ಚೀನಾ ಹಾಗೂ ಯುರೋಪ್ ಭಾಗದಲ್ಲಿ ಒಮಿಕ್ರಾನ್ ಸಬ್ ವೇರಿಯಂಟ್ ಅಬ್ಬರ!
ವಿಶ್ವದಲ್ಲಿ ಮತ್ತೆ ಆತಂಕ ಸೃಷ್ಟಿಸಿರುವ ಕೋವಿಡ್-19
ಚೀನಾ, ಅಮೆರಿಕ, ಯುರೋಪ್ ಭಾಗಗಳಲ್ಲಿ ವ್ಯಾಪಕವಾಗಿ ಕೋವಿಡ್-19 ಹೆಚ್ಚಳ
ವಿಶ್ವ ಆರೋಗ್ಯ ಸಂಸ್ಥೆಯಿಂದಲೂ ಎಚ್ಚರಿಕೆ ರವಾನೆ
ನವದೆಹಲಿ (ಮಾ. 22): ವಿಶ್ವದ ಜನರು ಕಳೆದ ಎರಡು ವರ್ಷಗಳಿಂದ ಮಾಸ್ಕ್ ಗಳಲ್ಲಿ ಮುಖ ಅಡಗಿಸಿಕೊಂಡು ಸಂಕಷ್ಟಪಟ್ಟಿದ್ದ ಸಮಯ ಇನ್ನೇನು ಕಳೆಯಿತು ಎನ್ನುವ ಹಂತದಲ್ಲಿಯೇ ವಿಶ್ವದ ಬಹುತೇಕ ಭಾಗಗಳಲ್ಲಿ ಕೋವಿಡ್-19ಗೆ (Covid-19) ಕಾರಣವಾಗುವ ಕೊರೊನಾ ವೈರಸ್ ನ (Coronavirus)ರೂಪಾಂತರವಾಗಿದ್ದ ಒಮಿಕ್ರಾನ್ ವೈರಸ್ ನ (Omicron)ಉಪ ರೂಪಾಂತರ ಬಿಎ.2 ( BA.2) ತ್ವರಿತವಾಗಿ ಏರಿಕೆ ಕಾಣುತ್ತಿದೆ. ಈಗಾಗಲೇ ಚೀನಾ (China), ದಕ್ಷಿಣ ಕೊರಿಯಾ (South Korea), ಯುರೋಪ್ (Europe) ಹಾಗೂ ಅಮೆರಿಕದಲ್ಲಿ ಕೋವಿಡ್-19 ಪ್ರಕರಣಗಳಲ್ಲಿ ದಿಢೀರನೆ ಏರಿಕೆಗೆ ಇದು ಕಾರಣವಾಗಿದೆ.
BA.2 ಓಮಿಕ್ರಾನ್ ಗಿಂತ ಸುಮಾರು 30% ಹೆಚ್ಚು ವೇಗದಲ್ಲಿ ಹರಡುತ್ತದೆ, ಆದರೆ ಇದು ಹೆಚ್ಚು ತೀವ್ರವಾಗಿರುವ ಬಗ್ಗೆ ಮಾಹಿತಿಯಿಲ್ಲ. ಹೊಸ ಉಪ-ವೇರಿಯಂಟ್‌ನ ಹರಡುವಿಕೆಯ ಹೊರತಾಗಿಯೂ, ಸಾವಿನ ಪ್ರಕರಣದಲ್ಲಿ ಜಗತ್ತಿನಲ್ಲಿ ಇಳಿಕೆ ಕಾಣುತ್ತಿದ್ದು, ಆಸ್ಪತ್ರೆಗೆ ದಾಖಲಾಗುವವರ ಸಂಖ್ಯೆಯಲ್ಲೂ ಕಡಿಮೆ ಪ್ರಮಾಣವಿದೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ, BA.2 ಅದರ ಆನುವಂಶಿಕ ಅನುಕ್ರಮದಲ್ಲಿ ಸ್ಪೈಕ್ ಪ್ರೊಟೀನ್‌ನಲ್ಲಿ ಕೆಲವು ಅಮೈನೋ ಆಮ್ಲ ವ್ಯತ್ಯಾಸಗಳು ಸೇರಿದಂತೆ BA.1 ಗಿಂತ ಭಿನ್ನವಾಗಿದೆ.
