ರಾಶಿ ಮನುಷ್ಯನ ಗುಣ ತಿಳಿಯಲು ಸಹಕರಿಸುತ್ತದೆ. ಅಷ್ಟೇ ಏಕೆ, ಕೆಲಸ, ಪ್ರೀತಿ, ಜೀವನವೆಲ್ಲವೂ ರಾಶಿ ಮೂಲಕ ತಿಳಿಯಬಹುದು. ಸಂಗಾತಿ ಬಗ್ಗೆ ತಿಳಿಯಬೇಕು ಎಂದಾದರೆ ಅವರ ರಾಶಿ ಬಗ್ಗೆ ತಿಳಿದುಕೊಳ್ಳಿ. ಇದರಿಂದ ಅವರಲ್ಲಿ ಇರುವ ನೆಗೆಟಿವ್ ಗುಣದ ಬಗ್ಗೆಯೂ ತಿಳಿಯುತ್ತದೆ. ಆ ಬಗ್ಗೆ ತಿಳಿದುಕೊಂಡರೆ ಅವರ ಜೊತೆ ಚೆನ್ನಾಗಿ ಅರಿತುಕೊಂಡು ಬಾಳಬಹುದು. 

ಮೇಷ: ಇವ್ರು ತುಂಬಾ ಕೋಪಿಷ್ಠರು. ಸಣ್ಣ ವಿಷಯಗಳಿಗೂ ಹೆಚ್ಚು ಉತ್ಸುಕರಾಗಿರುತ್ತಾರೆ. ಅವರ ಅತಿರೇಖ ಉತ್ಸಾಹಿ ಗುಣ ಅವರಿಗೆ ಯಶಸ್ಸು ಸಿಗದಂತೆ ಮಾಡುತ್ತದೆ. 

ವೃಷಭ: ರಿಲೇಷನ್‌ಶಿಪ್ ಬಗ್ಗೆ ತುಂಬಾ ಪೊಸೆಸಿವ್‌ ಆಗಿರುತ್ತಾರೆ.  ಅಸೂಯೆ ಸ್ವಭಾವ ಇವರದ್ದಾಗಿರುತ್ತದೆ. ಹಠಮಾರಿಯೂ ಹೌದು.

ಮಿಥುನ : ಮಿಥುನ ರಾಶಿಯವರು ಮೂಡಿ ಸ್ವಭಾವದವರು. ಬದಲಾಗುವ ಮನಸ್ಥಿತಿ ಸಂಬಂಧ ಆತ್ಮೀಯರಿಂದ ದೂರವಾಗುತ್ತಾರೆ. 

ಕಟಕ: ತುಂಬಾ ಸೂಕ್ಷ್ಮ ಸ್ವಭಾವದ ಜನ. ಸ್ವಲ್ಪ ಹೆಚ್ಚು ಕಡಿಮೆಯಾದರೂ ಕೊರಗುತ್ತಾರೆ. 

ಸಿಂಹ : ಅಧಿಕಾರ ಚಲಾಯಿಸುವುದು ಈ ರಾಶಿಯವರ ಗುಣ. ಇದೇ ಇವರ ಮೈನಸ್‌ ಪಾಯಿಂಟ್‌. ಇವರ ಅಹಂಕಾರ ಲವ್ ಲೈಫ್ ಮೇಲೆ ಪರಿಣಾಮ ಬೀಳುತ್ತದೆ. 

ಕನ್ಯಾ : ಈ ರಾಶಿಯವರು ಜಗಳಗಂಟರು. ಪ್ರೀತಿಸಿದರೆ ಹುಚ್ಚರಂತೆ ಪ್ರೀತಿಸುತ್ತಾರೆ. ದ್ವೇಷಿಸಿದರೆ ಮಾತ್ರ ಕ್ಷಮಿಸೋದೇ ಇಲ್ಲ. 

ತುಲಾ: ನಿರ್ಧಾರವನ್ನು ಬೇಗ ಬದಲಾಯಿಸುವ ಗುಣ ಇವರದ್ದು. ಜೊತೆಗೆ ನಿರ್ಧಾರವನ್ನು ತಾವೇ ತೆಗೆದುಕೊಳ್ಳುವುದಿಲ್ಲ. 

ವೃಶ್ಚಿಕ:  ಸೇಡು ತೀರಿಸಿಕೊಳ್ಳಲು ಏನು ಬೇಕಾದರೂ ಮಾಡುತ್ತಾರೆ ಇವರು. ರಿಲೇಶನ್‌ಶಿಪ್‌ನಲ್ಲಿ ಹೆಚ್ಚು ಪೊಸೆಸಿವ್‌. 

ಧನು: ತಮ್ಮ ನೇರ, ಕೆಟ್ಟ ಮಾತುಗಳಿಂದ ನೋವನ್ನುಂಟು ಮಾಡುತ್ತಾರೆ. ಯಾವ ವಿಷಯದಲ್ಲೂ ಇವರು ಸ್ಥಿರವಾಗಿ ಯೋಚಿಸಲಾರರು. 

ಮಕರ: ಇವರಿಗೆ ತಮ್ಮೆದುರು ಇರುವವರಿಗೆ ಗೌರವ ಕೋಡುವುದೇ ಗೊತ್ತಿಲ್ಲ. ತಮ್ಮದೇ ಆದ ರೂಲ್ಸ್ ಫಾಲೋ ಮಾಡುತ್ತಾರೆ. 

ಕುಂಭ: ಇತರರಿಂದ ದೂರವಿರಲು ಇವರು ಇಷ್ಟಪಡುತ್ತಾರೆ. ತಮ್ಮಿಚ್ಛೆಯಂತೆಯೇ ಎಲ್ಲವೂ ಆಗಬೇಕೆಂದುಕೊಳ್ಳುತ್ತಾರೆ. 

ಮೀನ: ತಮ್ಮದೇ ಪ್ರಪಂಚದಲ್ಲಿ ಕಳೆದು ಹೋಗುತ್ತಾರೆ ಈ ರಾಶಿಯವರು.