Meta Express Wi-Fi: ಫೇಸ್ಬುಕ್ ಕೈಗೆಟುಕುವ ಇಂಟರ್ನೆಟ್ ಸೇವೆ ಭಾರತದಲ್ಲಿ ಬಂದ್!
Meta's Express Wi-Fi ಸೇವೆಯು ಆರು ವರ್ಷಗಳಲ್ಲಿ 30 ಕ್ಕೂ ಹೆಚ್ಚು ದೇಶಗಳಿಗೆ ಕೈಗೆಟುಕುವ ಇಂಟರ್ನೆಟನ್ನು ಒದಗಿಸಿದೆ̤ ಆಯ್ದ ದೇಶಗಳಲ್ಲಿ ಅಗ್ಗದ ಇಂಟರ್ನೆಟ್ ಸೇವೆ ಒದಗಿಸಲು 2016 ರಲ್ಲಿ ಪ್ರಾರಂಭಿಸಲಾದ ತನ್ನ ಎಕ್ಸ್‌ಪ್ರೆಸ್ ವೈ-ಫೈ ಪ್ರೋಗ್ರಾಮನ್ನು ಮುಚ್ಚುತ್ತಿರುವುದಾಗಿ ಮೆಟಾ ಘೋಷಿಸಿದೆ.
 )
FollowTech Desk: ಆಯ್ದ ದೇಶಗಳಲ್ಲಿ ಅಗ್ಗದ ಇಂಟರ್ನೆಟ್ ಸೇವೆ ಒದಗಿಸಲು 2016 ರಲ್ಲಿ ಪ್ರಾರಂಭಿಸಲಾದ ತನ್ನ ಎಕ್ಸ್‌ಪ್ರೆಸ್ ವೈ-ಫೈ (Express Wi-Fi) ಯೋಜನೆಯನ್ನು ಮುಚ್ಚುತ್ತಿರುವುದಾಗಿ ಮೆಟಾ ಘೋಷಿಸಿದೆ. ಈ ಸೇವೆಯು ಭಾರತ ಮತ್ತು ದಕ್ಷಿಣ ಆಫ್ರಿಕಾ ಸೇರಿದಂತೆ ಹಲವಾರು ದೇಶಗಳಲ್ಲಿ ಸ್ಥಳೀಯ ಇಂಟರ್ನೆಟ್ ಸೇವಾ ಪೂರೈಕೆದಾರರು (ISP) ಮತ್ತು ಮೊಬೈಲ್ ಆಪರೇಟರ್‌ಗಳ ಸಹಭಾಗಿತ್ವದಲ್ಲಿ ಕೈಗೆಟುಕುವ ಇಂಟರ್ನೆಟ್ ಸೇವೆ ಒದಗಿಸಿದೆ. ಪ್ರೋಗ್ರಾಂ ಅಸ್ತಿತ್ವದಲ್ಲಿರುವ ನೆಟ್‌ವರ್ಕ್‌ಗಳೊಂದಿಗೆ ಸಂಯೋಜಿಸಲ್ಪಟ್ಟಿದ್ದು ಅದರ ಮಾರುಕಟ್ಟೆಯನ್ನು ವಿಸ್ತರಿಸಲು ಈ ಪ್ರದೇಶಗಳಲ್ಲಿ ಇಂಟರ್ನೆಟ್ ಸೇವೆ ಸುಧಾರಿಸಲು ಕಂಪನಿಯ ಪ್ರಯತ್ನಪಟ್ಟಿತ್ತು.
