Economics Nobel: ಅಮೆರಿಕದ ಮೂವರು ಅರ್ಥಶಾಸ್ತ್ರಜ್ಞರಿಗೆ ನೊಬೆಲ್ ಗೌರವ!
ಅರ್ಥಶಾಸ್ತ್ರದ ನೊಬೆಲ್ ಪ್ರಶಸ್ತಿ ಪ್ರಕಟಿಸಲಾಗಿದ್ದು, ಅಮೆರಿಕದ ಮೂವರು ಅರ್ಥಶಾಸ್ತ್ರಜ್ಞರಿಗೆ ಈ ಬಾರಿಯ ಗೌರವ ನೀಡಲಾಗಿದೆ. ಬ್ಯಾಂಕ್‌ಗಳ ಆರ್ಥಿಕ ಸಂಕಷ್ಟದ ಕುರಿತಾಗಿ ಸಂಶೋಧನೆ ನಡೆಸಿದ ಇವರ ಕಾರ್ಯವನ್ನು ಪರಿಗಣಿಸಿ ಈ ಪ್ರಶಸ್ತಿ ನೀಡಲಾಗಿದೆ.
ಸ್ಟಾಕ್‌ಹೋಮ್‌ (ಅ.10): ರಾಯಲ್ ಸ್ವೀಡಿಷ್ ಅಕಾಡೆಮಿ ಆಫ್ ಸೈನ್ಸನಸ್‌ 2022ರ ಸಾಲಿನ ಅರ್ಥಶಾಸ್ತ್ರದ ನೊಬೆಲ್ ಪ್ರಶಸ್ತಿಯನ್ನು ಘೋಷಣೆ ಮಾಡಿದೆ. ಆಲ್ಫ್ರೆಡ್ ನೊಬೆಲ್ ಅವರ ನೆನಪಿಗಾಗಿ, 2022ರ ಸ್ವೆರಿಜಸ್ ರಿಕ್ಸ್‌ಬ್ಯಾಂಕ್ ಪ್ರಶಸ್ತಿಯನ್ನು ಬೆನ್ ಎಸ್. ಬರ್ನಾಂಕೆ, ಡೌಗ್ಲಾಸ್ ಡಬ್ಲ್ಯೂ. ಡೈಮಂಡ್ ಮತ್ತು ಫಿಲಿಪ್ ಹೆಚ್. ಡೈಬ್ವಿಗ್ ಅವರಿಗೆ ಬ್ಯಾಂಕ್‌ಗಳು ಮತ್ತು ಆರ್ಥಿಕ ಬಿಕ್ಕಟ್ಟುಗಳ ಕುರಿತು ಸಂಶೋಧನೆಗಾಗಿ ನೀಡಲಾಗಿದೆ. ಅರ್ಥಶಾಸ್ತ್ರ ನೊಬೆಲ್ ಪ್ರಶಸ್ತಿ ಎನ್ನುವುದು ಅರ್ಥಶಾಸ್ತ್ರದಲ್ಲಿ ಅತ್ಯಂತ ಮಹತ್ವದ ಪ್ರಶಸ್ತಿ ಎನಿಸಿದೆ. ಆದರೆ, ತಾಂತ್ರಿಕವಾಗಿ ಇದನ್ನು ನೊಬೆಲ್ ಪ್ರಶಸ್ತಿ ಎನ್ನುವ ಹೆಸರಿನಿಂದ ಕರೆಯಲಾಗುವುದಿಲ್ಲ. ಆಲ್ಫ್ರೆಡ್ ನೊಬೆಲ್ ಅವರ ಸ್ಮರಣಾರ್ಥ ಆರ್ಥಿಕ ವಿಜ್ಞಾನದಲ್ಲಿ ಸ್ವೆರಿಜಸ್ ರಿಕ್ಸ್‌ಬ್ಯಾಂಕ್ ಪ್ರಶಸ್ತಿ ಎಂದು ಕರೆಯಲಾಗುತ್ತದೆ ಏಕೆಂದರೆ ಇದು ಆಲ್ಫ್ರೆಡ್ ನೊಬೆಲ್ 1895 ರಲ್ಲಿ ತನ್ನ ಇಚ್ಛೆಯಲ್ಲಿ ನಿಗದಿಪಡಿಸಿದ ಮೂಲ ವರ್ಗಗಳಲ್ಲಿ ಇದ್ದಿರಲಿಲ್ಲ. ಈ ಬಾರಿ ಬೆನ್ ಎಸ್. ಬರ್ನಾಂಕೆ, ಡೌಗ್ಲಾಸ್ ಡಬ್ಲ್ಯೂ. ಡೈಮಂಡ್ ಮತ್ತು ಫಿಲಿಪ್ ಹೆಚ್. ಡೈಬ್ವಿಗ್ ಅವರಿಗೆ ಬ್ಯಾಂಕ್‌ಗಳು ಮತ್ತು ಆರ್ಥಿಕ ಬಿಕ್ಕಟ್ಟುಗಳ ಕುರಿತು ಸಂಶೋಧನೆಗಾಗಿ ಈ ಪ್ರಶಸ್ತಿ ನೀಡಲಾಗಿದೆ. ಪ್ರಶಸ್ತಿಗಳನ್ನು ಪ್ರಕಟಿಸುವ ವೇಳೆ, ಆಧುನಿಕ ಬ್ಯಾಂಕಿಂಗ್ ಸಂಶೋಧನೆಯು ನಮ್ಮಲ್ಲಿ ಬ್ಯಾಂಕುಗಳನ್ನು ಯಾವ ಕಾರಣಕ್ಕಾಗಿ ಹೊಂದಲಾಗಿದೆ ಎನ್ನುವುದನ್ನು ಅತ್ಯಂತ ಅಮೂಲಾಗ್ರವಾಗಿ ಇವರು ವಿವರಿಸಿದ್ದಾರೆ ಎಂದು ಹೇಳಲಾಗಿದೆ.
