ಮಾರುತಿ ಬ್ರೀಜಾ 2022 ಬುಕಿಂಗ್ ಆರಂಭ: ಜೂನ್ 30ಕ್ಕೆ ದರ ಘೋಷಣೆ ಸಾಧ್ಯತೆ
Maruti Suzuki Breeza: ಮಾರುತಿ ಸುಜುಕಿ ಕಂಪನಿಯ ಭಾರಿ ಜನಪ್ರಿಯ ಮತ್ತು ಅತಿ ಹೆಚ್ಚು ಮಾರಾಟವಾದ ಮಾರುತಿ ಬ್ರೀಝಾದ (Maruti Breeza) ಫೇಸ್ಲಿಫ್ಟ್ ಮಾರುತಿ ಬ್ರೀಝಾ 2022 ಬುಕಿಂಗ್ ಪ್ರಾರಂಭವಾಗಿದೆ.
ಮಾರುತಿ ಸುಜುಕಿ ಕಂಪನಿಯ ಭಾರಿ ಜನಪ್ರಿಯ ಮತ್ತು ಅತಿ ಹೆಚ್ಚು ಮಾರಾಟವಾದ ಮಾರುತಿ ಬ್ರೀಝಾದ (Maruti Breeza) ಫೇಸ್ಲಿಫ್ಟ್ ಮಾರುತಿ ಬ್ರೀಝಾ 2022 ಬುಕಿಂಗ್ ಪ್ರಾರಂಭವಾಗಿದೆ. ಮಾರುತಿ ಸುಜುಕಿ ತನ್ನ ಹೊಸ ಪೀಳಿಗೆಯ ವಿಟಾರಾ ಬ್ರೀಝಾ (Vitara Breeza)ವನ್ನು ಜೂನ್ 20 ರಿಂದ ಭಾರತದಲ್ಲಿ ಬುಕಿಂಗ್ ಪ್ರಾರಂಭಿಸಿದೆ. ಇದರೊಂದಿಗೆ, ಕಂಪನಿಯು ಹಾಟ್ ಮತ್ತು ಟೆಕ್ ಟ್ಯಾಗ್ಲೈನ್ನೊಂದಿಗೆ ಹೊಸ ಬ್ರೀಝಾದ ಹೊಸ ಟಿವಿಸಿ ವೀಡಿಯೊವನ್ನು ಸಹ ಬಿಡುಗಡೆ ಮಾಡಿದೆ. ಇದರಲ್ಲಿ ಜುಗ್ ಜುಗ್ ಜಿಯೋ ಸ್ಟಾರ್ ವರುಣ್ ಧವನ್ ಈ ಎಸ್ಯುವಿ ಬಗ್ಗೆ ಹೇಳುವ ದೃಶ್ಯಗಳಿವೆ.
ಮೊದಲನೆಯದಾಗಿ, ನೀವು 11,000 ರೂ ಟೋಕನ್ ಮೊತ್ತ ಪಾವತಿಸುವ ಮೂಲಕ ದೇಶಾದ್ಯಂತ ಮಾರುತಿ ಅರೆನಾ ಶೋರೂಮ್ (Maruti Arena Showroom) ಗಳಲ್ಲಿ ಹೊಸ ಬ್ರೀಝಾ 2022 ಅನ್ನು ಬುಕ್ ಮಾಡಬಹುದು. ಇದರ ಜೂನ್ 30 ರಂದು ಬಹಿರಂಗಗೊಳ್ಳಲಿದೆ. ಹೊಸ ಮಾರುತಿ ಬ್ರೀಜಾದ ನೋಟ ಮತ್ತು ವೈಶಿಷ್ಟ್ಯಗಳ ಬಗ್ಗೆ ನೋಡೋಣ.
