ಹ್ಯುಂಡೈ ಕಂಪನಿಯ ಅತ್ಯಂತ ಫ್ಲಾಪ್‌ ಕಾರ್, ಜನವರಿಯಲ್ಲಿ ಈ ಕಾರ್ ಖರೀದಿ ಮಾಡಿದ್ದು ಬರೀ 16 ಜನ!
20025ರ ಜನವರಿಯಲ್ಲಿ ಹ್ಯುಂಡೈ ಅಯಾನಿಕ್ 5 ಕಾರಿನ ಮಾರಾಟ ಕೇವಲ 16 ಯುನಿಟ್‌ಗಳಿಗೆ ಇಳಿದಿದೆ. ಕಳೆದ ವರ್ಷ ಜನವರಿಯಲ್ಲಿ 95 ಯುನಿಟ್‌ಗಳನ್ನು ಮಾರಾಟ ಮಾಡಿದ್ದ ಈ ಎಲೆಕ್ಟ್ರಿಕ್ ಕಾರಿನ ಮಾರಾಟದಲ್ಲಿ ಶೇ.83ರಷ್ಟು ಕುಸಿತ ಕಂಡುಬಂದಿದೆ.
Followಬೆಂಗಳೂರು (ಫೆ.10): ಮಾರುತಿ ಸುಜುಕಿ ನಂತರ ಭಾರತದಲ್ಲಿ ಎರಡನೇ ಅತಿ ಹೆಚ್ಚು ಕಾರು ಮಾರಾಟ ಮಾಡುವ ಕಂಪನಿ ದಕ್ಷಿಣ ಕೊರಿಯಾದ ಹ್ಯುಂಡೈ. ಶೇ.13.4ರಷ್ಟು ಮಾರುಕಟ್ಟೆ ಪಾಲನ್ನು ಹೊಂದಿರುವ ಈ ಕಂಪನಿ ಟಾಟಾ ಮೋಟಾರ್ಸ್‌ಗಿಂತ ಮುಂದಿದೆ. 2025ರ ಜನವರಿಯಲ್ಲಿ ಹ್ಯುಂಡೈ ಒಟ್ಟು 54,003 ಯುನಿಟ್‌ಗಳನ್ನು ಮಾರಾಟ ಮಾಡಿದೆ. 2024ರ ಜನವರಿಯ 57,115 ಯುನಿಟ್‌ಗಳಿಗೆ ಹೋಲಿಸಿದರೆ ಇದು ಶೇ.5.4ರಷ್ಟು ಕಡಿಮೆ. ಆದರೆ, 2024ರ ಡಿಸೆಂಬರ್‌ನಲ್ಲಿ ಮಾರಾಟವಾದ 42,208 ಯುನಿಟ್‌ಗಳಿಗೆ ಹೋಲಿಸಿದರೆ ಇದು ಶೇ.28ರಷ್ಟು ತಿಂಗಳಿನಿಂದ ತಿಂಗಳಿಗೆ ಬೆಳವಣಿಗೆಯಾಗಿದೆ. ಹೊಸ ಹ್ಯುಂಡೈ ಕ್ರೆಟಾ ಕಂಪನಿಯ ಭಾರತದಲ್ಲಿ ಅತಿ ಹೆಚ್ಚು ಮಾರಾಟವಾದ ಮಾದರಿಯಾಗಿದೆ. ಆದರೆ ಮಾರಾಟದಲ್ಲಿ ಶೇ.80ಕ್ಕಿಂತ ಹೆಚ್ಚು ಕುಸಿತ ಕಂಡ ಮಾದರಿಯೂ ಇದೆ. ಕಳೆದ ತಿಂಗಳು ಕೇವಲ 16 ಗ್ರಾಹಕರು ಮಾತ್ರವೇ ಹ್ಯುಂಡೈ ಅಯಾನಿಕ್ 5 ಕಾರ್‌ಅನ್ನು ಖರೀದಿ ಮಾಡಿದ್ದಾರೆ. ಇದು ಹ್ಯುಂಡೈನ ಅತ್ಯಂತ ಫ್ಲಾಪ್‌ ಕಾರ್ ಅಂತಲೂ ಹೇಳಲಾಗ್ತಿದೆ.. ಈ ಕಾರಿನ ಮಾರಾಟ ವರದಿಯನ್ನು ನೋಡೋಣ.
2025ರ ಜನವರಿಯಲ್ಲಿ ಹ್ಯುಂಡೈ ಅಯಾನಿಕ್ 5 ಮಾರಾಟ 16 ಯುನಿಟ್‌ಗಳಿಗೆ ಇಳಿದಿದೆ. ಇದು ತಿಂಗಳಿನಿಂದ ತಿಂಗಳಿಗೆ ಶೇ.33.33ರಷ್ಟು ಕುಸಿತ ಕಂಡಿದೆ. ಕಳೆದ ವರ್ಷ 2024ರ ಜನವರಿಯಲ್ಲಿ ಇದರ 95 ಯುನಿಟ್‌ಗಳು ಮಾರಾಟವಾಗಿದ್ದವು. ಅಂದರೆ ಈ ಇವಿ ಕಾರಿನ ಮಾರಾಟ ಸುಮಾರು ಶೇ.83ರಷ್ಟು ಕುಸಿದಿದೆ. ಅದೇ ಸಮಯದಲ್ಲಿ, ಅದರ ಮಾರಾಟದಲ್ಲಿ ತಿಂಗಳಿನಿಂದ ತಿಂಗಳಿಗೆ ಶೇ.33ರಷ್ಟು ಕುಸಿತ ಕಂಡುಬಂದಿದೆ. ಈಗ ಅದರ ಕಳೆದ ಆರು ತಿಂಗಳ ಮಾರಾಟ ವರದಿಯನ್ನು ನೋಡೋಣ.
