21 ಸಾವಿರ ರೂಗೆ ಬುಕ್ ಮಾಡಿ ಹೊಚ್ಚ ಹೊಸ ಮಹೀಂದ್ರ XUV400 ಪ್ರೋ ಎಲೆಕ್ಟ್ರಿಕ್ ಕಾರು!
ಮಹೀಂದ್ರ ಹೊ್ಚ್ಚ ಹೊಸ ಮಹೀಂದ್ರ 400 ಪ್ರೋ ವೇರಿಯೆಂಟ್ ಎಲೆಕ್ಟ್ರಿಕ್ ಕಾರು ಬಿಡುಗಡೆ ಮಾಡಿದೆ. ಬುಕಿಂಗ್ ಬೆಲೆ 21 ಸಾವಿರ ರೂಪಾಯಿ ಮಾತ್ರ. ಅಡ್ರೆನಾಕ್ಸ್ ಸಂಪರ್ಕಿತ ಕಾರ್ ಸಿಸ್ಟಮ್ , 26.04ಸೆಂಮೀ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಸೇರಿದಂತೆ ಹಲವು ವಿಶೇಷತೆ ಇಲ್ಲಿದೆ. ನೂತನ ಕಾರಿನ ಸಂಪೂರ್ಣ ವಿವರ ಇಲ್ಲಿದೆ.
ಮುಂಬೈ(ಜ.11) ಭಾರತದಲ್ಲಿ ಎಲೆಕ್ಟ್ರಿಕ್ ಕಾರಿನ ಬೇಡಿಕೆ ಹೆಚ್ಚಾಗುತ್ತಿದೆ. ಅತ್ಯುತ್ತಮ ಕಾರುಗಳನ್ನು ಗ್ರಾಹಕರಿಗೆ ನೀಡುತ್ತಿರುವ ಮಹೀಂದ್ರ & ಮಹೀಂದ್ರಾ ಲಿಮಿಟೆಡ್ ಇದೀಗ XUV400 ಪ್ರೊ ವೇರಿಯೆಂಟ್ ಎಲೆಕ್ಟ್ರಿಕ್ ಕಾರು ಬಿಡುಗಡೆ ಮಾಡಿದೆ. ನೂತನ ಕಾರು ಹಲವು ಹೊಸತನ, ಅತ್ಯಾಧುನಿಕ ತಂತ್ರಜ್ಞಾನ, ಹೆಚ್ಚುವರಿ ಫೀಚರ್ಸ್ ಒಳಗೊಂಡಿದೆ. ಕೇವಲ 21,000 ರೂಪಾಯಿಗೆ ನೂತನ ಮಹೀಂದ್ರ XUV400 ಪ್ರೊ ವೇರಿಯೆಂಟ್ ಎಲೆಕ್ಟ್ರಿಕ್ ಕಾರು ಬುಕ್ ಮಾಡಿಕೊಳ್ಳಬಹುದು. ಮೂರು ವೇರಿಯೆಂಟ್ ಕಾರು ಬಿಡುಗಡೆ ಮಾಡಲಾಗಿದ್ದು. 15.49 ಲಕ್ಷ ರೂಪಾಯಿಯಿಂದ ಆರಂಭಗೊಳ್ಳುತ್ತಿದೆ.
ಮಹೀಂದ್ರ XUV400 ಪ್ರೊ ವೇರಿಯೆಂಟ್ EC Pro (34.5kWh ಬ್ಯಾಟರಿ, 3.3 kW AC ಚಾರ್ಜರ್), ಇಎಲ್ ಪ್ರೊ (34.5 kWh ಬ್ಯಾಟರಿ, 7.2 kW AC ಚಾರ್ಜರ್), ಮತ್ತು ಇಎಲ್ ಪ್ರೊ (39.4 kWh ಬ್ಯಾಟರಿ, 7.2 kW AC ಚಾರ್ಜರ್) ಎಂಬ ಮೂರು ಹೊಸ ವೇರಿಯಂಟ್ ಪರಿಚಯಿಸಲಾಗಿದೆ. ಬುಕಿಂಗ್‌ಗಳು ಜನವರಿ 12, 2024ರ ಮಧ್ಯಾಹ್ನ 2 ಗಂಟೆಂಯಿದ ಆರಂಭಗೊಳ್ಳಲಿದೆ.ಡೆಲಿವರಿಗಳು ಫೆಬ್ರವರಿ 01, 2024ರಿಂದ ಪ್ರಾರಂಭವಾಗುತ್ತವೆ.ಕಾರಿನ ಎಕ್ಸ್ ಶೋ ರೂಂ ಬೆಲೆ ಇಲ್ಲಿದೆ.
