Suvarnanews Cover Story: ರಾಜಕಾರಣಿಗಳಿಗೆ ಆಟ, ಮತದಾರರಿಗೆ ಪ್ರಾಣ ಸಂಕಟ!
ಚುನಾವಣೆ ಹತ್ತಿರ ಬರುತ್ತಿದ್ದಂತೆಯೇ ರಾಜಕೀಯ ಪಕ್ಷಗಳಲ್ಲಿ ಮಿಂಚಿನ ಸಂಚಾರ ಆರಂಭವಾಗಿದೆ. ಮತದಾರರ ಓಲೈಕೆಗೆ ಕುಕ್ಕರ್ ಹಂಚಲಾಗಿದ್ದು, ಅತ್ಯಂತ ಕಳಪೆ ಗುಣಮಟ್ಟದ್ದಾಗಿದೆ.
Followಬೆಂಗಳೂರು (ಫೆ.25): ಚುನಾವಣೆ ಹತ್ತಿರ ಬರುತ್ತಿದ್ದಂತೆಯೇ ರಾಜಕೀಯ ಪಕ್ಷಗಳಲ್ಲಿ ಮಿಂಚಿನ ಸಂಚಾರ ಆರಂಭವಾಗಿದೆ. ಪಕ್ಷಗಳು ಮತದಾನಕ್ಕೆ ಮುನ್ನವೇ ಜನರಿಗೆ ಹಲವು ಘೋಷಣೆಗಳನ್ನು ಮಾಡಿ ತನ್ನತ್ತ ಸೆಳೆಯುವ ಪ್ರಯತ್ನ ಮಾಡುತ್ತಿದೆ. ಒಂದೆಡೆ ಟಿಕೆಟ್ ಆಕ್ಷಾಂಕಿಗಳು ಜನರಿಗೆ ಉಚಿತ ಉಡುಗೊರೆ ನೀಡುವಲ್ಲಿ ನಿರತರಾಗುದ್ದಾರೆ. ಕೆಲವು ಕಡೆ ಕುಕ್ಕರ್ ಹಂಚಲಾಗಿದೆ. ಬೆಂಗಳೂರಿನಲ್ಲೂ ಕುಕ್ಕರ್ ಹಂಚಿಕೆ ಜೋರಾಗಿದೆ. ಈ ಮಾಹಿತಿ ತಿಳಿದು ಕವರ್ ಸ್ಟೋರಿ ತಂಡ ತನಿಖೆ ನಡೆಸಿದಾಗ ಬೆಚ್ಚಿಬೀಳುವ ಅಂಶ ಬೆಳಕಿಗೆ ಬಂದಿದೆ. ಕಾಂಗ್ರೆಸ್ ಮಾಜಿ ಸಚಿವ ರಾಮಲಿಂಗರೆಡ್ಡಿ ಬಿಟಿಎಂ ಲೇಔಟ್ ನಲ್ಲಿ ಕುಕ್ಕರ್ ಹಂಚಿದ್ದು, ಇದು ಅತ್ಯಂತ ಕಳಪೆ ಗುಣಮಟ್ಟದ್ದಾಗಿದೆ. ಹೀಗಾಗಿ ಇವರು ನೀಡಿರುವ ಕುಕ್ಕರ್ ಬ್ಲಾಸ್ಟ್ ಆಗಿದೆ.
