಗುತ್ತದೆ. ಜನವರಿ 2023 ರಿಂದ ವಿತರಣೆಗಳು ಪ್ರಾರಂಭವಾಗುತ್ತವೆ.