ಉತ್ತಮ ನೋಟ ಮತ್ತು ವೈಶಿಷ್ಟ್ಯಗಳು:
ಮಾರುತಿ ಸುಜುಕಿ ವಿಟಾರಾ ಬ್ರೀಝಾ 2022 ಸಾಕಷ್ಟು ಕಾಸ್ಮೆಟಿಕ್ ಬದಲಾವಣೆಗಳೊಂದಿಗೆ ಬರುತ್ತದೆ. ಇದು ಅದರ ನೋಟ ಮತ್ತು ವೈಶಿಷ್ಟ್ಯಗಳನ್ನು ಮೊದಲಿಗಿಂತ ಉತ್ತಮವಾಗಿರಲಿದೆ. ಇದು ಹೊಸ ಮುಂಭಾಗದ ಗ್ರಿಲ್ ಜೊತೆಗೆ ಹೊಸ ಬಂಪರ್ಗಳು, ಸಿಲ್ವರ್ ಸ್ಕಿಡ್ ಪ್ಲೇಟ್ಗಳು, ಜೆ-ಆಕಾರದ ಡಿಆರ್ಎಲ್ಗಳು (DRL), ಹೆಡ್ಲ್ಯಾಂಪ್ಗಳು, ಸಣ್ಣ ಫಾಗ್ ಲ್ಯಾಂಪ್ಗಳು ಮತ್ತು ಹಿಂಭಾಗದಲ್ಲಿ ಸುಧಾರಿತ ಟೈಲ್ಲ್ಯಾಂಪ್ಗಳೊಂದಿಗೆ ಬಂಪರ್ಗಳನ್ನು ಹೊಂದಿರಲಿದೆ.
ಹೊಸ ಬ್ರೀಝಾದಲ್ಲಿ ಹೊಸ ಡ್ಯುಯಲ್ ಟೋನ್ ಮಿಶ್ರಲೋಹದ ಚಕ್ರಗಳಿವೆ. ಮತ್ತೊಂದೆಡೆ, ಹೆಡ್ ಅಪ್ ಡಿಸ್ಪ್ಲೇ, ಎಲೆಕ್ಟ್ರಿಕ್ ಸನ್ರೂಫ್, 360-ಡಿಗ್ರಿ ಪಾರ್ಕಿಂಗ್ ಕ್ಯಾಮೆರಾ, ಆಪಲ್ ಕಾರ್ಪ್ಲೇ ಮತ್ತು ಆಂಡ್ರಾಯ್ಡ್ ಆಟೋ ವೈಶಿಷ್ಟ್ಯಗಳೊಂದಿಗೆ 9-ಇಂಚಿನ ಸ್ಮಾರ್ಟ್ಪ್ಲೇ ಇನ್ಫೋಟೈನ್ಮೆಂಟ್ ಸಿಸ್ಟಮ್, ಅಮೆಜಾನ್ ಅಲೆಕ್ಸಾ ಸೌಲಭ್ಯ, ವೆಂಟಿಲೇಟೆಡ್ ಮುಂತಾದ ಗುಣಮಟ್ಟದ ವೈಶಿಷ್ಟ್ಯಗಳನ್ನು ಹೊಂದಿದೆ. ಆಸನಗಳು, ಪ್ರೀಮಿಯಂ ಸೌಂಡ್ ಸಿಸ್ಟಂ. ಹಲವು ಸುರಕ್ಷತಾ ವೈಶಿಷ್ಟ್ಯಗಳು ಇದರ ವಿಶೇಷವಾಗಿರಲಿದೆ.
ಇದನ್ನೂ ಓದಿ: ಮೇನಲ್ಲಿ ದಾಖಲೆಯ ಮಾರಾಟ ದಾಖಲಿಸಿದ ಟಾಟಾ ನೆಕ್ಸಾನ್: ಅಗ್ರಸ್ಥಾನದತ್ತ ಹೆಜ್ಜೆ
ಹೊಸ ಮಾರುತಿ ಬ್ರೀಝಾ ಹೊಸ 1.5-ಲೀಟರ್ ಡ್ಯುಯಲ್ ವಿವಿಟಿ (VVT) ಪೆಟ್ರೋಲ್ ಎಂಜಿನ್ ಹೊಂದಿರಲಿದ್ದು, ಇದು ಕಂಪನಿಯ ಹೆಚ್ಚು ಮಾರಾಟವಾಗುವ ಎಂಪಿವಿ (MPV) ಎರ್ಟಿಗಾವನ್ನು ಹೋಲುತ್ತದೆ, ಇದು 103 ಎಚ್ಪಿ (hp) ಪವರ್ ಮತ್ತು 136.8 ಎನ್ಎಂ (Nm) ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಈ ಕಾಂಪ್ಯಾಕ್ಟ್ ಎಸ್ಯುವಿ (SUV) 6 ಸ್ಪೀಡ್ ಮ್ಯಾನುವಲ್ ಟ್ರಾನ್ಸ್ಮಿಷನ್ ಜೊತೆಗೆ 6 ಸ್ಪೀಡ್ ಆಟೋಮ್ಯಾಟಿಕ್ ಟ್ರಾನ್ಸ್ಮಿಷನ್ ಆಯ್ಕೆಯನ್ನು ಪಡೆಯಲಿದೆ.