ಒಮಿಕ್ರಾನ್ ಉಪ ರೂಪಾಂತರ BA.2 ಅಮೆರಿಕದಲ್ಲಿ ತನ್ನ ಪ್ರಭಾವವನ್ನು ಇನ್ನಷ್ಟು ಹೆಚ್ಚಿಸುವ ಹಾದಿಯಲ್ಲಿದೆ. ಹೆಚ್ಚು ಸಾಂಕ್ರಾಮಿಕವಾಗಿರುವ BA.2 ಸಬ್‌ವೇರಿಯಂಟ್‌ನಿಂದಾಗಿ ಪಶ್ಚಿಮ ಯುರೋಪ್‌ನಲ್ಲಿ ಕೋವಿಡ್-19 ಮತ್ತೆ ಉಲ್ಬಣಗೊಳ್ಳುತ್ತಿದೆ ಎಂದು ತಜ್ಞರು ಹೇಳಿದ್ದಾರೆ.
ಸ್ಯಾನ್ ಡಿಯಾಗೋ ಮೂಲದ ಜೀನೋಮಿಕ್ಸ್ ಸಂಸ್ಥೆಯಾದ ಹೆಲಿಕ್ಸ್ (Helix), BA.2 ರೂಪಾಂತರವನ್ನು ಜನವರಿ ಆರಂಭದಲ್ಲಿ ಅಮೆರಿಕದಲ್ಲಿ ಮೊದಲು ಗುರುತಿಸಿದಾಗಿನಿಂದ ಅದರ ಬಗ್ಗೆ ಗಮನ ನೀಡಿದೆ. ಆರಂಭದಲ್ಲಿ ಹಿಡಿತ ಸಾಧಿಸಲು ನಿಧಾನವಾಗಿದ್ದರೂ, ಅಮೆರಿಕದಲ್ಲಿನ ಎಲ್ಲಾ ಕೋವಿಡ್ ಪ್ರಕರಣಗಳಲ್ಲಿ 50 ಪ್ರತಿಶತದಿಂದ 70 ಪ್ರತಿಶತದಷ್ಟು BA.2 ಎಂದು ಹೆಲಿಕ್ಸ್ ಈಗ ಅಂದಾಜಿಸಿದೆ ಎಂದು ಬ್ಲೂಮ್‌ಬರ್ಗ್ ವರದಿ ಮಾಡಿದೆ.
ಶ್ವೇತಭವನದ ಮುಖ್ಯ ವೈದ್ಯಕೀಯ ಸಲಹೆಗಾರ ಡಾ ಆಂಥೋನಿ ಫೌಸಿ (Anthony Fauci ) ಅವರು ಓಮಿಕ್ರಾನ್‌ಗಿಂತ BA.2 ಶೇಕಡಾ 60 ರಷ್ಟು ಹೆಚ್ಚು ಹರಡುತ್ತದೆ, ಆದರೆ ಇದು ಹೆಚ್ಚು ತೀವ್ರವಾಗಿ ಕಂಡುಬರುವುದಿಲ್ಲ. "ಇದು ಹೆಚ್ಚಿನ ಪ್ರಸರಣ ಸಾಮರ್ಥ್ಯವನ್ನು ಹೊಂದಿದೆ" ಎಂದು ತಿಳಿಸಿದ್ದಾರೆ. ವೈರಸ್‌ನಿಂದ ಗಂಭೀರ ಅನಾರೋಗ್ಯವನ್ನು ತಡೆಗಟ್ಟಲು ಸಮಯೋಚಿತ ವ್ಯಾಕ್ಸಿನೇಷನ್ ಮತ್ತು ಬೂಸ್ಟರ್ ಶಾಟ್‌ಗಳು ಅತ್ಯುತ್ತಮ ಸಾಧನವಾಗಿ ಉಳಿದಿವೆ ಎಂದು ಡಾ ಫೌಸಿ ಹೇಳಿದರು, ಈ ರೂಪಾಂತರವು ಈಗಾಗಲೇ ಚೀನಾ ಮತ್ತು ಯುರೋಪಿನ ಕೆಲವು ಭಾಗಗಳಲ್ಲಿ ಕೋವಿಡ್ ಪ್ರಕರಣಗಳಲ್ಲಿ ಉಲ್ಬಣಕ್ಕೆ ಕಾರಣವಾಗಿದೆ.