ಕಾರಣ ತಿಳಿಸಿಲ್ಲ: 2016 ರಲ್ಲಿ ಪ್ರಾರಂಭವಾದಾಗಿನಿಂದ 30 ಕ್ಕೂ ಹೆಚ್ಚು ದೇಶಗಳಲ್ಲಿ ಲಭ್ಯವಿರುವ ಸೇವೆಯನ್ನು ಸ್ಥಗಿತಗೊಳಿಸುವುದಾಗಿ ಕಂಪನಿಯು ಬ್ಲಾಗ್ ಪೋಸ್ಟ್‌ನಲ್ಲಿ ಘೋಷಿಸಿದೆ. ಕಳೆದ ವರ್ಷ ಮೆಟಾ ಎಂದು ಮರುಬ್ರಾಂಡ್ ಆಗಿದ್ದ ಫೇಸ್ಬುಕ್, ಇಂಟರ್ನೆಟ್‌ಗೆ ಸಂಪರ್ಕವಿಲ್ಲದ ದೇಶಗಳಲ್ಲಿನ ಬಳಕೆದಾರರಿಗೆ ಸೇವೆ ನೀಡಲು ಮೊಬೈಲ್ ಆಪರೇಟರ್‌ಗಳು, ISPಗಳು ಮತ್ತು ಉಪಗ್ರಹ ನಿರ್ವಾಹಕರಿಗೆ ಕೈಗೆಟುಕುವ ವೈ-ಫೈ ಅನ್ನು ಮಾರಾಟ ಮಾಡಲು ಸಹಾಯ ಮಾಡಿತು. ಕಂಪನಿಯು ಎಕ್ಸ್‌ಪ್ರೆಸ್ ವೈ-ಫೈ ಪಾಲುದಾರರೊಂದಿಗೆ ಕೆಲಸ ಮಾಡುವುದನ್ನು ಮುಂದುವರಿಸುತ್ತದೆ ಇದರಿಂದ ಸಂಪರ್ಕದ ಮೇಲಿನ ಪರಿಣಾಮವು ಕಡಿಮೆಯಾಗುತ್ತದೆ ಎಂದು ಮೆಟಾ ಹೇಳಿದೆ.
ತನ್ನ ಸೇವೆಯನ್ನು ಸ್ಥಗಿತಗೊಳಿಸಲು ಮೆಟಾ ಕಾರಣವನ್ನು ಒದಗಿಸದಿದ್ದರೂ, ಇತ್ತೀಚಿನ ವರದಿಯು ಸೇವೆಯು ಸಮಸ್ಯೆಗಳನ್ನು ಎದುರಿಸುತ್ತಿದೆ ಎಂದು ತಿಳಿಸಿವೆ. ಇದು ಕೆಲವು ದೇಶಗಳಲ್ಲಿ ಕೆಲವು ಬಳಕೆದಾರರಿಗೆ ಅನಗತ್ಯ ಶುಲ್ಕಗಳನ್ನು ಭರಿಸಲು ಕಾರಣವಾಗಬಹುದು. ಸೇವೆಯ ವೆಬ್‌ಸೈಟ್ ಪ್ರಸ್ತುತ ಎಕ್ಸ್‌ಪ್ರೆಸ್ ವೈ-ಫೈ ಸೇವೆಯ ಎಲ್ಲಾ ವೈಶಿಷ್ಟ್ಯಗಳು ಮತ್ತು ಪ್ರಯೋಜನಗಳನ್ನು ಪಟ್ಟಿ ಮಾಡಿದೆ.
ಇದನ್ನೂ ಓದಿ: ಶೀಘ್ರದಲ್ಲೇ ಭಾರತದಲ್ಲಿ 5G ಸೇವೆ: ಈ ವರ್ಷವೇ ತರಂಗಾಂತರ ಹಂಚಿಕೆ ಮಾಡಲಿರುವ ಕೇಂದ್ರ!
ಗ್ರಾಮೀಣ ಪ್ರದೇಶಗಳಿಗೆ ಇಂಟರ್‌ ನೆಟ್: ಇನ್ನು 2022-23 ರ ವೇಳೆಗೆ ಭಾರತದಲ್ಲಿ 5G ಸೇವೆ ಆರಂಭಿಸಲಾಗವುದು ಎಂದು ವಿತ್ತ ಸಚಿವೆ ನಿರ್ಮಾಲಾ ಸೀತಾರಾಮನ್‌ ಮಂಗಳವಾರ ಮಂಡಿಸಿದ ಕೇಂದ್ರ ಬಜೆಟ್‌ ನಲ್ಲಿ ತಿಳಿಸಿದ್ದಾರೆ. ಖಾಸಗಿ ಟೆಲಿಕಾಂ ಕಂಪನಿಗಳಿಂದ 5G ಮೊಬೈಲ್ ಸೇವೆಗಳನ್ನು ನೀಡಲು ಅನುಕೂಲವಾಗುವಂತೆ, ಅಗತ್ಯವಿರುವ ಸ್ಪೆಕ್ಟ್ರಮ್ ಹರಾಜುಗಳನ್ನು 2022ರಲ್ಲೇ ನಡೆಸಲಾಗುವುದು ಎಂದು ಸೀತಾರಾಮನ್‌ ತಿಳಿಸಿದ್ದಾರೆ.
