ಭಾರತವು ಪ್ರಮುಖ ಅಕ್ಕಿ ರಫ್ತುದಾರನಾಗಿರುವುದರಿಂದ ಕಳೆದ ವಾರ ಘೋಷಿಸಿದ್ದ ರಫ್ತು ನಿಷೇಧವು ಜಾಗತಿಕ ಆಹಾರ ಮಾರುಕಟ್ಟೆಯಲ್ಲಿ ಆಘಾತ ಉಂಟುಮಾಡಿದೆ. ಈ ಬಗ್ಗೆ ಅನೇಕ ಅನಿವಾಸಿ ಭಾರತೀಯರು ತಮ್ಮ ಆತಂಕವನ್ನು ಹೊರಹಾಕಿದ್ದಾರೆ.
ವಾಷಿಂಗ್ಟನ್ (ಜುಲೈ 27, 2023): ಭಾರತವು ಇತ್ತೀಚೆಗೆ ಬಾಸ್ಮತಿಯೇತರ ಬಿಳಿ ಅಕ್ಕಿ ರಫ್ತಿನ ಮೇಲೆ ನಿಷೇಧ ಹೇರಿದೆ. ಇದರ ಪರಿಣಾಮ ಅಮೆರಿಕದ ಮೇಲೆ ಬೀರಿದೆ. ಅಮೆರಿಕದಲ್ಲಿ ಅಕ್ಕಿಗೆ ಈಗ ಭಾರಿ ಡಿಮ್ಯಾಂಡ್ ಬಂದಿದ್ದು, ಬೆಲೆಯೂ ವಿಪರೀತ ಏರಿಕೆಯಾಗ್ತಿದೆ. ಅಲ್ಲದೆ, ಭಾರತೀಯ ಮೂಲದವರು ಆತಂಕಕ್ಕೀಡಾಗಿದ್ದು, ಚೀಲಗಟ್ಟಲೆ ಅಕ್ಕಿಯನ್ನು ಸೂಪರ್ ಮಾರ್ಕೆಟ್ನಿಂದ ಖರೀದಿಸಿ ತಮ್ಮ ಮನೆಗಳಲ್ಲಿ ಸ್ಟಾಕ್ ಮಾಡಿಟ್ಟುಕೊಳ್ಳುತ್ತಿದ್ದಾರೆ.
ಭಾರತವು ಪ್ರಮುಖ ಅಕ್ಕಿ ರಫ್ತುದಾರನಾಗಿರುವುದರಿಂದ ಕಳೆದ ವಾರ ಘೋಷಿಸಿದ್ದ ರಫ್ತು ನಿಷೇಧವು ಜಾಗತಿಕ ಆಹಾರ ಮಾರುಕಟ್ಟೆಯಲ್ಲಿ ಆಘಾತ ಉಂಟುಮಾಡಿದೆ. ಈ ಬಗ್ಗೆ ಅನೇಕ ಅನಿವಾಸಿ ಭಾರತೀಯರು ತಮ್ಮ ಆತಂಕವನ್ನು ಹೊರಹಾಕಿದ್ದಾರೆ. ವಾಷಿಂಗ್ಟನ್ನಲ್ಲಿ ವಾಸಿಸುವ ಅರುಣಾ ಅವರು ಭಾರತೀಯ ವಲಸೆಗಾರರಲ್ಲಿ ಅನೇಕರು ಹಂಚಿಕೊಂಡ ಆತಂಕವನ್ನು ಪ್ರತಿಧ್ವನಿಸಿದ್ದಾರೆ.
ಇದನ್ನು ಓದಿ: Tomato ಬೆಲೆ ಇಳಿಕೆಗೆ ಯುಪಿ ಸಚಿವರು ಕೊಟ್ರು ಬೆಸ್ಟ್ ಐಡಿಯಾ!