ಬರುತ್ತಿದೆ ಹೊಸ Corona ಅಲೆ! Stealth Omicron ಲಕ್ಷಣಗಳೇನು ಗೊತ್ತಾ?
ಕೆಲವು ತಜ್ಞರು BA.2 ಅದರ ಹಿಂದಿನ BA.1 ಗಿಂತ ಕೇವಲ 30 ಪ್ರತಿಶತ ಹೆಚ್ಚು ಸಾಂಕ್ರಾಮಿಕವಾಗಿರಬಹುದು ಹೇಳಿರುವುದು, ಡಾ. ಫೌಸಿ ಮಾಡಿರುವ ಅಂದಾಜಿಗಿಂತ ಕಡಿಮೆ ಎನಿಸಿದೆ. ಇದನ್ನು ವೈರಸ್ ಅನ್ನು ಪತ್ತೆ ಹಚ್ಚಲು ಹೆಚ್ಚು ಕಷ್ಟಕರವಾಗಿರುವ ಕಾರಣಕ್ಕಾಗಿ ಇದನ್ನು ಸ್ಟೀಲ್ತ್ ಓಮಿಕ್ರಾನ್ (Stealth Omicron) ಎಂದೂ ಕರೆಯಲಾಗುತ್ತಿದೆ.
ಚೀನಾದಲ್ಲಿ ಕೊರೋನಾ ಅಬ್ಬರ, ಭಾರತಕ್ಕೂ ಅಪಾಯ? ತಜ್ಞರು ಹೇಳೋದೇನು?
ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ, BA.2 ಅದರ ಆನುವಂಶಿಕ ಅನುಕ್ರಮದಲ್ಲಿ BA.1 ಗಿಂತ ಭಿನ್ನವಾಗಿದೆ, ಇದರಲ್ಲಿ ಸ್ಪೈಕ್ ಪ್ರೋಟೀನ್ ಮತ್ತು ಇತರ ಪ್ರೋಟೀನ್‌ಗಳಲ್ಲಿನ ಕೆಲವು ಅಮೈನೋ ಆಮ್ಲ ವ್ಯತ್ಯಾಸಗಳು ಸೇರಿವೆ. BA.1 ಗಿಂತ BA.2 ಬೆಳವಣಿಗೆಯ ಪ್ರಯೋಜನವನ್ನು ಹೊಂದಿದೆ ಎಂದು ಅಧ್ಯಯನಗಳು ತೋರಿಸಿವೆ. ಈ ಬೆಳವಣಿಗೆಯ ಪ್ರಯೋಜನಕ್ಕೆ ಕಾರಣಗಳನ್ನು ಅರ್ಥಮಾಡಿಕೊಳ್ಳಲು ಅಧ್ಯಯನಗಳು ನಡೆಯುತ್ತಿವೆ, ಆದರೆ ಆರಂಭಿಕ ಮಾಹಿತಿಯು BA.2 ವೈರಸ್ BA.1 ಗಿಂತ ಅಂತರ್ಗತವಾಗಿ ಹೆಚ್ಚು ಹರಡುತ್ತದೆ ಎಂದು ಸೂಚಿಸುತ್ತದೆ.
