ಪಾಪ್ ಬ್ಯಾಂಡ್ ಮಿರರ್ ತಂಡದ ಸದಸ್ಯನ ಮೇಲೆ ಕಳಚಿಬಿದ್ದ ದೈತ್ಯ ಪರದೆ, ವಿಡಿಯೋ ವೈರಲ್!
- ಜನಪ್ರಿಯ ಮಿರರ್ ಬಾಯ್ಬ್ಯಾಂಡ್ನ ಪ್ರದರ್ಶನದ ಸಮಯದಲ್ಲಿ ಸಂಭವಿಸಿದ ಘಟನೆ
- ತನಿಖೆಗೆ ಆದೇಶ ಹಾಂಕಾಂಗ್ ಆಡಳಿತ, ಗಾಯಗೊಂಡವರಿಗೆ ಸಾಂತ್ವನ
- ಪ್ರದರ್ಶನ ನೀಡುವ ವೇಳೆ ಸ್ಟೇಜ್ನ ಮೇಲೆ ಕುಸಿದು ಬಿದ್ದ ದೈತ್ಯ ಪರದೆ
![Pop Band Mirror Performance halts as Giant Screen Falls on backup dancers Shocks Hong Kong san Pop Band Mirror Performance halts as Giant Screen Falls on backup dancers Shocks Hong Kong san](https://static-ai.asianetnews.com/images/01g96k17v0x9ys5gx7krd9ztx3/the-moment-a-giant-screen-fell-on-a-hong-kong-ban_363x203xt.jpg)
ಹಾಂಕಾಂಗ್ (ಜುಲೈ 30): ಪಾಪ್ ಬ್ಯಾಂಡ್ನ ಕಾರ್ಯಕ್ರಮದ ಸಮಯದಲ್ಲಿ ವೇದಿಕೆಯ ಮೇಲ್ಭಾಗದಲ್ಲಿ ಹಾಕಲಾಗಿದ್ದ ದೈತ್ಯ ಪರದೆ ಸ್ಟೇಜ್ನ ಮೇಲೆ ಕುಸಿದು ಬಿದ್ದ ಪರಿಣಾಮ ಇಬ್ಬರು ಬ್ಯಾಕಪ್ ಡಾನ್ಸರ್ಗಳು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಈ ಘಟನೆಯ ಕುರಿತಾಗಿ ತನಿಖೆ ನಡೆಸುವಂತೆ ಹಾಂಕಾಂಗ್ ಆಡಳಿತ ತಿಳಿಸಿದೆ. ಜಗತ್ತಿ ಪ್ರಸಿದ್ಧ ಮಿರರ್ ಬಾಯ್ಬ್ಯಾಂಡ್ ಪ್ರದರ್ಶನ ನೀಡುವ ವೇಳೆ ಈ ಘಟನೆ ನಡೆದಿದೆ. ಗಾಯಗೊಂಡ ಬ್ಯಾಕಪ್ ಡಾನ್ಸರ್ಗಳನ್ನು ಗುರುವಾರ ಕ್ವೀನ್ ಎಲಿಜಬೆತ್ ಆಸ್ಪತ್ರೆಗೆ ಸಾಗಿಸಲಾಗಿದೆ. ಅದಲ್ಲದೆ, ಘಟನೆಯನ್ನು ಕಣ್ಣಾರೆ ವೀಕ್ಷಿಸಿದ ಮೂವರು ಪ್ರೇಕ್ಷಕರ ಆರೋಗ್ಯ ಕೂಡ ಏರುಪೇರು ಆಗಿದ್ದು ಅವರಿಗೂ ಚಿಕಿತ್ಸೆ ನೀಡಲಾಗುತ್ತಿದೆ ಎಂದು ಪೊಲೀಸ್ ವಕ್ತಾರರು ತಿಳಿಸಿದ್ದಾರೆ. ಇಬ್ಬರ ಸ್ಥಿತಿ ಬಹಳ ಗಂಭೀರವಾಗಿದ್ದು, ಒಬ್ಬ ಡಾನ್ಸರ್ನ ಬೆನ್ನುಹುರಿಗೆ ತೀವ್ರವಾಗಿ ಗಾಯವಾಗಿದೆ ಎಂದು ಸ್ಥಳೀಯ ಮಿಂಗ್ ಪಾವೊ ಸೇರಿದಂತೆ ಹಲವು ಪತ್ರಿಕೆಗಳು ವರದಿ ಮಾಡಿವೆ. ಇನ್ನೊಬ್ಬ ಬ್ಯಾಕಪ್ ಡಾನ್ಸರ್ ಪರಿಸ್ಥಿತಿ ಸುಧಾರಿಸಬಹುದು ಎನ್ನುವ ನಿರೀಕ್ಷೆಯಲ್ಲಿ ಆಸ್ಪತ್ರೆಯ ವೈದ್ಯರಿದ್ದಾರೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ದೊಡ್ಡ ಮಟ್ಟದಲ್ಲಿ ವೈರಲ್ ಆಗಿದೆ.
