2030ರ ವೇಳೆಗೆ 6G ಆರಂಭ, ಆದರೆ ಸ್ಮಾರ್ಟ್‌ಫೋನ್ಸ್ ಮಾತ್ರ ಇರಲ್ಲ: ನೋಕಿಯಾ ಸಿಇಓ ಹೀಗಂದಿದ್ಯಾಕೆ?
ಇತ್ತೀಚೆಗೆ ಸಂವಹನ, ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವ ಅಶ್ವಿನಿ ವೈಷ್ಣವ್ ಐಐಟಿ ಮದ್ರಾಸ್‌ನಲ್ಲಿ 5G ಕರೆಯನ್ನು ಯಶಸ್ವಿಯಾಗಿ ಪರೀಕ್ಷಿಸಿದ್ದಾರೆ. ಅಲ್ಲದೇ ಈ ದಶಕದ ಅಂತ್ಯದ ವೇಳೆಗೆ 6G ನೆಟ್‌ವರ್ಕ್ ಭಾರತಕ್ಕೆ ಬರಲಿದೆ ಎಂದು ಭಾರತ ಸರ್ಕಾರ ಘೋಷಿಸಿದೆ.
Followನವದೆಹಲಿ (ಜೂ. 09): ಈ ವರ್ಷದ ಅಂತ್ಯದ ವೇಳೆಗೆ ಭಾರತದಲ್ಲಿ 5G ಸೇವೆಗ ಪ್ರಾರಂಭವಾಗಲಿದೆ. ಆರಂಭದಲ್ಲಿ 13 ಭಾರತೀಯ ನಗರಗಳಲ್ಲಿ 5G ಸೇವೆಗಳು ಲಭ್ಯವಾಗಲಿವೆ. ಇತ್ತೀಚೆಗೆ ಸಂವಹನ, ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವ ಅಶ್ವಿನಿ ವೈಷ್ಣವ್ ಐಐಟಿ ಮದ್ರಾಸ್‌ನಲ್ಲಿ 5G ಕರೆಯನ್ನು ಯಶಸ್ವಿಯಾಗಿ ಪರೀಕ್ಷಿಸಿದ್ದಾರೆ. ಅಲ್ಲದೇ ಈ ದಶಕದ ಅಂತ್ಯದ ವೇಳೆಗೆ 6G ನೆಟ್‌ವರ್ಕ್ ಭಾರತಕ್ಕೆ ಬರಲಿದೆ ಎಂದು ಭಾರತ ಸರ್ಕಾರ ಘೋಷಿಸಿದೆ. ಈ ನಡುವೆ ನೋಕಿಯಾ ಸಿಇಒ ಪೆಕ್ಕಾ ಲುಂಡ್‌ಮಾರ್ಕ್ (Pekka Lundmark) 2030 ರಲ್ಲಿ ಸ್ಮಾರ್ಟ್‌ಫೋನ್‌ಗಳೇ ಇರುವುದಿಲ್ಲ ಎಂದು ಹೇಳಿದ್ದಾರೆ.
ವರ್ಲ್ಡ್ ಎಕನಾಮಿಕ್ ಫೋರಮಿನಲ್ಲಿ ಮಾತನಾಡಿದ ಅವರು "2030 ರ ಅಂತ್ಯದ ವೇಳೆಗೆ 6G ಬರಲಿದೆ ಆದರೆ ಇದು ಸ್ಮಾರ್ಟ್‌ಫೋನ್‌ಗಳನ್ನು ಬಳಕೆಯಲ್ಲಿಲ್ಲದಂತೆ ಮಾಡಬಹುದು. ಬಳಕೆದಾರರು ಸ್ಮಾರ್ಟ್‌ಫೋನ್‌ಗಳ ಮೂಲಕ 6G ನೆಟ್‌ವರ್ಕ್‌ಗಳನ್ನು ಬಳಸಲು ಸಾಧ್ಯವಾಗುವುದಿಲ್ಲ ಆದರೆ ನಮ್ಮ ದೇಹದ ಮೇಲೆ ಧರಿಸಬಹುದಾದ ಸಾಧನಗಳಲ್ಲಿಯೇ ಇದನ್ನು ಬಳಸಬಹುದು" ಎಂದಿದ್ದಾರೆ.