ಆರ್ಥಿಕ ಬಿಕ್ಕಟ್ಟಿನ ಸಮಯದಲ್ಲಿ ಬ್ಯಾಂಕ್‌ಗಳ ದುರ್ಬಲತೆಯನ್ನು ಕಡಿಮೆ ಮಾಡುವುದು ಹೇಗೆ ಮತ್ತು ಬ್ಯಾಂಕ್ ಕುಸಿತವು ಹಣಕಾಸಿನ ತೊಂದರೆಗಳನ್ನು ಹೇಗೆ ಉಲ್ಬಣಗೊಳಿಸುತ್ತದೆ? ಈ ಸಂಶೋಧನೆಗೆ ಅಡಿಪಾಯವನ್ನು 1980 ರ ದಶಕದ ಆರಂಭದಲ್ಲಿ ಬೆನ್ ಬರ್ನಾಂಕೆ, ಡೌಗ್ಲಾಸ್ ಡೈಮಂಡ್ ಮತ್ತು ಫಿಲಿಪ್ ಡೈಬ್ವಿಗ್ ಅವರು ಹಾಕಿದ್ದರು. ಹಣಕಾಸು ಮಾರುಕಟ್ಟೆಗಳನ್ನು ನಿಯಂತ್ರಿಸುವಲ್ಲಿ ಮತ್ತು ಹಣಕಾಸಿನ ಬಿಕ್ಕಟ್ಟುಗಳನ್ನು ನಿಭಾಯಿಸುವಲ್ಲಿ ಡೌಗ್ಲಾಸ್ ಡೈಮಂಡ್ ಮತ್ತು ಫಿಲಿಪ್ ಡೈಬ್ವಿಗ್ ಅವರ ವಿಶ್ಲೇಷಣೆಯು ಹೆಚ್ಚಿನ ಪ್ರಾಯೋಗಿಕ ಪ್ರಾಮುಖ್ಯತೆಯನ್ನು ಹೊಂದಿದೆ.
ಆರ್ಥಿಕ ವಿಜ್ಞಾನದಲ್ಲಿ ಸ್ವೆರಿಜಸ್ ರಿಕ್ಸ್‌ಬ್ಯಾಂಕ್ (Sveriges Riksbank Prize) ಪ್ರಶಸ್ತಿಯನ್ನು ಆಲ್ಫ್ರೆಡ್ ನೊಬೆಲ್ ನೆನಪಿಗಾಗಿ ನೀಡಲಾಗುತ್ತದೆ. ಆಲ್ಫ್ರೆಡ್ ನೊಬೆಲ್ ತನ್ನ ಉಯಿಲಿನಲ್ಲಿ ಅರ್ಥಶಾಸ್ತ್ರ ಪ್ರಶಸ್ತಿಯನ್ನು ಉಲ್ಲೇಖಿಸಿರಲಿಲ್ಲ. ಸ್ವೆರಿಜಸ್ ರಿಕ್ಸ್‌ಬ್ಯಾಂಕ್ 1968 ರಲ್ಲಿ ಬಹುಮಾನವನ್ನು ಸ್ಥಾಪನೆ ಮಾಡಿತು ಮತ್ತು ರಾಯಲ್ ಸ್ವೀಡಿಷ್ ಅಕಾಡೆಮಿ ಆಫ್ ಸೈನ್ಸಸ್‌ಗೆ (Royal Swedish Academy of Sciences) 1969 ರಿಂದ ಆರ್ಥಿಕ ವಿಜ್ಞಾನದಲ್ಲಿ ಪ್ರಶಸ್ತಿ ವಿಜೇತರನ್ನು ಆಯ್ಕೆ ಮಾಡುವ ಕಾರ್ಯವನ್ನು ನೀಡಲಾಯಿತು.
