ಕೊರೋನಾ ಲಸಿಕೆ ಪಡೆದ ಮಹಿಳೆಗೆ ಅಲರ್ಜಿ: ಆಸ್ಪತ್ರೆಗೆ ದಾಖಲು
ಕೊರೋನಾ ಮಹಾಮಾರಿಗೆ ಲಸಿಕೆ ಪಡೆದುಕೊಂಡಿದ್ದ ಅಮೆರಿಕಾ ಮಹಿಳೆಗೆ ಇದೀಗ ಆರೋಗ್ಯದಲ್ಲಿ ಸಮಸ್ಯೆ ಎದುರಾಗಿದೆ.
ನ್ಯೂಯಾರ್ಕ್ (ಡಿ.18): ಫೈಝರ್ ಕಂಪನಿ ಅಭಿವೃದ್ಧಿಪಡಿಸಿರುವ ಲಸಿಕೆಯನ್ನು ನೀಡಲು ಅಮೆರಿಕ ಆರಂಭಿಸಿದ ಬೆನ್ನಲ್ಲೇ ಲಸಿಕೆಯು ಸೋಂಕಿತರೊಬ್ಬರ ಮೇಲೆ ಅಡ್ಡಪರಿಣಾಮ ಬೀರಿದೆ ಎಂದು ವರದಿಯಾಗಿದೆ.
ಅಲಾಸ್ಕಾದ ಮಧ್ಯವಯಸ್ಕ ಮಹಿಳಾ ಆರೋಗ್ಯ ಸಿಬ್ಬಂದಿಯೊಬ್ಬರಿಗೆ ಲಸಿಕೆ ನೀಡಿದಾಗ ಅವರಿಗೆ ಗಂಭೀರ ರೀತಿಯಲ್ಲಿ ಅಲರ್ಜಿ ಕಾಣಿಸಿಕೊಂಡಿದೆ.
ರಾಜ್ಯದಲ್ಲಿ ಕೊರೋನಾಗೆ 6 ಬಲಿ, 1240 ಹೊಸ ಕೇಸ್ ಪತ್ತೆ ..
ಅವರನ್ನು ರಾತ್ರೋರಾತ್ರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅವರ ಪರಿಸ್ಥಿತಿ ಸ್ಥಿರವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಲಸಿಕೆ ಪಡೆದ ಮಹಿಳೆಯಲ್ಲಿ ಈ ಹಿಂದೆ ಅಲರ್ಜಿ ಇರಲಿಲ್ಲ ಎಂದೂ ಹೇಳಿದ್ದಾರೆ.
ಫೈಝರ್ ಕಂಪನಿಯ ಲಸಿಕೆ ವಿತರಣೆಯನ್ನು ಬ್ರಿಟನ್ನಲ್ಲಿ ವಿಶ್ವದಲ್ಲೇ ಮೊದಲ ಬಾರಿ ಆರಂಭಿಸಿದಾಗ ಅಲ್ಲೂ ಕೆಲವರಲ್ಲೂ ಅಲರ್ಜಿ ಕಾಣಿಸಿಕೊಂಡಿತ್ತು. ಅಲರ್ಜಿ ಇರುವವರು ಲಸಿಕೆ ಪಡೆಯಬಾರದು ಎಂದು ಬ್ರಿಟನ್ ಸರ್ಕಾರ ಸೂಚನೆ ನೀಡಿತ್ತು.