ಒಂದೇ ಸೂರಿನಡಿ ಎಲೆಕ್ಟ್ರಿಕ್ ಕಾರು, ಸ್ಕೂಟರ್, ಬ್ಯಾಟರಿ ತಯಾರಿಸಲಿದೆ ಈ ಓಲಾ ಫ್ಯೂಚರ್ ಫ್ಯಾಕ್ಟರಿ
ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳು, ಕಾರುಗಳು ಹಾಗೂ ಬ್ಯಾಟರಿಗಳ ಉತ್ಪಾದನೆಗೆ ಭವಿಷ್ಯದ ಫ್ಯಾಕ್ಟರಿ (future factory) ಆರಂಭಿಸಲಿದೆ ಓಲಾ ಎಲೆಕ್ಟ್ರಿಕ್.
ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳು, ಕಾರುಗಳು ಹಾಗೂ ಬ್ಯಾಟರಿಗಳ ಉತ್ಪಾದನೆಗೆ ಭವಿಷ್ಯದ ಫ್ಯಾಕ್ಟರಿ (future factory) ಆರಂಭಿಸಲಿದೆ ಓಲಾ ಎಲೆಕ್ಟ್ರಿಕ್. ಈ ಕುರಿತು ಮಾಹಿತಿ ನೀಡಿರುವ ಓಲಾ ಎಲೆಕ್ಟ್ರಿಕ್ನ (Ola electric) ಸಿಇಒ ಭವಿಶ್ ಅಗರ್ವಾಲ್, ಒಂದು ಸೂರಿನಡಿ ವಿಶ್ವದ ಅತಿದೊಡ್ಡ ಎಲೆಕ್ಟ್ರಿಕ್ ವಾಹನ ಪರಿಸರ ವ್ಯವಸ್ಥೆಯನ್ನು' ನಿರ್ಮಿಸುವ ಮಹತ್ವಾಕಾಂಕ್ಷೆಯ ಯೋಜನೆಗಳನ್ನು ವಿವರಿಸಿದ್ದಾರೆ. ತಮಿಳುನಾಡಿನಲ್ಲಿ ಓಲಾ ಎಲೆಕ್ಟ್ರಿಕ್ ನಿರ್ಮಿಸಲು ಯೋಜಿಸಿರುವ ಫ್ಯೂಚರ್ ಫ್ಯಾಕ್ಟರಿ ಈ ಯೋಜನೆಗಳ ಕೇಂದ್ರಬಿಂದುವಾಗಿದೆ. ಓಲಾ ಫ್ಯೂಚರ್ ಫ್ಯಾಕ್ಟರಿ, ಸ್ಕೂಟರ್ ಮತ್ತು ಮೋಟಾರ್ ಸೈಕಲ್‌ಗಳು, (Scooters and motor cycle) ಎಲೆಕ್ಟ್ರಿಕ್ ಕಾರುಗಳು ಮತ್ತು ಎಲೆಕ್ಟ್ರಿಕ್ ವಾಹನಗಳಲ್ಲಿ ಬಳಸಲಾಗುವ ಬ್ಯಾಟರಿಗಳನ್ನು ಒಳಗೊಂಡಿರುವ ಎಲೆಕ್ಟ್ರಿಕ್ ದ್ವಿಚಕ್ರ ವಾಹನಗಳನ್ನು ತಯಾರಿಸುತ್ತದೆ.
