ಹಾಲು ವ್ಯಾಪಾರದಿಂದ ಆದಾಯ: ಹಳ್ಳಿಯಲ್ಲಿ ಇದ್ದುಕೊಂಡು ಲಕ್ಷಾಂತರ ರೂಪಾಯಿ ಗಳಿಸಬೇಕೆ? ಒಂದು ಸ್ಪೆಷಲ್ ಎಮ್ಮೆಯನ್ನು ಸಾಕುವ ಮೂಲಕ ಉತ್ತಮ ಆದಾಯ ಗಳಿಸಬಹುದು. ಈ ಎಮ್ಮೆಯ ಹಾಲು ಉತ್ತಮ ಗುಣಮಟ್ಟದ್ದಾಗಿದ್ದು, ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೇಡಿಕೆಯಿದೆ ಮತ್ತು ಇದು ದುಬಾರಿಯಾಗಿ ಮಾರಾಟವಾಗುತ್ತದೆ.

ಮುರ್ರಾ ಎಮ್ಮೆ ಹಾಲು ವ್ಯಾಪಾರ: ನೀವು ಹಳ್ಳಿಯಲ್ಲಿ ವಾಸಿಸುತ್ತಿದ್ದರೆ ಮತ್ತು ಆದಾಯದ ಮೂಲವನ್ನು ಹುಡುಕುತ್ತಿದ್ದರೆ, ಇದಕ್ಕಿಂತ ಉತ್ತಮ ಆಯ್ಕೆ ಮತ್ತೊಂದು ಇಲ್ಲ. ಒಂದು ವಿಶೇಷ ತಳಿಯ ಎಮ್ಮೆಯನ್ನು ಸಾಕಬಹುದು. ಇದರ ಹಾಲನ್ನು ಮಾರಾಟ ಮಾಡುವ ಮೂಲಕ ಲಕ್ಷಾಂತರ ರೂಪಾಯಿಗಳನ್ನು ಗಳಿಸಬಹುದು. ಯುಪಿ-ರಾಜಸ್ಥಾನ, ಪಂಜಾಬ್ ಹರಿಯಾಣದಲ್ಲಿ ಈ ಎಮ್ಮೆಗಳನ್ನು ಹೆಚ್ಚಾಗಿ ಸಾಕಲಾಗುತ್ತದೆ. ರಾಜ್ಯದಲ್ಲೂ ಸಾಕಲಾಗುತ್ತದೆ. ಇದು ಅತಿ ಹೆಚ್ಚು ಹಾಲು ಕೊಡುವ ಎಮ್ಮೆ ತಳಿಗಳಲ್ಲಿ ಒಂದಾಗಿದೆ. ಇದರ ಹೆಸರು ಮುರ್ರಾ ಎಮ್ಮೆ, ಇದು ಇತರ ಎಮ್ಮೆಗಳಿಗೆ ಹೋಲಿಸಿದರೆ ಹೆಚ್ಚು ಹಾಲು ನೀಡುತ್ತದೆ. ಇದನ್ನು ಸಾಕುವ ಮೂಲಕ ಉತ್ತಮ ಆದಾಯವನ್ನು ಹೇಗೆ ಗಳಿಸಬಹುದು ಎಂದು ತಿಳಿಯೋಣ.

ಮುರ್ರಾ ಎಮ್ಮೆಯ ವಿಶೇಷತೆ ಏನು?

