ಕೊರೋನಾ ನಿರ್ಮೂಲನೆ ಯತ್ನಕ್ಕೆ ಡೆಲ್ಟಾ ಬಹುದೊಡ್ಡ ಅಡ್ಡಿ: ಫೌಸಿ
* ಅಮೆರಿಕದ ಎಲ್ಲಾ ಲಸಿಕೆಗಳು ಡೆಲ್ಟಾ ವಿರುದ್ಧ ಪರಿಣಾಮಕಾರಿಯಾಗಿ ಕಾರ್ಯ ನಿರ್ವಹಿಸಲಿವೆ
* ಕೊರೋನಾ ಹುಟ್ಟಡಗಿಸುವ ಅಮೆರಿಕದ ಯತ್ನಕ್ಕೆ ಡೆಲ್ಟಾ ಬಹುದೊಡ್ಡ ಅಡ್ಡಿ: ಫೌಸಿ
* ವಿಶ್ವಾದ್ಯಂತ ಹಬ್ಬುತ್ತಿರುವ ಕೊರೋನಾ ವೈರಸ್ಗಳಿಗಿಂತಲೂ ಭಾರತದಲ್ಲಿ ಮೊಟ್ಟ ಮೊದಲಿಗೆ ಪತ್ತೆಯಾದ ಡೆಲ್ಟಾ ವೈರಸ್ ಗಂಭೀರ ಸ್ವರೂಪ
ವಾಷಿಂಗ್ಟನ್(ಜೂ.02): ಅಮೆರಿಕದಿಂದ ಕೋವಿಡ್ ಮಹಾಮಾರಿಯನ್ನು ಪೂರ್ತಿಯಾಗಿ ತೊಲಗಿಸುವ ದೇಶದ ಯತ್ನಕ್ಕೆ ತೀವ್ರವಾಗಿ ಹಬ್ಬುವ ಕೊರೋನಾ ವೈರಸ್ನ ಡೆಲ್ಟಾರೂಪಾಂತರ ತಳಿಯು ಬಹುದೊಡ್ಡ ಆಪತ್ತು ಆಗಿದೆ ಎಂದು ಸಾಂಕ್ರಾಮಿಕ ರೋಗ ತಜ್ಞರು ಹಾಗೂ ಶ್ವೇತ ಭವನದ ಮುಖ್ಯ ವೈದ್ಯಕೀಯ ಸಲಹೆಗಾರ ಡಾ. ಆ್ಯಂಟೋನಿ ಫೌಸಿ ಎಚ್ಚರಿಕೆ ನೀಡಿದ್ದಾರೆ.
ಆದರೆ ಅಮೆರಿಕದ ಎಲ್ಲಾ ಲಸಿಕೆಗಳು ಡೆಲ್ಟಾವಿರುದ್ಧ ಪರಿಣಾಮಕಾರಿಯಾಗಿ ಕಾರ್ಯ ನಿರ್ವಹಿಸಲಿವೆ ಎಂಬುದಷ್ಟೇ ಸಮಾಧಾನಕರ ಸಂಗತಿ ಎಂದೂ ಹೇಳಿದ್ದಾರೆ. ಈ ಬಗ್ಗೆ ಇತ್ತೀಚೆಗೆ ವಚ್ರ್ಯುವಲ್ ಸುದ್ದಿಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಫೌಸಿ, ‘ವಿಶ್ವಾದ್ಯಂತ ಹಬ್ಬುತ್ತಿರುವ ಕೊರೋನಾ ವೈರಸ್ಗಳಿಗಿಂತಲೂ ಭಾರತದಲ್ಲಿ ಮೊಟ್ಟಮೊದಲಿಗೆ ಪತ್ತೆಯಾದ ಡೆಲ್ಟಾ ವೈರಸ್ ಗಂಭೀರ ಸ್ವರೂಪದ್ದಾಗಿದೆ.
ಅಮೆರಿಕದಲ್ಲಿ ಪತ್ತೆಯಾದ ಒಟ್ಟಾರೆ ಸೋಂಕಿತರ ಪೈಕಿ ಈಗಾಗಲೇ ಶೇ.20ಕ್ಕಿಂತ ಹೆಚ್ಚು ಮಂದಿಯಲ್ಲಿ ಡೆಲ್ಟಾರೂಪಾಂತರಿ ವೈರಸ್ ಪತ್ತೆಯಾಗಿದೆ. ಕಳೆದ 2 ವಾರಗಳ ಅವಧಿಯಲ್ಲಿ ಶೇ.10ರಷ್ಟುಡೆಲ್ಟಾಪ್ರಕರಣಗಳು ಹೆಚ್ಚಿವೆ’ ಎಂದು ಹೇಳಿದ್ದಾರೆ.