“ಆ ಹೊತ್ತಿಗೆ, ಇಂದು ನಮಗೆ ತಿಳಿದಿರುವಂತೆ ಸ್ಮಾರ್ಟ್‌ಫೋನ್ ಅತ್ಯಂತ ಸಾಮಾನ್ಯ ಇಂಟರ್ಫೇಸ್ ಆಗಿರುವುದಿಲ್ಲ. ಇವುಗಳಲ್ಲಿ ಹೆಚ್ಚಿನವು ನಮ್ಮ ದೇಹದಲ್ಲಿ ಧರಿಸುವಂತೆ ನೇರವಾಗಿ ನಿರ್ಮಿಸಲ್ಪಡುತ್ತವೆ ”ಎಂದು ಲುಂಡ್‌ಮಾರ್ಕ್ ಹೇಳಿದ್ದಾರೆ. ನಮ್ಮ ಜೀವನದಲ್ಲಿ ಯಾವ ರೀತಿಯ ಸಾಧನಗಳು ಸ್ಮಾರ್ಟ್‌ಫೋನ್‌ಗಳನ್ನು ಬದಲಾಯಿಸಲಿವೆ ಎಂಬುದನ್ನು ಅವರು ನಿರ್ದಿಷ್ಟಪಡಿಸದಿದ್ದರೂ, ಸ್ಮಾರ್ಟ್ ಗ್ಲಾಸ್‌ಗಳಂತಹ ವಸ್ತುಗಳು ಮತ್ತು ಮುಖದ ಮೇಲೆ ಧರಿಸಬಹುದಾದ ಸಾಧನಗಳಿಗೆ ಹೆಚ್ಚು ಆದ್ಯತೆ ನೀಡಲಾಗುವುದು ಎಂದು ಅವರು ತಿಳಿಸಿದ್ದಾರೆ.
ನ್ಯೂರಾಲಿಂಕ್ ಪ್ರಯೋಗ: ಇನ್ನು ಲುಂಡ್‌ಮಾರ್ಕ್ ಹೇಳುತ್ತಿರುವುದು ಇದೀಗ ನಮಗೆ ಅರ್ಥವಾಗದಿರಬಹುದು ಏಕೆಂದರೆ ಸ್ಮಾರ್ಟ್‌ಫೋನ್‌ಗಳಿಲ್ಲದ ಜೀವನವನ್ನು ನಾವು ಪ್ರಾಯೋಗಿಕವಾಗಿ ಊಹಿಸಲು ಸಾಧ್ಯವಿಲ್ಲ, ಆದರೆ ಎಲಾನ್ ಮಸ್ಕ್ ನೇತೃತ್ವದ ನ್ಯೂರಾಲಿಂಕ್‌ನಂತಹ ಕಂಪನಿಗಳು ಮೆದುಳಿಗೆ ಅಳವಡಿಸಬಹುದಾದ ಸಾಧನಗಳ ತಯಾರಿಕೆಯಲ್ಲಿ ಕಾರ್ಯನಿರ್ವಹಿಸುತ್ತಿವೆ. ಅಂತಹ ಸಾಧನಗಳನ್ನು ಯಂತ್ರಗಳು ಮತ್ತು ಇತರ ಜನರೊಂದಿಗೆ ಸಂವಹನಕ್ಕಾಗಿ ಬಳಸಬಹುದು.
ಇದನ್ನೂ ಓದಿ: ಐಐಟಿ ಮದ್ರಾಸ್‌ನಲ್ಲಿ 5G ಕಾಲ್ ಯಶಸ್ವಿಯಾಗಿ ಪರೀಕ್ಷಿಸಿದ ಟೆಲಿಕಾಂ ಸಚಿವ ಅಶ್ವಿನಿ ವೈಷ್ಣವ್
ಹಾಗಾಗಿ, 6G ನೆಟ್‌ವರ್ಕ್‌ಗಳು ಬರುವ ವೇಳೆಗೆ ಸ್ಮಾರ್ಟ್‌ಫೋನ್‌ಗಳು ಹಳತಾಗುತ್ತವೆ ಎಂಬ ಲುಂಡ್‌ಮಾರ್ಕ್‌ನ ಭವಿಷ್ಯವೂ ನಿಜವಾಗಬಹುದು. 2021 ರಲ್ಲಿ, ನ್ಯೂರಾಲಿಂಕ್ ಮಕಾಕ್ (ಮಂಗ) ಮನಸ್ಸಿನಲ್ಲಿ ಪಿಂಗ್ ಪಾಂಗ್ ಆಡುತ್ತಿರುವ ವೀಡಿಯೊವನ್ನು ಸಹ ಹಂಚಿಕೊಂಡಿದೆ. ನ್ಯೂರಾಲಿಂಕ್‌ನ ವೀಡಿಯೊದ ಹಿಂದಿನ ಕಲ್ಪನೆಯು ಅದರ ತಂತ್ರಜ್ಞಾನವನ್ನು ಬಳಸಿಕೊಂಡು, ನರವೈಜ್ಞಾನಿಕ ಪರಿಸ್ಥಿತಿಗಳಿರುವ ಜನರು ಫೋನ್‌ಗಳು ಅಥವಾ ಕಂಪ್ಯೂಟರ್‌ಗಳನ್ನು ದೂರದಿಂದಲೇ ನಿಯಂತ್ರಿಸಲು ಸಾಧ್ಯವಾಗುತ್ತದೆ ಎಂದು ತೋರಿಸುವುದಾಗಿದೆ.
