ಯುವರಾಜ್ ಕುಮಾರ್ ಸಿನಿಮಾದ ಮುಹೂರ್ತಕ್ಕೆ ಸಿದ್ಧತೆ: ನಾಯಕಿ ಯಾರೆಂಬುದೇ ಸಸ್ಪೆನ್ಸ್
ಸಂಕ್ರಾಂತಿ ಹಬ್ಬ ಮುಗಿಯುತ್ತಿದ್ದಂತೆ ಯುವರಾಜ್ ಕುಮಾರ್ ಸಿನಿಮಾದ ಮುಹೂರ್ತ ಮಾಡೋಕೆ ಸಿದ್ಧತೆ ಮಾಡಿದ್ದಾರೆ ನಿರ್ದೇಶಕ ಸಂತೋಷ್ ಆನಂದ್ ರಾಮ್
Followಧನುರ್ಮಾಸ ಕಳೆದು ಸಂಕ್ರಮಣ ಬಂದ್ರೆ ಅಣ್ಣಾವ್ರ ಕುಟುಂಬದಲ್ಲಿ ದೊಡ್ಡ ಸಂಭ್ರಮವೊಂದು ನಡೆಯಲಿದೆ. ಅದೇ ಯುವರಾಜ್ ಕುಮಾರ್ಗೆ ನಾಯಕ ನಟನನ್ನಾಗಿ ಮಾಡೋ ಪಟ್ಟಾಭಿಷೇಕ. ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಸಿಕ್ಕಾಪಟ್ಟೆ ತಲೆ ಕೆಡಿಸಿಕೊಂಡು ಕೊನೆಗೆ ಸೂಪರ್ ಆಗಿರೋ ಕಥೆಯೊಂದನ್ನ ಸಿದ್ಧಪಡಿಸಿ ಯುವ ಸಾಮ್ರಾಟನ ಆಡಳಿತಕ್ಕೆ ಎಲ್ಲಾ ತಯಾರಿ ಮಾಡಿದ್ದಾರೆ. ಸಂಕ್ರಾಂತಿ ಹಬ್ಬ ಮುಗಿಯುತ್ತಿದ್ದಂತೆ ಸಿನಿಮಾದ ಟೈಟಲ್ ಹಾಗೂ ಹೀರೋಯಿನ್ ಯಾರು ಅನ್ನೋ ಸೀಕ್ರೆಟ್ ರಿವೀಲ್ ಮಾಡೋ ಯೋಜನೆ ಹಾಕಿದ್ದಾರೆ ನಿರ್ದೇಶಕರು. ಆದ್ರೆ ಯುವನಿಗೆ ನಾಯಕಿಯಾಗಿ ಯಾರನ್ನ ಕರೆತರಬೇಕು ಅನ್ನೋದೆ ದೊಡ್ಡ ಚಾಲೆಂಜ್ ಆಗಿದೆಯಂತೆ. ಈಗಾಗ್ಲೆ ನಟಿ ಮಾಲಾಶ್ರೀ ಮಗಳು, ಸುಧಾರಾಣಿ ಮಗಳು. ಶ್ರುತಿ ಮಗಳು, ನಟ ಉಪೇಂದ್ರ ಅವರ ಮಗಳು ಅಂತ ಹುಡುಕಿದ್ದಾರೆ. ಆದ್ರೆ ಇವರಲ್ಲಿ ಇನ್ನು ಯಾರು ಫೈನಲ್ ಆಗಿಲ್ಲ ಅಂತ ಹೇಳಲಾಗ್ತಿದೆ.
