ಜನಪ್ರಿಯ ಸೋಶಿಯಲ್ ಮೀಡಿಯಾ ಪ್ಲಾಟ್‌ಫಾರ್ಮ್ Facebook ಸುಮಾರು 2.2 ಬಿಲಿಯನ್ ಖಾತೆಗಳನ್ನು ಅಳಿಸಿ ಹಾಕಿದೆ. ಕಳೆದ ಆರು ತಿಂಗಳುಗಳಿಂದ ನಕಲಿ ಖಾತೆಗಳನ್ನು ಸೃಷ್ಟಿಸಿ, ನಿಂದಿಸುವ ಚಾಳಿ ಹೆಚ್ಚಾಗಿರುವ ಹಿನ್ನಲೆಯಲ್ಲಿ, Facebook  ಈ ಕ್ರಮವನ್ನು ತೆಗೆದುಕೊಂಡಿದೆ.

2019ರ ಮೊದಲ ತ್ರೈಮಾಸಿಕ ಅವಧಿಯಲ್ಲಿ Facebook 2.2 ಬಿಲಿಯನ್ ಖಾತೆಗಳನ್ನು ತೆಗೆದುಹಾಕಿದೆ. ಅಕ್ಟೋಬರ್- ಡಿಸೆಂಬರ್ ತ್ರೈಮಾಸಿಕ ಅವಧಿಯಲ್ಲಿ ಸುಮಾರು 1.2 ಬಿಲಿಯನ್ ಖಾತೆಗಳನ್ನು Facebook ನಿಷ್ಕ್ರಿಯಗೊಳಿಸಿತ್ತು.

ಕಳೆದ ವಾರ ಬಿಡುಗಡೆಯಾದ Community Standards Enforcement Report ಈ ಮಾಹಿತಿಯನ್ನು ಬಹಿರಂಗ ಪಡಿಸಿದೆ. Community Standards ಗಳನ್ನು ಉಲ್ಲಂಘಿಸುವ ಖಾತೆಗಳ ವಿರುದ್ಧ Facebook ನಿರ್ದಾಕ್ಷಿಣ್ಯ ಕ್ರಮವನ್ನು ತೆಗೆದುಕೊಳ್ಳುತ್ತದೆ.

ಇದನ್ನೂ ಓದಿ | ಟಾಪ್‌ 9 ಅಪಾಯಕಾರಿ ಸೋಶಿಯಲ್‌ ಆ್ಯಪ್‌ಗಳು!

ವಿಶೇಷವಾಗಿ ಕೆಂಬ್ರಿಡ್ಜ್ ಅನಾಲಿಟಿಕಾ ವಿವಾದದ ಬಳಿಕ Facebook ನಕಲಿ ಖಾತೆ ಹಾಗೂ ನಿಯಮ ಉಲ್ಲಂಘನೆಯ ವಿರುದ್ಧ ಸಮರ ಸಾರಿದೆ. 

Facebook ಅಂದಾಜಿನ ಪ್ರಕಾರ ಒಟ್ಟು ಖಾತೆಗಳ ಪೈಕಿ 5 ಶೇ. ಖಾತೆಗಳು ನಕಲಿಯಾಗಿವೆ. ಇಂತಹ ಖಾತೆಗಳು ಸೃಷ್ಟಿಯಾದ ಕೆಲವೇ ನಿಮಿಷದಲ್ಲಿ  ಆಧುನಿಕ ತಂತ್ರಜ್ಞಾನದ ಮೂಲಕ ಗುರುತಿಸಲಾಗುತ್ತದೆ. ಬಳಿಕ ಅವುಗಳನ್ನು ಅಳಿಸಿಹಾಕಲಾಗುತ್ತದೆ.