"ನಮ್ಮ ಉದ್ದೇಶವು ಮಾನವನ ದೇಹದಲ್ಲಿ ಸಂಪೂರ್ಣವಾಗಿ ಅಳವಡಿಸಬಹುದಾದ ಸುರಕ್ಷಿತ ಮತ್ತು ಪರಿಣಾಮಕಾರಿ ಕ್ಲಿನಿಕಲ್ BMI (ಬ್ರೈನ್ ಮೆಷಿನ್ ಇಂಟರ್ಫೇಸ್) ವ್ಯವಸ್ಥೆಯನ್ನು ನಿರ್ಮಿಸುವುದು. ಪಾರ್ಶ್ವವಾಯು ಹೊಂದಿರುವ ಜನರಿಗೆ ಅವರ ಡಿಜಿಟಲ್ ಸ್ವಾತಂತ್ರ್ಯವನ್ನು ಮರಳಿ ನೀಡುವುದು, ಪಠ್ಯದ ಮೂಲಕ ಹೆಚ್ಚು ಸುಲಭವಾಗಿ ಸಂವಹನ ಮಾಡಲು, ಅವರ ಕುತೂಹಲವನ್ನು ಅನುಸರಿಸುವುದು ನಮ್ಮ ಮೊದಲ ಗುರಿಯಾಗಿದೆ. ವೆಬ್, ಛಾಯಾಗ್ರಹಣ ಮತ್ತು ಕಲೆಯ ಮೂಲಕ ತಮ್ಮ ಸೃಜನಶೀಲತೆಯನ್ನು ವ್ಯಕ್ತಪಡಿಸಲು ಮತ್ತು ವೀಡಿಯೊ ಗೇಮ್‌ಗಳನ್ನು ಆಡಲು ಕೂಡ ಇದನ್ನು ಬಳಸಬಹುದಾಗಿದೆ ”ಎಂದು ನ್ಯೂರಾಲಿಂಕ್‌ನ ಸಂಶೋಧಕರು ಬ್ಲಾಗ್ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.
ಜಗತ್ತು 5G ಯ ಹಿಡಿತಕ್ಕೆ ಬರುತ್ತಿರುವುದರಿಂದ 6G ಇನ್ನೂ ದೂರದ ಕನಸಾಗಿದೆ. ಭಾರತದಂತಹ ದೇಶಗಳು ಇನ್ನೂ 5G ನೆಟ್‌ವರ್ಕ್‌ಗಳನ್ನು ಪರೀಕ್ಷಿಸುತ್ತಿವೆ. 5G ಟೆಸ್ಟ್ ಬೆಡ್ ಯೋಜನೆಯು ಡಿಸೆಂಬರ್ 31, 2021 ರೊಳಗೆ ಪೂರ್ಣಗೊಂಡಿದೆ ಮತ್ತು ಈಗ 5G ತರಂಗಾಂತರದ ಹರಾಜು ಜೂನ್ ಆರಂಭದಲ್ಲಿ ನಡೆಯುವ ನಿರೀಕ್ಷೆಯಿದೆ. ಇದನ್ನು ಒಮ್ಮೆ ಮಾಡಿದ ನಂತರ, ನೀವು ಆಗಸ್ಟ್ ಅಥವಾ ಸೆಪ್ಟೆಂಬರ್‌ನಲ್ಲಿ ಭಾರತದಲ್ಲಿ 5G ರೋಲ್‌ಔಟ್ ನಿರೀಕ್ಷಿಸಬಹುದು. 5G ಬಿಡುಗಡೆಯು ಭಾರತದ ಆರ್ಥಿಕತೆಗೆ $450 ಶತಕೋಟಿ (ಅಂದಾಜು ರೂ 3,492 ಕೋಟಿ) ಕೊಡುಗೆ ನೀಡಬಹುದು ಎಂದು ಪ್ರಧಾನಿ ಮೋದಿ ಹೇಳಿದ್ದಾರೆ.
ಇದನ್ನೂ ಓದಿ: 2030ರ ವೇಳೆಗೆ ಭಾರತದಲ್ಲಿ 6G ನೆಟ್‌ವರ್ಕ್ ಪ್ರಾರಂಭಿಸುವ ಗುರಿ: ಪ್ರಧಾನಿ ನರೇಂದ್ರ ಮೋದಿ