ತಿಂಗಳು, ಮಾರಾಟ ಸಂಖ್ಯೆ
2024 ಆಗಸ್ಟ್ - 40
2024 ಸೆಪ್ಟೆಂಬರ್ - 31
2024 ಅಕ್ಟೋಬರ್ - 32
2024 ನವೆಂಬರ್ - 22
2024 ಡಿಸೆಂಬರ್ - 24
2025 ಜನವರಿ - 16
ಮೇಲಿನ ಚಾರ್ಟ್ ನೋಡಿದರೆ, ಕಳೆದ ಆರು ತಿಂಗಳಲ್ಲಿ ಅತಿ ಕಡಿಮೆ ಮಾರಾಟ ದಾಖಲಾಗಿದ್ದು 2025ರ ಜನವರಿಯಲ್ಲಿ. ಆಗ ಅದರ ಮಾರಾಟ 16 ಯುನಿಟ್‌ಗಳಿಗೆ ಇಳಿದಿತ್ತು. ಅದೇ ಸಮಯದಲ್ಲಿ, ಕಳೆದ ಆರು ತಿಂಗಳಲ್ಲಿ ಅತಿ ಹೆಚ್ಚು ಮಾರಾಟದ ಬಗ್ಗೆ ಪರಿಶೀಲಿಸಿದರೆ, ಅದರ ಅತಿ ಹೆಚ್ಚು ಮಾರಾಟ 2024ರ ಆಗಸ್ಟ್‌ನಲ್ಲಿ, ಆಗ 40ಕ್ಕೂ ಹೆಚ್ಚು ಯುನಿಟ್‌ಗಳು ಮಾರಾಟವಾಗಿದ್ದವು, ಆದರೆ ಒಂದು ವರ್ಷದ ಹಿಂದೆ 2024ರ ಜನವರಿಯಲ್ಲಿ 95 ಯುನಿಟ್‌ಗಳು ಮಾರಾಟವಾಗಿದ್ದವು.
ಮದುವೆಯಲ್ಲಿ ಡ್ಯಾನ್ಸ್ ಮಾಡುತ್ತಿದ್ದ 23 ವರ್ಷದ ಯುವತಿ ಹಠಾತ್ ಸಾವು
ಬ್ಯಾಟರಿ ಪ್ಯಾಕ್, ಎಲೆಕ್ಟ್ರಿಕ್ ಮೋಟಾರ್, ರೇಂಜ್
ಹ್ಯುಂಡೈ ಅಯಾನಿಕ್ 5 ಇವಿಗೆ 72.6 kWh ಬ್ಯಾಟರಿ ಪ್ಯಾಕ್ ಇದೆ. ಇದು ಒಂದೇ ಮೋಟಾರ್‌ನಿಂದ 217ps ಪವರ್ ಮತ್ತು 350Nm ಟಾರ್ಕ್ ಉತ್ಪಾದಿಸುತ್ತದೆ. ಇದು ರಿಯರ್-ವೀಲ್-ಡ್ರೈವ್ ಕಾರು. ಈ ಇವಿ ಒಂದು ಬಾರಿ ಚಾರ್ಜ್ ಮಾಡಿದರೆ 631 ಕಿ.ಮೀ. ವರೆಗೆ ಚಲಿಸುತ್ತದೆ. 150 kW ಚಾರ್ಜರ್ ಮೂಲಕ 21 ನಿಮಿಷಗಳಲ್ಲಿ ಈ ಇ-ಕಾರ್ ಶೇ.೦ ರಿಂದ ಶೇ.80ರಷ್ಟು ಚಾರ್ಜ್ ಆಗುತ್ತದೆ. ಅದೇ ಸಮಯದಲ್ಲಿ, 50 kW ಚಾರ್ಜರ್ ಬಳಸಿ ಒಂದು ಗಂಟೆಯೊಳಗೆ ಚಾರ್ಜ್ ಮಾಡಬಹುದು.
ದುಬೈ ಬಳಿಕ ಪೋರ್ಚುಗಲ್ ರೇಸ್‌ನಲ್ಲಿ ಅಜಿತ್ ಕಾರು ಅಪಘಾತ, ಆತಂಕಗೊಂಡ ಫ್ಯಾನ್ಸ್
ಬೆಲೆ: ಹ್ಯುಂಡೈ ಅಯಾನಿಕ್ 5ರ ಆರಂಭಿಕ ಎಕ್ಸ್‌ಶೋರೂಂ ಬೆಲೆ ₹46.05 ಲಕ್ಷ. ಹ್ಯುಂಡೈ ಅಯಾನಿಕ್ ೫ಗೆ ರಿಯಾಯಿತಿ ಕೂಡ ಲಭ್ಯವಿದೆ. ಹಾಗಾಗಿ ಈ ಕಾರಿನಲ್ಲಿ ಗ್ರಾಹಕರು ₹2 ಲಕ್ಷದವರೆಗೆ ಉಳಿಸಬಹುದು.
