Asianet Suvarna News Asianet Suvarna News

Wear Mask, Say No To Omicron: ಗುಡ್‌ ನ್ಯೂಸ್... ಮಾಸ್ಕ್ ಧರಿಸಿದ್ರೆ ಸೋಂಕು ಹಬ್ಬುವ ಆತಂಕ 225 ಪಟ್ಟು ಕಡಿಮೆ!

* ಸಾಮಾಜಿಕ ಅಂತರಕ್ಕಿಂತ ಮಾಸ್ಕ್ ಧರಿಸುವುದೇ ಬೆಸ್ಟ್‌

* ಒಮಿಕ್ರಾನ್ ಹರಡುವುದು ತಡೆಯುತ್ತೆ ಮಾಸ್ಕ್

* ಅಧ್ಯಯನದಲ್ಲಿ ಬಯಲಾಯ್ತು ಅಚ್ಚರಿಯ ಮಾಹಿತಿ

Face masks could lower Covid risk by up to 225 times finds study pod
Author
Bangalore, First Published Dec 8, 2021, 11:09 AM IST

ನವದೆಹಲಿ(ಡಿ.12): ಕೊರೋನಾ ವೈರಸ್‌ನಿಂದ (Coronavirus) ರಕ್ಷಣೆಯಲ್ಲಿ ಸಾಮಾಜಿಕ ಅಂತರಕ್ಕಿಂತ (Social Distancing) ಮಾಸ್ಕ್‌ಗಳು ಮಹತ್ವದ ಪಾತ್ರವನ್ನು ವಹಿಸುತ್ತವೆ ಎಂಬುವುದು ಇತ್ತೀಚೆಗೆ ಪ್ರಕಟವಾದ ಅಧ್ಯಯನದಲ್ಲಿ ತಿಳಿದು ಬಂದಿದೆ. ಕೇವಲ ಮೂರು ಮೀಟರ್‌ಗಳಷ್ಟು ದೂರಕ್ಕೆ ಹೋಲಿಸಿದರೆ ಫೇಸ್ ಕವರ್ ಅಥವಾ ಮಾಸ್ಕ್‌ನ್ನು (Mask) ಬಳಸುವುದರಿಂದ ಅಪಾಯವನ್ನು ಶೇ 225ರಷ್ಟು ಪಟ್ಟು ಕಡಿಮೆ ಮಾಡಬಹುದು ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ. ಕೊರೋನಾ ವೈರಸ್ ಸಾಂಕ್ರಾಮಿಕದ ಆರಂಭದಿಂದಲೂ ತಜ್ಞರು ಮಾಸ್ಕ್‌ಗಳ ಮಹತ್ವವನ್ನು ವಿವರಿಸುತ್ತಿದ್ದಾರೆ. ಹೊಸ ರೂಪಾಂತರದ ಒಮಿಕ್ರಾನ್‌ನ ರಕ್ಷಣೆಯಲ್ಲಿ, ತಜ್ಞರು ಕೈ ನೈರ್ಮಲ್ಯ, ಸಾಮಾಜಿಕ ಅಂತರದೊಂದಿಗೆ ಮಾಸ್ಕ್‌ಗಳ ಬಳಕೆಯ ಬಗ್ಗೆಯೂ ಮಾತನಾಡಿದ್ದಾರೆ.

