ಚೀನಾ ಮೇಲೆ ಅಮೆರಿಕದ 90 ದಿನ ತೆರಿಗೆ ತಡೆ ಏಕಿಲ್ಲ ? ತಂತ್ರಗಾರಿಕೆ ತೆರಿಗೆ ಏರಿಕೆ ಹಿಂದೆ ವ್ಯೂಹಾತ್ಮಕ ಕಾರಣ

ಅಮೆರಿಕದೊಂದಿಗೆ ವ್ಯಾಪಾರ ಸಂಬಂಧ ಹೊಂದಿರುವ ದೇಶಗಳ ಮೇಲಿನ ತೆರಿಗೆಯನ್ನು ಟ್ರಂಪ್ ತಡೆಹಿಡಿದಿದ್ದಾರೆ, ಆದರೆ ಚೀನಾಕ್ಕೆ ಶೇ.125 ತೆರಿಗೆ ವಿಧಿಸಿದ್ದಾರೆ. ಚೀನಾ ಬ್ಲ್ಯಾಕ್ಮೇಲ್ ತಂತ್ರಗಳಿಗೆ ಹೆದರುವುದಿಲ್ಲ ಎಂದು ತಿರುಗೇಟು ನೀಡಿದೆ.

গত মাসে দক্ষিণ চিন সাগরে চিনের সমস্ত দাবি উড়িয়ে দিয়েছে আমেরিকা। সংঘাত আরও বাড়িয়ে মার্কিন বিদেশসচিব মাইক পম্পেও জানিয়েছিলেন, দক্ষিণ চিন সাগরে নিজের কর্তৃত্ব কায়েম করতে গিয়ে চিন অন্য কয়েকটি দেশের সার্বভৌমত্বে আঘাত করছে। বেজিং অবশ্য পালটা তোপ দেগে বলেছে , আমেরিকার বয়ান ‘একবরেই অযৌক্তিক’। 

ವಾಷಿಂಗ್ಟನ್ (ಏ.11) : ಅಮೆರಿಕದೊಂದಿಗೆ ವ್ಯಾಪಾರ ಸಂಬಂಧ ಹೊಂದಿರುವ ದೇಶಗಳ ಮೇಲೆ ತೆರಿಗೆ ಹೇರಿದ್ದ ಟ್ರಂಪ್ , ಅದು ಜಾರಿಗೆ ಬರಬೇಕಿದ್ದ ದಿನವೇ ತೆರಿಗೆಯನ್ನು 90 ದಿನಗಳ ಮಟ್ಟಿಗೆ ತಡೆಹಿಡಿದು 75 ದೇಶಗಳು ನಿಟ್ಟುಸಿರು ಬಿಡುವಂತೆ ಮಾಡಿದ್ದಾರೆ . ಆದರೆ ಚೀನಾಗೆ ಈ ವಿನಾಯಿತಿ ನೀಡದೆ , ಶೇ .125 ತೆರಿಗೆ ವಿಧಿಸಿದೆ .

ಟ್ರುಥ್‌ನಲ್ಲಿ ಮಾಹಿತಿ ನೀಡಿರುವ ಟ್ರಂಪ್ , ' ಚೀನಾ ಜಾಗತಿಕ ಮಾರುಕಟ್ಟೆಗೆ ಅಗೌರವ ತೋರಿದೆ . ಅವರು ಪ್ರತಿತೆರಿಗೆಯ ಸೇಡು ತೀರಿಸಿಕೊಳ್ಳಲು ನಮ್ಮ ಮೇಲೆ ಶೇ .84 ರಷ್ಟು ತೆರಿಗೆ ವಿಧಿಸಿದರು . ಅನ್ಯ ದೇಶಗಳನ್ನು ಆರ್ಥಿಕವಾಗಿ ಶೋಷಿಸುವುದು ಸ್ವೀಕಾರಾರ್ಹವಲ್ಲ ಎಂಬುದು ಚೀನಾಗೆ ಅರಿವಾದೀತು ' ಎಂದಿದ್ದಾರೆ .