"ನಾನು ಸುಮಾರು 10 ಕ್ಕೂ ಅಧಿಕ ಅಂಗಡಿಗಳಿಗೆ ಭೇಟಿ ನೀಡಿದ್ದೇನೆ. ನಾನು ಬೆಳಗ್ಗೆ 9 ಗಂಟೆಗೆ ಸೋನಾ ಮಸೂರಿ ಅಕ್ಕಿ ಚೀಲವನ್ನು ಹುಡುಕಲು ಪ್ರಾರಂಭಿಸಿದೆ ಮತ್ತು ಸಂಜೆ 4 ಗಂಟೆಯವರೆಗೂ ನನಗೆ ಅಕ್ಕಿ ಸಿಗಲಿಲ್ಲ. ಅಲ್ಲದೆ, 3 ಪಟ್ಟು ಹೆಚ್ಚು ಬೆಲೆಗೆ ಖರೀದಿಸಬೇಕಾಯಿತು’’ ಎಂದೂ ಸುದ್ದಿಸಂಸ್ಥೆ ಎಎನ್ಐಗೆ ತಿಳಿಸಿದ್ದಾರೆ.
ಅನಿವಾಸಿ ಭಾರತೀಯರು (ಎನ್ಆರ್ಐ) ಭಾರತೀಯ ಪಾಕಪದ್ಧತಿಯ ಪ್ರಧಾನವಾದ ಬಾಸ್ಮತಿ ಅಲ್ಲದ ಬಿಳಿ ಅಕ್ಕಿಯನ್ನು ತಮ್ಮ ಪೂರೈಕೆಯನ್ನು ಪಡೆಯಲು ಹರಸಾಹಸ ಮಾಡುತ್ತಿರುವಾಗ ನಿಷೇಧದ ಸುದ್ದಿಯು ತೀವ್ರ ಆತಂಕ ಹುಟ್ಟುಹಾಕಿದೆ. ಈ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಅನೇಕ ವಿಡಿಯೋಗಳು ಪ್ರಸಾರವಾಗುತ್ತಿದ್ದು, ದೈತ್ಯ ಮಳಿಗೆಗಳಲ್ಲಿ ಉಳಿದಿರುವ ಅಕ್ಕಿ ಚೀಲಗಳನ್ನು ತೆಗೆದುಕೊಂಡು ಹೋಗಲು ಕ್ಯೂ ನಿಂತಿರುವುದು, ಮುನ್ನುಗ್ಗುತ್ತಿರುವುದನ್ನು ತೋರಿಸಿದೆ. ಕೋವಿಡ್ - 19 ಸಾಂಕ್ರಾಮಿಕ ಮತ್ತು ಉಕ್ರೇನ್ ಯುದ್ಧದ ನಂತರ ಇದೇ ರೀತಿಯ ಆತಂಕದಿಂದ ಅಮೆರಿಕದಲ್ಲಿ ಬೇಬಿ ಫಾರ್ಮುಲಾಗೂ ತೀವ್ರ ಕೊರತೆ ಎದುರಾಗಿತ್ತು.
ಇದನ್ನೂ ಓದಿ: ಜನಸಾಮಾನ್ಯರಿಗೆ ಮತ್ತೊಂದು ಶಾಕಿಂಗ್ ನ್ಯೂಸ್: ಅಡುಗೆ ಎಣ್ಣೆ, ಗೋಧಿ ಬೆಲೆಯೂ ಹೆಚ್ಚಳ!
ಭಾರತದಲ್ಲಿ ಅಕ್ಕಿ ರಫ್ತು ನಿಷೇಧವು ದೇಶೀಯ ಲಭ್ಯತೆ ಮತ್ತು ಮನೆಯಲ್ಲಿ ಗ್ರಾಹಕರಿಗೆ ಕಡಿಮೆ ಬೆಲೆಗಳನ್ನು ಖಚಿತಪಡಿಸುವ ಗುರಿಯನ್ನು ಹೊಂದಿದೆ. ಆದರೂ, ಅದರ ಏರಿಳಿತದ ಪರಿಣಾಮಗಳನ್ನು ದೂರದ ದೇಶಗಳು ವ್ಯಾಪಕವಾಗಿ ಅನುಭವಿಸಲಾಗುತ್ತಿದೆ, ವಿಶೇಷವಾಗಿ ಅಮೆರಿಕದಲ್ಲಿ ದಕ್ಷಿಣ ಏಷ್ಯಾದ ಕಿರಾಣಿ ಅಂಗಡಿಗಳು ಅಭೂತಪೂರ್ವ ಬೇಡಿಕೆಗೆ ಸಾಕ್ಷಿಯಾಗುತ್ತಿವೆ.
