ITR Refund: ರೀಫಂಡ್ ಅಮೌಂಟ್ ಇನ್ನೂ ಬಂದಿಲ್ವಾ? ಹಾಗಿದ್ರೆ ಆದಾಯ ತೆರಿಗೆ ಇಲಾಖೆಯ ಈ 3 ನಿಯಮ ನೋಡಿ!
income tax refund not received ಅಂತೂ ಇಂತೂ ಐಟಿಆರ್ ಫೈಲ್ ಮಾಡಿದ್ದಾಯ್ತು. ಈಗ ರೀಫಂಡ್ಗೆ ಕಾಯುವ ಸಮಯ. ಇನ್ನೂ ಆದಾಯ ತೆರಿಗೆ ಇಲಾಖೆ ನಿಮ್ಮ ರೀಫಂಡ್ ಅನ್ನು ಪ್ರೊಸೆಸ್ ಮಾಡಿಲ್ಲವೆಂದರೆ, ನೀವು ಈ ಮೂರು ನಿಯಮಗಳ ಬಗ್ಗೆ ತಿಳಿದುಕೊಂಡಿರಲೇಬೇಕು.
 )
ಬೆಂಗಳೂರು (ಆ.9): ಅದೇನೋ ಸರ್ಕಸ್ ಮಾಡಿ, ಕೊನೆಗೆ ಜುಲೈ 31ರ ಒಳಗಾಗಿ ಐಟಿಆರ್ ಫೈಲ್ ಮಾಡಿದ ವ್ಯಕ್ತಿಗಳೀಗ ಐಟಿ ಇಲಾಖೆಯಿಂದ ರೀಫಂಡ್ಗಾಗಿ ಕಾಯ್ತಾ ಇದ್ದಾರೆ. ಆದಾಯ ತೆರಿಗೆ ರಿಟರ್ನ್ನ ಇ-ಫೈಲಿಂಗ್ ಪ್ರಕ್ರಿಯೆಯು ಮೊದಲಿಗಿಂತ ಹೆಚ್ಚು ವೇಗವಾಗಿದೆ, ಆದ್ದರಿಂದ ಈಗ ಐಟಿಆರ್ ಮರುಪಾವತಿ ಸಾಮಾನ್ಯವಾಗಿ ಸುಮಾರು ಒಂದು ತಿಂಗಳಲ್ಲಿ ಬರುತ್ತದೆ. ನಿಮ್ಮ ಮರುಪಾವತಿಗಾಗಿ ನೀವು ಸಹ ಕಾಯುತ್ತಿದ್ದರೆ, ಅದಕ್ಕೂ ಮೊದಲು ಆದಾಯ ತೆರಿಗೆ ಇಲಾಖೆಯ 3 ನಿಯಮಗಳನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳುವುದು ಮುಖ್ಯ. ಇಲ್ಲಿ ಒಂದು ವಿಚಾರ ತಿಳಿದುಕೊಳ್ಳುವುದು ಮುಖ್ಯ ಏನೆಂದರೆ, ಐಟಿಆರ್ ಫೈಲ್ ಮಾಡಿದ ಎಲ್ಲರಿಗೂ ರೀಫಂಡ್ ಸಿಗೋದಿಲ್ಲ. ಹಿಂದಿನ ಹಣಕಾಸು ವರ್ಷದಲ್ಲಿ ಹೆಚ್ಚು ತೆರಿಗೆ ಪಾವತಿಸಿದ ತೆರಿಗೆದಾರರು ಐಟಿಆರ್ ಮರುಪಾವತಿಯನ್ನು ಕ್ಲೈಮ್ ಮಾಡುತ್ತಾರೆ. ಇದು ಮೂಲದಲ್ಲಿ ಕಡಿತಗೊಳಿಸಿದ ತೆರಿಗೆ (TDS), ಮೂಲದಲ್ಲಿ ಸಂಗ್ರಹಿಸಲಾದ ತೆರಿಗೆ (TCS), ಹಾಗೆಯೇ ತೆರಿಗೆದಾರರು ಪಾವತಿಸಿದ ಮುಂಗಡ ತೆರಿಗೆ ಮತ್ತು ಸ್ವಯಂ-ಮೌಲ್ಯಮಾಪನ ತೆರಿಗೆಯನ್ನು ಒಳಗೊಂಡಿರುತ್ತದೆ. ಐಟಿಆರ್ ಅನ್ನು ಸಲ್ಲಿಸಿದ ನಂತರ, ಆದಾಯ ತೆರಿಗೆ ಇಲಾಖೆಯು ನಿಮ್ಮ ಫಾರ್ಮ್ ಅನ್ನು ಪರಿಶೀಲಿಸುತ್ತದೆ ಮತ್ತು ನಂತರ ನಿಮ್ಮ ಮರುಪಾವತಿಯನ್ನು ಪ್ರಕ್ರಿಯೆಗೊಳಿಸುತ್ತದೆ. ಈ ಮರುಪಾವತಿಯು ನಿಮ್ಮ ಪಾನ್ಗೆ ಲಿಂಕ್ ಮಾಡಲಾದ ಬ್ಯಾಂಕ್ ಖಾತೆಗೆ ನೇರವಾಗಿ ಬರುತ್ತದೆ.