ಇತ್ತೀಚಿನ ಸಂಶೋಧನೆಯಲ್ಲಿ (Research), ಜರ್ಮನಿ ಮತ್ತು ಅಮೆರಿಕದ ತಜ್ಞರು ಮಾಸ್ಕ್ (Mask) ಧರಿಸಿದರೆ, ಮುಖವನ್ನು ಮುಚ್ಚುವುದರಿಂದ ಹೆಚ್ಚಿನ ರಕ್ಷಣೆ ನೀಡುತ್ತದೆ ಎಂದು ಕಂಡುಹಿಡಿದಿದ್ದಾರೆ. ಸೋಂಕಿತ ವ್ಯಕ್ತಿಯ ಬಳಿ 5 ನಿಮಿಷಗಳ ಕಾಲ 3 ಮೀಟರ್ ದೂರದಲ್ಲಿ ನಿಂತರೆ ಮತ್ತು ಇಬ್ಬರೂ ಮಾಸ್ಕ್ ಧರಿಸದೇ ಇದ್ದರೆ ಕೋವಿಡ್‌ಗೆ ಬಲಿಯಾಗುವ ಸಾಧ್ಯತೆ ಶೇ. 90 ರಷ್ಟು ಇರುತ್ತದೆ ಎಂದು ಕಂಡುಬಂದಿದೆ. ಅದೇ ಸಮಯದಲ್ಲಿ, ಯಾರಾದರೂ ಸರ್ಜಿಕಲ್ ಮಾಸ್ಕ್ ಧರಿಸಿದರೆ, ಈ ಸಮಯವು 90 ನಿಮಿಷಗಳು ಆಗುತ್ತದೆ. ಇಬ್ಬರೂ ವೈದ್ಯಕೀಯ ದರ್ಜೆಯ FFP2 ಮುಖವಾಡವನ್ನು ಧರಿಸಿದ್ದರೆ ಮತ್ತು ದೂರದಲ್ಲಿ ನಿಂತಿದ್ದರೆ, ಒಂದು ಗಂಟೆಯ ನಂತರ ವೈರಸ್ ಹರಡುವ ಅಪಾಯವು ಶೇ. 0.4ಕ್ಕೆ ಇಳಿಯುತ್ತದೆ.

ಕೊರೋನಾ ತಾಂಡವ: ಯಾವ ಮಾಸ್ಕ್‌ ಎಷ್ಟು ಸೇಫ್‌? ಇಲ್ಲಿದೆ ವಿವರ

ಗೊಟ್ಟಿಂಗನ್ ಮತ್ತು ಕಾರ್ನೆಲ್ ವಿಶ್ವವಿದ್ಯಾನಿಲಯಗಳ ತಜ್ಞರು ಅಧ್ಯಯನದ ಮಾಹಿತಿಯು 'ಸಾಮಾಜಿಕ ಅಂತರ ಕಡಿಮೆ ಉಪಯುಕ್ತವಾಗಿಸುತ್ತದೆ' ಎಂದು ಹೇಳುತ್ತಾರೆ. ಮಾಸ್ಕ್ ವ್ಯಾಪಕ ಬಳಕೆಯು ಸೋಂಕಿನ ಪ್ರಮಾಣವನ್ನು ಶೇ 50 ರಷ್ಟು ಕಡಿಮೆ ಮಾಡುತ್ತದೆ ಎಂದು ದೊಡ್ಡ ವಿಮರ್ಶೆಯು ಕಂಡುಹಿಡಿದಿದೆ. ಇದು ಕೇವಲ ಸಾಮಾಜಿಕ ದೂರದಿಂದ ನೀವು ಪಡೆಯುವ ರಕ್ಷಣೆಯ ಎರಡು ಪಟ್ಟು ಹೆಚ್ಚು. PNAS ಜರ್ನಲ್‌ನಲ್ಲಿ ಪ್ರಕಟವಾದ ಪೇಪರ್‌ಗಳಲ್ಲಿ ಉಸಿರಾಟದ ಕಣಗಳು ಅಥವಾ ಕಣಗಳ ಪ್ರಮಾಣ ಮತ್ತು ಗಾತ್ರವನ್ನು ಅಳೆಯಲಾಗುತ್ತದೆ. ನಂತರ ಅಪಾಯವನ್ನು ನಿರ್ಧರಿಸಲು ಗಣಿತದ ಮಾದರಿಗಳನ್ನು ಬಳಸಿಕೊಂಡು ಫಲಿತಾಂಶಗಳನ್ನು ಲೆಕ್ಕಹಾಕಲಾಗುತ್ತದೆ.