ಹಾಂಗ್ ಕಾಂಗ್ ಮುಖ್ಯ ಕಾರ್ಯನಿರ್ವಾಹಕ ಜಾನ್ ಲೀ ಅವರು ಗಾಯಾಳುಗಳಿಗೆ ತಮ್ಮ ಸಾಂತ್ವನ ವ್ಯಕ್ತಪಡಿಸಿದ್ದಾರೆ. ಡಾನ್ಸರ್ಗಳು, ವೇದಿಕೆಯ ಮೇಲೆ ಸಿಬ್ಬಂದಿ ಹಾಗೂ ಸಾವರ್ಜನಿಕರ ಸುರಕ್ಷತೆಯ ಬಗ್ಗೆ ಹೆಚ್ಚಿನ ಗಮನ ನೀಡುವಂತೆ ಸ್ಥಳೀಯ ಆಡಳಿತಕ್ಕೆ ತಿಳಿಸಿದ್ದು, ಈ ವಿಷಯದ ಕುರಿತಂತೆ ಅಮೂಲಾಗ್ರ ತನಿಖೆ ನಡೆಸುವಂತೆ ಆದೇಶ ನೀಡಿದ್ದಾರೆ. ಈ ಭಯಾನಕ ಘಟನೆಯು ಶುಕ್ರವಾರ ಸ್ಥಳೀಯ ಮಾಧ್ಯಮಗಳಲ್ಲಿ ಪ್ರಮುಖ ಸುದ್ದಿಯಾಗಿದೆ ಮತ್ತು ಚೀನಾದ ಟ್ವಿಟರ್ ತರಹದ ವೈಬೊದಲ್ಲಿ ಅತಿ ಹೆಚ್ಚು ಟ್ರೆಂಡಿಂಗ್ ವಿಷಯವಾಗಿದೆ. ಈವೆಂಟ್ನ ವೀಡಿಯೋ ಕ್ಲಿಪ್ಗಳು ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ಗಳಲ್ಲಿ ದೈತ್ಯ ಪರದೆಯು ಸಡಿಲಗೊಂಡು ಪ್ರದರ್ಶಕರ ಮೇಲೆ ಕುಸಿಯುತ್ತಿರುವುದನ್ನು ತೋರಿಸುತ್ತದೆ.
ವೈದ್ಯಕೀಯ ವೆಚ್ಚ ಪಾವತಿ ಮಾಡುತ್ತೇವೆ ಎಂದ ಆಯೋಜಕರು: ಇತ್ತೀಚಿನ ವರ್ಷಗಳಲ್ಲಿ ಹಾಂಗ್ ಕಾಂಗ್ನಲ್ಲಿ ಸೂಪರ್ ಸ್ಟಾರ್ಡಮ್ಗೆ ಬಂದ 12 ಸದಸ್ಯರ ಮಿರರ್ ಬಾಯ್ಬ್ಯಾಂಡ್ ಅನ್ನು ಬಿಲಿಯನೇರ್ ರಿಚರ್ಡ್ ಲಿ ನಿಯಂತ್ರಿಸುವ ಕಂಪನಿಗಳು ನಿರ್ವಹಿಸುತ್ತವೆ, ಅವರ ತಂದೆ ಲಿ ಕಾ-ಶಿಂಗ್ ಹಾಂಗ್ ಕಾಂಗ್ನ ಶ್ರೀಮಂತ ವ್ಯಕ್ತಿಗಳಲ್ಲಿ ಒಬ್ಬರು. ಕೌಲೂನ್ನಲ್ಲಿರುವ ಹಾಂಗ್ ಕಾಂಗ್ ಕೊಲಿಜಿಯಂನಲ್ಲಿ ನಡೆದ ಸಂಗೀತ ಕಾರ್ಯಕ್ರಮವನ್ನು ಮೇಕರ್ವಿಲ್ಲೆ ಆಯೋಜಿಸಿದೆ. ಕಂಪನಿಯು ಪಿಸಿಸಿಡಬ್ಲ್ಯೂ ಲಿಮಿಟೆಡ್ನಿಂದ ನಿಯಂತ್ರಿಸಲ್ಪಡುತ್ತದೆ, ಇದು ಜೂನಿಯರ್ ಲಿ ಅವರ ವಾಣಿಜ್ಯೋದ್ಯಮದ ಭಾಗವಾಗಿದೆ. ಪಿಸಿಸಿಡಬ್ಲ್ಯು ಅಧ್ಯಕ್ಷರಾದ ಲಿ, ಗಾಯಾಳುಗಳು ಮತ್ತು ಅವರ ಕುಟುಂಬಗಳಿಗೆ ಸಾಂತ್ವನ ಸೂಚಿಸಿದ್ದಾರೆ ಎಂದು ಉದ್ಯಮಿಗಳ ಪ್ರತಿನಿಧಿ ತಿಳಿಸಿದ್ದಾರೆ. ಕಂಪನಿಯು ಗಾಯಾಳುಗಳಿಗೆ ವೈದ್ಯಕೀಯ ವೆಚ್ಚವನ್ನು ಭರಿಸುತ್ತದೆ ಮತ್ತು ಘಟನೆಯ ಬಗ್ಗೆ ಸರಿಯಾದ ಕಾಳಜಿ ಮತ್ತು ಗಮನದೊಂದಿಗೆ ಅನುಸರಣೆ ಮಾಡುತ್ತದೆ ಎಂದು ಪ್ರತಿನಿಧಿ ತಿಳಿಸಿದ್ದಾರೆ.