ಮುರ್ರಾ ಎಮ್ಮೆ (Murrah Buffalo) ಕಪ್ಪು ಬಣ್ಣದಲ್ಲಿದ್ದು ದೈಹಿಕವಾಗಿ ಇತರೆ ಎಮ್ಮೆಗಳಂತೆ ಸಣಕಲು ಇರದೇ ಬಲಿಷ್ಠವಾಗಿರುತ್ತದೆ. ಇದರ ಕೊಂಬುಗಳು ಚಿಕ್ಕದಾಗಿರುತ್ತವೆ ಮತ್ತು ಹೆಚ್ಚು ಸುರುಳಿ ಸುತ್ತಿರುತ್ತವೆ. ಮುರ್ರಾ ಎಮ್ಮೆಯ ತೂಕ ಬರೋಬ್ಬರಿ 500 ರಿಂದ 600 ಕೆ.ಜಿ ವರೆಗೆ ಇರುತ್ತದೆ, ಆದರೆ ಮುರ್ರಾ ಎಮ್ಮೆ ಅಂದರೆ ಹೆಣ್ಣು ಎಮ್ಮೆ 300-400 ಕೆ.ಜಿ ವರೆಗೆ ಇರುತ್ತದೆ. ಮುರ್ರಾ ಎಮ್ಮೆ ಬೇಸಿಗೆ-ಚಳಿಗಾಲದ ಪ್ರತಿಯೊಂದು ಹವಾಮಾನಕ್ಕೂ ಹೊಂದಿಕೊಳ್ಳುವುದು ಇದರ ವಿಶೇಷತೆ. ಅಷ್ಟೇ ಅಲ್ಲ, ಬೇರೆ ತಳಿಯ ಎಮ್ಮೆಗಳಿಗೆ ಹೋಲಿಸಿದರೆ ಇದಕ್ಕೆ ರೋಗಗಳು ಸಹ ಕಡಿಮೆ ಬರುತ್ತವೆ. ಆದ್ದರಿಂದ ಇದನ್ನು ಸಾಕಲು ತುಂಬಾ ಸುಲಭವಾಗಿದೆ.

ಇದನ್ನೂ ಓದಿ: Youtube ನಲ್ಲಿ ಒಂದು ತಪ್ಪು ಹುಡುಕಾಟದಿಂದ ಅದೃಷ್ಟ ಬದಲಾಯ್ತು! ತುತ್ತು ಅನ್ನಕ್ಕೆ ಪರದಾಡ್ತಿದ್ದ ರೈತನೀಗ ಮಿಲಿಯನೇರ್!

ಮುರ್ರಾ ಎಮ್ಮೆಯ ಹಾಲಿನ ಗುಣಮಟ್ಟ ಹೇಗಿರುತ್ತದೆ?

ಕೊಬ್ಬಿನ ಅಂಶದಲ್ಲಿ ಮುರ್ರಾ ಎಮ್ಮೆಯ ಹಾಲು ಉತ್ತಮ ಗುಣಮಟ್ಟದ್ದಾಗಿರುತ್ತದೆ (Murrah Buffalo Milk Quality). ಇದರಲ್ಲಿ 7-8% ವರೆಗೆ ಕೊಬ್ಬಿನಂಶವಿರುತ್ತದೆ, ಇದರಿಂದಾಗಿ ಹೆಚ್ಚು ಕೆನೆ ಬರುತ್ತದೆ. ಈ ಕಾರಣದಿಂದಾಗಿ ಈ ಎಮ್ಮೆಗೆ ಹೆಚ್ಚಿನ ಬೇಡಿಕೆಯಿದೆ.

ಮುರ್ರಾ ಎಮ್ಮೆ ಎಷ್ಟು ಹಾಲು ಕೊಡುತ್ತದೆ?

ಹಾಲು ಕೊಡುವಿಕೆಯಲ್ಲಿ ಮುರ್ರಾ ಎಮ್ಮೆ ಅತ್ಯುತ್ತಮವೆಂದು ಪರಿಗಣಿಸಲ್ಪಟ್ಟಿದೆ. ಇತರ ತಳಿಯ ಎಮ್ಮೆಗಳಿಗೆ ಹೋಲಿಸಿದರೆ ಇದು ಹೆಚ್ಚು ಹಾಲು ಕೊಡುತ್ತದೆ. ಈ ಎಮ್ಮೆ ಪ್ರತಿದಿನ 12 ರಿಂದ 18 ಲೀಟರ್ ವರೆಗೆ ಹಾಲು ಕೊಡಬಹುದು. ಒಂದು ವರ್ಷದಲ್ಲಿ 3000-4000 ಲೀಟರ್ ಹಾಲು ಕೊಡಬಹುದು.