ಸಾಮಾಜಿಕ ಅಂತರವನ್ನು ಕಾಯ್ದುಕೊಳ್ಳುವುದಕ್ಕಿಂತ ಉತ್ತಮ ಮಾಸ್ಕ್ ಸೋಂಕು ನಿಯಂತ್ರಿಸುವಲ್ಲಿ ಹೆಚ್ಚು ಪರಿಣಾಮಕಾರಿ ಎಂದು ಅಧ್ಯಯನವು ತೋರಿಸಿದೆ. ಅದೇ ಸಮಯದಲ್ಲಿ, ಕೊರೋನಾ ಸೋಂಕಿಗೆ ಒಳಗಾಗುವ ಅಪಾಯವು ಧರಿಸಿದ ಮಾಸ್ಕ್ ಎಷ್ಟು ಬಿಗಿಯಾಗಿರುತ್ತದೆ ಮತ್ತು ಬಲವಾಗಿರುತ್ತದೆ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ. ಸೋಂಕಿತ ಮತ್ತು ಆರೋಗ್ಯವಂತ ವ್ಯಕ್ತಿಗಳು ಚೆನ್ನಾಗಿ ಹೊಂದಿಕೊಳ್ಳುವ FFP2 ಮಾಸ್ಕದ ಧರಿಸಿದರೆ, 20 ನಿಮಿಷಗಳ ನಂತರ 1.5 ಮೀಟರ್ ದೂರದಲ್ಲಿದ್ದರೂ ಅಪಾಯವು 1000 ರಲ್ಲಿ ಒಬ್ಬರಾಗಿರುತ್ತದೆ. ಇಬ್ಬರೂ ಸಡಿಲವಾದ ವೈದ್ಯಕೀಯ ಮುಖವಾಡಗಳನ್ನು ಧರಿಸಿದರೆ, ಅಪಾಯವು ಶೇ. 4 ರಷ್ಟು ಹೆಚ್ಚಾಗುತ್ತದೆ. ಇಬ್ಬರೂ ಚೆನ್ನಾಗಿ ಹೊಂದಿಕೊಳ್ಳುವ ಸರ್ಜಿಕಲ್ ಮಾಸ್ಕ್‌ಗಳನ್ನ ಧರಿಸಿದರೆ 20 ನಿಮಿಷಗಳ ನಂತರ ಹೆಚ್ಚಿನ ಅಪಾಯವು 10 ರಲ್ಲಿ ಒಬ್ಬರಿಗಿರುತ್ತದೆ. ಅದೇ ಸಮಯದಲ್ಲಿ, ಸಡಿಲವಾದ ಸರ್ಜಿಕಲ್ ಮಾಸ್ಕ್‌ಗಳಲ್ಲಿ ಅಪಾಯವು ಶೇ.30 ರಷ್ಟು ಇರುತ್ತದೆ.

