KGF Chapter1: ಕೆಜಿಎಫ್ ಚಿತ್ರಕ್ಕೆ 4 ವರ್ಷ: 'ನಾರಾಚಿ'ಯ ಸುನಾಮಿಯನ್ನು ನೆನೆದ ಹೊಂಬಾಳೆ ಫಿಲ್ಮ್ಸ್
ಕೆಜಿಎಫ್ ಭಾರತೀಯ ಚಿತ್ರರಂಗದದಲ್ಲಿ ಸುನಾಮಿ ಎಬ್ಬಿಸಿದ ಸಿನಿಮಾ. ಈ ಚಿತ್ರಕ್ಕೆ ಈಗ ನಾಲ್ಕು ವರ್ಷ ತುಂಬಿದೆ. ಹಲವು ಮೊದಲುಗಳಿಗೆ ಸಾಕ್ಷಿಯಾದ ಈ ವಿಶೇಷ ದಿನವನ್ನು ಹೊಂಬಾಳೆ ಫಿಲ್ಮ್ಸ್ ನೆನಪಿಸಿಕೊಂಡಿದೆ.
Followಕೆಜಿಎಫ್-1 ಸಿನಿಮಾ ತೆರೆ ಕಂಡು 4 ವರ್ಷವಾಗಿದ್ದು, ದೇಶಾದ್ಯಂತ ಸಂಚಲನ ಸೃಷ್ಟಿಸಿದ್ದ ಸಿನಿಮಾದ ರಿಲೀಸ್ ದಿನವನ್ನು ಹೊಂಬಾಳೆ ಫಿಲ್ಮ್ಸ್ ನೆನಪು ಮಾಡಿಕೊಂಡಿದೆ. ಕೆಜಿಎಫ್ ಚಾಪ್ಟರ್-1 ಸಿನಿಮಾ ದಾಖಲೆಗಳು, ಕೆಜಿಎಫ್ ಚಾಪ್ಟರ್-2 ಸಿನಿಮಾ ಸಕ್ಸಸ್ ಗೆ ಕಾರಣ ಆಗಿದೆ. ಕೆಜಿಎಫ್-1 ಸಿನಿಮಾದ ರೆಕಾರ್ಡ್ ನೋಡೋದಾದ್ರೆ, ಇದು ಕನ್ನಡದಲ್ಲಿ 100 ಕೋಟಿಗೂ ಹೆಚ್ಚು ಕಲೆಕ್ಷನ್ ಮಾಡಿದ ಮೊದಲ ಸಿನಿಮಾ ಆಯ್ತು. ಅಷ್ಟೆ ಅಲ್ಲ ಹಿಂದಿಯಲ್ಲಿ 44 ಕೋಟಿ ಗಳಿಸಿದ ಮೊದಲ ಕನ್ನಡ ಸಿನಿಮಾ ಅನ್ನೋ ಹೆಗ್ಗಳಿಕೆ ಪಡೆಯಿತು. ಪಂಚ ಭಾಷೆಯಲ್ಲಿ ಸದ್ದು ಮಾಡಿದ ಮೊದಲ ಕನ್ನಡ ಸಿನಿಮಾ ಆಯ್ತು. ಕನ್ನಡ ಸಿನಿಮಾ ಮಾರ್ಕೇಟ್'ಗೆ ಹೊಸ ಬುನಾದಿ ಹಾಕಿ ಕೊಡ್ತು, ಪರಭಾಷಾ ಕಲಾವಿದರು ಕನ್ನಡ ಸಿನಿಮಾಗಳತ್ತ ಬರುವಂತೆ ಸೆಳೆಯಿತು. ಕೆಜಿಎಫ್ ಬಂದ ನಂತರ ಅದೇ ಹಾದಿಯಲ್ಲಿ ಕನ್ನಡದ ಹಲವು ಸಿನಿಮಾಗಳು ಬಂದು ಭಾರತೀಯ ಚಿತ್ರರಂಗದ ಬಾಕ್ಸಾಫೀಸ್ ನಲ್ಲಿ ರೆಕಾರ್ಡ್ ಮಾಡಿದ್ವು. ಅಷ್ಟೆ ಅಲ್ಲ ಪ್ಯಾನ್ ಇಂಡಿಯಾ ಸಿನಿಮಾ ಮಾರ್ಕೇಟ್ನಲ್ಲಿ ಕನ್ನಡ ಸಿನಿಮಾಗಳಿಗೆ ಜಾಗ ಸಿಗುವಂತಾಯ್ತು. ಹೀಗೆ ಹತ್ತು ಹಲವು ಮೊದಲುಗಳಿಗೆ ಕೆಜಿಎಫ್ ಚಾಪ್ಟರ್-1 ಅನ್ನೋ ಒಂದೇ ಒಂದು ಸಿನಿಮಾ ದಾರಿ ಮಾಡಿ ಕೊಟ್ಟಿದೆ. ಹೀಗಾಗಿ ಕೆಜಿಎಫ್ 1 ಸಿನಿಮಾ ಕನ್ನಡದ ಹೆಮ್ಮೆ ಅಂತ ಪ್ರತಿಯೊಬ್ಬ ಸಿನಿ ಪ್ರೇಕ್ಷಕ ಇಂದಿಗೂ ಕೊಂಡಾಡುತ್ತಾರೆ.
