ವಿಯೆಟ್ನಾಂ ಮತ್ತು ಥೈಲ್ಯಾಂಡ್ನ ಸೂಪರ್ಮಾರ್ಕೆಟ್ಗಳು ಪ್ಯಾಕೇಜಿಂಗ್ ಪರ್ಯಾಯವಾಗಿ ಪ್ಲಾಸ್ಟಿಕ್ಗೆ ಬದಲಾಗಿ ಬಾಳೆ ಎಲೆಗಳನ್ನು ಬಳಸಲು ಪ್ರಾರಂಭಿಸಿವೆ.
ವಿಯೆಟ್ನಾಂ ಮತ್ತು ಥೈಲ್ಯಾಂಡ್ನ ಸೂಪರ್ಮಾರ್ಕೆಟ್ಗಳು ಪ್ಯಾಕೇಜಿಂಗ್ ಪರ್ಯಾಯವಾಗಿ ಪ್ಲಾಸ್ಟಿಕ್ಗೆ ಬದಲಾಗಿ ಬಾಳೆ ಎಲೆಗಳನ್ನು ಬಳಸಲು ಪ್ರಾರಂಭಿಸಿವೆ.
ರಿಂಪಿಂಗ್ ಸೂಪರ್ಮಾರ್ಕೆಟ್ನಲ್ಲಿ ಪರಿಸರ ಸ್ನೇಹಿ ಪ್ಯಾಕೇಜಿಂಗ್ನ ವೈರಲ್ ಆಗಿರುವ ಫೇಸ್ಬುಕ್ ಪೋಸ್ಟ್ನೊಂದಿಗೆ ಈ ಸಂಬಂಧ ಕುತೂಹಲ ಗರಿಗೆದರಿದೆ. ಈ ಪ್ರವೃತ್ತಿ ಮೂಲತಃ ಥೈಲ್ಯಾಂಡ್ನ ಚಿಯಾಂಗ್ಮೈನಲ್ಲಿ ಪ್ರಾರಂಭವಾಯಿತು. ಶೀಘ್ರದಲ್ಲೇ, ಈ ಕಲ್ಪನೆಯು ವಿಯೆಟ್ನಾಂಗೆ ಪ್ರಯಾಣಿಸಿತು.
ಕಿರಾಣಿ ವ್ಯಾಪಾರಿಗಳು ಇನ್ನೂ ಪ್ಯಾಕೇಜಿಂಗ್ ಅನ್ನು ಪರೀಕ್ಷಿಸುತ್ತಿದ್ದಾರೆ, ಆದರೆ ಶೀಘ್ರದಲ್ಲೇ ರಾಷ್ಟ್ರವ್ಯಾಪಿ ಪ್ಲಾಸ್ಟಿಕ್ ಅನ್ನು ಬದಲಿಸಿ ಎಲೆಗಳೊಂದಿಗೆ ಪ್ಯಾಕೇಜಿಂಗ್ ಯೋಜಿಸಲಾಗುತ್ತಿದೆ.
ಸಣ್ಣ ಬಕೆಟ್ ಕದ್ದಿದ್ದಕ್ಕೆ ನಡೆದಿದ್ದು 2000 ಸೈನಿಕರ ಜೀವ ಕಸಿದ ಘೋರ ಯುದ್ಧ!
ಗ್ರಾಹಕರು ಪ್ಯಾಕೇಜಿಂಗ್ನಲ್ಲಿ ಪ್ಲ್ಯಾಸ್ಟಿಕ್ ಕಡಿಮೆ ಮಾಡುವ ಮಳಿಗೆಗಳ ಪ್ರಯತ್ನವನ್ನು ಶ್ಲಾಘಿಸಿದ್ದಾರೆ. ಪರಿಸರವನ್ನು ರಕ್ಷಿಸಲು ಸಹಾಯ ಮಾಡುವ ಹೆಚ್ಚಿನ ಪ್ರಮಾಣದಲ್ಲಿ ಉತ್ಪನ್ನಗಳನ್ನು ಖರೀದಿಸಲು ಅವರು ಸಿದ್ಧರಿದ್ದಾರೆ.
ನೆಟಿಜನ್ಗಳಲ್ಲಿ ತ್ವರಿತ ಹಿಟ್ ಆಗಿದ್ದ ಕಲ್ಪನೆಯು ಶೀಘ್ರದಲ್ಲೇ ವಿಯೆಟ್ನಾಂ ಸೂಪರ್ಮಾರ್ಕೆಟ್ಗಳ ಗಮನ ಸೆಳೆಯಿತು.