ಮುರ್ರಾ ಎಮ್ಮೆಯ ಹಾಲಿನ ಬೆಲೆ ಎಷ್ಟು?

ಮುರ್ರಾ ಎಮ್ಮೆಯ ಹಾಲಿನ ಗುಣಮಟ್ಟವು ತುಂಬಾ ಉತ್ತಮವಾಗಿರುವುದರಿಂದ, ಮಾರುಕಟ್ಟೆಯಲ್ಲಿ ಇದಕ್ಕೆ ಹೆಚ್ಚಿನ ಬೇಡಿಕೆಯಿದೆ ಮತ್ತು ಇದು ಹೆಚ್ಚಿನ ದರದಲ್ಲಿ ಮಾರಾಟವಾಗುತ್ತದೆ. ಇದರಿಂದ ಉತ್ತಮ ಆದಾಯವನ್ನು ಗಳಿಸಬಹುದು. ವ್ಯಾಪಾರಕ್ಕಾಗಿ ಈ ಎಮ್ಮೆ ಉತ್ತಮವಾಗಿದೆ ಮತ್ತು ವಾರ್ಷಿಕವಾಗಿ ಲಕ್ಷಾಂತರ ರೂಪಾಯಿಗಳನ್ನು ಗಳಿಸಬಹುದು.

ಇದನ್ನೂ ಓದಿ:₹20ರಿಂದ ಆರಂಭಿಸಿ ಇದೀಗ ಒಬ್ಬರ ಹೇರ್ ಕಟ್ಟಿಂಗ್‌ಗೆ ₹1 ಲಕ್ಷ ರೂ, ಅಲೀಮ್ ರೋಚಕ ಪಯಣ

ಮುರ್ರಾ ಎಮ್ಮೆ ಸಾಕಾಣಿಕೆ ಖರ್ಚು ಮತ್ತು ಆದಾಯ

ನೀವು ಮುರ್ರಾ ಎಮ್ಮೆಯನ್ನು ಸಾಕಿದರೆ, ಆರಂಭದಲ್ಲಿ ಸುಮಾರು 1.50 ಲಕ್ಷದಿಂದ 2 ಲಕ್ಷದವರೆಗೆ ಖರ್ಚಾಗಬಹುದು. ಆದರೆ ಇದರಿಂದ ನೀವು ತಿಂಗಳಿಗೆ 40-50 ಸಾವಿರ ರೂಪಾಯಿಗಳನ್ನು ಗಳಿಸಬಹುದು. ಒಂದು ಲೀಟರ್ ಹಾಲಿನ ಬೆಲೆ 60 ರೂಪಾಯಿ ಎಂದು ಪರಿಗಣಿಸಿದರೆ ಮತ್ತು ನಿಮ್ಮ ಎಮ್ಮೆ ಪ್ರತಿದಿನ 18 ಲೀಟರ್ ಹಾಲು ನೀಡುತ್ತಿದ್ದರೆ, ನೀವು ಪ್ರತಿದಿನ 1,080 ರೂಪಾಯಿ ಮತ್ತು ತಿಂಗಳಿಗೆ 32,000 ರೂಪಾಯಿಗಳವರೆಗೆ ಗಳಿಸಬಹುದು, ಇದು ವಾರ್ಷಿಕವಾಗಿ 4 ಲಕ್ಷ ರೂಪಾಯಿಗಳವರೆಗೆ ತಲುಪುತ್ತದೆ. ಈ ರೀತಿ ಆದಾಯ ಹೆಚ್ಚಾದಂತೆ, ನೀವು ಮುರ್ರಾ ಎಮ್ಮೆಗಳ ಸಂಖ್ಯೆಯನ್ನು ಹೆಚ್ಚಿಸಿ ಹೆಚ್ಚಿನ ಆದಾಯವನ್ನು ಗಳಿಸಬಹುದು.