Whatsapp Accounts Ban ಒಂದೇ ತಿಂಗಳಲ್ಲಿ 17.5 ಲಕ್ಷ ವಾಟ್ಸಾಪ್ ಖಾತೆ ನಿಷೇಧ!
*ಭಾರತೀಯ ಐಟಿ ನಿಯಮಗಳ ಅನುಸಾರ ವಾಟ್ಸಾಪ್ 17.5 ಲಕ್ಷ ಖಾತೆಗಳನ್ನು ಬಂದ್ ಮಾಡಿದೆ.
*ಒಟ್ಟು 602 ದೂರು ಸ್ವೀಕರಿಸಿದ್ದ ವಾಟ್ಸಾಪ್ 36 ದೂರುಗಳಿಗೆ ಸಂಬಂಧಿಸಿದಂತೆ ಕ್ರಮಕೈಗೊಂಡಿದೆ
*ವಾಟ್ಸಾಪ್ ಭಾರತದಲ್ಲಿ ವಿಶ್ವದಲ್ಲೇ ಅತಿ ಹೆಚ್ಚು ಬಳಕೆದಾರರನ್ನು ಹೊಂದಿದ ಕಂಪನಿಯಾಗಿದೆ
Followಪ್ರಮುಖ ತ್ವರಿತ ಸಂದೇಶ ರವಾನೆಯ ವೇದಿಕೆಯಾಗಿರುವ ಮೆಟಾ (Meta) ಒಡೆತನದ ವಾಟ್ಸಾಪ್ ಭಾರತದ ಐಟಿ ನಿಯಮಗಳ ಅಡಿಯಲ್ಲಿ 2021ರ ನವೆಂಬರ್ ಒಂದೇ ತಿಂಗಳಲ್ಲಿ 1,759,000 ಖಾತೆಗಳನ್ನು ನಿಷೇಧಿಸಿದೆ. ಅದೇ ತಿಂಗಳಲ್ಲಿ ಭಾರತದಲ್ಲಿ 602 ಕುಂದುಕೊರತೆ ದೂರುಗಳನ್ನು ಸ್ವೀಕರಿಸಿದೆ ಮತ್ತು ಇದೇ ವೇಳೆ ಈ ಪೈಕಿ 36 ದೂರುಗಳಿಗೆ ಸಂಬಂಧಿಸಿದಂತೆ ಕ್ರಮವನ್ನು ತೆಗೆದುಕೊಳ್ಳಲಾಗಿದೆ ಎಂದು ವಾಟ್ಸಾಪ್ (Whatsapp) ಹೇಳಿಕಕೊಂಡಿದೆ. ವರದಿಯ ಪ್ರಕಾರ, ವಾಟ್ಸಾಪ್ ನವೆಂಬರ್‌ಗೆ ತನ್ನ ಆರನೇ ಮಾಸಿಕ ವರದಿಯನ್ನು ಐಟಿ ನಿಯಮಗಳ 2021 ರ ಅನುಸಾರವಾಗಿ ಬಿಡುಗಡೆ ಮಾಡಿದೆ. ಬಳಕೆದಾರರ ಸುರಕ್ಷತಾ ವರದಿಯು ಸ್ವೀಕರಿಸಿದ ಬಳಕೆದಾರರ ದೂರುಗಳು ಮತ್ತು WhatsApp ಕೈಗೊಂಡ ಕ್ರಮಗಳು ಮತ್ತು ನಮ್ಮ ಪ್ಲಾಟ್‌ಫಾರ್ಮ್‌ನಲ್ಲಿ ನಿಂದನೆಯನ್ನು ಎದುರಿಸಲು ಕಂಪನಿಯ ಪೂರ್ವಭಾವಿ ಕ್ರಮಗಳ ಮಾಹಿತಿಯನ್ನು ಒಳಗೊಂಡಿದೆ ಎಂದು ಸಂಸ್ಥೆ ಹೇಳಿದೆ.
ಎಂಡ್-ಟು-ಎಂಡ್ ಎನ್‌ಕ್ರಿಪ್ಟೆಡ್ ಮೆಸೇಜಿಂಗ್ ಸಿಸ್ಟಮ್‌ಗಳಲ್ಲಿ, ದುರುಪಯೋಗವನ್ನು ತಡೆಗಟ್ಟುವಲ್ಲಿ ವಾಟ್ಸಾಪ್ (WhatsApp) ಉದ್ಯಮದ ಮುಂಚೂಣಿಯಲ್ಲಿದೆ ಎಂದು ಅದು ಹೇಳಿಕೊಂಡಿದೆ. ನಿರಂತರವಾಗಿ ಕೃತಕ ಬುದ್ಧಿಮತ್ತೆ (Artificial) ಮತ್ತು ಇತರ ಅತ್ಯಾಧುನಿಕ ತಂತ್ರಜ್ಞಾನಗಳು, ಡೇಟಾ ವಿಜ್ಞಾನಿಗಳು (Data Scientists) ಮತ್ತು ತಜ್ಞರು (Experts) ಮತ್ತು ನಮ್ಮ ಪ್ಲಾಟ್‌ಫಾರ್ಮ್‌ನಲ್ಲಿ ನಮ್ಮ ಗ್ರಾಹಕರನ್ನು ಸುರಕ್ಷಿತವಾಗಿರಿಸಲು ವರ್ಷಗಳಲ್ಲಿ ಪ್ರಕ್ರಿಯೆಗಳಲ್ಲಿ ಹೆಚ್ಚಿನ ಶ್ರಮವಹಿಸಿದೆ.
