ದೋಷದ ಮೊಬೈಲ್‌ ಬೇಡವೆಂದ ಗ್ರಾಹಕನಿಗೆ 10 ಪಿಕ್ಸಲ್ ಪೋನ್ ಕೊಟ್ಟ ಗೂಗಲ್!
ದೋಷದ ಮೊಬೈಲ್‌ ಬೇಡವೆಂದ ಗ್ರಾಹಕನಿಗೆ 10 ಫೋನ್‌ ಕಾಣಿಕೆ ಕೊಟ್ಟ ಗೂಗಲ್ ಪಿಕ್ಸಲ್ ಸಂಸ್ಥೆ
Followನ್ಯೂಯಾರ್ಕ್[ಏ.20]: ದೋಷದಿಂದ ಕೂಡಿದ ಮೊಬೈಲ್‌ ಅನ್ನು ವಾಪಸ್‌ ಪಡೆದು ತನ್ನ ಹಣ ಹಿಂದಿರುಗಿಸುವಂತೆ ಕೇಳಿಕೊಂಡ ಗ್ರಾಹಕರೊಬ್ಬರಿಗೆ ಗೂಗಲ್ ಸಂಸ್ಥೆ ಸುಮಾರು 6,20,000 ಮೌಲ್ಯದ ಪಿಕ್ಸಲ್-3ಯ 10 ಮೊಬೈಲ್‌ಗಳನ್ನು ಕಾಣಿಕೆಯಾಗಿ ನೀಡಿದ ಅಪರೂಪದ ಸಂಗತಿ ಅಮೆರಿಕದಲ್ಲಿ ನಡೆದಿದೆ.
ರೆಡ್ಡಿಟ್‌ ವೆಬ್‌ಸೈಟ್‌ ಮೂಲಕ ಇಲ್ಲಿನ ಚೀಟೋಜ್‌ ಎಂಬ ಗ್ರಾಹಕ ಬಿಳಿ ಬಣ್ಣದ ಪಿಕ್ಸಲ್-3 ಮೊಬೈಲ್‌ ಅನ್ನು ಖರೀದಿಸಿದ್ದರು. ಆದರೆ, ಅದರಲ್ಲಿ ದೋಷ ಕಂಡು ಬಂದ ಕಾರಣಕ್ಕೆ ಮೊಬೈಲ್‌ ವಾಪಸ್‌ ಪಡೆದು ತನ್ನ ಹಣ ವಾಪಸ್‌ ನೀಡುವಂತೆ ಕೋರಿದ್ದರು. ಈ ಪ್ರಕಾರ ಗ್ರಾಹಕಗೆ 5500 ರು. ಮರುಪಾವತಿ ಮಾಡಲಾಗುವುದು ಎಂದು ತಿಳಿಸಲಾಗಿತ್ತು.
ಆದರೆ, ಪಿಕ್ಸಲ್ ಸಂಸ್ಥೆ ತನಗೆ ಹಣ ಮರುಪಾವತಿ ಮಾಡಿಲ್ಲ. ಬದಲಿಗೆ ಪಿಕ್ಸಲ್-3ಯ 10 ಮೊಬೈಲ್‌ಗಳನ್ನು ಕಳುಹಿಸಿಕೊಟ್ಟಿದೆ ಎಂದು ಹೇಳಿದ್ದಾರೆ.
