ಬಾಗಲಕೋಟೆ: ವಿಜಯಪುರ-ಯಶವಂತಪುರ ಹೊಸ ರೈಲಿಗೆ ಅದ್ಧೂರಿ ಸ್ವಾಗತ
ವಿಜಯಪುರ-ಯಶವಂತಪುರ ರೈಲಿಗೆ ಬಾಗಲಕೋಟ ರೈಲು ನಿಲ್ದಾಣದಲ್ಲಿ ಸ್ವಾಗತ| ರಾಜ್ಯ ರೈಲ್ವೆ ಹೋರಾಟ ಸಮಿತಿ ಪದಾಧಿಕಾರಿಗಳು ಸಾರ್ವಜನಿಕರು ಅದ್ಧೂರಿಯಾಗಿ ಸ್ವಾಗತಿಸಿ ಪಟಾಕಿ ಸಿಡಿಸಿ ಪೂಜೆ ಸಲ್ಲಿಸುವ ಮುಖಾಂತರ ಹರ್ಷ ವ್ಯಕ್ತಪಡಿಸಿದರು| ರೈಲು ಅನುಕೂಲಕರ ಸಮಯದಲ್ಲಿ ಓಡಿಸಬೇಕು| ಈಗಿದ್ದ ವಿಜಯಪುರ-ಯಶವಂತಪುರ ಬೆಂಗಳೂರುವರೆಗೆ ಮುಂದುವರೆಸಿ ಮುಂಜಾನೆ 06 ಕ್ಕೆ ತಲುಪುವಂತೆ ಮಾಡಬೇಕು| ಇದರ ಲಾಭ ಪ್ರಯಾಣಿಕರಿಗೆ ಆಗಲಿದೆ|
Followಬಾಗಲಕೋಟೆ[ಅ.23]: ನೂತನವಾಗಿ ಪ್ರಾರಂಭಗೊಂಡ ವಿಜಯಪುರ-ಯಶವಂತಪುರ ರೈಲಿಗೆ ಬಾಗಲಕೋಟ ರೈಲು ನಿಲ್ದಾಣದಲ್ಲಿ ರಾಜ್ಯ ರೈಲ್ವೆ ಹೋರಾಟ ಸಮಿತಿ ಪದಾಧಿಕಾರಿಗಳು ಸಾರ್ವಜನಿಕರು ಅದ್ಧೂರಿಯಾಗಿ ಸ್ವಾಗತಿಸಿ ಪಟಾಕಿ ಸಿಡಿಸಿ ಪೂಜೆ ಸಲ್ಲಿಸುವ ಮುಖಾಂತರ ಹರ್ಷ ವ್ಯಕ್ತಪಡಿಸಿದರು.
ಈ ಸಂದರ್ಭದಲ್ಲಿ ಹೋರಾಟ ಸಮಿತಿಯ ಅಧ್ಯಕ್ಷ ಕುತುಬುದ್ದೀನ ಖಾಜಿ, ಉಪಾಧ್ಯಕ್ಷ ಶ್ರೀನಿವಾಸ ಬಳ್ಳಾರಿ ಮಾತನಾಡಿ, ಹಲವು ವರ್ಷಗಳಿಂದ ವಿಜಯಪುರದಿಂದ ಬೆಂಗಳೂರಿಗೆ ಇನ್ನೊಂದು ರೈಲಿನ ಬೇಡಿಕೆ ಮಂಡಿಸಲಾಗಿತ್ತು. ಬೇಡಿಕೆಗೆ ಸ್ಪಂದಿಸಿದ ರೈಲು ಸಚಿವ ಸುರೇಶ ಅಂಗಡಿ, ಲೋಕಸಭಾ ಸದಸ್ಯರಾದ ಪಿ.ಸಿ.ಗದ್ದಿಗೌಡರ ಸ್ಥಳೀಯ ಶಾಸಕ ಡಾ. ವೀರಣ್ಣ ಚರಂತಿಮಠ ಮತ್ತು ಜಿಲ್ಲೆಯ ಎಲ್ಲಾ ಶಾಸಕರುಗಳಿಗೆ ಅಭಿನಂದಿಸಿದರಲ್ಲದೆ ರೈಲು ಅನುಕೂಲಕರ ಸಮಯದಲ್ಲಿ ಓಡಿಸಬೇಕೆಂದು ಕೇಳಿಕೊಂಡರು. ಈಗಿದ್ದ ವಿಜಯಪುರ-ಯಶವಂತಪುರ ಬೆಂಗಳೂರುವರೆಗೆ ಮುಂದುವರೆಸಿ ಮುಂಜಾನೆ 06 ಕ್ಕೆ ತಲುಪುವಂತೆ ಮಾಡಬೇಕು. ಇದರ ಲಾಭ ಪ್ರಯಾಣಿಕರಿಗೆ ಆಗುವುದೆಂದರು.
