ಅಮಿತ್‌ ಶಾ ಸಭೆಯಲ್ಲಿ ಪದಾಧಿಕಾರಿಗಳು ಗರಂ, ಬಾಯ್ಬಿಡದ ಶಾಸಕ-ಸಂಸದರು!

ಮಂಗಳೂರು (ಫೆ.12): ಕೇಂದ್ರ ಗೃಹ ಸಚಿವ ಅಮಿತ್‌ ಶಾ ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಸಮೀಪದ ಕೆಂಜಾರು ಶ್ರೀದೇವಿ ಕಾಲೇಜಿನ ಸಭಾಂಗಣದಲ್ಲಿ ಶನಿವಾರ ಎರಡು ವಿಭಾಗಗಳ ಆರು ಜಿಲ್ಲೆಗಳ ಬಿಜೆಪಿಯ ಪ್ರಮುಖರ ಸಭೆ ನಡೆಸಿದರು.  ಆರು ಜಿಲ್ಲೆಗಳ 33 ಕ್ಷೇತ್ರಗಳ ಪೈಕಿ, 29 ಕಡೆ ಬಿಜೆಪಿ ಶಾಸಕರಿದ್ದಾರೆ. ಮುಂಬರುವ ಚುನಾವಣೆಯಲ್ಲಿ ಹಾಲಿ 29 ಮಂದಿ ಶಾಸಕರೂ ಗೆಲ್ಲುವುದರ ಜತೆಯಲ್ಲಿ ಉಳಿದ ನಾಲ್ಕು ಕ್ಷೇತ್ರಗಳನ್ನೂ ಗೆಲ್ಲಿಸುವುದು ನಿಮ್ಮ ಗುರಿ ಎಂದಿದ್ದಾರೆ. ಸಭೆಯಲ್ಲಿ 25 ನಿಮಿಷ ಮಾತನಾಡಿರುವ ಶಾ, ನಿಮ್ಮ ಗೊಂದಲ ಫೈಟ್ ನೋಡಿ ಜನ ಓಟು ಹಾಕಲ್ಲ. ಸಣ್ಣ ಸಣ್ಣ ಬದಿಗಿಟ್ಟು ಚುನಾವಣೆ ಕೆಲಸ ಮಾಡಿ ಎಂದಿದ್ದಾರೆ.