Asianet Suvarna News Asianet Suvarna News

ಮೋದಿನಾಮಿಕ್ಸ್‌ಗೆ ಶರಣು ಶರಣಾರ್ಥಿ ಎಂದ ಅಮೆರಿಕ!

ಪ್ರಧಾನಿ ನರೇಂದ್ರ ಮೋದಿ ಆರ್ಥಿಕ ಸುಧಾರಣಾ ಕ್ರಮಗಳಿಗೆ ಮೆಚ್ಚುಗೆ! ಅಮೆರಿಕ-ಭಾರತ ಕಾರ್ಯತಂತ್ರ ಸಹಭಾಗಿತ್ವ ವೇದಿಕೆಯಿಂದ ಮೋದಿ ಗುಣಗಾನ! ಹೊಸ ಅವಕಾಶಗಳನ್ನು ಸೃಷ್ಟಿಸಲು ಆರ್ಥಿಕ ಸಹಭಾಗಿತ್ವಕ್ಕೆ ಮೊರೆ! ವ್ಯಾಪಾರ ಮತ್ತು ವಾಣಿಜ್ಯ ಅವಕಾಶಗಳನ್ನು ಅಮೆರಿಕ ಕಂಪನಿಗಳು ಬಳಸಿಕೊಳ್ಳಲಿ ಎಂದ ಪ್ರಧಾನಿ

USISPF members hail PM Modi economic reforms
Author
Bengaluru, First Published Oct 31, 2018, 11:09 AM IST

ನವದೆಹಲಿ(ಅ.31): ಪ್ರಧಾನ ಮಂತ್ರಿ ನರೇಂದ್ರ ಮೋದಿ ನೇತೃತ್ವದ ಎನ್ ಡಿಎ ಸರ್ಕಾರ ಜಾರಿಗೆ ತಂದಿರುವ ಆರ್ಥಿಕ ಮತ್ತು ನಿಯಂತ್ರಕ ಸುಧಾರಣೆಗಳನ್ನು ಅಮೆರಿಕ ಬಹುವಾಗಿ ಮೆಚ್ಚಿಕೊಂಡಿದೆ.

ಅಮೆರಿಕದ ಕೈಗಾರಿಕೆ ಮತ್ತು ಉದ್ಯಮ ಕ್ಷೇತ್ರಗಳ ನಾಯಕರನ್ನೊಳಗೊಂಡ ಅಮೆರಿಕ-ಭಾರತ ಕಾರ್ಯತಂತ್ರ ಸಹಭಾಗಿತ್ವ ವೇದಿಕೆ(ಯುಎಸ್ಐಎಸ್ ಪಿಎಫ್), ಮೋದಿ ಅವರ ಆರ್ಥಿಕ ಸುಧಾರಣಾ ಕ್ರಮಗಳ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದೆ.

ಭಾರತ ನಾಯಕತ್ವದ  ಶೃಂಗಸಭೆಯಲ್ಲಿ ಕೈಗೊಂಡ ತೀರ್ಮಾನಗಳ ಕುರಿತು ವೇದಿಕೆಯ ಸದಸ್ಯರು ಪ್ರಧಾನಿ ಮೋದಿ ಅವರನ್ನು ಭೇಟಿ ಮಾಡಿ ಚರ್ಚೆ ನಡೆಸಿದರು. 

ವೇದಿಕೆಯ ಸದಸ್ಯರು ಎರಡೂ ದೇಶಗಳಿಗೆ ಅನುಕೂಲವಾಗುವಂತೆ ಹೊಸ ಅವಕಾಶಗಳನ್ನು ಸೃಷ್ಟಿಸಲು ಭಾರತದೊಂದಿಗೆ ಮುಂದಿನ ದಿನಗಳಲ್ಲಿ ಅಮೆರಿಕ ಇನ್ನಷ್ಟು ಆರ್ಥಿಕ ಸಹಭಾಗಿತ್ವ ಹೊಂದುವ ಆಶಯ ವ್ಯಕ್ತಪಡಿಸಿದರು.

ಪರಸ್ಪರ ಆರ್ಥಿಕ ಸಹಕಾರದಿಂದ ಎರಡೂ ದೇಶಗಳಿಗೆ ಅನುಕೂಲವಾಗುತ್ತಿದೆ. ಭಾರತದಲ್ಲಿ ಅದು ಸ್ಟಾರ್ಟ್ ಅಪ್ ಆಗಲಿ, ಇಂಧನ, ಆರೋಗ್ಯ, ಡಿಜಿಟಲ್ ತಂತ್ರಜ್ಞಾನ ಹೀಗೆ ಹೊಸ ಕ್ಷೇತ್ರಗಳಲ್ಲಿ ವ್ಯಾಪಾರ ಮತ್ತು ವಾಣಿಜ್ಯ ಅವಕಾಶಗಳನ್ನು ಅಮೆರಿಕ ಕಂಪನಿಗಳು ಬಳಸಿಕೊಳ್ಳಲಿ ಎಂದು ಪ್ರಧಾನಿ ಮೋದಿ ಈ ಸಂದರ್ಭದಲ್ಲಿ ಹೇಳಿದರು.

Follow Us:
Download App:
  • android
  • ios