ಸಮುದ್ರದಲ್ಲಿ ಮುಳುಗಿತು ಹಾಂಕಾಂಗ್ನ ಫೇಮಸ್ ತೇಲುವ ರೆಸ್ಟೋರೆಂಟ್ !
ವಿಡಿಯೋ ಪ್ರಸಾರಕ್ಕೆ ನಿಷೇಧ: ಪ್ರತ್ಯೇಕವಾಗಿ, ಹಾಂಗ್ ಕಾಂಗ್ನ ಶಿಕ್ಷಣ ಬ್ಯೂರೋ ಘಟನೆಯ ಕುರಿತು ವೀಡಿಯೊಗಳನ್ನು ಪ್ರಸಾರ ಮಾಡುವುದನ್ನು ನಿಲ್ಲಿಸುವಂತೆ ಸಾರ್ವಜನಿಕರನ್ನು ಒತ್ತಾಯಿಸಿದೆ. ಈವೆಂಟ್ನಿಂದ ತೊಂದರೆಗೊಳಗಾಗಬಹುದಾದ ಮಕ್ಕಳಿಗೆ ಸಮಾಲೋಚನೆಯನ್ನು ಏರ್ಪಡಿಸುವಂತೆ ಪೋಷಕರಿಗೆ ಸಲಹೆ ನೀಡಿದೆ. ಹಾಂಗ್ ಕಾಂಗ್ ರೆಡ್ ಕ್ರಾಸ್ ಪೀಡಿತ ಜನರಿಗೆ ಸಹಾಯಕ್ಕಾಗಿ ಕರೆ ಮಾಡಲು ಹಾಟ್ಲೈನ್ ಅನ್ನು ಪ್ರಾರಂಭಿಸಿದೆ.
ಬಾಲ್ಕನಿಯಲ್ಲಿ ಹೊಸ ಜೋಡಿಯ ಸೆಕ್ಸ್, ಸುಮ್ನೆ ಬಿಡ್ಲಿಲ್ಲ ಚೀನಾ ಪೊಲೀಸ್!
"ಆರಂಭಿಕ ತನಿಖೆಯಲ್ಲಿ, ತಂತಿಯೊಂದು ಮುರಿದು ಪರದೆ ಕುಸಿದು ಬೀಳಲು ಕಾರಣವಾಯಿತು. ಇದರಿಂದಾಗಿ ಡಾನ್ಸರ್ಗಳು ಗಾಯಗೊಂಡರು" ಎಂದು ಹಾಂಗ್ ಕಾಂಗ್ ನ ಸಂಸ್ಕೃತಿ ಕಾರ್ಯದರ್ಶಿ ಕೆವಿನ್ ಯೆಯುಂಗ್ ಶುಕ್ರವಾರ ಸುದ್ದಿಗಾರರಿಗೆ ತಿಳಿಸಿದರು. ಹಾಂಗ್ ಕಾಂಗ್ನ ಕಾರ್ಮಿಕ ಇಲಾಖೆಯ ಕಾರ್ಯದರ್ಶಿ ಕ್ರಿಸ್ ಸನ್ ಶುಕ್ರವಾರ ಅವರು ಕಾರ್ಯಕ್ರಮ ಆಯೋಜನೆ ಮಾಡಿದವರ ವಿರುದ್ಧ ಕಾನೂನು ಕ್ರಮವನ್ನು ಅಗತ್ಯವಿದ್ದಲ್ಲಿ ತೆಗೆದುಕೊಳ್ಳುವುದಾಗಿ ಹೇಳಿದ್ದಾರೆ.