ಸೋಂಕಿತರಿಗೆ ಸಾಧಾರಣ ರೋಗ ಲಕ್ಷಣ

ಒಮಿಕ್ರಾನ್‌ ರೂಪಾಂತರಿ ಕೋವಿಡ್‌ ಸೋಂಕಿನ ಬಗ್ಗೆ ವಿಶ್ವದಲ್ಲಿ ಆತಂಕವಿದ್ದರೂ, ಇದು ಡೆಲ್ಟಾ ವೈರಸ್‌ನಷ್ಟು ಅಪಾಯಕಾರಿಯಲ್ಲ ಎಂದು ರಾಜಸ್ಥಾನದ ಸವಾಯ್‌ ಮಾನ್‌ ಸಿಂಗ್‌ ವೈದ್ಯಕೀಯ ಕಾಲೇಜಿನ ವೈದ್ಯರು ಸ್ಪಷ್ಟಪಡಿಸಿದ್ದಾರೆ. ಇತ್ತೀಚೆಗೆ  ಒಮಿಕ್ರಾನ್‌ಗೆ ತುತ್ತಾದ ರಾಜಸ್ಥಾನದ 9 ಮಂದಿ ಇದೇ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, ಅವರಲ್ಲಿ ರೋಗಲಕ್ಷಣಗಳು ತುಂಬಾ ಕಮ್ಮಿ ಇವೆ. ಉಸಿರಾಟ ಸಮಸ್ಯೆ, ಶ್ವಾಸಕೋಶದ ಮೇಲೆ ವೈರಸ್‌ ದಾಳಿ ಕಂಡುಬಂದಿಲ್ಲ. ಹೀಗಾಗಿ  ಒಮಿಕ್ರಾನ್‌ ಸೋಂಕಿತರಿಗೆ ಕೃತಕ ಆಮ್ಲಜನಕದ ವ್ಯವಸ್ಥೆ ಬೇಕಿಲ್ಲ. ಚಿಕಿತ್ಸೆ ಪಡೆಯುತ್ತಿರುವ 9 ಸೋಂಕಿತರ ಆರೋಗ್ಯ ಸ್ಥಿರವಾಗಿದ್ದು, ಕೆಲವರಲ್ಲಿ ಸೌಮ್ಯ ಸ್ವಭಾವದ ಸೋಂಕು ಮತ್ತೆ ಕೆಲವರಲ್ಲಿ ಸೋಂಕಿನ ಲಕ್ಷಣಗಳೇ ಇಲ್ಲ. ಅವರೆಲ್ಲರೂ ಚೇತರಿಸಿಕೊಳ್ಳುತ್ತಿದ್ದಾರೆ. ಜತೆಗೆ ಈ ವೈರಸ್‌ ಸೋಕಿಗೆ ತುತ್ತಾದವರಿಗೆ ಡೆಲ್ಟಾರೀತಿ ರುಚಿ ಮತ್ತು ವಾಸನೆ ಗ್ರಹಿಸುವ ಸಾಮರ್ಥ್ಯ ಕುಸಿದಿಲ್ಲ ಎಂದು ಡಾ. ಸುಧೀರ್‌ ಬಂಡಾರಿ(Sudhir Bandari) ತಿಳಿಸಿದರು.

ಕೊರೋನಾ ಸಮರಕ್ಕೆ ಶಕ್ತಿ ತುಂಬಿದ 'ಮಾಸ್ಕ್ ಮಹಿಳೆ’ ಸುಹಾನಿಯ ಕಹಾನಿ!

ಮತ್ತೊಂದೆಡೆ ದಕ್ಷಿಣ ಆಫ್ರಿಕಾದಲ್ಲಿ ಈ ಸೋಂಕಿಗೆ ತುತ್ತಾದ 1000 ಮಂದಿ ರೋಗಿಗಳ ಪೈಕಿ ಶೇ.4.9ರಷ್ಟು ಮಂದಿ ಮಾತ್ರವೇ ಐಸಿಯು ಬೆಡ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಮಾಹಿತಿ ನೀಡಿದರು. ಜಗತ್ತಿನಾದ್ಯಂತ  ಹೊಸ ರೂಪಾಂತರಿ ಒಮಿಕ್ರಾನ್‌(Omicron) ಭೀತಿ ಹುಟ್ಟಿಸಿರುವುದಂತೂ ನಿಜ. ಇದಕ್ಕೆ ಪ್ರಮುಖ ಕಾರಣ, ಪ್ರಪಂಚದ ವಿವಿಧ ದೇಶಗಳ ತಜ್ಞರು ದಿನಕ್ಕೊಂದು ಹೇಳಿಕೆ ನೀಡುತ್ತಿರುವುದು. ಒಬ್ಬರು ಒಮಿಕ್ರಾನ್‌ ಬಗ್ಗೆ ಅಷ್ಟೇನೂ ಭಯ ಬೇಕಿಲ್ಲ ಎಂದರೆ, ಮಗದೊಬ್ಬರು ಡೆಲ್ಟಾಗಿಂತಲೂ ಹೆಚ್ಚಿನ ಅಪಾಯ ತಂದೊಡ್ಡಬಲ್ಲುದು ಎನ್ನುತ್ತಾರೆ. ಹಾಗಾದರೆ, ಒಮಿಕ್ರಾನ್‌ ಕುರಿತ ನಿಜ ಸಂಗತಿ ಏನು ಎಂಬ ಪ್ರಶ್ನೆಗೆ ಇನ್ನೂ ಒಂದಿಷ್ಟು ದಿನ ಕಾಯಬೇಕು ಎನ್ನುತ್ತಾರೆ ಕೆಲವು ತಜ್ಞರು.