ಕ್ವಾಂಟಮ್ ವಿಜ್ಞಾನದಲ್ಲಿ ಆವಿಷ್ಕಾರ: ಭೌತಶಾಸ್ತ್ರದಲ್ಲಿ Nobel Prize ಗೆದ್ದ 3 ವಿಜ್ಞಾನಿಗಳು
2021ರಲ್ಲೂ ಮೂವರಿಗೆ ಪ್ರಶಸ್ತಿ: 2021ರಲ್ಲಿ ನೋಬೆಲ್‌ ಪ್ರಶಸ್ತಿಯನ್ನು ಮೂವರಿಗೆ ನೀಡಲಾಯಿತು. ಇದರಲ್ಲಿ ( Ben S. Bernanke, Douglas W. Diamond and Philip H. Diebwig) ಅರ್ಧವನ್ನು ಜೋಶುವಾ ಡಿ'ಆಂಗ್ರಿಸ್ಟ್ ಮತ್ತು ಗೈಡೋ ಡಬ್ಲ್ಯೂ ಇಂಬೇನ್ಸ್ ಅವರಿಗೆ ನೀಡಲಾದರೆ. ಬಹುಮಾನದ ಅರ್ಧವನ್ನು ಡೇವಿಡ್ ಕಾರ್ಡ್‌ಗೆ ಕಾರ್ಮಿಕ ಅರ್ಥಶಾಸ್ತ್ರಕ್ಕೆ ನೀಡಿದ ಪ್ರಾಯೋಗಿಕ ಕೊಡುಗೆಗಳಿಗಾಗಿ ನೀಡಲಾಯಿತು, ಉಳಿದ ಅರ್ಧವನ್ನು ಜೋಶುವಾ ಡಿ. ಆಂಜಿಸ್ಟ್ ಮತ್ತು ಗೈಡೋ ಡಬ್ಲ್ಯೂ. ಇಂಬೆನ್ಸ್‌ಗೆ ಸಾಂದರ್ಭಿಕ ಸಂಬಂಧಗಳ ವಿಶ್ಲೇಷಣೆಗೆ ಕ್ರಮಶಾಸ್ತ್ರೀಯ ಕೊಡುಗೆಗಳಿಗಾಗಿ ನೀಡಲಾಯಿತು.
ಮಾನವ ವಿಕಾಸದ ಬಗ್ಗೆ ಆವಿಷ್ಕಾರ: ವೈದ್ಯಕೀಯ ಕ್ಷೇತ್ರದಲ್ಲಿ ಸ್ವಾಂಟೆ ಪಾಬೊಗೆ Nobel Prize
2022ರ ನೋಬೆಲ್‌ ಪ್ರಶಸ್ತಿ ವಿಜೇತರು: ಶರೀರಶಾಸ್ತ್ರ ಅಥವಾ ಔಷಧಶಾಸ್ತ್ರ: ಸ್ವಾಂಟೆ ಪಿಬೊ (ಅಳಿವಿನಂಚಿನಲ್ಲಿರುವ ಹೋಮಿನಿನ್‌ಗಳು ಮತ್ತು ಮಾನವ ವಿಕಾಸದ ಜೀನೋಮ್‌ಗಳ ಸಂಶೋಧನೆ) ಭೌತಶಾಸ್ತ್ರ: ಅಲೈನ್ ಆಸ್ಪೆಕ್ಟ್, ಜಾನ್ ಎಫ್. ಕ್ಲೌಸರ್ ಮತ್ತು ಆಂಟನ್ ಝೈಲಿಂಗರ್ (ಕ್ವಾಂಟಮ್ ತಂತ್ರಜ್ಞಾನದ ಸಂಶೋಧನೆಗಾಗಿ), ರಸಾಯನಶಾಸ್ತ್ರ: ಕ್ಯಾರೊಲಿನ್ ಆರ್. ಬರ್ಟೊಝಿ ಮಾರ್ಟೆನ್ ಮೆಲ್ಡಾಲ್ ಮತ್ತು ಕೆ. ಬ್ಯಾರಿ ಶಾರ್ಪ್ಲೆಸ್ (ಕ್ಲಿಕ್ ರಸಾಯನಶಾಸ್ತ್ರ ಮತ್ತು ಜೈವಿಕ ಆರ್ಥೋಗೋನಲ್ ರಸಾಯನಶಾಸ್ತ್ರದ ಅಭಿವೃದ್ಧಿಗಾಗಿ), ಸಾಹಿತ್ಯ: ಅನ್ನಿ ಎರ್ನಾಕ್ಸ್‌, ಶಾಂತಿ: ಅಲೆಸ್ ಬಿಲಿಯಾಟ್ಸ್ಕಿ, ಮೆಮೋರಿಯಲ್‌ (ರಷ್ಯಾದ ಸಂಸ್ಥೆ), ಉಕ್ರೇನ್‌ನ ಸಿವಿಲ್ ಲಿಬರ್ಟೀಸ್ ಕೇಂದ್ರ.