ವಿಯೆಟ್ನಾಂನಲ್ಲಿನ ದೊಡ್ಡ ಸೂಪರ್ ಮಾರ್ಕೆಟ್ ಸರಪಳಿಗಳಾದ ಲೊಟ್ಟೆ ಮಾರ್ಟ್, ಸೈಗಾನ್ ಕೋ.ಆಪ್ ಮತ್ತು ಬಿಗ್ ಸಿ, ಎಲ್ಲರೂ ತಮ್ಮ ಅಂಗಡಿಗಳಲ್ಲಿ ಪ್ಯಾಕೇಜಿಂಗ್ ಪರ್ಯಾಯವಾಗಿ ಬಾಳೆ ಎಲೆಗಳನ್ನು ಪ್ರಯೋಗಿಸುವ ಮೂಲಕ ಥಾಯ್ ಅಂಗಡಿಯ ಹೆಜ್ಜೆಗಳನ್ನು ಅನುಸರಿಸಲು ಪ್ರಾರಂಭಿಸಿದ್ದಾರೆ.
ತರಕಾರಿಗಳು ಮತ್ತು ಹಣ್ಣುಗಳನ್ನು ಸುತ್ತುವುದನ್ನು ಹೊರತುಪಡಿಸಿ, ಕಿರಾಣಿ ಸರಪಳಿಯು ತಾಜಾ ಮಾಂಸ ಉತ್ಪನ್ನಗಳಿಗೆ ಎಲೆಗಳನ್ನು ಬಳಸಲು ಉದ್ದೇಶಿಸಿದೆ.
ಮೊಟ್ಟೆ ಮಾರುತ್ತಿದ್ದಾತ ಈಗ ಐಎಎಸ್ ಆಫೀಸರ್; ಮನಸ್ಸಿದ್ದರೆ ಮಾರ್ಗ ಅನ್ನೋಕೆ ಮನೋಜ್ ಜೀವನ ಸಾಕ್ಷಿ
'ಈ ಸುಂದರವಾದ ಬಾಳೆ ಎಲೆಗಳಲ್ಲಿ ಸುತ್ತಿದ ತರಕಾರಿಗಳನ್ನು ನೋಡಿದಾಗ ನಾನು ದೊಡ್ಡ ಪ್ರಮಾಣದಲ್ಲಿ ಖರೀದಿಸಲು ಹೆಚ್ಚು ಸಿದ್ಧನಿದ್ದೇನೆ. ಈ ಉಪಕ್ರಮವು ಪರಿಸರವನ್ನು ರಕ್ಷಿಸುವ ಬಗ್ಗೆ ಸ್ಥಳೀಯರಿಗೆ ಹೆಚ್ಚು ಅರಿವು ಮೂಡಿಸಲು ಸಹಾಯ ಮಾಡುತ್ತದೆ ಎಂದು ನಾನು ಭಾವಿಸುತ್ತೇನೆ' ಎಂದು ಹೋವಾ ಎಂಬ ಸ್ಥಳೀಯ ಗ್ರಾಹಕರು ಉಲ್ಲೇಖಿಸಿದ್ದಾರೆ.
ಎಲೆಗಳನ್ನು ಪ್ಯಾಕೇಜಿಂಗ್ ಆಗಿ ಬಳಸುವುದು ವಿಯೆಟ್ನಾಂನಲ್ಲಿ ಪ್ಲಾಸ್ಟಿಕ್ ತ್ಯಾಜ್ಯವನ್ನು ಕಡಿಮೆ ಮಾಡಲು ಪ್ರಯೋಗ ಮಾಡುತ್ತಿರುವ ಹಲವಾರು ಇತರ ಪ್ರಯತ್ನಗಳಿಗೆ ಸ್ವಾಗತಾರ್ಹ ಸೇರ್ಪಡೆಯಾಗಿದೆ. ಭಾರತದಲ್ಲಿ ಕೂಡಾ ಇಂಥ ಪರಿಸರಸ್ನೇಹಿ ವಿಧಾನಗಳನ್ನು ಅಳವಡಿಸಿಕೊಳ್ಳುವುದು ಹೆಚ್ಚು ಸೂಕ್ತವಾಗಿದೆ ಅಲ್ಲವೇ?