Whatsapp New Feature: ವಾಟ್ಸಾಪ್ ಹೊಸ ಫೀಚರ್ಸ್ ಮೂಲಕ ಹತ್ತಿರದ ಹೊಟೇಲ್, ದಿನಸಿ, ಬಟ್ಟೆ ಅಂಗಡಿ ಹುಡುಕಿ!
ಅಕ್ಟೋಬರ್‌ನಲ್ಲಿ 500 ದೂರುಗಳ ವರದಿಗಳನ್ನು ಸ್ವೀಕರಿಸಿದ ನಂತರ ಸಾಮಾಜಿಕ ಮಾಧ್ಯಮ ಸೈಟ್ ಭಾರತದಲ್ಲಿ 20 ಲಕ್ಷಕ್ಕೂ ಹೆಚ್ಚು ಖಾತೆಗಳನ್ನು ಸ್ಥಗಿತಗೊಳಿಸಿದೆ ಎಂಬುದು ಗಮನಿಸಬೇಕಾದ ಸಂಗತಿ. ಭಾರತದಲ್ಲಿ WhatsApp ಸುಮಾರು 40 ಕೋಟಿ ಬಳಕೆದಾರರನ್ನು ಹೊಂದಿದೆ. ಹಿಂದೆ, ಸಾಮಾಜಿಕ ಸಂದೇಶ ರವಾನೆ ವೇದಿಕೆಯು 95% ಕ್ಕಿಂತ ಹೆಚ್ಚು ಸಸ್ಪೆನ್ಷನ್ಸ್ ಅನಧಿಕೃತ ಸ್ವಯಂಚಾಲಿತ ಅಥವಾ ಸಾಮೂಹಿಕ ಸಂದೇಶ (ಸ್ಪ್ಯಾಮ್) ಬಳಕೆಯಿಂದ ಉಂಟಾಗಿದೆ ಎಂದು ಹೇಳಿತು. ಕ್ರಮ ಕೈಗೊಳ್ಳುವುದು ಎಂದರೆ ದೂರಿನ ಪರಿಣಾಮವಾಗಿ ಖಾತೆಯನ್ನು ಅಮಾನತುಗೊಳಿಸುವುದು ಅಥವಾ ಹಿಂದೆ ನಿಷೇಧಿತ ಖಾತೆಯನ್ನು ಮರುಸ್ಥಾಪಿಸುವುದು ಎಂದರ್ಥ.
ಮೇ ತಿಂಗಳಲ್ಲಿ ಜಾರಿಗೆ ಬಂದ ಹೊಸ ಐಟಿ ಮಾರ್ಗಸೂಚಿಗಳು, ಸ್ವೀಕರಿಸಿದ ದೂರುಗಳು ಮತ್ತು ತೆಗೆದುಕೊಂಡ ಕ್ರಮಗಳನ್ನು ಒಳಗೊಂಡಂತೆ ಪ್ರತಿ ತಿಂಗಳು ಅನುಸರಣೆ ವರದಿಗಳನ್ನು ತಯಾರಿಸಲು ಪ್ರಮುಖ ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳಿಗೆ (50 ಲಕ್ಷಕ್ಕೂ ಹೆಚ್ಚು ಬಳಕೆದಾರರೊಂದಿಗೆ) ಅಗತ್ಯವಿರುತ್ತದೆ. ಕಂಪನಿಯು ತನ್ನ ಕಾರ್ಯಚಟುವಟಿಕೆಗಳಲ್ಲಿ ಮುಕ್ತತೆಯನ್ನು ಹೆಚ್ಚಿಸುವುದನ್ನು ಮುಂದುವರೆಸುವುದಾಗಿ ಮತ್ತು ಮುಂದಿನ ವರದಿಗಳಲ್ಲಿ ತನ್ನ ಪ್ರಯತ್ನಗಳ ಕುರಿತು ಹೆಚ್ಚಿನ ಮಾಹಿತಿಯನ್ನು ಹಂಚಿಕೊಳ್ಳುವುದಾಗಿ ಹೇಳಿದೆ. ಇದು ಎಂಡ್-ಟು-ಎಂಡ್ ಎನ್‌ಕ್ರಿಪ್ಟೆಡ್ ನೆಟ್‌ವರ್ಕ್ ಆಗಿರುವುದರಿಂದ, ಯಾವುದೇ ಸಂವಹನಗಳ ವಿಷಯಕ್ಕೆ ಯಾವುದೇ ರೀತಿಯ ಲೋಪವನ್ನು ಹೊಂದಿಲ್ಲ ಎಂದು WhatsApp ಹಿಂದೆ ಹೇಳಿತ್ತು.
