Asianet Suvarna News Asianet Suvarna News

5 ವಿಮಾನದಲ್ಲಿ ಅಮೆರಿಕನ್ನರು ಸೇರಿ ನೂರಾರು ಜನರು ಬಂಧಿ!

* ವಿದೇಶಕ್ಕೆ ತೆರಳದಂತೆ ವಿಮಾನಗಳಿಗೆ ತಾಲಿಬಾನಿಗಳ ಅಡ್ಡಿ

* 5 ವಿಮಾನದಲ್ಲಿ ಅಮೆರಿಕನ್ನರು ಸೇರಿ ನೂರಾರು ಜನರು ಬಂಧಿ

US Citizens and Afghans Wait for Evacuation Flights From Country North pod
Author
Bangalore, First Published Sep 7, 2021, 1:51 PM IST
  • Facebook
  • Twitter
  • Whatsapp

ಕಾಬೂಲ್‌(ಸೆ.07): ಆ.31ರಂದು ಅಮೆರಿಕದ ಯೋಧರು ಕಡೆಯದಾಗಿ ದೇಶ ತೊರೆದ ಬಳಿಕವೂ ಅಫ್ಘಾನಿಸ್ತಾನದಲ್ಲೇ ಉಳಿದುಕೊಂಡಿರುವ ಕೆಲ ಅಮೆರಿಕನ್ನರು ಮತ್ತು ಅಮೆರಿಕನ್ನರಿಗೆ ನೆರವಾಗಿದ್ದ ನೂರಾರ ಆಫ್ಘನ್‌ ಪ್ರಜೆಗಳನ್ನು ತಾಲಿಬಾನಿಗಳು ಒತ್ತೆಯಾಳಾಗಿ ಇಟ್ಟುಕೊಂಡಿದ್ದಾರೆ ಎಂಬ ಗಂಭೀರ ಆರೋಪ ಕೇಳಿಬಂದಿದೆ.

ಬಲ್‌್ಖ ಪ್ರಾಂತ್ಯದಲ್ಲಿ ವಿದೇಶಕ್ಕೆ ತೆರಳಲೆಂದು ಕನಿಷ್ಠ 5 ವಿಮಾನಗಳಲ್ಲಿ ಅಮರಿಕನ್ನರು ಮತ್ತು ಹಲವು ಆಫ್ಘನ್ನರು ಏರಿ ಕುಳಿತಿದ್ದಾರೆ. ಆದರೆ ವಿಮಾನ ರಾಜಧಾನಿ ಮಝರ್‌ ಎ ಷರಿಫ್‌ನಿಂದ ತೆರಳದಂತೆ ತಾಲಿಬಾನಿ ಉಗ್ರರು ತಡೆಯೊಡ್ದಿದ್ದಾರೆ ಎಂದು ಅಮೆರಿಕದ ರಿಪಬ್ಲಿಕನ್‌ ಪಕ್ಷದ ಸಂಸದ ಮೈಕೆಲ್‌ ಮ್ಯಾಕೌಲ್‌ ಆರೋಪಿಸಿದ್ದಾರೆ.

ಪಂಜ್‌ಶೀರ್‌ ಸಂಪೂರ್ಣ ತಾಲಿಬಾನ್‌ ವಶಕ್ಕೆ

 ‘ಪಂಜ್‌ಶೀರ್‌ನ ಎಲ್ಲಾ 8 ಜಿಲ್ಲೆಗಳನ್ನು ವಶಪಡಿಸಿಕೊಳ್ಳುವುದರೊಂದಿಗೆ ಇಡೀ ಪ್ರಾಂತ್ಯ ನಮ್ಮ ವಶಕ್ಕೆ ಬಂದಿದೆ. ಇದ​ರೊಂದಿಗೆ ಅಷ್ಘಾ​ನಿ​ಸ್ತಾ​ನ​ದ​ಲ್ಲಿನ ಯುದ್ಧ ಮುಗಿ​ದಿ​ದೆ​’ ಎಂದು ತಾಲಿಬಾನ್‌ ಸಂಘಟನೆ ಸೋಮವಾರ ಹೇಳಿಕೆ ಘೋಷಿ​ಸಿ​ಕೊಂಡಿದೆ. ಅಲ್ಲದೆ ತನ್ನ ವಿರುದ್ಧ ತೊಡೆ ತಟ್ಟಿದ್ದ ಅಫ್ಘಾನಿಸ್ತಾನದ ಮಾಜಿ ಉಪಾಧ್ಯಕ್ಷ ಅಮ್ರುಲ್ಲಾ ಸಲೇಹ್‌ ನೆರೆಯ ಕಜಕಸ್ತಾನಕ್ಕೆ ಪರಾರಿಯಾಗಿದ್ದಾರೆ ಎಂದು ಹೇಳಿದೆ.

ಈವ​ರೆಗೆ ಬಹು​ತೇಕ ಅಷ್ಘಾ​ನಿ​ಸ್ತಾನ ತಾಲಿ​ಬಾನ್‌ ವಶಕ್ಕೆ ಬಂದಿ​ದ್ದರೂ ಪಂಜ​ಶೀರ್‌ ಮಾತ್ರ ವಿರೋಧಿ ಪಡೆ​ಗಳ ವಶ​ದ​ಲ್ಲಿತ್ತು. ಈ ಹಿನ್ನೆ​ಲೆ​ಯಲ್ಲಿ ತಾಲಿ​ಬಾ​ನ್‌ನ ಈ ಹೇಳಿ​ಕೆಗೆ ಮಹತ್ವ ಬಂದಿ​ದೆ.

Follow Us:
Download App:
  • android
  • ios