ಹೆಚ್ಚಿನ ಜಿಲ್ಲಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ಕಿಸಿ
ಇನ್ನೂ ಎರಡು ರೈಲುಗಳು ಗುಂಡಕಲ್-ತಿರುಪತಿ, ಹುಬ್ಬಳ್ಳಿ-ನಿಜಾಮುದ್ದೀನ ಬಾಗಲಕೋಟ ಮಾರ್ಗವಾಗಿ ಸಂಚರಿಸಬಹುದಾದ ಎಲ್ಲ ಅವಕಾಶಗಳಿದ್ದು, ರೈಲ್ವೆ ಸಚಿವರಿಗೆ ಮನವರಿಕೆ ಮಾಡಬೇಕೆಂದು ಶಾಸಕರಾದ ಡಾ. ವೀರಣ್ಣ ಚರಂತಿಮಠ, ಮುಖಂಡರಾದ ಪ್ರಕಾಶ ತಪಶೆಟ್ಟಿ, ನಾರಾಯಣಸಾ ಭಾಂಡಗೆ ಅವರನ್ನು ಹೋರಾಟ ಸಮಿತಿಯ ಪದಾಧಿಕಾರಿಗಳು ಮನವಿ ಮಾಡಿಕೊಂಡು ರೈಲು ಪ್ರಾರಂಭಕ್ಕೆ ಶ್ರಮಿಸಿದ ಅವರನ್ನು ರೈಲ್ವೆ ಹೋರಾಟ ಸಮಿತಿ ವತಿಯಿಂದ ಬಾಗಲಕೋಟ ಸಾರ್ವಜನಿಕರ ಪರವಾಗಿ ಸನ್ಮಾನಿಸಲಾಯಿತು.
ಈ ಸಂದರ್ಭದಲ್ಲಿ ಸ್ಥಳೀಯ ಶಾಸಕರಾದ ಡಾ.ವೀರಣ್ಣ ಚರಂತಿಮಠ, ಮುಖಂಡರಾದ ಪ್ರಕಾಶ ತಪಶೆಟ್ಟಿ, ನಾರಯಣಸಾ ಭಾಂಡಗೆ, ರಾಜು ನಾಯ್ಕರ, ಬಸವರಾಜ ಯಂಕಂಚಿ, ಜಯಂತ ಕುರಂದವಾಡ, ಬಿಜೆಪಿಯ ನಗರಸಭಾ ಸದಸ್ಯರುಗಳು, ಪದಾಕಾರಿಗಳು, ಚೇಂಬರ ಆಫ್ ಕಾಮರ್ಸಿನ ಪದಾಕಾರಿಗಳು ದಾಮೋದರ ರಾಠಿ, ಎಸ್.ಎಸ್. ಲಾಥೋರ್‌ಕರ, ತೋಳನೂರ,ಹುಬ್ಬಳ್ಳಿ, ರೆಲ್ವೆ ಹೋರಾಟ ಸಮಿತಿಯ ಅಧ್ಯಕ್ಷರಾದ ಕುತುಬುದ್ದೀನ ಖಾಜಿ ಉಪಾಧ್ಯಕ್ಷರಾದ ಶ್ರೀನಿವಾಸ ಬಳ್ಳಾರಿ, ಮಮತಾಜ ಬೇಗಂ ಸೌದಾಗರ, ಮಂಜುಳಾ ಭೊಸಾರೆ, ಲಕ್ಷ್ಮೀ ಹೊಸಮನಿ, ಸುಧಾ ಪಾಟೀಲ, ಜಯಾ ಗುಳಬಾಳ, ದಾನಮ್ಮ ಹಾದಿಮನಿ, ಮೈನುದ್ಧೀನ ಖಾಜಿ ಮತ್ತಿತರರು ಉಪಸ್ಥಿತರಿದ್ದರು.
