ಕಾಡಿಗೆ ತಗುಲಿದ ಬೆಂಕಿ| ಸಮಯ ವ್ಯರ್ಥ ಮಾಡದೇ ಕಾರ್ಯಾಚರಣೆಗಿಳಿದ ಮಾಜಿ ಪ್ರಧಾನಿ| ಅಗ್ನಿಶಾಮಕ ದಳ ಸಿಬ್ಬಂದಿಯಾದ ಮಾಜಿ ಪ್ರಧಾನಿ
ಕ್ಯಾನ್ಬೆರಾ[ಡಿ.22]: ಆಸ್ಟೇಲಿಯಾದ ಮಾಜಿ ಪ್ರಧಾನಿ ಟಾನಿ ಎಬಾಟ್ ರವರ ಫೋಟೋ ಒಂದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಈ ಫೋಟೋದಲ್ಲಿ ಅವರು ಫೈರ್ ಫೈಟರ್ ಅಂದರೆ ಅಗ್ನಿಶಾಮಕ ದಳದ ಸಮವಸ್ತ್ರದಲ್ಲಿ ಕಂಡು ಬಂದಿದ್ದಾರೆ.
ಸಮಗ್ರ ಸುದ್ದಿ ಮೂಲವನ್ನಾಗಿ asianet suvarna news ಅನ್ನು ಆಯ್ಕೆ ಮಾಡಿಕೊಳ್ಳಿ
ವರದಿಯನ್ವಯ ಟೋನಿ ಎಬಾಟ್ ಶುಕ್ರವಾರದಂದು ದಕ್ಷಿಣ ಸಿಡ್ನಿಯ ಕಾಡಿಗೆ ತಗುಲಿದ ಬೆಂಕಿ ನಂದಿಸುವ ಕಾರ್ಯಾಚರಣೆಗೆ ತೆರಳಿದ್ದರು. ಬೆಂಕಿ ನಂದಿಸಲು ಸಗ್ನಿಶಾಮಕ ದಳದ ಸಿಬ್ಬಂದಿ ಸಹಾಯ ಮಾಡುವ ಸಂದರ್ಭದಲ್ಲಿ ಈ ಫೊಟೋ ಕ್ಲಿಕ್ಕಿಸಲಾಗಿದೆ ಎನ್ನಲಾಗಿದೆ. ಟೋನಿ ಎಬಾಟ್ ಕಳೆದ 1 ದಶಕದಿಂದ 'ರೂಲರ್ ಫೈಯರ್ ಸರ್ವಿಸ್ ' ಜೊತೆ ಸ್ವಯಂ ಸೇವಕರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.
2 ವರ್ಷ ಆಸ್ಟ್ರೇಲಿಯಾದ ಪಿಎಂ ಆಗಿ ಸೇವೆ
62 ವರ್ಷದ ಎಬಾಟ್ ಬೆಂಕಿ ನಂದಿಸುತ್ತಿದ್ದ ವೇಳೆ, ಅವರ ಅಭಿಮಾನಿಗಳು ಸೆಲ್ಫೀಗಾಗಿ ಮನವಿ ಮಾಡಿಕೊಂಡಿದ್ದಾರೆ. ಸದ್ಯ ಈ ಫೋಟೋಗಳೇ ಸೋಶಿಯಲ್ ಮೀಡಿಯಾದಲ್ಲಿ ಸೌಂಡ್ ಮಾಡುತ್ತಿವೆ. ಟೋನಿ ಎಬಾಟ್ 2013ರಿಂದ 2015ರವರೆಗೆ ಆಸ್ಟ್ರೇಲಿಯಾದ ಪ್ರಧಾನಿಯಾಗಿ ಸೇವೆ ಸಲ್ಲಿಸಿದ್ದಾರೆ.