Omicron Variant: ಒಮಿಕ್ರಾನ್‌ ನಿಯಂತ್ರಣಕ್ಕೆ ಬೂಸ್ಟರ್ ಡೋಸ್‌ನಿಂದ ಪರಿಹಾರ..?

ಒಮಿಕ್ರಾನ್‌ ರೂಪಾಂತರಿ ಮೊದಲಿಗೆ ಗೊತ್ತಾಗಿದ್ದು ದಕ್ಷಿಣ ಆಫ್ರಿಕಾ(South Africa) ದೇಶದಲ್ಲಿ. ಇಲ್ಲಿ ನ.26ರಂದು 3,402 ಕೇಸ್‌ ಪತ್ತೆಯಾಗಿದ್ದರೆ, ಡಿ.1ರ ವೇಳೆಗೆ 8561 ಕೇಸ್‌ಗಳು ದೃಢವಾಗಿದ್ದವು. ಅದರಲ್ಲೂ ಗುಟೆಂಗ್‌(Gauteng) ಪ್ರಾಂತ್ಯದಲ್ಲಿ ಹೆಚ್ಚು ಪ್ರಕರಣ ಪತ್ತೆಯಾಗಿವೆ. ಇಲ್ಲಿ ಸರಿಯಾದ ವರದಿಗಳು ಬರುವ ಮುನ್ನವೇ ವಿಶ್ವ ಆರೋಗ್ಯ ಸಂಸ್ಥೆ ಒಮಿಕ್ರಾನ್‌ ಕುರಿತಂತೆ ಹೇಳಿಕೆ ನೀಡಿತು. ಇದು ಅತ್ಯಂತ ಕಳವಳಕಾರಿಯಾದ ಮತ್ತು ಅಪಾಯಕಾರಿಯಾದ ರೂಪಾಂತರಿ. ಇದುವರೆಗಿನ ಎಲ್ಲ ವೇರಿಯಂಟ್‌ಗಳಿಗಿಂತಲೂ ಶಕ್ತಿಯುತವಾಗಿದೆ. ಹೀಗಾಗಿ ಎಲ್ಲ ದೇಶಗಳು ಎಚ್ಚರಿಕೆಯಿಂದ ಇರಬೇಕು ಎಂದು ಬಿಟ್ಟಿತು. ಇದು ಜಗತ್ತಿನೆಲ್ಲೆಡೆ ಭಯಕ್ಕೆ ಕಾರಣವಾದರೆ, ಬೇರೆ ಬೇರೆ ಸಂಶೋಧನ ಸಂಸ್ಥೆಗಳು ತಮಗೆ ತಿಳಿದ ಹಾಗೆ ಅಂದಾಜು ಮಾಡಲು ನಿಂತವು. ವಿಶೇಷವೆಂದರೆ ಇದುವರೆಗೆ ಒಮಿಕ್ರಾನ್‌ ಹೇಗೆ ವರ್ತಿಸುತ್ತದೆ ಎಂಬ ಬಗ್ಗೆ ಸರಿಯಾದ ದತ್ತಾಂಶಗಳೇ ಸಿಕ್ಕಿಲ್ಲ.

Follow Us:
Download App:
  • android
  • ios