ಮೇರಿಲ್ಯಾಂಡ್ನ ಸಗಟು ಮಾರಾಟಗಾರ ಸಪ್ನಾ ಫುಡ್ಸ್ ಮಾಲೀಕ ತರುಣ್ ಸರ್ದಾನ ಅವರು ಬೇಡಿಕೆಯ ಏರಿಕೆಯನ್ನು ವರದಿ ಮಾಡಿದ್ದಾರೆ. "ನಾವು ಸೋನಾ ಮಸೂರಿ ನಿರ್ದಿಷ್ಟ ಅಕ್ಕಿಗಾಗಿ ಬಹಳಷ್ಟು ಹೆಚ್ಚುವರಿ ಕರೆಗಳನ್ನು ಪಡೆಯುತ್ತಿದ್ದೇವೆ.. ವಾರಾಂತ್ಯದಲ್ಲಿ ಬೇಡಿಕೆ ಇನ್ನೂ ಹೆಚ್ಚಿತ್ತು. ಸೋಮವಾರ ಬೆಳಗ್ಗೆಯ ವೇಳೆಗೆ, ಎಲ್ಲರೂ ನಮ್ಮಂತಹ ಗೋದಾಮುಗಳಿಂದ ಸಾಧ್ಯವಾದಷ್ಟು ದಕ್ಷಿಣ ಭಾರತದ ಅಕ್ಕಿಯನ್ನು ಪಡೆಯಲು ಪ್ರಯತ್ನಿಸುತ್ತಿದ್ದರು’’ ಎಂದು ತರುಣ್ ಸರ್ದಾನ ಹೇಳಿದರು.
ಅಕ್ಕಿ ರಫ್ತು ನಿಷೇಧವು ಪ್ರೀಮಿಯಂ ದರ್ಜೆಯ ಬಾಸ್ಮತಿ ಅಕ್ಕಿಯನ್ನು ಒಳಗೊಂಡಿಲ್ಲವಾದರೂ, ಮುನ್ನೆಚ್ಚರಿಕೆ ಕ್ರಮವಾಗಿ ಗ್ರಾಹಕರು ಅದನ್ನು ಸಹ ದೊಡ್ಡ ಪ್ರಮಾಣದಲ್ಲಿ ಖರೀದಿಸುತ್ತಿದ್ದಾರೆ ಎಂದೂ ಅವರು ಗಮನಿಸಿದರು. ಆತಂಕದ ಖರೀದಿ ಹೆಚ್ಚಾಗುತ್ತಿದ್ದಂತೆ, ಬೆಲೆಯೂ ಹೆಚ್ಚಾಗುತ್ತದೆ. ಸಗಟು ವ್ಯಾಪಾರಿಗಳು ಮತ್ತು ಅಕ್ಕಿ ಕಂಪನಿಗಳು ಹೆಚ್ಚಿನ ಬೇಡಿಕೆಯಿಂದಾಗಿ ಬೆಲೆಗಳನ್ನು ಸರಿಹೊಂದಿಸುತ್ತಿವೆ. ಇದು ಬೆಲೆ ಏರಿಕೆಗೆ ಕಾರಣವಾಗುತ್ತದೆ. "ದುರದೃಷ್ಟವಶಾತ್ ಬೆಲೆಗಳು ಹೆಚ್ಚಿವೆ ಮತ್ತು ಶೇಕಡಾ 100 ರಷ್ಟು ಹೆಚ್ಚಾಗಿದೆ, ಇದು ಈ ಸಮಯದಲ್ಲಿ ದುಪ್ಪಟ್ಟಾಗಿದೆ’’ ಎಂದೂ ತರುಣ್ ಸರ್ದಾನ ಹೇಳಿದ್ದಾರೆ.
ಇದನ್ನೂ ಓದಿ: ಜನಸಾಮಾನ್ಯರಿಗೆ ಗುಡ್ ನ್ಯೂಸ್: ಕೇಂದ್ರ ಸರ್ಕಾರದಿಂದ 70 ರೂ. ಗೆ ಟೊಮ್ಯಾಟೋ ಮಾರಾಟ
