ಮೂರು ದಿನಗಳ ಬಳಿಕ ಚೀನಾದಲ್ಲಿ ಮೊದಲ ದೇಶಿಯ ಸೋಂಕು ಪತ್ತೆ!
ಮೂರು ದಿನಗಳ ಬಳಿಕ ಚೀನಾದಲ್ಲಿ ಮೊದಲ ದೇಶಿಯ ಸೋಂಕು ಪತ್ತೆ| ಸೋಂಕು ತಹಬದಿಗೆ ಬರುತ್ತಿದೆ ಅನ್ನುವಷ್ಟರಲ್ಲಿ ಸೋಂಕು ದೃಢವಾಗಿರುವುದು ಆತಂಕಕ್ಕೆ ಕಾರಣವಾಗಿದೆ
ಬೀಜಿಂಗ್(ಮಾ.23): ಮೂರು ದಿನಗಳ ಬಳಿಕ ಇದೇ ಮೊದಲ ಬಾರಿ ಚೀನಾದಲ್ಲಿ ಮೊದಲ ದೇಶಿಯ ಕೊರೋನಾ ಪ್ರಕರಣ ದಾಖಲಾಗಿದೆ. ಇನ್ನೇನು ಸೋಂಕು ತಹಬದಿಗೆ ಬರುತ್ತಿದೆ ಅನ್ನುವಷ್ಟರಲ್ಲಿ ಸೋಂಕು ದೃಢವಾಗಿರುವುದು ಆತಂಕಕ್ಕೆ ಕಾರಣವಾಗಿದೆ. '
ಕಳೆದ ಮೂರು ದಿನಗಳಲ್ಲಿ ಅಲ್ಲಿ ಯಾವುದೇ ದೇಶಿಯ ಸೋಂಕು ಕಂಡು ಬಂದಿರಲಿಲ್ಲ. ಶನಿವಾರ 46 ಮಂದಿಗೆ ಸೋಂಕು ದೃಢವಾಗಿದ್ದು, ಇದರಲ್ಲಿ ಒಂದು ದೇಶಿಯ ಪ್ರಕರಣವಾಗಿದೆ. ಆ ಮೂಲಕ ಒಟ್ಟು ಸೋಂಕಿಯತರ ಸಂಖ್ಯೆ 81,054ಕ್ಕೆ ಮುಟ್ಟಿದೆ. ಹುಬೇ ಪ್ರಾಂತ್ಯದಲ್ಲಿ 5 ಸೇರಿ ಒಟ್ಟು 6 ಮಂದಿ ಸಾವನ್ನಪ್ಪಿದ್ದು, ಆ ಮೂಲಕ ಸಾವಿನ ಸಂಖ್ಯೆ 3,261ಕ್ಕೆ ತಲುಪಿದೆ.
ನಂಬರ್ ಗೇಮ್
46- ಶನಿವಾರ ಗೊತ್ತಾದ ಹೊಸ ಪ್ರಕರಣ
6- ಶನಿವಾರದ ಸಾವು
3,261- ಈವರೆಗೆ ಒಟ್ಟು ಸಾವು
81,054- ಸೋಂಕಿತರ ಸಂಖ್ಯೆ
5,549- ಚಿಕಿತ್ಸೆ ಪಡೆಯುತ್ತಿರುವ ಸೋಂಕಿತರು
72,244- ಗುಣಮುಖರಾದವರು