ಜುಲೈ 31 ರೊಳಗೆ ITR ಅನ್ನು ಸಲ್ಲಿಸಲು ಸಾಧ್ಯವಾಗದಿದ್ದರೆ, ರಿಟರ್ನ್ ಪಡೆಯಬಹುದೇ?: ಐಟಿಆರ್ ಫೈಲಿಂಗ್ ಗಡುವಿನೊಳಗೆ ನಿಮ್ಮ ಐಟಿಆರ್ ಅನ್ನು ಫೈಲ್ ಮಾಡಲು ನಿಮಗೆ ಸಾಧ್ಯವಾಗದಿದ್ದರೆ, ನೀವು ಕೆಲವು ಷರತ್ತುಗಳನ್ನು ಪೂರೈಸಿದರೆ, ಸರ್ಕ್ಯುಲರ್ ಸಂಖ್ಯೆ 9/2015 ರ ಪ್ರಕಾರ, ನೀವು ಇನ್ನೂ ಆರು ಮೌಲ್ಯಮಾಪನ ವರ್ಷಗಳವರೆಗೆ ನಿಮ್ಮ ಮರುಪಾವತಿಯನ್ನು ಕ್ಲೈಮ್ ಮಾಡಬಹುದು. ಈ ಸುತ್ತೋಲೆಯ ಅಡಿಯಲ್ಲಿ ಮರುಪಾವತಿಯನ್ನು ಕ್ಲೈಮ್ ಮಾಡಲು, ನೀವು ವಿಳಂಬಕ್ಕೆ ಕಾರಣ ಸಲ್ಲಿಸಿ ಅರ್ಜಿ ಹಾಕಬೇಕು. ಇದು ಅನುಮೋದನೆಗೊಂಡಲ್ಲಿ ನೀವು ಕಳೆದ ಆರು ವರ್ಷಗಳಿಂದ ನಿಮ್ಮ ITR ಅನ್ನು ಆನ್ಲೈನ್ನಲ್ಲಿ ಸಲ್ಲಿಸಬಹುದು.
ಹಿಂದಿನ ಬಾಕಿಗೆ ರೀಫಂಡ್ ಮರುಹೊಂದಿಸಬಹುದು: ಹಾಗೇನಾದರೂ ಹಿಂದಿನ ವರ್ಷಗಳಿಂದ ನೀವು ತೆರಿಗೆ ಬಾಕಿಯನ್ನು ಉಳಿಸಿಕೊಂಡಿದ್ದಲ್ಲಿ, ಆದಾಯ ತೆರಿಗೆ ಕಾನೂನುಗಳ ಅಡಿಯಲ್ಲಿ, ನಿಮ್ಮ ಮರುಪಾವತಿಯಿಂದ ಅದನ್ನು ಸರಿದೂಗಿಸುವ ಹಕ್ಕನ್ನು ಐಟಿ ಇಲಾಖೆ ಹೊಂದಿದೆ. ಆದರೆ, ಅದಕ್ಕೂ ಮುನ್ನ ಆದಾಯ ತೆರಿಗೆ ಇಲಾಖೆ ತೆರಿಗೆದಾರರಿಗೆ ಮಾಹಿತಿ ನೀಡಬೇಕು. ಇದನ್ನು ಮಾಡದಿದ್ದರೆ ಅಥವಾ ನಿಮ್ಮ ಮರುಪಾವತಿಯನ್ನು ತಪ್ಪಾಗಿ ಹೊಂದಿಸಲಾಗಿದೆ ಎಂದು ನೀವು ಭಾವಿಸಿದರೆ, ನಿಮ್ಮ ಖಾತೆಗೆ ಲಾಗ್ ಇನ್ ಮಾಡುವ ಮೂಲಕ ನೀವು ಆದಾಯ ತೆರಿಗೆ ವೆಬ್ಸೈಟ್ನಲ್ಲಿ ದೂರನ್ನು ನೋಂದಾಯಿಸಬಹುದು.
ಐಟಿ ರಿಟರ್ನ್ಸ್ ಸಲ್ಲಿಕೆಗೆ 2 ದಿನವಷ್ಟೇ ಬಾಕಿ, ಆದಾಯ ತೆರಿಗೆ ಪಾವತಿದಾರರಿಗೆ ಸರ್ಕಾರದ ಎಚ್ಚರಿಕೆ ಇದು!
ರೀಫಂಡ್ನ ಸ್ಟೇಟಸ್ಅನ್ನು ಹೀಗೆ ಚೆಕ್ ಮಾಡಿ: ಮೊದಲು ಆದಾಯ ತೆರಿಗೆ ಇ-ಫೈಲಿಂಗ್ ಪೋರ್ಟಲ್ಗೆ ಹೋಗಿ. ಲಾಗಿನ್ ಆದ ನಂತರ, ಇ-ಫೈಲ್ ಟ್ಯಾಬ್ಗೆ ಹೋಗಿ ಮತ್ತು ಆದಾಯ ತೆರಿಗೆ ರಿಟರ್ನ್ಸ್ ಅಡಿಯಲ್ಲಿ View Filed Returns ಅನ್ನು ಕ್ಲಿಕ್ ಮಾಡಿ. ವಿವರಗಳನ್ನು ವೀಕ್ಷಿಸಿ ಕ್ಲಿಕ್ ಮಾಡುವ ಮೂಲಕ, ನೀವು ಮರುಪಾವತಿ ಸ್ಥಿತಿ ಮತ್ತು ITR ನ ಸೈಕಲ್ಅನ್ನು ನೋಡಬಹುದು.
ನೌಕರಿ ಜೊತೆ ಹುಲ್ಲು ಬೆಳೆದರೆ ಸಾಕು, ಶೇ.100 ರಷ್ಟು ಟ್ಯಾಕ್ಸ್ ಉಳಿತಾಯ ಟಿಪ್ಸ್ ನೀಡಿದ ವೈರಲ್ ಸಿಎ!