10 ಸಾವಿರ ರೂಗೆ ಕಾರು ತಯಾರಿಸುತ್ತೀರಾ? ಪರ್ಫೆಕ್ಟ್ ಉತ್ತರ ನೀಡಿದ ಆನಂದ್ ಮಹೀಂದ್ರ!
ಎಕ್ಸ್‌ಯುವಿ400 ಇಸಿ ಪ್ರೊ 34.5 ಕೆಡಬ್ಲ್ಯೂಎಚ್ (3.3 ಕೆಡಬ್ಲ್ಯೂ ಎಸಿ ಚಾರ್ಜರ್) 1549000/- ರೂಪಾಯಿ
ಎಕ್ಸ್‌ಯುವಿ400 ಇಎಲ್ ಪ್ರೊ 34.5 ಕೆಡಬ್ಲ್ಯೂಎಚ್(7.2 ಕೆಡಬ್ಲ್ಯೂ ಎಸಿ ಚಾರ್ಜರ್) 1674000/-ರೂಪಾಯಿ
ಎಕ್ಸ್‌ಯುವಿ400 ಇಎಲ್ ಪ್ರೊ 39.4 ಕೆಡಬ್ಲ್ಯೂಎಚ್(7.2 ಕೆಡಬ್ಲ್ಯೂ ಎಸಿ ಚಾರ್ಜರ್) 1749000/-ರೂಪಾಯಿ
ಸುಧಾರಿತ ತಂತ್ರಜ್ಞಾನ ಮತ್ತು ಸುಧಾರಿತ ಸೌಕರ್ಯ:
ಎಕ್ಸ್‌ಯುವಿ400 ಪ್ರೊ ಶ್ರೇಣಿಯು ಸುಧಾರಿತ ತಂತ್ರಜ್ಞಾನವನ್ನು ಹೊಂದಿದೆ. ಇದರಲ್ಲಿ 26.04ಸೆಂಮೀ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಮತ್ತು 26.04 ಸೀಂ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಅನ್ನು ಆಧುನಿಕ ಸಂಪರ್ಕ ಮತ್ತು ಸುಲಭ ಬಳಕೆಗಾಗಿ ವಿನ್ಯಾಸಗೊಳಿಸಲಾಗಿದೆ. ಜೊತೆಗೆ, ಅಡ್ರೆನಾಕ್ಸ್ ಸಂಪರ್ಕಿತ ಕಾರ್ ಸಿಸ್ಟಮ್: 50ಕ್ಕೂ ಹೆಚ್ಚು ಸಂಪರ್ಕಿತ ವೈಶಿಷ್ಟ್ಯಗಳನ್ನು ನೀಡುವುದರಿಂದ ಡ್ರೈವಿಂಗ್ ಸುರಕ್ಷತೆ, ಮಾಲೀಕತ್ವದ ಅನುಭವ ಮತ್ತು ಒಟ್ಟಾರೆ ವಾಹನ ಅನುಭವವನ್ನು ಇನ್ನಷ್ಟು ಹೆಚ್ಚಿಸುತ್ತದೆ.
ಪ್ರೊ ಶ್ರೇಣಿಯು ಎಲ್ಲಾ ಪ್ರಯಾಣಿಕರಿಗೆ ಆರಾಮದಾಯಕ ವಾತಾವರಣವನ್ನು ಒದಗಿಸಲು ರೇರ್ ಏರ್ ವೆಂಟ್ಸ್ ಬೆಂಬಲದೊಂದಿಗೆ ಡ್ಯುಯಲ್-ಝೋನ್ ಅಟೋಮ್ಯಾಟಿಕ್ ಟೆಂಪರೇಚರ್ ಕಂಟ್ರೋಲ್ ಜೊತೆಗೆ ಬರುತ್ತದೆ. ವೈರ್‌ಲೆಸ್ ಚಾರ್ಜರ್ ಮತ್ತು ಹಿಂಭಾಗದ ಯುಎಸ್‌ಬಿ ಪೋರ್ಟ್‌ ಅನುಕೂಲತೆಯು ಪ್ರಯಾಣಿಕರಿಗೆ ಪ್ರಯಾಣದಲ್ಲಿರುವಾಗಲೂ ಜಗತ್ತಿನ ಜೊತೆಗಿನ ಸಂಪರ್ಕ ಸುಲಭವಾಗುವಂತೆ ಮಾಡುತ್ತದೆ. ಹೊಸ-ಎಲೆಕ್ಟ್ರಿಕ್ ಎಸ್‌ಯುವಿ ವೈರ್‌ಲೆಸ್ ಆಂಡ್ರಾಯ್ಡ್ ಆಟೋ ಮತ್ತು ಆಪಲ್ ಕಾರ್‌ಪ್ಲೇ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ ಮತ್ತು ಈ ಸೌಲಭ್ಯ ಅದರ ತಾಂತ್ರಿಕ ಸಾಮರ್ಥ್ಯಗಳನ್ನು ಮತ್ತಷ್ಟು ಹೆಚ್ಚಿಸುತ್ತದೆ. ಇದು ಮುಂದಿನ ಕೆಲವು ತಿಂಗಳುಗಳಲ್ಲಿ ಏರ್ ಫರ್ಮ್‌ವೇರ್ ನವೀಕರಣಗಳ ಮೂಲಕ ಲಭ್ಯವಾಗಲಿದೆ. ಈ ವರ್ಧನೆಯು ಅಲೆಕ್ಸಾ ಹೊಂದಾಣಿಕೆಯೊಂದಿಗೆ ದೊರೆಯುತ್ತದೆ. ಹಾಗಾಗಿ ಶ್ರಮವಿಲ್ಲದೆ ನ್ಯಾವಿಗೇಷನ್ ಮಾಡಬಹುದಾದ ಮತ್ತು ಬಳಕೆದಾರ ಸ್ನೇಹಿ ಚಾಲನಾ ಅನುಭವವನ್ನು ನೀಡುತ್ತದೆ.