ಮಾಧ್ಯಮ ವರದಿಗಳ ಪ್ರಕಾರ, ಮುಂಬರುವ ಬ್ರೀಝಾವನ್ನು ಸಿಎನ್ಜಿ ಆಯ್ಕೆಯಲ್ಲಿಯೂ ನೀಡಬಹುದು. ಇದರ ಬೆಲೆ 8 ಲಕ್ಷದಿಂದ 12 ಲಕ್ಷ ರೂ.ಗಳವರೆಗೆ ಇರಲಿದೆ ಎಂದು ಊಹಿಸಲಾಗುತ್ತಿದೆ.
ಹೊಸ ಮಾರುತಿ ಬ್ರೀಝಾವು ವಿಭಾಗದಲ್ಲಿ ಹೆಚ್ಚು ಮಾರಾಟವಾಗುವ ಟಾಟಾ ನೆಕ್ಸಾನ್ ಜೊತೆಗೆ ಹ್ಯುಂಡೈ ವೆನ್ಯೂ, ಕಿಯಾ ಸಾನೆಟ್, ನಿಸ್ಸಾನ್ ಮ್ಯಾಗ್ನೈಟ್, ರೆನಾಲ್ಟ್ ಕೈಗರ್ ನಂತಹ ಕಾಂಪ್ಯಾಕ್ಟ್ ಎಸ್ಯುವಿಗಳೊಂದಿಗೆ ಸ್ಪರ್ಧಿಸುತ್ತದೆ.
ಇದನ್ನೂ ಓದಿ: ಪ್ರತಿನಿತ್ಯ 1,300 ಇವಿ ಕಾರು ತಯಾರಿಸುತ್ತಿರುವ ವೋಕ್ಸ್‌ವ್ಯಾಗನ್
ಮೇ ತಿಂಗಳಲ್ಲಿ ಮಾರಾಟವಾದ ವಾಹನಗಳ ಪೈಕಿ ಮಾರುತಿ ಅಗ್ರಸ್ಥಾನದಲ್ಲಿದೆ. ಈ ಪಟ್ಟಿಯಲ್ಲಿ ಬ್ರೀಜಾ ಹತ್ತನೇ ಸ್ಥಾನದಲ್ಲಿದೆ. ಉಳಿದಂತೆ ಕ್ರಮವಾಗಿ ಮಾರುತಿ ವ್ಯಾಗನ್ ಆರ್ ( 16,814), ಟಾಟಾ ನೆಕ್ಸಾನ್ (16,614), ಮಾರುತಿ ಸ್ವಿಫ್ಟ್ (14,133), ಮಾರುತಿ ಬಲೆನೋ (13,970), ಮಾರುತಿ ಆಲ್ಟೋ ( 12,933) ಮಾರುತಿ ಎರ್ಟಿಗಾ (12,226), ಮಾರುತಿ ಡಿಸೈರ್ (11,603), ಹ್ಯುಂಡೈ ಕ್ರೇಟಾ (10,973), ಮಾರುತಿ ಎಕೋ (10,482), ಮಾರುತಿ ಬ್ರೀಜಾ (10,312) ಸ್ಥಾನ ಪಡೆದುಕೊಂಡಿವೆ.