ಚೀನಾ ಮೇಲಿನ ತೆರಿಗೆ ಹೆಚ್ಚಳಕ್ಕೆ , ಅದನ್ನು ಆರ್ಥಿಕವಾಗಿ ಪ್ರತ್ಯೇಕಿಸುವುದರ ಜೊತೆಗೆ , ಕೆಲವೈಯಕ್ತಿಕ ಹಾಗೂ ವ್ಯೂಹಾತ್ಮಕಕಾರಣಗಳೂ ಇವೆ . ಚೀನಾ ಅಮೆರಿಕದಲ್ಲಿ ಕಡಿಮೆ ಬೆಲೆ ವಸ್ತುಗಳನ್ನು ರಾಶಿ ಹಾಕುವುದು , ದೇಶದ ಬೌದ್ಧಿಕ ಆಸ್ತಿಯನ್ನು ದೋಚುವುದು ಟ್ರಂಪ್‌ಗೆ ಹಿಡಿಸದು . ಇದರಿಂದ ಅಮೆರಿಕದ ಕಂಪನಿಗಳನ್ನು ರಕ್ಷಿಸುವುದು ಮತ್ತು ಮಾತುಕತೆಗೆ ಬರುವಂತೆ ಚೀನಾವನ್ನು ಒತ್ತಾಯಿಸುವುದೂ ತೆರಿಗೆ ಹೆಚ್ಚಳದ ಉದ್ದೇಶವಾಗಿದೆ .

ಬ್ಲಾಕ್‌ಮೇಲ್‌ಗೆ ಹೆದರಲ್ಲ , ಅಮೆರಿಕಕ್ಕೆ ಚೀನಾ ತಿರುಗೇಟು
ತೈಪೆ : ತನ್ನ ಮೇಲೆ ಶೇ .125 ರಷ್ಟು ತೆರಿಗೆ ಹಾಕಿರುವ ಅಮೆರಿಕದ ಬಗ್ಗೆ ಕಿಡಿಕಾರಿರುವ ಚೀನಾ , ' ಇಂಥ ಬೆದರಿಕೆ , ಬ್ಲ್ಯಾಕ್‌ಮೇಲ್‌ ತಂತ್ರಗಳಿಗೆಲ್ಲಾ ನಾವು ಹೆದರುವುದಿಲ್ಲ . ಅಮೆರಿಕದ ಜತೆ ಮಾತುಕತೆಗೆ ನಾವು ಸಿದ್ಧ . ಆದರೆ ಇಂಥ ಮಾತುಕತೆ ಸಮಾನ ನೆಲೆಯಲ್ಲಿ ಮತ್ತು ಪರಸ್ಪರ ಗೌರವದ ರೀತಿಯಲ್ಲಿರಬೇಕು . ಅಮೆರಿಕ ವ್ಯಾಪಾರ ಯುದ್ಧ ನಡೆಸಲು ನಿರ್ಧರಿಸಿದರೆ , ಚೀನಾ ಕೊನೆಯವರೆಗೂ ಹೋರಾಡುತ್ತದೆ ' ಎಂದು ಹೇಳಿದೆ .

ಇನ್ನೊಂದೆಡೆ ಅಮೆರಿಕದ ವಿರುದ್ದ ಜಂಟಿ ಹೋರಾಟ ಸಂಘಟಿಸುವ ಭಾಗವಾಗಿ ಚೀನಾ ಅನ್ಯ ದೇಶಗಳೊಂದಿಗೆ ಮಾತುಕತೆಗೆ ಮುಂದಾಗಿದೆ . ಯುರೋಪಿಯನ್ ಕಮಿಷನ್ ಅಧ್ಯಕ್ಷೆ ಉರ್ಸುಲಾ ಅವರೊಂದಿಗೆ ಪ್ರಧಾನಿ ಲಿ ಕಿಯಾಂಗ್ ದೂರವಾಣಿಯಲ್ಲಿ ಮಾತನಾಡಿದ್ದು , ' ಚೀನಾ ಮತ್ತು ಯುರೋಪಿಯನ್ ಒಕ್ಕೂಟದ ನಾಯಕರ ನಡುವಿನ ಒಮ್ಮತದ ನಿರ್ಧಾರಗಳನ್ನು , ಸಂವಹನ ಮತ್ತು ವಿನಿಮಯವನ್ನು ಬಲಪಡಿಸಲು , ವ್ಯಾಪಾರ ,ಹೂಡಿಕೆ , ಕೈಗಾರಿಕಾ ಸಹಕಾರವನ್ನು ಗಾಢವಾಗಿಸಲು ಇಯುದೊಂದಿಗೆ ಕೆಲಸ ಮಾಡಲು ಸಿದ್ಧವಾಗಿದೆ ' ಎಂದಿದ್ದಾರೆ . ಬುಧವಾರವಷ್ಟೇ , ' ಭಾರತ ಮತ್ತು ಚೀನಾ ಟ್ರಂಪ್ ವಿರುದ್ಧ ನಿಲ್ಲಬೇಕು ' ಎಂದು ಚೀನಾದ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಆಗ್ರಹಿಸಿದ್ದರು .