Party Rounds: ರಾಮನಗರದಲ್ಲಿ ಕಾಂಗ್ರೆಸ್‌ ನಿಗೂಢ ಹೆಜ್ಜೆಯ ಹಿಂದಿನ ರಹಸ್ಯ ಏನು?
ರಾಮನಗರದಲ್ಲಿ ಬದಲಾಯ್ತಾ ರಾಜಕೀಯ ಲೆಕ್ಕಾಚಾರ? ರಾಮನಗರದಲ್ಲಿ ನಿಖಿಲ್‌ ಕುಮಾರಸ್ವಾಮಿ ವಿರುದ್ಧ ಕಾಂಗ್ರೆಸ್‌ ಅಭ್ಯರ್ಥಿಯಾಗಿ ಸಂಸದ ಡಿಕೆ ಸುರೇಶ್‌ ಹೆಸರು ಕೇಳಿಬರುತ್ತಿದೆ. ಕಾಂಗ್ರೆಸ್‌ ಈ ನಡೆಯ ಹಿಂದಿನ ಪ್ಲಾನ್ ಏನು?
Followರಾಮನಗರ (ಮಾ.14): ರಾಜ್ಯ ವಿಧಾನಸಭೆ ಚುನಾವಣೆ ಸಮೀಪವಾಗುತ್ತಿರುವಂತೆ ಯಾವ ಕ್ಷೇತ್ರದಿಂದ ಯಾರನ್ನು ಕಣಕ್ಕಿಳಿಸಬೇಕು ಎನ್ನುವ ಕುತೂಹಲವೂ ಪಕ್ಷಗಳಲ್ಲಿ ಜೋರಾಗುತ್ತಿದೆ. ಈ ನಡುವೆ ಕಾಂಗ್ರೆಸ್‌ ಪಕ್ಷ ರಾಮನಗರದ ವಿಚಾರದಲ್ಲಿ ನಿಗೂಢ ಹೆಜ್ಜೆ ಇಡುತ್ತಿರುವ ರಹಸ್ಯ ಏನು ಅನ್ನೋದು ಗೊತ್ತಾಗುತ್ತಿಲ್ಲ. ರಾಮನಗರ ಜೆಡಿಎಸ್‌ನ ಭದ್ರಕೋಟೆ ಎನ್ನಲಾಗುತ್ತಿದೆ. ಕುಮಾರಸ್ವಾಮಿ ಪುತ್ರ ನಿಖಿಲ್‌ ಕುಮಾರಸ್ವಾಮಿ ಅವರ ವಿರುದ್ಧ ಕಾಂಗ್ರೆಸ್‌ ಪಕ್ಷದ ಅಭ್ಯರ್ಥಿಯಾಗಿ ಕೆಪಿಸಿಸಿ ಅಧ್ಯಕ್ಷ ಡಿಕೆ ಶಿವಕುಮಾರ್‌ ಅವರ ಸಹೋದರ, ಸಂಸದ ಡಿಕೆ ಸುರೇಶ್‌ ಅವರ ಹೆಸರು ಕೇಳಿ ಬರುತ್ತಿದೆ. ಇದರ ಹಿಂದಿನ ಪ್ಲ್ಯಾನ್‌ ಏನು ಅನ್ನೋದು ಇರುವ ಕುತೂಹಲ.
