ವಿದೇಶಿ ನೇರ ಬಂಡವಾಳ ಹೂಡಿಕೆಯಲ್ಲಿ ದಾಖಲೆ, ಎಫ್ಡಿಐ 83.57 ಬಿಲಿಯನ್ ಡಾಲರ್!
* ವಿಶ್ವದಾದ್ಯಂತ ಹೂಡಿಕೆದಾರರಲ್ಲಿ ನೆಚ್ಚಿನ ಹೂಡಿಕೆ ತಾಣವಾಗುತ್ತಿದೆ ಭಾರತ
* 2021-22 ರ ಹಣಕಾಸು ವರ್ಷದಲ್ಲಿ ಭಾರತಕ್ವುಕೆ ಹರಿದು ಬಂತು US $ 83.57 ಶತಕೋಟಿಯ FDI
* ಕಳೆದ 20 ವರ್ಷಗಳಲ್ಲಿ ಭಾರತಕ್ಕೆ ಎಫ್ಡಿಐ ಒಳಹರಿವು 20 ಪಟ್ಟು ಹೆಚ್ಚಳ
ನವದೆಹಲಿ(ಮೇ.20): ವಿಶ್ವದಾದ್ಯಂತ ಹೂಡಿಕೆದಾರರಲ್ಲಿ ಭಾರತವು ನೆಚ್ಚಿನ ಹೂಡಿಕೆ ತಾಣವಾಗಿ ವೇಗವಾಗಿ ಹೊರಹೊಮ್ಮುತ್ತಿದೆ. 2021-22 ರ ಹಣಕಾಸು ವರ್ಷದಲ್ಲಿ ಭಾರತವು US $ 83.57 ಶತಕೋಟಿಯ FDI ಅನ್ನು ಸ್ವೀಕರಿಸಿದೆ. ಕಳೆದ 20 ವರ್ಷಗಳಲ್ಲಿ ಭಾರತಕ್ಕೆ ಎಫ್ಡಿಐ ಒಳಹರಿವು 20 ಪಟ್ಟು ಹೆಚ್ಚಾಗಿದೆ. FY 2021-22 ರಲ್ಲಿ ಉತ್ಪಾದನಾ ವಲಯಕ್ಕೆ FDI ಇಕ್ವಿಟಿ ಒಳಹರಿವು 76% ರಷ್ಟು ಹೆಚ್ಚಾಗಿದೆ. ಕೋವಿಡ್ ನಂತರ FDI ಒಳಹರಿವು 23% ಹೆಚ್ಚಾಗಿದೆ. ಕರ್ನಾಟಕದಲ್ಲಿ ಗರಿಷ್ಠ ಬಂಡವಾಳ ಹೂಡಿಕೆಯಾಗಿದೆ. ಸಿಂಗಾಪುರದಿಂದ ಅತಿ ಹೆಚ್ಚು (27%) ಎಫ್ಡಿಐ ಬಂದಿದೆ. ಇದನ್ನು US (18%) ಅನುಸರಿಸುತ್ತದೆ. ಗರಿಷ್ಠ ಹೂಡಿಕೆಯು (25%) ಕಂಪ್ಯೂಟರ್ ಸಾಫ್ಟ್ವೇರ್ ಮತ್ತು ಹಾರ್ಡ್ವೇರ್ ವಲಯದಲ್ಲಿದೆ.
ಭಾರತವು 2021-22 ರ ಹಣಕಾಸು ವರ್ಷದಲ್ಲಿ USD 83.57 ಶತಕೋಟಿಯಷ್ಟು ವಾರ್ಷಿಕ ಎಫ್ಡಿಐ ಒಳಹರಿವು ದಾಖಲಿಸಿದೆ. 2014-2015ರಲ್ಲಿ ಭಾರತಕ್ಕೆ ಎಫ್ಡಿಐ ಒಳಹರಿವು ಕೇವಲ 45.15 ಶತಕೋಟಿ US$ನಷ್ಟಿತ್ತು. 2003-04 ರ ಆರ್ಥಿಕ ವರ್ಷದಿಂದ 2021-22 ರವರೆಗೆ ಭಾರತದ ಎಫ್ಡಿಐ ಒಳಹರಿವು 20 ಪಟ್ಟು ಹೆಚ್ಚಾಗಿದೆ. ಇದು 2003-04 ರ ಆರ್ಥಿಕ ವರ್ಷದಲ್ಲಿ US$ 4.3 ಬಿಲಿಯನ್ ಆಗಿತ್ತು.
ಕಳೆದ ನಾಲ್ಕು ಹಣಕಾಸು ವರ್ಷಗಳಲ್ಲಿ FDI ಒಳಹರಿವು ಹೀಗಿತ್ತು
ಹಣಕಾಸು ವರ್ಷ- FDI (US$ ಬಿಲಿಯನ್)
2018-19- 62.00
2019-20- 74.39
2020-21- 81.97
2021-22- 83.57
ಉತ್ಪಾದನೆಯಲ್ಲಿ ವಿದೇಶಿ ಹೂಡಿಕೆ ಹೆಚ್ಚಳ
ಉತ್ಪಾದನೆಯಲ್ಲಿ ವಿದೇಶಿ ಹೂಡಿಕೆಗೆ ಆದ್ಯತೆಯ ದೇಶವಾಗಿ ಭಾರತ ವೇಗವಾಗಿ ಹೊರಹೊಮ್ಮುತ್ತಿದೆ. ಹಿಂದಿನ FY 2020-21 (USD 12.09 ಶತಕೋಟಿ) ಗೆ ಹೋಲಿಸಿದರೆ FY 2021-22 (USD 21.34 ಶತಕೋಟಿ) ನಲ್ಲಿ ಉತ್ಪಾದನಾ ವಲಯಗಳಿಗೆ FDI ಇಕ್ವಿಟಿ ಒಳಹರಿವು 76% ಹೆಚ್ಚಾಗಿದೆ.
ಎಫ್ಡಿಐ ಇಕ್ವಿಟಿ ಒಳಹರಿವು 27% ನೊಂದಿಗೆ ಸಿಂಗಾಪುರವು ಅಗ್ರ ಹೂಡಿಕೆದಾರ ರಾಷ್ಟ್ರಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. FY 2021-22 ಕ್ಕೆ USA (18%) ಮತ್ತು ಮಾರಿಷಸ್ (16%) ನಂತರದ ಸ್ಥಾನದಲ್ಲಿದೆ. FY 2021-22 ರ ಅವಧಿಯಲ್ಲಿ ಸುಮಾರು 25% ರಷ್ಟು ಪಾಲನ್ನು ಹೊಂದಿರುವ ಎಫ್ಡಿಐ ಇಕ್ವಿಟಿ ಒಳಹರಿವಿನ ಉನ್ನತ ಸ್ವೀಕರಿಸುವ ವಲಯವಾಗಿ ಕಂಪ್ಯೂಟರ್ ಸಾಫ್ಟ್ವೇರ್ ಮತ್ತು ಹಾರ್ಡ್ವೇರ್ ಹೊರಹೊಮ್ಮಿದೆ. ಇದನ್ನು ಸೇವಾ ವಲಯ (12%) ಮತ್ತು ಆಟೋಮೊಬೈಲ್ ಉದ್ಯಮ (12%) ಅನುಸರಿಸುತ್ತದೆ.