ಈ ಕಾರ್ಖಾನೆ 340 ಎಕರೆಗಳ ವಿಸ್ತಾರದಲ್ಲಿದ್ದು, ಸುಮಾರು 40 ಎಕರೆಗಳನ್ನು ಎಲೆಕ್ಟ್ರಿಕ್ ದ್ವಿಚಕ್ರ ವಾಹನ ಉತ್ಪಾದನೆಗೆ ಮೀಸಲಿಡಲಾಗಿದೆ. ಎಲೆಕ್ಟ್ರಿಕ್ ಕಾರು ಉತ್ಪಾದನಾ ಸೌಲಭ್ಯವು 200 ಎಕರೆಗಳಿಗಿಂತ ಹೆಚ್ಚು ಇರುತ್ತದೆ. ಲಿಥಿಯಂ ಸೆಲ್‌ಗಳು (lithium cell) ಮತ್ತು ಬ್ಯಾಟರಿಗಳನ್ನು ಉತ್ಪಾದಿಸಲು ಇನ್ನೂ 100 ಎಕರೆಗಳನ್ನು ಮೀಸಲಿಡಲಾಗುವುದು. ಓಲಾ ಎಲೆಕ್ಟ್ರಿಕ್ ಭಾರತವನ್ನು ಲಿಥಿಯಂ ಕೋಶಗಳ ಕೇಂದ್ರವನ್ನಾಗಿ ಮಾಡಲು ಯೋಜನೆ ರೂಪಿಸಿದ್ದು, ಲಿಥಿಯಂ ಸೆಲ್ಗಳ ಸ್ಥಳೀಯ ಉತ್ಪಾದನೆ ಪ್ರಾರಂಭವಾದ ನಂತರ ಎಲೆಕ್ಟ್ರಿಕ್ ವಾಹನಗಳ ಬೆಲೆಯು 25% ಕ್ಕಿಂತ ಹೆಚ್ಚು ಇಳಿಯುತ್ತದೆ ಎಂದು ಭವಿಶ್ ಅರ್ಗವಾಲ್‌ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಅಗರ್ವಾಲ್ ಅವರು ಓಲಾ ಎಲೆಕ್ಟ್ರಿಕ್ನ ಫ್ಯೂಚರ್ ಫ್ಯಾಕ್ಟರಿಯ ನಿಖರ ಹೂಡಿಕೆ ಬಹಿರಂಗಪಡಿಸದಿದ್ದರೂ, ಇದು ಶತಕೋಟಿ ಡಾಲರ್‌ಗಳಲ್ಲಿರಬಹುದು ಎಂದು ಊಹಿಸಬಹುದಾಗಿದೆ.
ಓಲಾದ ಹೊಸ ಎಲೆಕ್ಟ್ರಿಕ್ ಸ್ಕೂಟರ್ ಓಲಾ ಎಸ್1 ಬಿಡುಗಡೆ, 2024ರಲ್ಲಿ ಬರಲಿದೆ ಓಲಾ ಕಾರು!
ಇದರ ಜೊತೆಗೆ, ಓಲಾ ಎಲೆಕ್ಟ್ರಿಕ್ ತನ್ನ ಮೊದಲ ಎಲೆಕ್ಟ್ರಿಕ್ ಕಾರು 2024 ರಲ್ಲಿ ಭಾರತೀಯ ಮಾರುಕಟ್ಟೆಗೆ ಆಗಮಿಸಲಿದೆ ಎಂದು ಅಧಿಕೃತವಾಗಿ ಬಹಿರಂಗಪಡಿಸಿದೆ. ಹೊಸ ಓಲಾ ಎಲೆಕ್ಟ್ರಿಕ್ ಕಾರು ಒಂದೇ ಚಾರ್ಜ್ನಲ್ಲಿ 500 ಕಿಮೀ ವ್ಯಾಪ್ತಿಯೊಂದಿಗೆ ಮತ್ತು 0.21 ಸಿಡಿ ಡ್ರ್ಯಾಗ್ ಸಾಮರ್ಥ್ಯದೊಂದಿಗೆ ಬರಲಿದೆ ಎಂದು ಕಂಪನಿ ಹೇಳಿಕೊಂಡಿದೆ. ಹೊಸ ಓಲಾ ಎಲೆಕ್ಟ್ರಿಕ್ ಕಾರು ಬ್ರ್ಯಾಂಡ್ನ ಆಂತರಿಕ ಲಿ-ಐಯಾನ್ ಬ್ಯಾಟರಿ ಪ್ಯಾಕ್ ಹೊಂದಿದ್ದು, ಇದನ್ನು ಕಂಪನಿಯು ಇತ್ತೀಚೆಗೆ ಬಹಿರಂಗಪಡಿಸಿದೆ. ಇದು ಕೂಪ್ ತರಹದ ಇಳಿಜಾರಾದ ರೂಫ್ಲೈನ್ ಮತ್ತು ರಾಕ್ಡ್ ವಿಂಡ್ಸ್ಕ್ರೀನ್ನೊಂದಿಗೆ ಹೊಸ ಎಲೆಕ್ಟ್ರಿಕ್ ಸೆಡಾನ್ ಆಗಿರುತ್ತದೆ. ಈ ಎಲೆಕ್ಟ್ರಿಕ್ ವಾಹನ ಪ್ರಕಾಶಿತ OLA ಲೋಗೋದೊಂದಿಗೆ ಮುಂಭಾಗದಲ್ಲಿ LED ಲೈಟ್ ಬಾರ್ ಅನ್ನು ಹೊಂದಿದೆ. ವಾಹನವು ಕೂಪ್ ತರಹದ ಮೇಲ್ಭಾಗ ಹೊಂದಿದೆ. ಹಿಂಭಾಗದಲ್ಲಿ, OLA EV ಟೈಲ್-ಲೈಟ್ ಆಗಿ ಲೈಟ್ ಬಾರ್ಅಳವಡಿಸಲಾಗಿದ್ದು, ಹೊಳೆಯುವ OLA ಲೋಗೋ ಇದೆ.
