ಭಾರತದ ಮೊತ್ತ ಮೊದಲ ಎಸ್ಯುವಿ ಎಲೆಕ್ಟ್ರಿಕಲ್ ಕಾರು ಬಿಡುಗಡೆಗೆ ಸಿದ್ಧತೆ? ಬೆಲೆ ಎಷ್ಟು?
ಭಾರತದ ಜನಪ್ರೀಯ ಕಾರು ತಯಾರಿಕಾ ಸಂಸ್ಥೆ ಹ್ಯುಂಡೈ ಇದೀಗ ಎಲೆಕ್ಟ್ರಿಕಲ್ ಎಸ್ಯುವಿ ಕಾರು ಬಿಡುಗಡೆಗೆ ಮುಂದಾಗಿದೆ. ಭಾರತದ ಮೊತ್ತದ ಮೊದಲ ಎಲೆಕ್ಟ್ರಿಕಲ್ ಎಸ್ಯುವಿ ಕಾರು ಹೇಗಿದೆ? ಇದರ ಬೆಲೆ ಏಷ್ಟು? ಇಲ್ಲಿದೆ ವಿವರ
ಬೆಂಗಳೂರು(ಜು.01): ಭಾರತದ ಮೊತ್ತದ ಮೊದಲ ಎಸ್ಯುವಿ ಎಲೆಕ್ಟ್ರಿಕಲ್ ಕಾರು ಬಿಡುಗಡೆಗೆ ಹ್ಯುಂಡೈ ಕಾರು ಸಂಸ್ಥೆ ತಯಾರಿ ನಡೆಸಿದೆ. 2019ರ ಆರಂಭದಲ್ಲಿ ಭಾರತದ ಪ್ರಮುಖ 15 ನಗರಗಳ ಶೋರೂಂಗಳಲ್ಲಿ ಎಲೆಕ್ಟ್ರಿಕಲ್ ಎಸ್ಯುವಿ ಕಾರು ಗ್ರಾಹಕರ ಕೈಗೆ ಸಿಗಲಿದೆ.
ವಿಶೇಷ ಅಂದರೆ ಈ ಎಲೆಕ್ಟ್ರಿಕಲ್ ಕಾರು ಸಂಪೂರ್ಣವಾಗಿ ಭಾರತದಲ್ಲೇ ತಯಾರಾಗಿದೆ. ಇದರ ಬೆಲೆ ಇನ್ನು ಅಂತಿಮವಾಗಿಲ್ಲ. ಆದರೆ 20 ರಿಂದ 25 ಲಕ್ಷ ರೂಪಾಯಿ ಇರಲಿದೆ ಎಂದು ಅಂದಾಜಿಸಲಾಗಿದೆ.
ಮುಂದಿನ 2 ವರ್ಷಗಳಲ್ಲಿ ಹ್ಯುಂಡೈ 8 ನೂತನ ಕಾರುಗಳನ್ನ ಬಿಡುಗಡೆ ಮಾಡಲು ಯೋಜನೆ ಹಾಕಿಕೊಂಡಿದೆ. ಇದರ ಮೊದಲ ಅಂಗವಾಗಿ ಹ್ಯುಂಡೈ ಕೋನಾ ಎಲೆಕ್ಟ್ರಿಕಲ್ ಕಾರು ಬಿಡುಗಡೆಯಾಗಲಿದೆ.
ಕೋನಾ ಕಾರು ಫುಲ್ ಚಾರ್ಜ್ಗಾಗಿ 6 ಗಂಟೆಗಳು ಚಾರ್ಜ್ ಮಾಡಬೇಕು. ಆದರೆ ಭಾರತದಲ್ಲಿ ಚಾರ್ಜಿಂಗ್ ಸೆಂಟರ್ಗಳ ಕೊರತೆ ಇದೆ. ಆದರೆ ಭವಿಷ್ಯದಲ್ಲಿ ಎಲೆಕ್ಟ್ರಿಕಲ್ ಕಾರಿಗೆ ಭಾರೀ ಬೇಡಿಕೆ ಇದೆ. ಹೀಗಾಗಿ ಹ್ಯುಂಡೈ ಭಾರತದ ಮಾರುಕಟ್ಟೆ ಆಕ್ರಮಿಸಿಕೊಳ್ಳಲು ಈಗಲೇ ಸಜ್ಜಾಗಿದೆ.