ವಾಟ್ಸಾಪ್ ಮೂಲಕವೇ ಸರ್ಚ್ ಮಾಡಿ
ವಾಟ್ಸಾಪ್‌ಗೆ ಹೊಸ ಫೀಚರ್‌ವೊಂದನ್ನು ಪರಿಚಯಿಸಲಾಗುತ್ತಿದೆ. ಈ ಹೊಸ ಫೀಚರ್ ಮೂಲಕ ನೀವು (Whatsapp) ‘ಸರ್ಚ್’ ಕೂಡ ಮಾಡಬಹುದು. ಅಂದರೆ, ನೀವು ಇರುವ ಸ್ಥಳದಿಂದ ಹತ್ತಿರದಲ್ಲಿರುವ ಸಂಗತಿಗಳನ್ನು ತಿಳಿದುಕೊಳ್ಳಬಹುದುದಾಗಿದೆ. ಬಳಕೆದಾರರು ತಾವಿರುವ ಪ್ರದೇಶದಲ್ಲಿ ಕಂಪನಿಗಳನ್ನು ಹುಡು ಕಲು ಅನುವು ಮಾಡಿಕೊಡುವ ಹೊಸ ಫೀಚರ್ ಪರಿಚಯಿಸಲು ಹೊರಟಿದೆ. WABetaInfo ಪ್ರಕಾರ, WhatsApp ಹೊಸ ಇಂಟರ್ಫೇಸ್ ಅನ್ನು ಬಳಸಿಕೊಂಡು ಹತ್ತಿರದ ಕಂಪನಿಗಳನ್ನು ಫಿಲ್ಟರ್ ಮಾಡುವ ಮೂಲಕ, ಬಳಕೆದಾರರಿಗೆ ಅನುಕೂಲಕರವಾಗಿ ಹುಡುಕಲು ಅನುಮತಿಸುವ ವೈಶಿಷ್ಟ್ಯದಲ್ಲಿ ಈ ಫೀಚರ್ ಕಾರ್ಯನಿರ್ವಹಿಸಲಿದೆ. ಅಂದರೆ, ವಾಟ್ಸಪ್ ಮೂಲಕವೇ ನಿಮ್ಮ ಹತ್ತಿರದ ಹೋಟೆಲ್‌ಗಳು, ದಿನಸಿ, ಫ್ಯಾಷನ್ ಮತ್ತು ಬಟ್ಟೆ ಅಂಗಡಿ ಹುಡುಕಲು ಇದರಿಂದ ಸಾಧ್ಯವಾಗಲಿದೆ.
Facebook Profile Lock: ಫೇಸ್ಬುಕ್ ಪ್ರೊಫೈಲ್ ಲಾಕ್ ಮಾಡುವುದು ಹೇಗೆ? ಇಲ್ಲಿದೆ ಮಾಹಿತಿ
ಸಾವೊ ಪಾಲೊ(Sao Paulo) ನಗರದಲ್ಲಿ ಆಯ್ದ ಕೆಲವು ಬಳಕೆದಾರರಿಗೆ ಈ ಫೀಚರ್ ಅಕ್ಸೆಸ್ ನೀಡಲಾಗಿದೆ. ಈ ಹಾಗೆಯೇ ಈ ಹೊಸ ಫೀಚರ್ iOS ಮತ್ತು Android ಬಳಕೆದಾರರಿಗೆ ಸಮಾನವಾಗಿ ಲಭ್ಯವಿರಲಿದೆ. ಮೂಲಗಳ ಪ್ರಕಾರ, ನೀವು ವಾಟ್ಸಾಪ್‌ನಲ್ಲಿ ಏನನ್ನಾದರೂ ಹುಡುಕಿದಾಗ, 'ಹತ್ತಿರದ ವ್ಯಾಪಾರಗಳು' ಎಂಬ ಹೊಸ ಆಯ್ಕೆಯು ಕಾಣಿಸಿಕೊಳ್ಳುತ್ತದೆ. ನೀವು ಈಯ್ಕೆಯನ್ನು ಆರಿಸಿದಾಗ, ನಿಮ್ಮ ಆಯ್ಕೆಯ ಆಧಾರದ ಮೇಲೆ ಕಂಪನಿಯ ಖಾತೆಗಳ ಫಲಿತಾಂಶಗಳನ್ನು ವಿಂಗಡಿಸಲಾಗುತ್ತದೆ ಎಂದು ಅದು ಹೇಳಿದೆ.