ವಿಶ್ವದ ಮೊದಲ ಫೋಲ್ಡೇಬಲ್ ಇ ಬೈಕ್ ಮೇಲೆ ಆನಂದ್ ಮಹೀಂದ್ರ ಸವಾರಿ, ಬೆಲೆ 44,999 ರೂ!
ಅತ್ಯಾಧುನಿಕ ವಿನ್ಯಾಸ:
ಎಕ್ಸ್‌ಯುವಿ400 ಪ್ರೊ ಶ್ರೇಣಿ ತನ್ನ ಉಲ್ಲಾಸದಾಯಕವಾದ ಹೊಸ ನೆಬ್ಯುಲಾ ಬ್ಲೂ ಬಣ್ಣದ ಆಯ್ಕೆಯೊಂದಿಗೆ ಬೋಲ್ಡ್ ಆಗಿ ಕಾಣುತ್ತದೆ. ಇದು ನಯವಾದ ಶಾರ್ಕ್ ಫಿನ್ ಆಂಟೆನಾ ಹೊಂದಿದ್ದು, ಇದು ಹೊಸ-ಎಲೆಕ್ಟ್ರಿಕ್ ಎಸ್‌ಯುವಿಯ ಒಟ್ಟಾರೆ ಸೌಂದರ್ಯವನ್ನು ಹೆಚ್ಚಿಸುತ್ತದೆ. ಒಳಗಿನ ಸ್ಥಳವು ಆಧುನಿಕ ಮತ್ತು ಪ್ರೀಮಿಯಂ ಡ್ಯುಯಲ್-ಟೋನ್ ಇಂಟೀರಿಯರ್ ಗಳನ್ನು ಒಳಗೊಂಡಿದ್ದು, ಆರಾಮ ಒದಗಿಸುತ್ತದೆ ಮತ್ತು ಸ್ಟೈಲ್ ಆಗಿ ಕಾಣಿಸುತ್ತದೆ. ಒಳಭಾಗವು ಸೌಮ್ಯ-ಕಪ್ಪು ಬಣ್ಣದೊಂದಿಗೆ ಮಿಳಿತಗೊಂಡ ತಿಳಿ-ಬೂದು ಬಣ್ಣ ಹೊಂದಿದೆ. ಬ್ಲೂ ಬ್ಯಾಕ್‌ಲೈಟಿಂಗ್ ಜೊತೆಗೆ ಕಂಟ್ರೋಲ್ ನಾಬ್‌ಗಳು, ಶಿಫ್ಟ್‌ ಲಿವರ್ ಮತ್ತು ವೆಂಟ್‌ಬೆಜೆಲ್‌ಗಳ ಮೇಲಿನ ಸ್ಯಾಟಿನ್-ತಾಮ್ರದ ಉಚ್ಚಾರಣೆಗಳು ವಿದ್ಯುತ್ ಪವರ್‌ಟ್ರೇನ್ ಇರುವಿಕೆಯನ್ನು ಎತ್ತಿ ತೋರಿಸುತ್ತವೆ. ಸ್ಪೋರ್ಟಿ, ಆರಾಮದಾಯಕವಾದ ಆಸನಗಳನ್ನು ಸೂಕ್ಷ್ಮವಾದ ತಾಮ್ರದ ಅಲಂಕಾರಿಕ ಹೊಲಿಗೆಯೊಂದಿಗೆ ರಂಧ್ರವಿರುವ ನೈಸರ್ಗಿಕ-ಧಾನ್ಯದಿಂದ ಪ್ರೇರಣೆಪಡೆದ ಲೆಥೆರೆಟ್ ಬಳಸಿ ರೂಪಿಸಲಾಗಿದೆ.