ಆಗಸ್ಟ್ 15ಕ್ಕೆ ಓಲಾ ಎಲೆಕ್ಟ್ರಿಕ್ ಕಾರು ಬಿಡುಗಡೆ? ವಿಡಿಯೋ ಪೋಸ್ಟ್ ಮಾಡಿದ ಸಿಇಒ!
OLA ಎಲೆಕ್ಟ್ರಿಕ್ ಕಾರ್ ವಿಶೇಷತೆಗಳು:
ಎಲೆಕ್ಟ್ರಿಕ್ ಕಾರು ಒಂದೇ ಚಾರ್ಜ್ನಲ್ಲಿ 500 ಕಿಲೋಮೀಟರ್ಗಿಂತ ಹೆಚ್ಚಿನ ವ್ಯಾಪ್ತಿಯೊಂದಿಗೆ ಬರಲಿದೆ. ಈ ಎಲೆಕ್ಟ್ರಿಕ್ ವಾಹನವು 4 ಸೆಕೆಂಡುಗಳಿಗಿಂತ ಕಡಿಮೆ ಅವಧಿಯಲ್ಲಿ 0-100 ಕಿಮೀ ವೇಗ ಹೆಚ್ಚಿಸುವ ಸಾಮರ್ಥ್ಯ ಹೊಂದಿದೆ. ಹೊಸ ಮಾದರಿಯು ಭಾರತದಲ್ಲಿ ನಿರ್ಮಿಸಲಾದ ಅತ್ಯಂತ ಸ್ಪೋರ್ಟಿಯಾಗಿರಲಿದೆ. ಇದು 2024ರಲ್ಲಿ ಬಿಡುಗಡೆಯಾಗಲಿದೆ ಎಂದು ಓಲಾ ಹೇಳಿದೆ.
ಓಲಾ ಎಲೆಕ್ಟ್ರಿಕ್ ಕಾರು, ಹಲವಾರು ಡ್ರೈವರ್ ಅಸಿಸ್ಟೆಂಟ್ ಸಿಸ್ಟಮ್ಗಳು, ಕೀಲೆಸ್ ಮತ್ತು ಹ್ಯಾಂಡಲ್-ಲೆಸ್ ಡೋರ್ಗಳು ಮತ್ತು ಹಲವಾರು ಸುಧಾರಿತ ವೈಶಿಷ್ಟ್ಯಗಳೊಂದಿಗೆ ಬರಲಿದೆ. ಜೊತೆಗೆ ಇದರಲ್ಲಿ, ಓಲಾ ಆಂತರಿಕವಾಗಿ ಅಭಿವೃದ್ಧಿಪಡಿಸಿದ MoveOS ಸಾಫ್ಟ್ವೇರ್ ಅಳವಡಿಕೆಯಾಗಲಿದೆ. ಕಂಪನಿಯು ಭಾರತದಲ್ಲಿ ಹೊಸ Li-ion ಬ್ಯಾಟರಿಯನ್ನು ಸಹ ಅಭಿವೃದ್ಧಿಪಡಿಸುತ್ತಿದ್ದು, ಇದು ಮುಂಬರುವ ಎಲೆಕ್ಟ್ರಿಕ್ ಕಾರುಗಳಿಗೆ ಹೆಚ್ಚಿನ ಪವರ್ ನೀಡಲಿದೆ ಎಂದು ನಿರೀಕ್ಷಿಸಲಾಗುತ್ತಿದೆ.