ಅಲ್ಲದೇ ದೇಶದ ಪ್ರತಿ ಮೂಲೆಗೂ ಇಂಟರ್ನೆಟ್ ಸೇವೆ ಒದಗಿಸಲು ನಿಟ್ಟಿನಲ್ಲಿ ಆಪ್ಟಿಕಲ್‌ ಫೈಬರ್‌ ಮೂಲಕ ಗ್ರಾಮೀಣ ಪ್ರದೇಶಗಳಿಗೆ ಬ್ರಾಡ್‌ಬ್ಯಾಂಡ್, ಇಂಟರ್‌ ನೆಟ್ ಸೇವೆ ನೀಡಲಾಗುವುದು. 2025ರೊಳಗೆ ಪ್ರತಿ ಗ್ರಾಮಕ್ಕೂ ಇಂಟರ್ನೆಟ್ ನೀಡುವ ಗುರಿಯೊಂದಿಗೆ ಯೋಜನೆ ಸಿದ್ಧಪಡಿಸಲಾಗುವುದು ಎಂದು ಸೀತಾರಾಮನ್‌ ತಿಳಿಸಿದ್ದಾರೆ
ಇದನ್ನೂ ಓದಿ: ಬಜೆಟ್‌ನಲ್ಲಿ ಇ-ಪಾಸ್‌ಪೋರ್ಟ್ ಘೋಷಣೆ: ಹಾಗಂದ್ರೇನು? ಇದು ಹೇಗೆ ಕಾರ್ಯನಿರ್ವಹಿಸುತ್ತದೆ?
ಕಂಪನಿಯ ಹಳೆಯ ಉಚಿತ ಬೇಸಿಕ್ಸ್ ಪ್ರೋಗ್ರಾಮನ್ನು ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್ ಇಂಡಿಯಾ (TRAI) ತಿರಸ್ಕರಿಸಿದ ನಂತರ, ಎಕ್ಸ್‌ಪ್ರೆಸ್ ವೈ-ಫೈ ಅನ್ನು 2016 ರಲ್ಲಿ ಕ್ಲೌಡ್-ಆಧಾರಿತ ಸಾಫ್ಟ್‌ವೇರ್ ಸರ್ವೀಸ್ (ಸಾಸ್) ಪ್ಲಾಟ್‌ಫಾರ್ಮ್ ಆಗಿ ಭಾರತದಲ್ಲಿ ಪ್ರಾರಂಭಿಸಲಾಯಿತು. 2016 ರಲ್ಲಿ ಸ್ಥಗಿತಗೊಂಡ ಹಳೆಯ ಉಚಿತ ಬೇಸಿಕ್ಸ್ ಪ್ರೋಗ್ರಾಂಗಿಂತ ಭಿನ್ನವಾಗಿ, ಬಳಕೆದಾರರು ಡೇಟಾ ಪ್ಯಾಕ್‌ಗಳನ್ನು ಖರೀದಿಸಬೇಕು ಮತ್ತು ವೈ-ಫೈ ಹಾಟ್‌ಸ್ಪಾಟ್‌ಗಳಿಂದ ಇಂಟರ್ನೆಟ್ ಸೇವೆ ಪಡೆಯಬೇಕಾಗುತ್ತದೆ.
ಪಾವತಿಸಿದ ಎಕ್ಸ್‌ಪ್ರೆಸ್ ವೈ-ಫೈ ಸೇವೆಯು ಪ್ರಸ್ತುತ ಕಡಿಮೆ ಪ್ರದೇಶಗಳಲ್ಲಿನ ಬಳಕೆದಾರರಿಗೆ ಇಂಟರ್ನೆಟ್ ಸೇವೆ ನೀಡುತ್ತದೆ. ಇದನ್ನು ಪ್ರಾರಂಭಿಸಿದಾಗ, ಉತ್ತರಾಖಂಡ, ಗುಜರಾತ್, ರಾಜಸ್ಥಾನ ಮತ್ತು ಮೇಘಾಲಯದ ನಾಲ್ಕು ರಾಜ್ಯಗಳಾದ್ಯಂತ ಸುಮಾರು 700 ಹಾಟ್‌ಸ್ಪಾಟ್‌ಗಳಲ್ಲಿ ಎಕ್ಸ್‌ಪ್ರೆಸ್ ವೈ-ಫೈ ಲಭ್ಯವಿತ್ತು.
